Edu.uz

#kelajak_muhandislari

Toshkent shahrida birinchi “Kelajak muhandislari” xalqaro festivali yakunlandi

Toshkent shahrida Oliy taʼlim, fan va innovatsiyalar vazirligi tashabbusi bilan oʻtkazilgan “Kelajak muhandislari” xalqaro festivali yoshlar, muhandislar va ixtisoslashgan mutaxassislar uchun haqiqiy tantanaga aylandi. Festival doirasida yoshlar tomonidan yaratilgan zamonaviy texnologiyalar, innovatsion yondashuvlar va muhandislik ishlanmalari namoyish etildi.

Festivalda umumiy hisobda 5000 nafardan ziyod yoshlar, 10 dan ziyod xorijlik ekspertlar, 25 tadan ortiq oliy taʼlim muassasalari hamda turli sohalar vakillari qatnashdi. Dastur doirasida 11 turdagi musobaqalar, 10 ga yaqin mavzuda seminar-treninglar va hakatonlar tashkil etildi.

Festivalning yopilish marosimida Oliy taʼlim, fan va innovatsiyalar vaziri Qoʻngʻirotboy Sharipov, “Taʼlim sohasidagi loyihalar markazi” loyiha ofisi direktori Adham Xudoyqulov, Raqamli texnologiyalar vaziri oʻrinbosari Rustam Karimjonov, Yoshlar ishlari agentligi direktor oʻrinbosari Feruz Ablayarov, Oʻzbekiston texnologik metallar kombinati boshqaruv raisi maslahatchisi Shavkat Nabiyev yosh muhandislarni muborakbod etib, talovlar gʻoliblariga mukofotlar, esdalik sovgʻalarini topshirdilar.

Batafsil: https://gov.uz/oz/edu/news/view/46561

Bizni kuzating

Facebook | Instagram | YouTube | Telegram

#Inklyuziv_ta’lim

“Mehrli maktab” va Oʻzbekiston-Finlandiya pedagogika instituti: ezgulik yoʻlidagi hamkorlik

Oʻzbekiston-Finlandiya pedagogika instituti bilan gematologiya, onkologiya, klinik immunologiya kabi yoʻnalishlar boʻyicha uzoq muddatli davolanishda boʻlgan bolalar uchun tashkil etilgan “Mehrli maktab” davlat taʼlim muassasasi oʻrtasida insonparvarlik va kasbiy amaliyotni uygʻunlashtiruvchi muhim hamkorlik yoʻlga qoʻyildi.

Ushbu hamkorlik doirasida institut talabalari endilikda oʻz pedagogik amaliyotlarini “Mehrli maktab”da oʻtash imkoniyatiga ega boʻladi. Bu ularning malakasini oshirish, ijtimoiy masʼuliyatni his etgan holda haqiqiy kasbiy tajriba orttirishlariga zamin yaratadi.

Institut rektori, professor Shahzoda Negmatova maktabdagi taʼlim va tarbiya jarayonlari bilan tanishar ekan, bolalarning bilim olishga boʻlgan ishtiyoqi, ochiqligi va mehr bilan qamrab olingan muhitni alohida eʼtirof etdi. Institut talabalari tomonidan tayyorlangan esdalik sovgʻalari esa bolalar uchun iliq tuygʻular, esda qolarli onlar baxsh etdi.

Mazkur tashabbus orqali samarali taʼlimiy almashinuv, mehr, gʻamxoʻrlik va inklyuziv pedagogika tamoyillariga asoslangan chuqur amaliy hamkorlik boshlanganini anglash mumkin. Bu esa kelgusida “Gospital pedagogikasi” yoʻnalishini yanada rivojlantirishga turtki boʻladi.

Bizni kuzating

Facebook | Instagram | YouTube | Telegram

Attestatsiya sinovidan ozod etilgan oʻrta maxsus taʼlim tashkilotlari pedagoglari

Vazirlar Mahkamasining 572-son qarori bilan tasdiqlangan “Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisida”gi nizomning 36-bandida oʻrta maxsus va professional taʼlim tashkilotlarining kamida C1 darajadagi milliy yoki unga mos darajadagi xalqaro sertifikatga ega chet tili fani oʻqituvchilariga navbatdagi majburiy attestatsiyaning oʻquv fani boʻyicha malaka sinovida maksimal 80 ball berilishi belgilangan.

Shu munosabat bilan, Oliy taʼlim, fan va innovatsiyalar vazirligi tomonidan imtiyoz qoʻllaniladigan sertifikatlarga ega oʻqituvchilar roʻyxati eʼlon qilinmoqda.

Ro‘yxat yuqorida👆

Bizni kuzating

Facebook | Instagram | YouTube | Telegram