Yuridik maslahat 7/24

BOQUVCHISINI YO'QOTGANLIK UCHUN TO'LANADIGAN PENSIYA HAQIDA

#SAVOL
meni erm vafot etgan , oʻgʻlim bor . Men qayta oila qursam boquvchisini yoʻqotganlik nafaqasi toʻxtatiladimi yoki oʻgʻlimi familyasi oʻzgarmasa olaveradimi

#YURISTDAN_JAVOB
✅ O'zbekiston Resp[ublikasi "Fuqarolarning davlat pensiya ta'minoti to'g'risida"gi qonunning 19-moddasiga ko'ra, boquvchisini yo‘qotganlik pensiyasi olish huquqiga ega bo‘lgan voyaga yetmagan farzandlar, ular farzandlikka olinganlarida ham bu huquqni saqlab qoladilar.
☝️ Shuningdek mazkur qonunning 23-moddasiga ko'ra, Er (xotin)ning vafot etganligi sababli tayinlangan pensiya pensioner yangi nikohdan o‘tganida ham saqlanib qoladi.

Savol yuborish:
👉 @Yurist_724

🫵 Bizga qo‘shiling❗️
https://t.me/yuridik_blog

#yurist #yuridik #адвокат #savol #pensiya #boquvchi

🗡🔪⚔️ FUQAROLIK HUQUQLARINI HIMOYA QILISH USULLARI

Subyektiv fuqarolik huquqini real amalga oshirishni namoyon bo‘lish holatlaridan biri bo‘lib zimmasiga majburiyat yuklangan shaxsni agar u majburiyatini ixtiyoriy ravishda bajarmasa, majburiyatni bajarishga majbur qilish hisoblanadi.
✅ Fuqarolik huquqlarini himoya qilish usullarini Fuqarolik Kodeksining 11-moddasida mustahkamlab qo‘yilgan bo‘lib, quyidagilardan iboratdir:
• Huquqni tan olish;
• Huquq buzilishidan oldingi holatni tiklash va huquqni buzadigan yoki uning buzilishi xavfini tug‘diradigan harakatlarning oldini olish;
• Bitimni haqiqiy emas deb topish va uning haqiqiy emasligi oqibatlarini qo‘llash;
• Davlat organlarining yoki fuqarolarning o‘zini o‘zi boshqarish organining hujjatini haqiqiy emas deb topish;
• Shaxsning o‘z huquqini o‘zi himoya qilishi;
• Burchni aslicha (natura) bajarishga majbur qilish;
• Zararni to‘lash;
• Neustoyka undirish;
• Ma’naviy ziyonni qoplash;
• Huquqiy munosabatlarni o‘zgartirish yoki bekor qilish;
• Davlat organining yoki fuqarolarniong o‘zini o‘zi boshqarish organining qonunga zid hujjatini sudning qo‘llamasligi.

🏛 Fuqarolik huquqlari qonunda nazarda tutilgan boshqacha usullar bilan ham himoya qilinishi mumkin. Masalan intellectual mulk huquqini himoya qilishning maxsus usullari Fu qarolik Kodeksining 1040-moddasida belgilangan bo‘lib, mutlaq huquqlar qaysi moddiy obyektlar yordamida buzilgan bo‘lsa, o‘sha moddiy obyektlarni hamda bunday buzish natijasida yaratilgan moddiy obyektlarni olib qo‘yish orqali yoki yo‘l qo‘yilgan buzish haqidagi ma’lumotni majburiy suratda e’lon qilib, unga buzilgan huquq kimga tegishliligi to‘g‘risidagi ma’lumotlarni kiritish orqali ham himoya qilish mumkin.
Fuqarolik huquqlarini himoya qilish tartibi ham o‘z mohiyatiga ko‘ra umumiy va maxsus tartibga bo‘linadi. Fuqarolik huquqlarini himoya qilishning umumiy tartibi umumyurisdiksiya sudlari va xo‘jalik sudi orqali himoya qilish asosida, shuningdek fuqaroning o‘z huquqlarini o‘zi himoya qilishidan iborat bo‘ladi.

