Intellektual mulk yangiliklari

Adliya vazirligi huzuridagi “Intellektual mulk markazi” davlat muassasasi, Bojxona qo‘mitasining Tadbirkorlar faoliyatini qo‘llab-quvvatlash boshqarmasi hamda Sirdaryo viloyat Adliya va Bojxona boshqarmalari mas’ul xodimlari tomonidan Sirdaryo tumani erkin iqtisodiy zonasida joylashgan “PENG SHENG CHARM” mas’uliyati cheklangan jamiyati binosida tadbirkorlar ishtirokida sayyor qabul o‘tkazildi.

Ushbu tadbirda, avvalambor, intellektual mulk sohasidagi qonunchilik hujjatlari mazmuni va mohiyati, shuningdek, kontrafakt tovarlarni ishlab chiqarish bilan bog‘liq belgilangan choralar haqida muhim ma’lumotlar berildi. Muloqot davomida mamlakatimizda kontrafakt mahsulotlar realizatsiyasining oldini olish va intellektual mulkning ishonchli huquqiy himoyasini ta’minlash borasida amalga oshirilayotgan izchil chora-tadbirlar haqida ta’kidlab o‘tildi.

Shuningdek, 7 nafar tadbirkorlik subyektigauslubiy yordam ko‘rsatilib, “NONE-COMPUTERS GROUP" MCHJning "MAGIC SAFARI" va"ONERC" tovar belgilarini davlat ro‘yxatidano‘tkazishga talabnoma topshirishda ko‘maklashildi.

✅ kanalga a’zo bo’lish

Xalqaro ekspert ishtirokida kontrafaktga qarshi kurashish bo‘yicha seminar bo‘lib o‘tdi

“Kontrafaktsiz oy” oyligi davomida joriy yilning 12-mart kuni Adliya vazirligida Schmitt & Orlov intellektual mulkni himoya qilish tashkiloti xalqaro eksperti P. Medvedov tomonidan kontrafakt mahsulotlarni aniqlash bo‘yicha seminar-trening o‘tkazildi.

Mazkur seminarda Intellektual mulk departamenti, online tarzda bojxona, Iqtisodiy jinoyatlarga qarshi kurashish departamenti hamda hududiy adliya organlari xodimlari ishtirok etishdi.

Seminar davomida P. Medvedov tomonidan alkogol mahsulotlari, ASICS, Gucci, Adidas, Calvin Klein, Hugo Boss, Swaroski kabi bir qator tovar belgilarining kontrafaktlarini aniqlash, asl mahsulotni kontrafakt mahsulotdan farqlab olishda e’tibor qaratilishi lozim bo‘lgan jihatlar hamda huquq egalari bilan o‘zaro ma’lumot almashish usullari to‘g‘risida ma’lumotlar berib o‘tildi.

✅ kanalga a’zo bo’lish

Adliya vazirligida ro'yxatdan o'tkazilgan navbatdagi tovar belgilari bilan tanishing.

Brend - kompaniya nufuzi, mahsuloti haqida ma'lumot berib, iste'molchi e'tiborini jalb qiladi. Ayniqsa tovar nomi jarangdor bo'lsa yanada yaxshi, chunki Sizning mahsulotingiz boshqalarnikidan ajralib turadi.

🔹Yuqoridagi rasmda "Muslim shirinliklari", "Adiba", "Ofiyat Med" kabi tovar belgilarini ko'rishingiz mumkin.

Ⓜ️ Tovar belgisini ro‘yxatdan o‘tkazish brendni himoya qilish va biznesni rivojlantirish uchun muhim omildir.

🧐 Unutmang tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

📘"Tovar belgilari, xizmat koʼrsatish belgilari va tovar kelib chiqqan joy nomlari toʼgʼrisida"gi qonunga binoan tovar belgisi guvohnomasi 10 yil muddatga beriladi.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish

“Kontrafaktsiz oy” oyligi davomida intellektual mulkni himoya va muhoafaza qilish boʻyicha sayyor uchrashuvlar oʻtkazilmoqda

Mamlakatimizda joriy yilning 15-fevralidan “Kontrafaktsiz oy” oyligiga start berildi. Oylikdan koʻzlangan maqsad nafaqat kontrafakt mahsulotlarni realizatsiya qilayotgan shaxslarni javobgarlikka tortish, balki intellektual mulk huquqiga rioya qilish yuzasidan huquqiy madaniyatni kuchaytirish va kontrafaktga nisbatan toqatsiz munosabatni shakllantirishdan iborat hisoblanadi.

