Meditsina olami - MAN MEDIC

​​Зулук билан даволаш.

Май ойининг бошларида Москва шахар депутати Шувалова ўзининг чиқишларида коронавирусни зулук ёрдамида даволашни таклиф қилди. Унинг фикрича зулук беморнинг ўпка фаолиятини яхшилайди.

Бу фикрга бир неча ўнлаб шифокорлар раддия беришди. Аллергелог врач Даниел Шепаров бу шунчаки қип қизил ахмоқлик деб бахолади. Сабаби зулук қўйиш нафақат бесамар балки зарар бўлиши мумкинлигини тушунтириб ўтди.

#manmedic_malumot
#manmedic_foydali
@ManMedic

​​Карантинда ўпкани қандай чиниқтиришни билмаяпсизми?

Шар шиширинг!

✍️Шар шишириш ўпка нафас хажмини кескин оширади ва мускулларини бақувват қилади. Кўпчилик сузувчиларнинг ўпкаси шу туфайли касалликни осон енгиб ўтаётгани факт.

#manmedic_malumot
#manmedic_foydali
@ManMedic

​​Юрак кўчириб отказилишидан олдин!

#manmedic_malumot
@ManMedic

​​Ҳаво-томчи йўли билан юқадиган касалликлардан (шамоллаш, грипп ва б.вируслардан) қандай қилиб ҳимояланиш ҳақида маълумот беради:

- қўлни тез-тез ва яхшилаб совун билан ювиш
- юзга ювилмаган қўл билан теккизмаслик
- махсус гигиеник ҳимоя ниқобини тақиб юриш
- қайнатилган ёки қадоқланган сувни истеъмол қилиш
- одам гавжум жойларда камроқ бўлиш
- хоналарда тез-тез ҳавони алмаштириб туриш
- термик (иссиқлик билан) ишлов берилган ҳамда яхши пиширилган таомларни истеъмол қилиш
- спорт билан фаол шуғулланиш.

#manmedic_malumot
#manmedic_foydali
@ManMedic

​​Koronavirus (COVID-19): ota-onalar nimani bilishi lozim!

Yangi koronavirus (CoV) koronavirusning yangi shtammidir.

Xitoyning Uxan shahrida ilk bor aniqlangan yangi koronavirus keltirib chiqaradigan kasallik 2019 yil koronavirus kasalligi deb nomlandi. Qisqacha COVID-19 nomida "CO" koronani (corona), "VI" virusni (virus), "D" esa kasallikni (disease) anglatadi. Avval ushbu kasallik "2019 yilgi koronavirus" yoki "2019-nCoV" deb nomlangan.

COVID-19 yangi virus bo’lib, kuchli o'tkir respirator sindromni va o'tkir respirator virusli infektsiyaning (O’RVI) ba'zi turlarini keltirib chiqaradigan viruslar oilasiga tegishlidir.

To'liq malumot

#manmedic_malumot
#manmedic_foydali
@ManMedic

​​Бўғим касалликларини даволаш ва олдини олишда нималарга эътибор бериш керак? Шифокор тавсияси

Касалликнинг белгилари нималарда намоён бўлади?

Касаллик белгиларини фақат шифокорлар эмас, балки бошқа соҳа вакиллари ҳам билиши мумкин. Бўғимларда оғриқнинг пайдо бўлиши. Оғриқ кўпинча куннинг иккинчи ярмидаги жисмоний зўриқишлардан кейин пайдо бўлиши мумкин. Оғриқ ҳаракатларга боғлиқ. Тинч ҳолатда эса оғриқ кечаси бўлиши мумкин.

Энг кўп кузатиладиган ҳолат тизза бўғимларда оғриқнинг пайдо бўлиши. Қайси бўғим кўп ишласа, ўша бўғимларда оғриқ кузатилади. Масалан, футболчиларда тизза, теннисчиларда тирсак, қурувчиларда ҳам елка ҳам тирсак ва майда бўғимлар шикастланиши мумкин.

