Alisher Sadullaev


Kanal geosi va tili: O‘zbekiston, O‘zbekcha
Toifa: Siyosat


Bir yoshning jamiyatga oid fikr, qarash va harakatlari haqida
- Yoshlar ishlari agentligi direktori
- Oliy Majlis Senati a’zosi
Ijtimoiy tarmoqlardagi rasmiy sahifalarimiz: https://myurls.co/alisher_sadullaev


Kanal geosi va tili
O‘zbekiston, O‘zbekcha
Toifa
Siyosat
Statistika
Postlar filtri


Video oldindan ko‘rish uchun mavjud emas
Telegram'da ko‘rish
«Vijdon saratoni» hujjatli filmi premyera qilindi

Mazkur hujjatli film korrupsiya tushunchasiga hayot uchun oʻta xavfli boʻlgan kasallik rakursidan nazar tashlashga undaydi.

Filmning bosh qahramonlari — korrupsiya haqida maqola tayyorlayotgan jurnalist va davlat xizmatida faoliyat ko‘rsatib, korrupsion jinoyat sodir etgan mahkum obrazlarining hikoyasi orqali tomoshabin bu og‘riqli mavzuni chuqurroq tahlil etadi. Ekspertlar intervyulari esa tasvirni yanada kengroq ochib beradi.

Albatta, tomosha qiling: https://youtu.be/JRY6UwW_uLU

@alisher_sadullaev

63.5k 7 802 75 319

«Baykartech» asoschisi Selcuk Bayraktar taklifiga binoan Oʻzbekiston delegatsiyasi Baku shahrida boʻlib oʻtayotgan “Azarbeijan teknofesttexnika festivalida ishtirok etadi.

Festival davomida “teknofest”ni Oʻzbekistonda ham oʻtkazish, aviatsiya, kosmos va texnologiya sohalarida o‘zaro faol tajriba hamda g‘oyalar almashish yuzasidan muzokaralar olib boriladi.

Xudo xohlasa, qoʻllab-quvvatlab tursangiz, Oʻzbekistonda ham mana shunday katta doiradagi texnika festivalini oʻtkazishni rejalashtiryapmiz. Texnika festivali yoshlarimiz uchun ham, yurtimiz uchun ham foydali boʻlishiga ishonamiz, albatta.

Oʻzbekistonda ham texnika festivallarini oʻtkazish orqali yosh muhandislar, innovatorlar, texnologlar, aviatsiya va kosmos sohasidagi yangi iqtidorlarni kashf etishni oldimizga asosiy maqsad qilib qoʻyganmiz.

@alisher_sadullaev

55.6k 3 273 133 586

To‘xtamay yasha, to‘xtagan kuning hamma narsangdan mahrum bo‘lasan va erishishing mumkin bo‘lganlaridan ham quruq qolasan!

Daryo.uz nashri bitiruvchi yigit-qizlarimizga aytgan tavsiyalarimizni e’lon qilibdi. Unda aytgan ayrim tavsiyalarimni quyida ham keltirib oʻtmoqchiman.

O‘z ustingizda doim ishlashdan, harakat qilishdan va kitob o‘qishdan hech qachon to‘xtamang! Qaysi soha bo‘lmasin, uning o‘z ilmi va kitobi bor.

Quruvchi, dasturchi, shifokor, matematik, iqtisodchi, huquqshunos, pedagog, qishloq xo‘jaligi bo‘yicha mutaxassis, umuman, qaysi sohani tanlasangiz ham, shu sohaning eng zo‘r mutaxassisi bo‘ling. Buning uchun doim inson harakatda va izlanishda bo‘lishi kerak.

Eng muhimi esa, doim kitob o‘qish kerak. Xorijiy tillarni o‘rganish ortidan siz uchun butun dunyo eshiklari, kitoblari ochiladi. Eng yaxshi kitoblarni, manbalarni bemalol o‘qib, tushunib, sohangizning eng yaxshisi bo‘lasiz.

Bir qoidani doim yodingizda tutib, shunga amal qiling: «To‘xtamay yasha, to‘xtagan kuning hamma narsangdan mahrum bo‘lasan va erishishing mumkin bo‘lganlaridan ham quruq qolasan!»

@alisher_sadullaev

63.7k 11 626 109 611

⚡️Prezident Shavkat Mirziyoyevning maktab bitiruvchilariga tabrigi e’lon qilindi

«Hech qachon unutmang, kelajakda sizni yanada ulkan va mas’uliyatli marralar kutmoqda. Oldingizga aniq maqsad qo‘yib, bor kuch-g‘ayratingiz, bilim va salohiyatingiz bilan harakat qilsangiz, ko‘zlagan cho‘qqilarga albatta erishasiz» — Shavkat Mirziyoyev

@alisher_sadullaev

97.9k 8 1.2k 123 937

«Wiki-stipendiya» marafoni qanday ketmoqda?

