#nazm
AYON
Oʻylab topmaganman baxt degan soʻzni,
Demak, baxtsizlik ham menga oidmas.
Topib boʻlarmidi bosilgan izni,
Ketgan ketib boʻldi, qaytmasa qaytmas.
Men tugʻilgan paytda bor edi orzu,
Armon ham tirikdi anchadan buyon.
Eski nasihatni yigʻishtir, doʻstim,
Umr oʻtib boʻldi, qolgani ayon.
Dunyoni ikki deb yozmishlar tugal,
Nedan bu borada endi xarxasha –
Birisi foniy, lek jilvasi goʻzal,
Biri boqiy, qaysar shunga yarasha.
Bari shodliklarga vaqt bordir hali,
Bir kuni rahmatlar cheksiz yogʻilar.
Hozir ketdik dilga malham qoʻygali,
Ketdik, kutib qoldi bizni qaygʻular!
✍Xayrulla Hamidov
@mirvoxidovnas_blog