Агар биз бўғимни ўрганиб чиқадиган бўлсак, соғлом бўғин ҳаракат қилганида ҳеч қандай оғриқлар сезмайди. Бўғимларда ҳаракат эркин бўлади.

Ҳар хил сабабларга кўра тоғайда ўзгаришлар бошланади. Тоғайнинг силлиқлиги йўқолади. Шунинг натижасида оғриқлар келиб чиқади. Бориб-бориб тоғайлар емирилиши мумкин. Бу емирилиш кейинчалик суякка ўтади. Натижада бемор юриши ва ҳаракат қилиши қийинлашади.

Олдини олиш йўллари

Остеоартрит (остеоартроз)ни олдини олиш учун албатта, биринчи навбатда шифокор кўригидан ўтиб туриш керак. Умумий қон таҳлили, рентген, МРТ, компьютер томография усулларида текширувдан ўтиш касалликни вақтида ташхислаш имконини беради.

Касалликни 4 босқичга бўлиш мумкин. 4-босқичда дори воситалари деярли фойда бермайди. Бу босқични жарроҳлик усули билан даволаш керак бўлади.

Шифокор тавсияси. Бўғим касалликларига қандай дори воситаларини қўллаш мумкин?

Касалликни ривожланишини олдини олиш учун керакли дориларни ишлатиш муҳим. Азалдан беморларни фитотерапия ёки ўсимликлар билан даволаш усули кенг қўлланилиб келинган. Бу усулга қарийб 7 минг йил бўлган. Ибн Синонинг «Тиб қонунлари» китобида 2400 дан ортиқ дори воситалари келтириб ўтилган. Шу дори воситаларидан 1400 таси ўсимлик дори воситаларига ажратилган.

Ана шундай табиий ўсимликдан тайёрланган дори воситаси бу “АРТИФАРМ” дори воситасидир. Бу дори воситаси табиий бўлиб, бўғим касалликларини даволаш учун энг керакли доривор ўсимликлардан экстракт қилиниб, таблеткага қўшилган.

Бу таблеткани бошланишига бир марта, кейин икки-уч марта ичиб юрса бўлади. Дори воситасининг яхши томони уни узоқ вақт ичиш мумкин ҳамда ножўя таъсири деярли йўқ. Бу дори воситаси остеоартрозни даволашда, тоғай емирилишини олдини олишда жуда яхши самара беради.

Биз бирор дори воситасини қўллашимизда фақат фойдали тарафидан ташқари унинг зарарли томонини ҳам ўйлашимиз керак. Ўсимликдан олинадиган фито препаратларнинг ножўя таъсири кам бўлади. Табиий восита бўлган “АРТИФАРМ” дори воситаси якка ўзи қўлланилиши, ёки бўлмаса комплекс тарзда, яъни бошқа препаратлар билан қўшимча ишлатилиши мумкин. Дори воситасини бемалол шифокорларга, беморларга остеоартроз касаллигини олдини олиш учун тавсия қиламиз. Чунки касалликни ташхислаш ва даволашдан ташқари унинг олдини олиш жуда муҳим. “АРТИФАРМ” дори воситаси касалликни профилактикасида яхши самара беради.

Хулоса ўрнида

Бўғим касалликларини олдини олишда томоқ оғриғи, ангина, шамоллаш каби касалликларни олдини олиб, болаларни чиниқтириш талаб этилади. Остеоартрозни олдини олиш учун соғлом ҳаёт тарзига кўпроқ эътибор қилишимиз лозим бўлади. Бу касаллик кўп ҳаракатлиликда ҳам, кам ҳаракатлиликда ҳам учраши мумкин. Ҳаракатда ҳам ҳаракат бўлади. Масалан кўпчиликка жисмоний тарбия билан шуғулланишни тавсия қилганимизда айтишадики: «мен эрталабдан кечгача ишда ҳаракатда бўламан». Афсуски бундай ҳолатда инсон танаси бир томонлама ҳаракатда бўлади. Бадантарбия машқларида барча бўғинлар ҳаракатда бўлади. Шунинг учун доимий равишда жисмоний машқларни бажариб туриш бўғим касалликларини олдини олади.