Savol yuborish:
👉 @Yurist_724

🫵 Bizga qo‘shiling❗
https://t.me/yuridik_blog

#yurist #yuridik #адвокат #савол

МУДДАТЛИ МЕҲНАТ ШАРТНОМАСИНИ (Онлайн😲) БЕКОР ҚИЛИШ?

#SAVOL

Хусусий ташкилотда муддатли меҳнат шартномаси асосида ишлаётган ходимни ҳеч қандай огоҳлантиришсиз, шартнома вақти тугаши биланоқ, меҳнат шартномасини бекор қилиб юбориш мумкинми? Меҳнат шартномасини онлайн бекор қилиб, ходимни ишдан бўшатиб юборса бўладими?

#JAVOB

🤔Муддатли меҳнат шартномаси нима?

Ўзбекистон Республикаси Меҳнат Кодексининг 110-моддасига кўра, меҳнат шартномаси номуайян муддатга ёки муайян муддатга тузилади. Агар меҳнат шартномасида унинг амал қилиш муддати шартлашилмаган бўлса, шартнома номуайян муддатга тузилган деб ҳисобланади. Муддатли меҳнат шартномасининг муддати келажакда юз бериши мумкин бўлган воқеа-ҳодисаларга боғлаб қўйилиши ҳам мумкин. Уч йилдан кўп бўлмаган муддатга тузилган меҳнат шартномалари муайян муддатга тузилган (муддатли) меҳнат шартномаси деб аталади.

☝️Муддатли меҳнат шартномасини бекор қилиш?

Энди бевосита саволга жавоб берсак, умумий қоидага кўра, ҳар қандай меҳнат шартномаси бекор қилиш асосидан қатъий назар, шартномани бекор қилмоқчи бўган тараф иккинчи тарафни олдиндан огоҳлантириши шарт, айрим ҳолларда шартномани бекор қилиш тўғрисида касаба уюшмасининг розилигини олиш ёки уни хабардор қилиш талаб этилиши мумкин.
Меҳнат Кодексининг 158-моддасига кўра, Муддатли меҳнат шартномаси унинг амал қилиш муддати тугаши билан бекор қилинади. Меҳнат шартномасини унинг амал қилиш муддати тугаганлиги муносабати билан бекор қилиш тўғрисида якка тартибдаги меҳнатга оид муносабатларни ушбу асос бўйича тугатишга қарор қилган тараф бошқа тарафни меҳнат шартномаси бекор қилингунига қадар камида уч календарь кун олдин ёзма шаклда огоҳлантириши керак, бундан иш жойи (лавозими) сақланаётган ходим йўқ бўлган даврга тузилган муддатли меҳнат шартномасининг амал қилиш муддати тугайдиган ҳоллар мустасно.
Агар меҳнат шартномасининг муддати тугаганидан кейин якка тартибдаги меҳнатга оид муносабатлар давом этса ва тарафлардан бирортаси ҳам ушбу модданинг биринчи қисмида назарда тутилган тартибда бир ҳафта давомида уларнинг тугатилишини талаб қилмаган бўлса, шартнома номуайян муддатга тузилган деб ҳисобланади.
Иш жойи (лавозими) сақланаётган ходимнинг йўқ бўлган вақтига тузилган меҳнат шартномаси ушбу ходим ишга қайтган кундан эътиборан бекор қилинади.

😇 Меҳнат шартномасини онлайн бекор қилиш?

