Abbos | Repititor

Калит кўникма

"Бугунги куннинг саводсизи ўқишни билмайдиган инсон эмас. Бугунги куннинг саводсизи қандай қилиб ўрганишни ўрганмагандир!"

"Today's illiterate will not be the man who can't read. He will be the man who has not learned how to learn."
– Herbert Gerjvoy

Ҳар бир асрнинг ўз калит кўникмаси бўлган. Буни мукаммал ўзлаштирган инсон эса муваффақиятга эришган.

Масалан:

XV асрда — жанг санъати;
XVI-XVII асрларда — ишлаб чиқариш;
XIX-XX асрларда — инженерлик, муҳандислик, кодлар ясаш, "IT" кабилар.

XXI асрдачи?

Бугунги дунё жуда тез ўзгараяпти — технологиялар, фан, иқтисодиёт, ва ҳатто кундалик ҳаёт ҳам ўзгаряпти.

Эски билимлар эскириб қолаётган бир пайтда, энг муҳим нарса — доимий ўрганиш қобилияти, қандай ўрганишни билиш ва мослашувчанлик.

Агар инсон қандай қилиб тез ва самарали ўрганишни билса, у ҳар қандай соҳада муваффақиятга эришиши мумкин.

Кимдир дастурчи бўлишни истаса, ёки бизнес очмоқчи бўлса, ёки янги тил ўрганмоқчи бўлса — энг катта фарқ уларнинг ўзлаштириш тезлигида бўлади.

XXI асрда асосий калит кўникма:

✓Тез ва самарали ўрганиш.

Шуни ҳам эсда сақлаш керакки, бу кўникма доим интизом билан бирга келади. Керакли билимни кераксиз билимдан ажрата билиш ҳам муҳим.

Ким бу кўникмани мукаммал ўзлаштирса, XXI аср талабларига мослашиб, ҳар қандай шароитда муваффақиятга эришиши мумкин!

Пост муаллифи: @gulnoza_notes

@Ustoz_kundaligi

Tayyormisizlar? Jamoamiz bilan “ZUKKOTEST” loyihasiga start berdik!

Endi bilimdon yoshlar o‘z bilimini sinab ko‘rish bilan birga qimmatbaho sovg‘alar yutib olishlari ham mumkin. 13-mart kuni quyidagi yo‘nalishlar bo‘yicha test sinovlari o‘tkaziladi:

1. “Mutolaa” ilovasidan “Galaktikada bir kun” 1-2 kitob;
2. “Ibrat farzandlari” loyihasining “Present Simple Tense” 5-darsligi;
3. “Ustoz AI” loyihasining 5-sinf matematika darsligi;
4. “Uzchess” loyihasining “Shaxmat tarixi” darsligi;
5. “Zakovat” intellektual savollari

Test qanday o‘tadi?
• 45 ta savol (turli mavzulardan tasodifiy tanlanadi);
• Har bir savolga 1 daqiqa vaqt.

⚡️Mukofotlar:
70%+ natija: “Mutolaa” va “Ibrat Academy” ilovalari uchun 50% chegirma;
TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna;
TOP10 bilimdon: Har biriga 1 million so‘m pul mukofoti.

Ishtirok etish uchun @kitobxontestbot orqali ro‘yxatdan o‘ting va hozirdan tayyorgarlikni boshlang!

#qisqa
Noto'g'ri tushuncha: aql – daromad manbai

Aqliy mehnat odatda jismoniy mehnatdan ko‘proq haq oladi. Shu sabab jamiyatda quyidagi tushuncha shakllangan: qanchalik aqlli bo‘lsang, shunchalik ko‘p daromad topasan.

Aslida esa bu noto‘g‘ri. Mehnatga to‘lanadigan haq aqliy yoki jismoniy ekaniga bog‘liq emas, balki talabga bog‘liq. Masalan, kemasida oilasini amallab boqadigan oddiy baliqchiga odatda kam haq to‘lansa-da, lekin suv toshqini bo‘lsa, u bir zumda eng kerakli kasblardan biriga aylanadi. To'g'ri bu ekstremal misol, ammo mantiq aniq: boylik aqlning emas, talabning ortidan keladi.

Nima demoqchiman:
Har qanday ilmga sarflangan investitsiya o'zini yuz foiz oqlayvermaydi. Balki o'sha ilmga kelajakda qay darajada talab bo'ladi degan shart ham formulaning bir qismi bo'ladi!

*qisqa postlar uchun #qisqa ni bosing!

Ҳозирги замонда олий маълумот керакми?

Мен ҳозир ҳам шу саволни бериб юрганларга жуда ҳайрон қоламан, масалан, мен олий маълумот керак эмас, олий маълумотсиз ҳам муваффақиятга эришса бўлади деган кўплаб ёшларни биламан, орадан беш-олти йил ўтиб учратиб қолсангиз, тайинли бир касбни эгалламаган ёки аниқ бир ишнинг бошини тутмаган бўлади, лекин яна сўрасангиз, олий маълумот керак эмас, усиз ҳам яшаса, бўлади, лекин…

Ҳа, олий маълумотсиз ҳам ишини топиб юрганлар кўп, лекин айнан уларнинг кўпчилигини айнан бир ҳунарнинг бошини тутган, улар аниқ бир ишининг тайини йўқ одамлар эмас, бу биринчи омил, иккинчиси, биз олий маълумот деганда фақат дипломни тушуниб қолганмиз, аслида эса олий маълумот бир касбни чуқурроқ эгаллаш учун, тўғрироғи илм олиш учун сарфланадиган вақт деб қарашимиз керак.