Marafon e’lon qilingan kundan bugunga qadar 68 nafar ishtirokchilar jami 252 ta maqola joylagan. Bu raqamlar soat sayin ortib bormoqda.

Loyiha doirasida Wikipedia’ga o‘zbek tilida joylangan maqolalardan ayrim misollarni keltirib o‘tishni lozim topdik. “Zakovat” intellektual o‘yini, Autizm, Samarqand noni, “Xato 404”, Java dasturlash tili tarixi kabilar shular jumlasidan.

Joylangan maqolalar bilan ushbu havola orqali batafsil tanishishingiz mumkin. Shuningdek, loyihada ishtirok etish uchun sizda ham imkon bor, siz ham internetda o‘zbek tilidagi maqolalarni ko‘paytirishga o‘z hissangizni qo‘shing.

@alisher_sadullaev

60.9k 2 206 36 233

⚡️Sportchilarni tayyorlash va seleksiya qilish bo‘yicha yangi tizim joriy qilinadi

Endi har bir mahallada ikkita mavsumda — aprel-iyun, sentabr-dekabr oylarida sport musobaqalari tashkil etilib, yaxshi natija ko‘rsatgan yoshlar sport bo‘limi va yoshlar yetakchisi tomonidan elektron ro‘yxatga kiritiladi.

Shuningdek, bu yoshlar hududdagi sport maktabida malakali murabbiylar bilan bepul shug‘ullanish imkoniga ega bo‘ladi. Ular jismoniy tayyorgarlik darajasi va razryadiga qarab, keyingi bosqichga o‘tkaziladi.

Mutasaddilarga ushbu tizimni joriy etib, yaxshi natija ko‘rsatgan mahallalarni rag‘batlantirish bo‘yicha ko‘rsatmalar berildi. Yil yakunigacha 508 ta mahallada ko‘p funksiyali sport maydonchalari qurilishi qayd etildi.

@alisher_sadullaev

91.2k 4 750 195 427

⚡️Sport maktablari oʻqituvchi-trenerlarining ish haqi oshiriladi

Prezident selektorida sportni rivojlantirish bo‘yicha vazifalar belgilandi. Sport maktabi trenerlarining ish haqi 35 foizga oshiriladi.

Bundan tashqari, yaxshi natija ko‘rsatgan maktab direktorlari, trenerlar va boshqa mutaxassislarga qo‘shimcha 50 foizgacha ustama to‘lanadi;

Jamoaviy sport turlari bo‘yicha hududiy chempionatlarda sportchilari g‘olib bo‘lgan trenerlarga 5 foiz, respublika chempionatida – 20 foiz ustama beriladi.

@alisher_sadullaev

82.1k 3 831 51 223

Prezident raisligida sportni ommalashtirish, sport ta’limini yaxshilash va iqtidorli sportchilarni tayyorlash bo‘yicha yig‘ilish boshlandi

Yig‘ilishda joriy yilda ilk bor barcha mahallalardagi yoshlar yetakchilari, maktablarning jismoniy tarbiya o‘qituvchilari va sport maktablari trenerlari ishtirokida yoshlarni sportga jalb etish bo‘yicha yangi besh bosqichli musobaqalarga start berilgani hamda aprel-may oylarida musobaqalar bilan 3 milliondan ziyod yoshlar qamrab olingani ta’kidlandi.

@alisher_sadullaev

72k 2 353 54 329

⚡️@bilimtestbot’da 7-tur savollarini ishlang!

«Bilim uchun 100 million» loyihasining navbatdagi 7-turi @bilimtestbot’da e’lon qilindi, uni 30-may kuniga qadar hafta davomida oʻzingizga qulay soatda kirib ishlashingiz mumkin.

Shuningdek, hali roʻyxatdan oʻtmaganlar yoki avvalgi tur savollarini ishlashga ulgurmaganlar boʻlsa, hozir ham @bilimtestbot’da roʻyxatdan oʻtib, olimpiadada ishtirok etishni ayni vaqtda mavjud turdan boshlash mumkin!

Eslatma:
7-tur savollari taqdim etilishi uchun @bilimtestbot Telegram botida «Test ishlash» tugmasini bosish va test ishlashni boshlash mumkin. Bilimlaringizni va mantiqni ishga solib, albatta, ishtirok eting!

@alisher_sadullaev

75.3k 3 381 87 208

☝️☝️☝️

57.5k 0 8 221 832

Negadur Enfild qiziqroqdek tuyulayapti) Etihadda hammasi hal bo’lgandek.