Бизнингча, меҳнат шартномаси космосдан туриб бекор қилинган тақдирда ҳам, агар белгиланган тартибда муайян меҳнат шартномасини бекор қилиш талабларига риоя қилинса, қонун бузилиш ҳолати ҳисобланмайди.
Муддатли меҳнат шартномасини муддати тугаганлиги муносабати билан бекор қилишнинг зарурий шарти, шартномани бекор қилишдан манфаатдор тараф бошқа тарафни меҳнат шартномаси бекор қилингунига қадар камида уч календарь кун олдин ёзма шаклда огоҳлантириши керак. Мазкур ҳаракат меҳнат шартномаси муддати тугагандан сўнг бир ҳафта ичида амалга оширилишига эътибор қаратиш лозим. Ходимни огоҳлантирмасдан ишдан бўшатиш меҳнат ҳуқуқи бузилиши ҳисобланади.

Савол юбориш👇
👉@Yurist_724

🫵 Бизга қўшилинг!
https://t.me/yuridik_blog

#SAVOL

Savolim boridi.
Man bugun shuni bildimki,
Farzandim 1 yildan beri (otgan yili sentabrdan) boradigan bogchani mudirasi...Bu yil 14 oktabrda mani ruhsatimsiz,habarimsiz farzandim uchun bogchaga joylashtirishga ariza berib yollanma olgan va qaytadan bolamni o‘sha bogchaga joylashtirgan...Buni natijasida man navbatga qoygan boahqa 2 ta bog'chanin navbatlari kuyib ketgan..(man aynan shu navbatlani kelishini ketvotudim, bogchani almashtirish maqsadida)

#JAVOB

Vazirlar Mahkamasining 2018-yil 28-martdagi 244-sonli qarori bilan tasdiqlangan Bolalarni davlat maktabgacha ta’lim tashkilotlariga qabul qilish bo‘yicha davlat xizmatlari ko‘rsatishning Ma'muriy Reglamenti 8-ko'ra,
✅ Ota-onalar, ularning o‘rnini bosuvchi shaxslar (farzandlikka oluvchilar, vasiylar va homiylar), bolalarning yaqin qarindoshlari (bobosi, buvisi, voyaga yetgan akasi yoki opasi) yoki uchinchi shaxslar (keyingi o‘rinlarda — ariza beruvchilar) yo‘llanmalar olish uchun davlat xizmatlari markazlariga o‘zlari kelib murojaat qiladilar yoki elektron shaklda davlat xizmatlaridan foydalanish uchun mustaqil ravishda (yoki vakolatli organ yordamida) YIDXPda ro‘yxatga olinadilar, shuningdek, davlat xizmatidan kompleks tarzda foydalanish uchun fuqarolik holati dalolatnomalarini yozish organiga tug‘ilishni qayd etish bilan bir vaqtda murojaat qilishlari mumkin.
☝️Bolani uchinchi shaxslar tomonidan tashkilotga navbatga qo‘yish yoki yo‘llanma olish uchun murojaat etish faqat ota-onalar, ularning o‘rnini bosuvchi shaxslar yoki bolaning yaqin qarindoshlari tomonidan berilgan ishonchnoma asosida amalga oshiriladi.
❕Mazkur Reglamentning 11-bandiga ko'ra, Bola bir nechta tashkilotga navbatga qo‘yilib, ulardan biriga yo‘llanma shakllangan va bola rasmiylashtirilgan bo‘lsa, boshqa tashkilotlarga navbatga qo‘yish bo‘yicha so‘rovnomalar bekor qilinadi hamda avtomatik ravishda navbatdan chiqariladi, tashkilotning qisqa muddatli guruhlariga qabul qilingan holatlar bundan mustasno.