​​Оёқ-қўлингиз кўп музлайдими? Бу касаллик асорати бўлиши мумкин

Инсоннинг оёқ ва қўллари кўпинча муздек туришига қатор сабаблар бўлиши мумкин. WebMD экспертлари уларни тизимлаштириб, касаллик асорати бўлиши мумкин бўлган сабабларни келтиради.

Анемия

Организмда қизил қон таначалари (эритроцитлар) етишмаганда анемия ёки камқонлик юзага келади. Сабаблар турлича бўлиши мумкин, эритроцитлар етишмовчилиги эса бирдек намоён бўлади - чарчоқ, ҳолсизлик, бош айланиши, нафас қисиши ва доимий музлаш, айниқса, оёқ ва қўлларнинг музлаши.

Гипотиреоз

Гипотиреоз – қалқонсимон без функциясининг пасайиши, бунда гормон ишлаб чиқариш камаяди. Доимий музлаш - қалқонсимон без фаолиятидаги камчиликларга ишора қилади. Керакли миқдордаги гормонсиз метаболизм секинлашади ва тана "иссиқлик"ни тежай бошлайди. Гипотиреознинг бошқа одатий белгилари - сочларнинг оқариши, терининг қуруқлашиши ва чарчоқ.

Рейно феномени

Шундай ҳолатлар бўладики, оёқ-қўлларнинг қон томирлари паст ҳарорат ёки стрессга кучли реакция намоён қилади. Одатда бир неча дақиқадан бир соатгача давом этувчи хуруж вақтида қон томирлари тораяди, бунинг натижасида қон таъминоти бузилади. Бу бармоқларнинг музлашига ва қотиб қолишига олиб келади, улар оқ ёки кўк тусга кириши ҳам мумкин. Қон таъминоти қайта тикланганда улар ҳатто оғриши ҳам мумкин.

Буйраклар касаллиги

Буйраклар организмдан маҳсулотларни чиқаришга доир функциясини яхши уддалай олмаса, зарарли моддалар хавфли даражагача тўпланиб қолиши мумкин. Бу тана ҳароратини пасайтириши ва яна бошқа муаммоларни келтириб чиқариши мумкин.

​​Тилнинг ранги қуйидаги хасталиклар ҳақида хабар беради:

1. Оқ ранг - тана ҳарорати 37,5 даражадан юқори кўтарилиши, замбуруғли касалликлар белгиси. Тил юмшоқ бўлади ва кўп сўлак йиғилади, тилнинг ранги оқ ва кулранг тусда бўлади.

2. Қизғиш ранг - вируслар ва бактериялар, аллергик таъсирчанлик, шамоллаш белгиси.

3. Кулранг - озиқ-овқатдан заҳарланиш, сўлак кулранг тусга кириши мумкин.

4. Жигар ранг - сил, ортиқча кашандалик.

5. Оч пушти ранг - витамин етишмаслиги, кам қонлик (анемия), кальций ва магний етишмаслиги, фтор мувозанатининг бузилиши.

6. Сариқ ранг - жигар хасталиклари, ҳазм қилиш тизимида ҳазм қилиш суюқлигининг ошиб кетиши.

7. Кўк ранг - буйрак хасталиклари, кимёвий моддалардан заҳарланиш, қон босимининг тушиб кетиши, юрак уришининг секинлашиши.

8. Бинафша ранг - қон томирларидаги тромблар, ошқозон ачишини билдиради.

Ўпкадаги юқумли касалликлар тилга жигар ранг ва сарғиш тус бериши мумкин. Нафас йўллари ва ўпканинг куйиши (ёнғин бўлган ҳолатда), тилнинг ранги тўқ қизил, бинафша рангга яқинроқ тусда бўлади.

Суяк касалликлари – оч пушти ранг, тилнинг қуриши. Шунингдек, тилнинг қуриши қандли диабет хасталигида ҳам кузатилади ва тилнинг ранги сариқ тусда бўлади.

