SOF TA'LIMOTLAR

#Мақола #Мазҳаб #Раддия

#Мавзу: МАЗҲАБСИЗЛИК ДИНСИЗЛИККА ЙЎЛ

Мазҳабсизлик- деганда хам асримиз уламоларидан бўлган Муҳаммад Саид Рамазон Бутий роҳимаҳуллоҳни энг муносиб таърифлари «Мазҳабсизлик Ислом шариатига таҳдид солувчи энг хатарли бидъат» деганидир.
Шу мавзуъда сўз юритар еканмиз аввало "мазҳаб " сўзини луғавий ва шариъатдаги таърифига мухтожмиз.
«Мазҳаб» сўзи араб тилида «кетди», «борди» маъносини англатувчи «заҳаба» феълидан олинган бўлиб, «йўл», «йўналиш» деганидир. Шаръий истилоҳда "тўртта фиқҳий мазҳаб имомларининг йўлларидир"
Минг афсуслар бўлсинки баъзан, "Мазҳаб "деган нарса Расулуллоҳнинг даврларида бўлмаган, биз уларга эмас Аллоҳ ва Расулига эргашамиз деб бонг уриб, Аллоҳни улуғ каломи ва Росулуллоҳ соллаллоҳу алайҳи васалламни ҳадиси муборакларини, ўз раъйилари билан фаҳмлаётганлар ҳам йўқ эмас.
Қуръони Карим ва Росулуллоҳ соллалоҳу алайҳи васалламни ҳадиси муборакларини, уламоларимиз шарҳлари билангина фаҳмламоқга буюрилганмиз. Китобу суннатни ўзидан, ўзимизча таъвил қилишдан эса қайтарилганмиз.
Пайғамбаримиз соллаллоҳу алайҳи васаллам Қуръон ҳақида раъй билан гапиришни ҳаром деганлар: Ибн Аббос розияллоҳу анҳудан ривоят қилинган ҳадисда Пайғамбаримиз соллаллоҳу алайҳи васаллам шундай дедилар: «Мендан эшитилмаган ҳадисларни (ривоят қилишдан) сақланинглар. Кимки менга ёлғонни нисбатини берса, у ўзига дўзахдан жой тайёрлабди. Кимки Қуръонни ўзича тафсир қилса, у ўзига дўзахдан жой тайёрлабди».
Жундуб розияллоҳу анҳудан ривоят қилинган ҳадисда Пайғамбаримиз соллаллоҳу алайҳи васаллам дедилар: «Кимки Қуръондан ўз раъйи билан гапирса, рост гапирса ҳам, хато қилган бўлади»;
Улар ўзларини мазҳабсиз деб даъво қиладилар-у, аслида ўзлари ҳам намоз ва бошқа ибодатларда айнан тўрт машҳур мазҳаб имомларидан бирига эргашади.
Хулосаи калом шуки, Тўрт мазҳабдан бирини маҳкам тутиш вожиб саналади. Бунга барча мусулмонлар уммати ижмоъ қилган. Ҳатто Муҳаммад Саид Рамазон Бутий ҳазратлари: “Мазҳабсизлик диндан чиқишга олиб борадиган кўприкдир”, деганлар.

Маъруфхон Алоходжаев,
Наманган шаҳар "Абдуқлқодир қори" жоме масжиди имом-хатиби

🌐 КАНАЛИМИЗ: @SOFTALIMOTLAR

#Мақола #Ихтилоф #Раддия

#Мавзу: “Ҳизб ат-таҳрир”нинг нотўғри фатволари

- аёлларнинг замонавий кийимларни кийиши ва бу йўлда турмуш ўртоғига бўйсинмаслиги мумкин;
- бегона аёлни ўпиш (хоҳ шаҳват билан, хоҳ шаҳватсиз);

- ҳаёсиз сувратларга қараш ва беҳаё фильмларни кўриш;
- ўзининг маҳрамларига уйланган кишига ўн йил қамоқ жазосини белгилаш;

- Ислом давлатининг раҳбари кофирлардан бўлиши мумкин дейиши;

- фазогир ва ернинг икки қутбида яшовчи мусулмонларнинг зиммасидан намознинг соқит бўлиши;
- уч йилгача экин ерларидан фойдаланмаган кишининг ерини бошқа одамга олиб беришни шарт деб билиш;
- закоти бериб турилган бўлса ҳам, ишлатилмасдан турилган бойликларни ҳаром деб ҳисоблаш.

Шунингдек, “Ҳизб ат-таҳрир” жамоаси ўзининг қабр азоби ва дажжолнинг чиқиши каби ақидавий масалаларга қарши эътиқоди билан муътазилия таълимотига мувофиқ фикр юритган.

Партиянинг яна, тарбиявий ишларни то Ислом давлатини барпо қилгунга қадар тўхтатиб туриш керак, деган фикри ҳамда Ислом ҳуқуқшунослиги ва инсон табиатига зид ҳисобланади.