📝 Demak agar yuqoridagi kabi holat kuzatilgan bo'lsa, ya'ni 3-shaxslar tomonidan ota-onaning ruxsatisiz, ishonchnomasiz navbatga qo'yilgan bo'lsa, ular tegishli ravishda davlat xizmatlarini ko'rsatish tartibini buzganlik uchun javobgar bo'ladilar, agar bolani uchinchi shaxslar tomonidan (ishonchnomasiz) ro'yxatga qo'yish bevosita Davlat xizmatlari markaziga tashrif buyurib amalga oshirilgan bo'lsa, belgilangan tartibda davlat xizmatini ko'rsatgan xodim ham javobgarlikka tortilishi mumkin.
⚡️ Mazkur vaziyatda siz hududingizdagi adliya organlariga shikoyat qilishingiz mumkin, chunki Reglamentning 27-bandiga ko'ra, O‘zbekiston Respublikasi Adliya vazirligi, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari Reglament talablarining bajarilishi bo‘yicha davlat organlari va boshqa tashkilotlarning faoliyati yuzasidan, shu jumladan, YIDXP orqali doimiy nazoratni va monitoringni amalga oshirishga mas'ul hisoblanadi.

#ТАРҚАТИНГ

Бизга қўшилинг🫵
https://t.me/yuridik_blog

#SAVOL

Assalmu aleykum 2 nafar voyaga yetmagan farzandim bor erm ishsiz qancha aliment tulaydi?

#JAVOB

✳️ Ўзбекистон Республикаси Оила кодексининг 99-моддасига кўра, Агар вояга етмаган болаларига таъминот бериш ҳақида ота-она ўртасида келишув бўлмаса, уларнинг таъминоти учун алимент суд томонидан ота-онанинг ҳар ойдаги иш ҳақи ва (ёки) бошқа даромадининг бир бола учун — тўртдан бир қисми; икки бола учун — учдан бир қисми; уч ва ундан ортиқ бола учун — ярмиси миқдорида ундирилади. Бу тўловларнинг миқдори тарафларнинг моддий ёки оилавий аҳволини ва бошқа эътиборга лойиқ ҳолатларни ҳисобга олган ҳолда суд томонидан камайтирилиши ёки кўпайтирилиши мумкин.
☝️Ҳар бир бола учун ундириладиган алимент миқдори қонунчилик билан белгиланган меҳнатга ҳақ тўлаш энг кам миқдорининг 26,5 фоизидан кам бўлмаслиги керак.

✳️ Оила кодексининг 140-моддасига кўра, Ушбу Кодекснинг 99-моддасига асосан вояга етмаган болаларга тўланадиган алимент қарзининг миқдори алимент тўлаши шарт бўлган шахснинг иш ҳақи ва (ёки) бошқа даромади миқдоридан келиб чиққан ҳолда алимент ундирилмаган вақт учун ҳисоблаб чиқилади. Агар алимент тўлаши шарт бўлган шахс шу даврда ишламаган бўлса ёки унинг иш ҳақи ва (ёки) даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда алимент Ўзбекистон Республикасидаги ўртача ойлик иш ҳақи миқдори бўйича ҳисоблаб чиқилади. Агар қарзни бундай белгилаш тарафлардан бирининг манфаатларига жиддий путур етказса, манфаатларига путур етказилган тараф судга мурожаат қилишга ҳақлидир. Суд тарафларнинг моддий ва оилавий аҳволини ва бошқа эътиборга лойиқ ҳолатларни инобатга олиб, қарзнинг пул билан тўланадиган қатъий суммасини белгилаши мумкин.

БУ НИМА ДЕГАНИ⁉️

📝 Қонунга кўра, расмий иш жойига эга бўлмаган шахс Ўзбекистондаги ўртача ойлик иш ҳақини топяпти деб ҳисобланада ва алимен ҳисобланаётганда шу кўрсаткич эътиборга олинади.
❕Масалан, Статистика агентлигининг маълумотларига қараганда, 2022-йилда Ўзбекистондаги ўртача ойлик иш ҳақи 3 млн 200 минг сўмни ташкил этади, алиментни шунга кўра ҳисоблайдиган бўлсак, 2 та бола учун 1 миллиондан бироз кўпроқ алимент тўланиши лозим.

