Farg‘ona davlat texnika universiteti rasmiy kanali | Matbuot xizmati

#Diqqat_muhim

“ENG YAXSHI KREATIV G‘OYA” TANLOVIGA ARIZALAR QABULI BOSHLANDI!

Farg‘ona davlat texnika universitetida “Eng yaxshi kreativ g‘oya” respublika tanlovining universitet saralash bosqichi uchun ro‘yxatdan o‘tish boshlandi

🔹Tanlovda universitetning bakalavriat va magistratura bosqichlarida tahsil olayotgan talabalar o‘z kreativ g‘oyalari yoki ular asosida ishlab chiqilgan startap loyihalari bilan ishtirok etishlari mumkin.

📌Qanday g‘oyalar bilan qatnashish mumkin:

Yangi mahsulot yoki xizmat yaratish, mavjud muammolarga noan’anaviy yechim topish, startap loyihasini shakllantirish yoki takomillashtirishga qaratilgan, innovatsion va amaliy ahamiyatga ega g‘oyalar bilan ishtirok etishga taklif etamiz.

📌G‘oliblar uchun imkoniyatlar:

🔹Universitet saralash bosqichida eng yaxshi 3 ta loyiha respublika bosqichiga tavsiya etiladi;

🔹Universitet bosqichi g‘oliblari bazaviy stipendiyaning 4 baravari miqdorida rag‘batlantiriladi

Respublika bosqichi g‘oliblariga:

1-o‘rin uchun — 100 million so‘m;

2-o‘rinlar uchun — 50 million so‘mdan;

3-o‘rinlar uchun — 25 million so‘mdan mablag‘ ajratiladi.

✨Ishtirok etish sharti: har bir talaba muallif sifatida faqat bitta loyiha bilan qatnashishi mumkin. Loyihalar komissiya oldida taqdimot shaklida himoya qilinadi.

Taqdim etiladigan hujjatlar:

Loyiha taqdimoti;

Loyihani amalga oshirish uchun xarajatlar smetasi.

Ariza topshirish muddati: 2026-yil 20-oktabr kuniga qadar

Tanlov nizomi va taqdim etiladigan hujjatlar bo‘yicha ma’lumot olish uchun ushbu Telegram guruhiga murojaat qiling

🔗 Ro‘yxatdan o‘tish:
Ariza topshirish uchun ushbu havolaga o‘ting

Kreativ g‘oyangizni taqdim eting va uni startap loyihasiga aylantirish imkoniyatidan foydalaning!

Bizni kuzating
Telegram | Instagram | Facebook | Web sayt

#Jarayon

Bugun Farg‘ona davlat texnika universiteti Ta’lim sifati nazorati bo‘limi tomonidan Arxitektura va qurilish fakulteti hamda Ishlab chiqarishda boshqaruv fakulteti professor-o‘qituvchilari ishtirokida ta’lim sifatini oshirish va universitetning milliy hamda xalqaro reytinglardagi o‘rnini mustahkamlashga bag‘ishlangan seminar tashkil etildi.

🔹Seminar davomida N.Abduqodirov tomonidan “Ta’lim sifatini oshirishda universitet professor-o‘qituvchilarining o‘rni va vazifalari”, Sh.Mo‘minov tomonidan esa “Universitetning xalqaro va milliy reytinglardagi o‘rnini oshirish mexanizmlari” mavzularida ma’ruzalar qilindi.

✨Tadbirda ta’lim sifatini ta’minlashda professor-o‘qituvchilarning mas’uliyati, o‘quv jarayonini samarali tashkil etish, zamonaviy ta’lim yondashuvlarini joriy etish hamda universitetning xalqaro va milliy reytinglardagi ko‘rsatkichlarini yaxshilash masalalariga alohida e’tibor qaratildi.

Seminar yakunida professor-o‘qituvchilar tomonidan bildirilgan savollarga atroflicha javoblar berilib, mavzular yuzasidan fikr va mulohazalar almashildi.

Bizni kuzating
Telegram | Instagram | Facebook | Web sayt

#Jarayon

Farg‘ona davlat texnika universitetida professor-o‘qituvchilar va xodimlar uchun axborot xavfsizligi hamda kiberjinoyatlarning oldini olish masalalariga bag‘ishlangan seminar tashkil etildi.