Adliya vazirligi va Sirdaryo viloyat Adliya boshqarmasi masʼul xodimlari tomonidan Sirdaryo viloyatida faoliyat yuritayotgan bir necha tadbirkorlik subyektlari bilan uchrashuv oʻtkazildi.

Xususan, “Sardor Jamshid” MCHJ ishlab chiqarayotgan “Gʻisht tashish” uchun moʻljallangan texnika vositasi va "TUPLOFF"MCHJ ishlab chiqarayotgan “Isitish moslamasi”ni intellektual mulk obyektini bir turi boʻlgan foydali model yoki sanoat namunasi sifatida roʻyxatdan oʻtkazish uchun talabnoma topshirish tartibi, shuningdek, “Navroʻz total textile" MCHJga oʻz tovar belgisiga ega boʻlishning afzalliklari haqida huquqiy tushuntirishlar berildi.

Bundan tashqari, “Leon Universal” MCHJga tegishli boʻlgan “Leon” tovar belgisidan noqonuniy foydalanish holatini oldini olish boʻyicha uslubiy yordam koʻrsatildi.

✅ kanalga a’zo bo’lish

Bugun, 3-mart kuni Samarqand shahrida Adliya vazirligi tomonidan Samarqand viloyati hokimligi bilan hamkorlikda “Samarqand noni”ni milliy brend sifatida shakllantirish masalalari bo‘yicha seminar tashkil etildi.

Ushbu uchrashuvda mahalliy nonvoylarga mahsulotni geografik ko‘rsatkich sifatida muhofaza qilish orqali undan qo‘shimcha daromad manbai sifatida foydalanishning yo‘llari va afzalliklari haqida batafsil ma’lumot berildi.

Ma’lumot uchun: Adliya vazirligi va Samarqand viloyati hokimligi o‘rtasida “Samarqand noni” geografik ko‘rsatkichini targ‘ib qilish va rivojlantirish bo‘yicha qo‘shma tadbirlarni amalga oshirish yuzasidan “Yo‘l xaritasi” tasdiqlangan.

✅ kanalga a’zo bo’lish

O'z tovarlarini chet mamlakatlarga eksport qiluvchi tadbirkorlar tovar belgilarini xalqaro tartibda ro'yxatdan o'tkazishlari kerak bo'ladi. Bu o'sha mamlakat bozorida milliy brendini huquqiy muhofaza qilinishini ta'minlaydi.

Quyida eng koʼp xorijiy davlatlarda roʼyxatdan oʼtgan milliy brendlar bilan tanishishingiz mumkin:
1️⃣ “Artel” tovar belgisi – 48 ta davlatda;
2️⃣ "Puffix" tovar belgisi - 34 ta davlatda;
3️⃣ "VALESCO" tovar belgisi – 31 ta davlatda;
4️⃣ "TRT" tovar belgisi – 25 ta davlatda;
5️⃣ “NAVOIYAZOT” tovar belgisi – 25 ta davlatda.

Tovar belgilarni xalqaro roʼyxatdan oʼtkazish uchun ular milliy tartibda roʼyxatdan oʼtgan yoki roʼyxatdan oʼtkazish uchun talabnoma topshirgan boʼlishi kerak.
Xorijiy mamlakatlarda ro'yxatdan o'tkazish Butunjaxon intellektual mulk tashkilotining xalqaro Madrid tizimi orqali amalga oshiriladi.

Milliy brendlarni xalqaro ro'yxatdan o'tkazish uchun Adliya vazirligiga murojaat qilishingiz mumkin.

✅ kanalga a’zo bo’lish

🌍 Geografik koʻrsatgich sifatida roʻyxatdan oʻtgan mashhur ichimlik suvi brendlari.

1️⃣ #Evian (1789, Fransiya) – Alp tog‘laridan keluvchi tabiiy mineral suv. Tozaligi va yumshoq ta’mi bilan dunyoda juda mashhur.

2️⃣ #Fiji_Water (1996, Fiji) – Tinch okeanining Fiji orollaridan olinadigan suv. Vulkanik jinslardan tabiiy filtrlanib o‘tadi va minerallarga boy.

3️⃣ #Voss (1998, Norvegiya) – Premium segmentdagi suv bo‘lib, kristalldek tiniqligi va zamonaviy dizayndagi shishasi bilan ajralib turadi.