П.С: Доим алимент ҳақида саволга жавоб берсам, бир одамнинг "Аёлларга ўргатавериб, эркакларни эзворяпсан" деган гапи хаёлимга келаверади, тавба, нима ўзини фарзандига таъминот берса, ёмонми? ёки туғдириб ташлаб кетавериш керакми?
Умуман олганда ўз фарзандини таъминлашни қонунан ҳам, диний томондан ҳам, виждонан ҳам тўғри деб биламан!


🫵 Bizga qo'shiling:
https://t.me/yuridik_blog

#SAVOL
#ДОЛЗАРБ

Ассаламу Алейкум сизга саволим бореди биз хонадонимизга урнатилган газ хисоблагич йозган суммасини олдиндан купи билан доим тулабкеламиз аммо газ идораси ходимлари газга техник курик учун хам тулов киласизлар бу мажбурий деяпти бирор марта техник хизмат курсатмаган чакирмаганмиз хам бунда биз Нима килишимиз керак Бир йилда бирмаротаба тулашимиз керак экан маслахатиз керак олдиндан рахмат

#JAVOB⚡️⚡️⚡️

✅ Ўзбекистон Республикаси Вазирлар Маҳкамасининг 2018 йил 12 январдаги 22-сон қарори билан тасдиқланган "Табиий газдан фойдаланиш ҚОИДАЛАРИ"нинг 135-бандининг "З" кичик бандига кўра,
❗️Газ таъминоти ташкилоти тасдиқланган жадваллар ва тарифлар бўйича истеъмолчиларнинг ички газ тармоқлари ва газдан фойдаланиш ускуналарини тегишли муддатларда техник тафтишдан ўтказиш ва уларга профилактик хизмат кўрсатишга мажбур.
☝️ Бунда:
кўп қаватли турар жойлардаги газ плиталар, бошқа газ приборлари мавжуд бўлмаганда — икки йилда бир марта;
турар жойлардаги газ плиталари, иситиш, сув иситиш приборлари — йилда бир марта, профилактик хизмат кўрсатиш — ҳар бир иситиш мавсуми бошланишидан аввал техник тафтишдан ўтказиб турилиши шарт.
✳️ Шунингдек, мазкур Қоидалар 139-бандининг "Л" кичик бандига кўра, истеъмолчи фойдаланилган табиий газ ва газдан фойдаланиш ускунаси ҳамда уй ичи газ тармоқларига хизмат кўрсатиш юзасидан бажарилган ишлар учун газ таъминоти ташкилоти билан ўз вақтида ҳисоб-китоб қилишга мажбур.

📝 Демак якуний хулоса қиладиган бўлсак, юқоридаги норматив ҳужжатнинг тегишли бандларига кўра, техник хизмат кўрсатганлик учун хизмат ҳақи ундирилиши тўғри.

☝️ Бунда ҳудуд газ таъминоти ташкилотлари томонидан тасдиқланган нархнома асосида барчадан бир хил миқдорда тўлов ундирилаётганига эътибор бериш лозим, шунингдек тўловлар газ таминоти ходимига бевосита нақд кўринишда эмас, балки электрон шаклда ёки тўлов кассалари орқали тўланиши лозим.
✳️ Шунда истеъмолчида юқоридаги каби ўринли савол туғилади, 🤨 нега энди кўрсатмаган хизмати учун пул тўлаш керак???
Жавоб шуки, юқоридаги айтиб ўтилган Қоидаларга кўра, истеъмолчи техник хизмат кўрсатилиши учун пул тўлайди,
❗️Бироқ ҳудуд газ таъминоти ташкилотлари томонидан истеъмолчининг газдан фойдаланиш ускуналарини тегишли равишда ҳар икки йилда бир ёки ҳар мавсум олдидан истеъмолчиларни техник хизмат кўрсатиш (тафтиш ўтказиш) саналари ҳақида турар жойлар йўлакларида эълонлар ёки бошқа мавжуд усуллар орқали камида уч сутка аввал огоҳлантириб техник кўрикдан ўтказмаса, кўзбўямачиликларга йўл қўйиб ўз мажбуриятини бажармаса, истеъмолчи юқори ташкилотга ёки судга мурожаат қилиб масъулларга тегишли чораларни кўришни талаб қилиши лозим бўлади,