Янгиқўрғон тумани "Бекобод" жоме масжиди имом ноиби Абдулҳаким Шарипов

🌐 КАНАЛИМИЗ: @SOFTALIMOTLAR

#Мақола #Ихтилоф #Раддия

#Мавзу: Ихтилоф
Баъзи шахс ва жамоалар ўзларидан ислом етакчилари ясаб олишади. Улар ўз мабдаъларини, фикрларини, режаларини ва стратегияларини тузиб олиб сўнгра қуръони каримдан ўша мабдаъларини қўллаб қувватлайдиган ҳужжат қидиришади. Улар ўзларини ислом етакчилари деб ҳисоблашади, динга эргашувчилар эмас.
Айнан ана шу иш Аллоҳга қарши боришдир. Исломни сохталаштиришдир. Ана шу касофатлар сабаб майдонда " мўътадил ислом ", " радикал ислом", " сиёсий ислом", "ислом экстремизми", "ислом терроризми" каби атамалар пайдо бўлди.
Аслида ислом битта. Уни қуръони карим ва суннати набавийя ифода этади. Ана шу асл исломни ифода этадиган қуръони каримни ва суннати набавийяни фақатгина покизалар фаҳмлаши мумкин. Яъни, ҳавойи нафсидан покизалар, шахсий ғаразлардан покизалар...
Аллома Абул Ҳасан Надвий раҳимаҳуллоҳ ўзининг китоби муқаддимасида айтади:
" Бу китобни ёзишдан мақсадим бир ғояга асос солиб сўнгра тарихни ўша ғояга бўйсундириш эмас. Тарихни холис(беғараз) ўрганишдир".
Биз ўз қарашларимизга диндан ҳужжат-далил қидиришимиз керак эмас, балки қарашларимизни динга мослаштиришимиз лозим. Зеро динни биз эмас, аксинча дин бизни бошқаради!

Манбалар асосида таёрланди
Фазлиддин Салимов .
Мингбулоқ тумани “Мулла Тожи Аҳмад” жоме масжиди имом-хатиби

🌐 КАНАЛИМИЗ: @SOFTALIMOTLAR

#Мақола #Мазҳаб #Раддия

#Мавзу: Майитга қуръон савоби борадими?

Аҳли биддиат кишилар Қуръон марҳумларга унинг савоби етмайди, бу бидъат, фақат дуо қилиш мумкин”, дейишади.
Аслида кўпчилик уламолар Қуръон тиловатининг савоби дунёдан ўтганларга етади деганлар.
Ҳанафий мазҳабимизнинг забардаст имомларидан Абу Жаъфар ат-Таҳовий “Ал-Ақидатут-Таҳовия” китобида:
яъни: “Тирикларнинг дуо ва садақаларидан ўлганларга манфаат бордир”, деб келтирадилар.
Имом Абу Ҳанифа, Имом Аҳмад ибн Ҳанбал ва жумҳур уламолар “Баданий ибодатнинг савоби ўлганларга етади”, деганлар.
Замондош олимлардан доктор Саъид Абдуллатиф Фуда “Шарҳул кабир ала Ақидатут Таҳовия” китобида шундай ёзади:
яъни: «Ибнул Ҳож “Мадҳал” китобида: “Ким қироати ҳеч хилофсиз (майитга) етишини хоҳласа, шу ишини “Эй Аллоҳ! Қироатимнинг савобини фалончига бергин (етказгин)”, деб дуога айлантирсин”, дейди».
Ушбу таълим асрлар оша мусулмон оламида амалда жорий бўлиб келган. Шу билан бирга, ўтганларнинг номидан яхши амаллар қилиб, савобини уларга бағишлаш ҳам бевосита Расулуллоҳ соллаллоҳу алайҳи ва салламнинг тавсиялари билан жорий қилинган амалдир.
Ҳанафий аллома Бадриддин Айний Ўликка фойда бўлишига мисол қабр олдида Қуръон қироат қилиш ва зикр учун тўпланишдир, чунки майит бу нарсалардан манфаат кўради. Абу Довуд Маъқал ибн Ясордан ривоят қилади. У киши айтдилар: “Расулуллоҳ: “Ўликларингизга “Ясин”ни ўқинг”, дедилар”. Бу ҳадисни Насоий ва Ибн Можа ҳам ривоят қилган. Бу ҳадис ёнида ўқилган Қуръондан майит манфаат кўришига далолат қилади ва “майит Қуръон қироатидан манфаат кўрмайди” деганларга қарши ҳужжат бўлади» (“Умдат ул-қори” китоби).
Абу Ҳанифа ва Аҳмад разийаллоҳу анҳумо Қуръон қироатининг савоби майитга етади, деганлар» (“Умдат ул-қори” китоби).
Хулоса шуки, бир қанча манбаларда Қуръон қироатининг савоби вафот этганларга етиб бориши айтилган. Бу ҳақда етарлича далилларимиз мавжуд. Қолаверса, бир қанча фиқҳий китобларимизда ҳам бу масала очиқ-ойдин баён қилинган. Масалан, «Ҳидоя», «Бадоиъ», «Баҳр» ва бошқа китобларда бу ҳақда етарлича маълумотлар топилади. Шундай экан, бу борадаги ҳар хил нотўғри фатволарга эътибор бермаслик керак.

Косонсой тумани "Мулла Раҳим қори" жоме масжиди имом хатиби Юсуфхўжаев Шарифхон.

🌐 КАНАЛИМИЗ: @SOFTALIMOTLAR