🔹Seminar davomida universitet Raqamli ta’lim texnologiyalari markazi v.v.b. direktori S.G‘anijonov hamda RTTM axborot xavfsizligini ta’minlash bo‘limi boshlig‘i O.Sharipov tomonidan internet va mobil qurilmalardan xavfsiz foydalanish, kiberjinoyatlarning oldini olish, shubhali havolalar va fayllardan ehtiyot bo‘lish, bank karta ma’lumotlari hamda SMS-kodlarni begona shaxslarga bermaslik bo‘yicha zarur tushunchalar berildi.

🖇️Shuningdek, APK “Qo‘riqchi” ilovasidan foydalanishda axborot xavfsizligi talablariga rioya qilish, uning soxta (feyk) versiyalarini o‘rnatmaslik hamda ilovani faqat rasmiy Google Play (Play Market) manbasidan yuklab olish lozimligi alohida ta’kidlandi.

Mazkur targ‘ibot-tushuntirish ishlari universitet jamoasining axborot xavfsizligi bo‘yicha bilim va ko‘nikmalarini oshirish, shuningdek, kiberjinoyatlarning oldini olishga qaratilgan.

Bizni kuzating
Telegram | Instagram | Facebook | Web sayt

#IT_QUEENS

Farg‘ona davlat texnika universiteti talaba-qizlari “IT Queens” tanlovining viloyat bosqichida yuqori natijalarga erishdi

Farg‘ona davlat texnika universiteti talaba-qizlari “IT Queens — Kelajakni yaratuvchi qizlar” tanlovining Farg‘ona viloyati bosqichida axborot texnologiyalari, sun’iy intellekt, mexatronika va robototexnika yo‘nalishlaridagi innovatsion loyihalari bilan munosib ishtirok etdi.

🔹Tanlov yakunlariga ko‘ra, universitet vakillari 8 ta yo‘nalishda sovrinli o‘rinlarni qo‘lga kiritdi. Jumladan, 3 ta birinchi, 2 ta ikkinchi va 3 ta uchinchi o‘rin FDTU talaba-qizlariga nasib etdi.

📌1-o‘rin natijalari quyidagicha:

🔹 Abdurahimova Mubiynaxon Ikrom qizi — Ishlab chiqarishda boshqaruv fakulteti 660-23 RI guruhi talabasi. “Raqamli ta’lim” yo‘nalishida “TeacherTraker” loyihasi;

🔹 G‘aniyeva Sohiba Turg‘unbayevna — Axborot texnologiyalari va sun’iy intellekt fakulteti 520-23 ATT guruhi talabasi. “Mobil ilovalar” yo‘nalishida “LibroKids” loyihasi;

🔹 Kenjayeva Nodirabegim Axmadjonovna — Telekommunikatsiya va kiberxavfsizlik fakulteti 547-23-ATT guruhi talabasi. “Kiberxavfsizlik” yo‘nalishida “Temur AI” loyihasi.

📌2-o‘rin natijalari:

🔹 Abduvaliyeva Malika Nuriddin qizi — Energetika muhandisligi fakulteti 67-23 EAICHT guruhi talabasi. “Mexatronika va robototexnika” yo‘nalishida “Penoplastdan yasalgan 90 tuxumli avtomat inkubator” loyihasi;

🔹 Yoqubjonova Mohichehra Ahrorjon qizi — Axborot texnologiyalari va sun’iy intellekt fakulteti 610-24 KI guruhi talabasi. “Sun’iy intellekt” yo‘nalishida “ImkonAI” loyihasi.

📌3-o‘rin natijalari:

🔹 Valiyeva Gulasal Nabijon qizi — Axborot texnologiyalari va sun’iy intellekt fakulteti 55-24 SI guruhi talabasi. “Dasturiy ta’minot” yo‘nalishida “Yotoqxonam” loyihasi;

🔹 Jo‘raboyeva Umida Zafar qizi — Axborot texnologiyalari va sun’iy intellekt fakulteti 53-25 SI guruhi talabasi. “Veb-ishlanmalar” yo‘nalishida “Dermo Qo‘l” loyihasi;

🔹 Tolibjonova Marjona Xayrullo qizi — Energetika muhandisligi fakulteti 48-24 E va A guruhi talabasi. “Aqlli qurilmalar va IoT yechimlari” yo‘nalishida “To‘qimachilik korxonalarida yong‘inni avtomatik aniqlash, o‘chirish va ogohlantirish tizimini ishlab chiqish” loyihasi.

G‘olib va sovrindor talaba-qizlarimizni ushbu yutuqlari bilan samimiy muborakbod etamiz!

Bizni kuzating
Telegram | Instagram | Facebook | Web sayt