П.С: Умуман олганда, газдан фойдаланиш ускуналарининг созлиги тез-тез техник кўрикдан ўтказиб турилиши истеъмолчи учун жуда фойдали бу келажакда рўй бериши мумкин бўлган бахтсиз ҳодисаларни олдини олади, бироқ юқоридаги каби пулни олишга олиб, хизмат кўрсатмаслик жуда ачинарли ҳолат ва истеъмолчининг ҳаққига хиёнат қилишдир❗️

#ТАРҚАТИНГ

Бизга қўшилинг🫵
https://t.me/yuridik_blog

#SAVOL

⁉️ Assalomu aleykum savolim mol mulkni hadya qilish boʻyicha. Uy vafot etgan otani nomida boʻlsa farzandlari uy joyni kimgadir hadya qilish uchun hammasi rozi boʻlishi kerakmi yo qaysidir farzand norozi boʻlsa ham hadya qilish mumkinmi
Ikkita amakim oʻz ulushini onamga berishmoqchi uni olib yashashga haqli boʻla oladimi?

#JAVOB

✅ Avvalo, barchamiz shuni aniq bilishimiz lozimki, O'zbekiston Respublikasi Fuqarolik kodeksining 164-moddasiga muvofiq, Mulk huquqi shaxsning o‘ziga qarashli mol-mulkka o‘z xohishi bilan va o‘z manfaatlarini ko‘zlab ☝️egalik qilish, undan foydalanish va uni tasarruf etish, shuningdek o‘zining mulk huquqini, kim tomonidan bo‘lmasin, har qanday buzishni bartaraf etishni talab qilish huquqidan iboratdir. Mulk huquqi muddatsizdir.

📝 Savoldan ko'rinib turibdiki, mol-mulkni xadya qilmoqchi bo'lgan shaxslarning o'zi hali bu mulkning egasi/mulkdori emas, demak mazkur mulkni tasarruf qilish (ijaraga berish, sotish va hkz.) huquqi ularda mavjud emas. Demak ushbu holatda mol-mulkni hadya qilish mumkin emas.

🤔Qanday qilib o'zganing mulki yoki egasiz bo'lgan mulk boshqa shaxsga o'tib qolishi mumkin?

Mol-mulkning bir shaxsdan boshqa shaxsga o'tishining bir qancha ko'rinishlari mavjud, ularga batafsil to'xtalib o'tirmay yuqoridagi savol javobidan uzoqlashmagan holda mulkning meros bo'lib o'tish haqida qisqa gaplashamiz.

O'zbekiston Respublikasi Fuqarolik Kodeksining 1112-moddasiga ko'ra mol-mulkning meros bo'lib o'tishi ikki xil ko'rinishda bo'ladi: Vasiyatnoma asosida hamda vasiyatnoma bo'lmagan taqdirda qonun bo'yicha (barcha merosxo'rlarga teng) amalga oshiriladi.

Endi yana savolga qaytsak, Fuqarolik kodeksining 1148-moddasiga muvofiq Merosxo‘r merosdan voz kechganida (faqatgina☝️) vasiyatnoma bo‘yicha yoki qonun bo‘yicha merosxo‘rlar jumlasidan bo‘lmish boshqa shaxslar foydasiga voz kechayotganini ko‘rsatishga haqli.
Ushbu moddada nazarda tutilgan hollardan tashqari merosning muayyan qismidan voz kechilishiga, merosdan izohotlar bilan yoki shartlar qo‘yib voz kechilishiga yo‘l qo‘yilmaydi.