Аслида Андерс Эриксон тадқиқотларига асосланган ҳолда Малколм Гладуэлл ўзининг “Outliers” (“Ноёблар”) китобида айтган 10000 соат қоидаси ҳали ҳам ва ҳар замонда ишлайди, бир касб ёки ҳунарнинг устаси бўлиш учун сиз шунга 10 000 соат умрингизни сарфлашингиз керак, аслида агар чин дилдан бир касбни эгаллаш учун айтойдил ҳаракат қилсангиз, 4-6 йил вақт кетади, бу эса айнан олий маълумот олиш учун етадиган вақт ҳисобланади.

Энди агар сиз танлаган олийгоҳ дастурни шундай оқилона, ортиқча маълумотлардан ҳоли, назария ва амалиётни уйғун шаклда туза олса ва сизга фақатгина касбингизнинг устаси бўлиш учун етарлича билим ва илм бера олса, демак сиз тўғри олийгоҳ танлагансиз. Энди фақатгина тўғри олийгоҳ танлашнинг ўзи етарли эмас, балки ўша танлаган йўналишга ўзингиз ҳам қизиқишингиз, ўзингиз ҳам билимга ташна бўлишингиз талаб этилади.

Агар соҳанинг ўзи сизга қизиқ бўлмаса, ундан ҳам бир нима чиқиш қийин, баъзи инсонларнинг дипломни олгандан кейин таксичилик қилиб юрганини эшитиб қоламиз, менинг таҳлилларимга кўра ўша одамларнинг дипломли таксист бўлишига ҳам иккита асосий сабаб бор:

1. Тўғри соҳа танлаган, аммо олийгоҳга кириб ҳафсаласи пир бўлган, ўқиш айтгандек эмас, берилаётган маълумотлар эски, қизиқарсиз дарслар тўғри танланган соҳага қизиқишни йўқотиб юборган.

2. Тўғри олийгоҳ танланган, аммо тўғри соҳа танланмаган, яъни бола ўзининг қизиқишларига кўра эмас, балки жамият, атрофдагиларнинг босимига кўра соҳа танлаган, бунда ҳам катта хато келиб чиқади, ҳатто энг зўр профессорларнинг бераётган маълумоти ҳам қизиқарсиз бўлиб қолади, чунки соҳанинг ўзи қизиқ эмас.

Мана шу иккисини бирлаштира олганлар эса доимо ютуқда қолади.

@bektoshkhatamov

O’zini aldayotgan kelajak

• 10 oy qolganda boshlaydi. Vaqtga mos qiyinchilik berganda fanni qiyinligidan noliydi.

6 yillik fanni 10 oyda o’rganish uchun o’tgan 6 yildek yashamasliging aniq ediku.

• Pul to’ladim. Endi olish-olmaslik, borish-bormaslik, vazifani qilish-qilmaslik o’zini xohishi deb o’ylaydi.

Sen ustozni vaqtiga pul to’lading. Ilmga esa puling yetmaydi. Asabiyu, salomatligiga ham.

• Ilmsizlikdan chiqishni xohlaydi. Ilm olishga keladi va shunday muhit. Ilmlilar orasidan chiqadi, yana o’sha ilmsizlar davrasi.

Bittasini tanla, ilmlilar muhiti yoki ilmsizlar. O’zingni ikkiga bo’la olmaysan. Bo’ldingmi, sen ham ilmsizlardansan.

• Uzoqda miltillab turgan yorug’likka qarab suzishadi. Oxiri g’arq bo’lishadi. U illuziya edi. Yorug’likni qattiq istaganganlar uchun, yulduz ham chiroqdek ko’rinadi.

Soddaroq tushuntirsam. Kim nima maslahat bersa qilib ketaverishadi. Filtrni osoniga to’g’irlashadi. Qiyin bo’lsa ham natijaviyligiga qarab emas.

Oson yo’llarini izlab, energiyaga to’la yoshliklarini qurbon qilishadi. Natijada kelajak riskda.

Katta natija va qiyinchilik doim yonma-yon yuradi. Boshqacha yo’li yo’q. Yo’li bor deydiganlarni o’ljasi bo’lma.

@javokhir_toshpulatov

Мияни зўрлаш керак.

Инсон мияси ҳеч қачон бирор янгиликни, янги нарсани ўрганишни хоҳламайди, чунки миянинг асосий вазифаси: тирик қолиш, яъни мия фақатгина қандай қилиб бўлмасин танани тирик ҳолатда сақлаб туриш ҳақида ўйлайди, ортиқча ҳаракатлардан максимал сақлайди.

Шунинг учун инсон ўзи доимий равишда янги нарсаларни ўрганишга, тана олдин қилмаган ҳаракатларни қилишга ўзини мажбурлаши керак, акс ҳолда мия сизни дангаса қилиб қўяди.

@bektoshkhatamov