4️⃣ #Vichy_Catalan (1881, Ispaniya) – Kataloniyaning Vichy viloyatida joylashgan tabiiy gazlangan mineral suv. Uning tarkibida magniy va boshqa minerallar mavjud bo‘lib, tibbiy jihatdan foydali deb hisoblanadi.

5️⃣ #San_Pellegrino (1899, Italiya) – Italiyaning eng mashhur gazlangan suvi bo‘lib, asosan restoranlarda xizmat qilinadi va ta’mi o‘ziga xos.

6️⃣ #Borjomi (1890, Savolga_Javob Gruziya) – Vulkanik manbalardan keluvchi tabiiy gazlangan mineral suv. Uning tarkibida noyob minerallar mavjud.

7️⃣ #Chortoq (2018, O‘zbekiston) – O‘zbekistonning tog‘li hududlaridan olinadigan tabiiy mineral suv. Tezda mashhurlikka erishgan va mahalliy bozorda yetakchilardan biri.

8️⃣ #Apollinaris (1852, Germaniya) – Reinland-Pfalz hududida joylashgan tabiiy mineral suv manbalaridan olinadi. 19-asrdan buyon Germaniyaning eng mashhur va sifatli mineral suvlardan biri sifatida tanilgan.

✅ kanalga a’zo bo’lish

LEGO: Bolalar Uchun O‘yinchoqmi Yoki Mashhur Brend?

LEGO qanday paydo bo‘ldi?
1932-yilda Daniyalik usta Ole Kirk Kristiansen yog‘och o‘yinchoqlar ishlab chiqarishni boshladi. 1949-yilda esa biz bilgan LEGO kublari yaratildi. “LEGO” nomi daniyacha "leg godt" (yaxshi o‘yna) iborasidan olingan.

LEGO haqida qiziqarli faktlar:
Har soniyada dunyoda 7 ta LEGO to‘plami sotiladi.
2014-yilda LEGO dunyoning eng yirik o‘yinchoq kompaniyasiga aylandi.
LEGO kublari 1958-yildan beri bir xil tuzilishga ega va eski hamda yangi detallar ham bir-biriga mos keladi!

Siz LEGO bilan nimalar yasagansiz, esingizdami?

✅ kanalga a’zo bo’lish

“Kontrafaktsiz oy” oyligi davomida profilaktik tadbirlar kuchaytirilmoqda
 
“Kontrafaktsiz oy” oyligi davomida huquq egalaridan kelib tushgan murojaatlarga asosan “R.A” hamda “I.A” MChJlarda belgilangan tartibda tekshiruv o‘tkazilib, “Ozone” so‘zidan qurilish obyekti peshlavhasida, shuningdek, “ADM” so‘zidan firma nomida huquq egalarining roziligisiz foydalanib kelingan holat aniqlandi.

Olib borilgan tushuntirishlar natijasida huquqbuzarlik holati tekshiruv o‘tkazilgan kunning o‘zida “R.A” hamda “I.A” MchJlar tomonidan bartaraf etildi.

Ushbu korxonalarga intellektual mulk huquqlariga rioya qilish hamda kelgusida bu kabi qonun buzilish holatlariga takroran yo‘l qo‘yilgan taqdirda tegishli ta’sir chorasi qo‘llanilishi yuzasidan ogohlantirildi.
 
✅ kanalga a’zo bo’lish

KFC brendining evolyutsiyasi

KFC (Kentucky Fried Chicken) – dunyodagi eng mashhur tezkor ovqat tarmoqlaridan biri bo‘lib, uning tovar belgisi yillar davomida bir necha marta o‘zgargan. Brend o‘z identifikatsiyasini saqlab qolgan holda zamonaviy dizaynga moslashib kelmoqda.

1954-yildan boshlab, KFC tovar belgisi turli xil uslublarda ishlab chiqilgan. Dastlab, “Kentucky Fried Chicken” yozuvi ishlatilgan bo‘lsa, keyinchalik brend qisqartirilgan “KFC” nomi ostida tanildi. Logotipda polkovnik Sanders obrazi doimo markaziy o‘rin tutib, kompaniyaning merosini aks ettirib kelmoqda.

Brend identifikatsiyasining doimiy rivojlanishi KFC’ning jahon bozorida o‘z mavqeini mustahkamlashga yordam berdi. Tovar belgisidagi har bir o‘zgarish kompaniyaning zamonaviylikka intilishi va iste’molchilarga yanada yaqinroq bo‘lish istagini ko‘rsatadi.

🌐Tovar va xizmat ko'rsatish belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

✅ kanalga a’zo bo’lish