Adliya yangiliklari/Новости юстиции

#Adliya_tabrigi

Aziz yurtdoshlar!

Barchangizni shukronalik, saxovat va mehr-oqibat ayyomi – Ramazon hayiti bilan samimiy muborakbod etamiz.

Yurtimizda tinchlik va xotirjamlik bardavom, adolat hamisha barqaror bo'lsin!

Hurmat bilan Adliya vazirligi jamoasi

📌 Kanalga ulanish

#adliya_aralashgach

Tadbirkor foydasiga 140 197 451 so‘m pul mablag‘i undiriladigan bo'ldi

Taraflar o‘rtasida tuzilgan shartnomalarga asosan da’vogar tomonidan javobgarga jami 140 197 451 so‘mlik mahsulotlar yetkazib berilgan hamda tegishli xizmatlar ko‘rsatilgan. Biroq, javobgar tomonidan shartnomaviy majburiyatlar lozim darajada bajarilmasdan, yetkazib berilgan va ko‘rsatilgan xizmatlar qiymati to‘liq to‘lab berilmaganligi oqibatida, da’vogar oldida qarzdorlik yuzaga kelgan.

▶️Batafsil👈

📌 Kanalga ulanish

Adliya vaziri o‘rinbosari Bekobod shahrida yoshlar bilan uchrashdi

Bekobod shahrida adliya tizimi vakillari va yoshlar o‘rtasida ochiq muloqot tashkil etildi.

Uchrashuvda Bekobod shahar hokimi N.Babayev va Adliya vaziri o‘rinbosari Sh.Rabiyev ishtirok etib, mamlakatimizda yoshlarga yaratilayotgan imkoniyatlar, qonunchilikdagi imtiyozlar hamda ularni qiynayotgan muammolarni o‘rganish va bartaraf etish borasida keng ko‘lamli ishlar olib borilayotganini ta’kidlashdi.

Tadbir davomida Adliya vazirligi tomonidan muntazam ravishda yoshlar bilan uchrashuvlar tashkil etilayotgani alohida qayd etildi. Ochiq va samimiy ruhda o‘tgan muloqotda huquqshunoslik sohasi bilan qiziquvchi yoshlar o‘zlarini qiziqtirgan savollarga javob olish imkoniga ega bo‘lishdi.

Mazkur uchrashuv yoshlarning huquqiy savodxonligini oshirish, ularning huquqiy madaniyatini yuksaltirish va kelajakda huquqshunoslik sohasida faoliyat yuritishga bo‘lgan qiziqishlarini yanada oshirishga xizmat qilishi bilan ahamiyatli bo‘ldi.

📌 Kanalga ulanish

Hududlarda ommaviy sayyor qabullar davom etmoqda

Adliya vaziri oʻrinbosari Sh.Rabiyev tomonidan "Buloq ariq" mahallasida joylashgan 3-maktab binosida sayyor qabul oʻtkazildi. Tegishli mutasaddi tashkilotlar masʼullari qatnashib, 30 nafardan ziyod fuqarolarning murojaatlari tinglandi

Sayyor qabul davomida 3 ta murojaat joyida hal etildi, 19 ta murojaat koʻrib chiqish uchun ish yurituvga olindi, qolgan masalalar yuzasidan tegishli huquqiy tushuntirishlar berildi.

Qabul davomida davlat xizmatlari koʻrsatilib, 2 ta oilaning farzandi maktabgacha taʼlim tashkilotiga navbatga qoʻyilishi taʼminlandi.

"Shirin" MFY fuqarosi Ĝ.Mirzaaxmedovga turar-joyi bòyicha arxivga manzilli sòrov arizasi kiritib berildi.

📌 Kanalga ulanish

Tadbirkorlarga intellektual mulk obyektlarini muhofaza qilish hamda asl va kontrafakt mahsulotlarni farqlash boʻyicha joyiga chiqqan holda amaliy yordam koʻrsatilmoqda.

Xususan, joriy yilning 26-martida "Ixtisoslashgan Yangiyo'l shahar dehqon bozori"da faoliyat yurituvchi tadbirkorlik subyektlariga Adliya vazirligi Intellektual mulk departamenti xodimlari tomonidan asl va kontrafakt mahsulotlarni bir-biridan farqlash hamda tovar belgisiga ega boʻlishning afzalliklari hamda uning huquqiy himoyasi toʻgʻrisida joyiga chiqqan holda huquqiy tushuntirishlar berildi va yangi nashrdagi 40 dan ortiq kontrafakt mahsulotlar kataloglari tarqatildi.

Shuningdek, shahar erkin iqtisodiy zonasida joylashgan tadbirkorlik subyektlari faoliyati bilan tanishildi va ular tomonidan xizmat koʻrsatish belgisi sifatida foydalanilayotgan ro'yxatdan o'tkazilmagan belgilarni xizmat koʻrsatish belgisi sifatida roʻyxatdan oʻtkazish afzalliklari haqida ma'lumot berildi.

Intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari toʻgʻrisida batafsil maʼlumot ham berildi.

📌 Kanalga ulanish