📝 Demakki, yuqoridagilarga ko'ra, meros taqsimoti vaqtida merosdan voz kechmoqchi bo'lgan merosxo'r vasiyatnoma bo'yicha yoki qonun bo'yicha merosxo'r bo'lganlar foydasiga merosdan voz kechishi mumkin, (merosdan hechkimning foydasini ko'zlamay shunchaki voz kechish ham mumkin) xolos.

✅ Sizning holatingizda amakilaringiz faqatgina o'z ulushlarini (notarius, nizo bo'lgan taqdirda sud orqali) qabul qilib olgandan so'ng onangizga hadiya qilib yoki boshqacha tarzda haq evaziga sotishi mumkin bo'ladi.

🫵 Bizga qo'shiling:
https://t.me/yuridik_blog

#SAVOL

⁉️ Agar ish beruvchi oylik maoshini uz vaqtida bermasa, kechiktirib bersa u faqat 1 oyni pulini berishi kerakmi yoki kechiktirilgan kunlarniyam quwib berishi kerakmi?

#JAVOB✅

O'zbekiston Respublikasi Mehnat Kodeksining 333-moddasi:

☝️Ish beruvchi ish haqini, ta’til to‘lovlarini, mehnat shartnomasi bekor qilingandagi to‘lovlarni va (yoki) xodimga to‘lanishi lozim bo‘lgan boshqa to‘lovlarni to‘lash muddatini buzgan taqdirda, 🫵 Ularni to‘lov muddatidan keyingi kundan e’tiboran to haqiqatda hisob-kitob qilingan kunni o‘z ichiga olgan muddatgacha har bir kechiktirilgan kun uchun O‘zbekiston Respublikasi Markaziy bankining o‘sha vaqtda amalda bo‘lgan qayta moliyalashtirish stavkasidan kelib chiqqan holda foizlar (pulli kompensatsiya) bilan birga to‘lashi shart.
✅ Xodimga to‘lanishi lozim bo‘lgan pulli kompensatsiyaning miqdori O‘zbekiston Respublikasi Markaziy banki qayta moliyalash stavkasining o‘n foizi miqdorida belgilanadi.
❗️Ushbu moddaning ikkinchi qismida belgilangan, xodimga to‘lanadigan pulli kompensatsiyaning miqdori jamoa shartnomasi, ichki hujjat yoki mehnat shartnomasi bilan oshirilishi mumkin. Mazkur pulli kompensatsiyani to‘lash majburiyati ish beruvchining oylik ish haqini yoki xodimga to‘lanishi lozim bo‘lgan boshqa to‘lovlarni to‘lashning kechiktirilishida aybi bor-yo‘qligidan qat’i nazar yuzaga keladi.

Bizga qo'shiling:
✊ https://t.me/yuridik_blog

Гарчи меҳнат муносабатлари бўйича етук мутахассис бўлмасам-да, ҳозирги кундаги бутун дунёда меҳнат қонунчилигида ўз аксини топган меҳнаткашларнинг фундаментал ҳуқуқларига эришиш учун XIX-XX асрларда жуда кўплаб, кенг қамровли қўзғолонлар, иш ташлашлар, митинглар ўтказилганидан хабарим бор.
Масалан Буюк Британия ва Францияда иш вақтини 16 соатдан 12 соатга, 12 соатдан 10 соатга тушириш учун кўплаб қўзғолонлар бўлиб ўтган. ХХ аср бошларида АҚШ да кончилар оммавий равишда иш ташлашган.
Умуман олганда,
📍Бир кунда максимал 8 соат, ҳафтада 40 соатлик иш вақтининг чегараси;
📍Бир йилда камида бир маротаба иш ҳақи сақланган ҳолда меҳнат таътилига чиқиш;
📍Ходимдан истаган пайт арзимас буюмдек воз кечиш амалиётини чеклаш;
📍Болалар меҳнатини таъқиқлаш;
📍Иш вақтида, хизмат вазифасини бажараётганда вафот этганлик, касб касаллигига чалинганлик ва бошқалар учун компенсация тўловлари тўлаш ва ҳоказо ҳоказо меҳнат ҳуқуқларига эришиш осон бўлмаганини яхши англайман.