56k 0 30 193 625

⚡️ 2-taym boshlandi. 10 yil oldingi o’yinni eslay oladiganlar bormi? City buni takrorlay olarmikan?

57.1k 1 42 221 944

Yosh kitobxon tumanlar kesimida.pdf
148.4Kb
#Yoshkitobxon #repost

«Yosh kitobxon»
tanlovining 2022-yilgi mavsumiga 21-may holatiga koʻra 3 613 nafar yoshlar ro‘yxatdan o‘tdi

Hududlar kesimida Samarqand viloyati 1-o‘rinda bormoqda. Mazkur viloyatdan 383 nafar yoshlar ro‘yxatdan o‘tgan. Biroq bu ham juda past ko‘rsatgich, nazarimda. Yuqoridagi faylda tumanlar kesimida ma’lumotlar taqdim etilgan.

Kitobxon yigit-qizlarimizdan faol bo‘lishlarini, oxirgi kungacha kutmasdan hoziroq ro‘yxatdan o‘tishlarini tavsiya qilgan bo‘lardik. Ro‘yxatdan o‘tish uchun: @yoshkitobxon_bot

P.S.: Sizning tumaningizdan qancha yoshlar roʻyxatdan oʻtibdi?

@alisher_sadullaev

90.3k 4 916 71 297

​​​​Shaxmat bo‘yicha «Yoshlar ishlari agentligi kubogi»ning viloyat bosqichi 25-30-may kunlari oʻtkaziladi

Shaxmat bo‘yicha sovrin jamgʻarmasi 880 million soʻm boʻlgan “Yoshlar ishlari agentligi kubogi” respublika turnirini e’lon qilgandik. Bugunga qadar respublikamiz bo‘ylab turnirning mahalla, sektor va tuman bosqichlari o‘tkazildi.

25-30-may kunlari esa turnirning viloyat bosqichi o‘tkazilishi rejalashtirilgan. Quyida viloyat bosqichi o‘tkaziladigan manzillar bilan tanishishingiz mumkin. Viloyat bosqichiga chiqqan barchaga omad tilaymiz!

@alisher_sadullaev

72.9k 3 647 231 295

⚡️«Yosh kitobxon» tanloviga @yoshkitobxon_bot orqali ro‘yxatdan o‘ting! #yoshkitobxon

Jamiyatimizning yangi qahramonlarini kashf etayotgan «Yosh kitobxon» tanlovining 2022-yilgi mavsumiga @yoshkitobxon_bot telegram boti orqali ro‘yxatdan o‘tish boshlangan. Arizalar qabuli 1-sentabrga qadar davom etadi.

Mazkur tanlovning 2021-yilgi mavsumi Muxlisa Nasimovadek irodasi kuchli qizlarimizni, kitob o‘qib dadasiga “Spark” mindirayotgan Yorqinjon Xayitboyevdek iqtidorli yoshlarimizni kashf etdi. Albatta, bu yigit-qizlarimizga havas qilsa arziydi.

Tanlovning respublika bosqichiga chiqqan har bir ishtirokchi pul mukofoti bilan, 1-oʻrin sohibi Prezident sovgʻasi — “Spark” avtomobili bilan taqdirlanadi. Endilikda viloyat bosqichida ham bilimli yoshlarimizni taqdirlashni rejalashtiryapmiz.

Yoshlarimizdan kitob o‘qib, mazkur tanlovda ishtirok etishlarini va jamiyatimizing yangi qahramoni bo‘lishlarida fursatni boy bermasliklarini so‘rab qolamiz. @yoshkitobxon_bot orqali ro‘yxatdan o‘ting va albatta, tanlovda ishtirok eting!

Tanlov uchun o‘qilishi zarur bo‘lgan kitoblar ro‘yxati.
2021-yilgi mavsumda yoshlarning finaldagi chiqishlari.
Tanlov yuzasidan ko‘proq ma’lumotlar bilan tanishing.

@alisher_sadullaev

119k 10 1.2k 172 318

⚡️Ish haqi miqdori oshirildi — Prezident farmoni

Prezident farmoni bilan shu yilning 1-iyunidan budjet tashkilotlari xodimlari ish haqi miqdori 12% miqdorida oshirildi.

Shuningdek, O‘zbekiston hududida eng kam ish haqi miqdori oyiga 920 ming so‘m, bazaviy hisoblash miqdori — 300 ming so‘m etib belgilandi.