Лекин орадан шунча вақт ўтган бўлишига қарамасдан мана шу фундаментал ҳуқуқларни қўллаш, улардан фойдаланиш борасида ҳалигача анча орқадамиз.

Айниқса, иш вақти ва дам олиш вақти билан боғлиқ ҳуқуқларнинг амал қилиши ҲМҚОларни ўзидаям ачинарли ҳолатда.
Биз ҳали бу муммоларни ечиб улгурмасимиздан юқоридаги номи саналган мамлакатларда ҳафтада 3-4 кур ишлаб, 4-3 кун дам олиш режимига ўтилаяпти.

"Ҳаммасига кулиб қўйдим" деб қўл силтаб кетаверсак ҳам бўлмайди)

https://t.me/yuridik_blog

‼️Bu yil magistraturaga qabul faqat bir marta bo‘ladi, qishki qabul bo’lmaydi
#abituriyent

Bu haqda Oliy ta’lim, fan va innovatsiyalar vaziri Ibrohim Abdurahmonov ma’lum qildi.

Shunda 2023-yil magistraturaga faqat bir marta — yozda qabul bo‘ladi.

"O‘tgan yili ilk marta til sertifikati talab qilingani va yangi tizim bo’lgani uchun istisno tarzda bir yil uchun 2 marta qabulga ruxsat olgan edik. Lekin bu yil qabul an’anaviy faqat bir marta bo‘ladi, qishki qabul bo’lmaydi", — dedi Ibrohim Abdurahmonov.


👉 https://t.me/yuridik_blog 👈

⁉️ Энди телефонлар эшитилиб, ижтимоий тармоқлардаги ёзишмалар кузатиладими?

Савол: Бир неча кундан бери ижтимоий тармоқларда эртагадан барча телефон сўзлашувлари ёзиб олиниши, ижтимоий тармоқлардаги барча қўнғироқлар, сўзлашувлар, хабарлар ва ёзувлар ёзиб олиниши, ёзган ёки айтган ҳамма нарсамиз ўзимизга қарши ишлатилиши ҳақида хабарлар келмоқда. Шу хабарлар тўғрими?

✅ Жавоб: Йўқ, бундай хабарлар ҳеч қандай асосга эга эмас, бутунлай нотўғри ва ёлғон маълумотлардан иборат.

Янги Конституциямизнинг 31-моддасига кўра ҳар ким ёзишмалари, телефон орқали сўзлашувлари, почта, электрон ва бошқа хабарлари сир сақланиши ҳуқуқига эга. Ушбу ҳуқуқнинг чекланишига фақат қонунга мувофиқ ва суднинг қарорига асосан йўл қўйилади.

Яъни кимнидир телефон қўнғироғини эшитиш, ижтимоий тармоқлардаги хабарларини олиш учун суднинг рухсатини олиш керак. Бу ўта мураккаб жараён, судга айнан шу шахснинг телефон қўнғироқларини эшитиб бориш ва ижтимоий тармоқлардаги ўзаро ёзишмаларини олиш нима учун кераклиги асослаб берилиши керак. Бу ҳолатлар асосан жиноят ишларини юритишда қўлланилади.

Бундан ташқари, Конституциямизнинг 29-моддаси 4-қисмида “Қонунни бузган ҳолда олинган далиллардан одил судловни амалга ошириш чоғида фойдаланишга йўл қўйилмайди” деб белгиланган.

Яъни, суд рухсати олинмаган ҳолда сизнинг телефон сўзлашувларингиз эшитилса ёки ижтимоий тармоқдаги ёзишмаларингиз олинган бўлса, барибир, булар сизни айблаш учун суд томонидан далил сифатида қабул қилинмайди.

Шунинг учун хавотирлар ўринсиз.

Каналга уланиш 👇
https://t.me/yuridik_blog