@alisher_sadullaev

123.3k 8 2.2k 351 1k

⚡️Wikipediaʼdan “Wiki-stipendiya” loyihasi ham oʻrin oldi

Internet tarmogʻida oʻzbek tilidagi foydali maʼlumotlarni koʻpaytirish maqsadida “Wiki-stipendiya” marafonini eʼlon qilgandik. Ayni vaqtda mazkur loyihaning oʻzi haqidagi maʼlumotlar oʻzbek va ingliz tillarida Wikipediaʼga joylashtirildi.

Wikipedia’da oʻzbek tilidagi ma’lumotlar juda kam foizni (0,1 foizdan ham kam) tashkil qiladi. Asosiy maqsadimiz ham shu: oʻzbek tilidagi ma’lumotlarni internet tarmogʻida koʻpaytirish. Bu borada eng yaxshisi — Wikipedia, nazarimda.

“Wiki-stipendiya” tanlovi haqida eslatib oʻtamiz, gʻoliblar: 1-oʻrin 50 mln soʻm, 2-oʻrin 40 mln soʻm, 3-oʻrin 30 mln soʻm pul mukofotlari bilan, shuningdek, eng faol beshtalikning har biri 20 mln soʻm, eng faol oʻntalikning har biri esa 10 mln soʻmlik bir martalik stipendiya bilan taqdirlanadilar.

Marafon shu yilning 20-mayidan 20-dekabriga qadar oʻtkaziladi. Ishtirok etish uchun @Wikistipendiya_bot Telegram boti orqali roʻyxatdan oʻting. Loyiha haqida batafsil ma’lumotlar olish uchun ovozli suhbat audiosi.

@alisher_sadullaev

74.1k 2 420 108 205

❗️Eslatma: bugun @ibratcampbot orqali ro‘yxatdan o‘tishning oxirgi kuni #ibrat

Bugun, 20-may soat 20:00 da @ibratcampbot orqali “Ibrat” tillar oromgohining 1- va 2-mavsumlari uchun ro‘yxatdan o‘tish va test yechishning oxirgi muddati.

Eslatib o‘tamiz, platformada test faqat har 2 soatda ochiladi (10:00, 12:00, 14:00, 16:00, 18:00, 20:00). Faqat ko‘rsatilgan soatlarda kirib test ishlash mumkin.

FAQ: Oromgoh bo‘yicha savollarga javoblar
Oromgoh yuzasidan ovozli suhbat audiosi
Ro‘yxatdan o‘tib, ishtirok etish uchun bot

@alisher_sadullaev

86.7k 7 735 314 264

Qabul — 2022: Joriy yilda abituriyent-yoshlar uchun qanday yangiliklar bor? (2-qism)

Qonunchilikka muvofiq, kirish imtihoni o‘tkazilayotgan yildan oldingi yillarda maktab, kollej, litseyni tugatgan abituriyentlardan test sinovlarida ishtirok etishi uchun BHMning yarim baravari (hozirda 135 ming so‘m) miqdorida to‘lov undiriladi.

O‘qishni test o‘tkazilayotgan yili tugatgan bitiruvchilar, nogironligi bo‘lgan shaxslar va mehribonlik uylari bolalari, bolalar shaharchasining bitiruvchilaridan bunday to‘lov undirilmaydi.

Prezident farmoniga ko‘ra, joriy yildan to‘lov undirilmaydigan abituriyentlar toifasi yana 2 taga ko‘paydi. Endilikda “Ijtimoiy himoya yagona reyestri” axborot tizimida ro‘yxatga olingan shaxslar va ularning farzandlari hamda “Yoshlar daftari”ga kirgan yoshlar ham imtihon uchun pul to‘lashmaydi.

@alisher_sadullaev

108.7k 6 872 93 418

Video oldindan ko‘rish uchun mavjud emas
Telegram'da ko‘rish
Markaziy Osiyo yoshlar forumiga start berildi

19-20-may
kunlari Toshkent viloyatidagi “Astrum” IT akademiyasi Markaziy Osiyo mamlakatlarining eng iqtidorli yoshlarini, xalqaro fan olimpiada g‘oliblari, grossmeysterlar va IT sohasining yosh mutaxassislarini bir maydonda jamlaydi.

21-23-may
kunlari yoshlar forumi Andijon viloyatida “O‘zbekiston-Qirg‘iziston”, Farg‘ona viloyatida “O‘zbekiston-Tojikiston” hamda Xorazm viloyatida “O‘zbekiston-Turkmaniston” yoshlarini birlashtirgan holda davom etadi.

Oʻylaymanki, mazkur forum iqtidorli yoshlarga tajriba almashish va innovatsion loyihalarini ishlab chiqish hamda do‘stlik aloqalarini mustahkamlashga xizmat qiladi.

@alisher_sadullaev

85.7k 8 379 69 338
20 ta oxirgi post ko‘rsatilgan.