Юқорида кўрсатилган ташхис қўйиш усули аутоиммун касалликлари, ОИТС ва жигар циррози касаликларида қўлланилмайди.


#manmedic_malumot
#manmedic_foydali
@ManMedic

​​СИГAРЕТAНИНГ ИНСОН ОРГAНИЗМИГA ЗAРAРЛAРИ

Бир томчи никотин отни ўлдиришини ҳатто болалар ҳам билади. Бироқ, бу далил чекувчиларда алоҳида таассурот уйғотмайди: улар ўзларини бир вақтнинг ўзида бунча сигарета чекиб бўлмайди деган гап билан овутишади. Бироқ, тамаки тутунининг зарари никотиннинг ўзигина билан боғлиқ эмас, у фақат қарамлик чақиради, чекишнинг вайронкор таъсири бошқа омиллар билан ҳам ифодаланади.

Сигарета тутуни билан биргаликда чекувчи қуйидаги моддаларни ҳам ютади:
Маргимуш. Бу заҳар юрак муаммоларига сабаб бўлади, саратонни келтириб чиқаради ва танадан чиқиб кетиши жуда қийин.
Формалдегид. Ушбу заҳарли кимёвий бирикма биринчи навбатда, нафас олиш тизимига салбий таъсир қилади.
Полоний. Ушбу элемент радиоактив хусусиятларга эга. «Тажрибали» чекувчиларнинг 40 фоизи мунтазам равишда полоний заррачаларини ютади.
Бензол. Ушбу органик модда лейкоз ва бошқа онкологик касалликларнинг биринчи сабабчисидир.
Смола. Сигарета тутунидаги смола ўпкада чўкма сифатида қолиб кетади. Вақт ўтиши билан у тобора кўпайиб, бронхларни торайтиради, ўпканинг ҳажмини камайтиради ва оқибатда организмга кислород киришини ёмонлаштиради.

Бу моддалар — тамаки тутунининг бир қисми бўлган ягона заҳарлар эмас. Сигареталарнинг стандарт кимёвий текшируви тасдиқлаганидек, ҳар бир тортиш кўплаб заҳарли моддалардан иборат аралашмани ютиш демакдир, уларнинг таркибида жумладан:

Заҳарли газлар ва буғлар: метанол, аммиак, бутан, метан, водород сулфиди, ис гази;
Органик бирикмалар: синил кислота, асетон, фенол, карбазол, индол;
Оғир металлар: қўрғошин, радий, кадмий, цезий, алюминий, сурма.
Ушбу таркибий қисмлардан ҳеч бири хавфсиз эмас — уларнинг ҳар бири организмга у ёки бу тарзда шикаст етказади, иммунитетни заифлаштиради, ўпкаларнинг фаолиятига салбий таъсир кўрсатади, қон оқимига кириб, юрак, мия ва бошқа органлар ишини бузади, ҳужайра мутациясига олиб келади ва онкология сабаб бўлади.

ТИББИЙ СТAТИСТИКA
Сигарет чекишнинг оқибатлари жуда турлича бўлиши мумкин — тамаки тутуни деярли барча ички органларга таъсир қилади. Бироқ, ушбу зарарли одатнинг энг кўп кузатиладиган асоратлари қуйидагилардир:

Сурункали бронхит;
Нафас олиш тизимининг онкологик касалликлари;
Юрак-томир патологиялари (ЙИК, артериал гипертония, қон томир тромбози ва бошқалар).
Ўпка саратони билан оғриган беморлар 90 фоизининг анамнезида чекиш ҳолатлари мавжудлигини статистика ҳам тасдиқлайди. Бундан ташқари, бронхит ва эмфиземадан ўлим ҳолларининг 75 фоизи у ёки бу тарзда бу зарарли одат билан боғлиқ. Чекувчиларнинг юрак хасталиклари ҳам 25% ҳолларда оғирроқ кечади ва кўпроқ ўлимга олиб келади.

#manmedic_malumot
#manmedic_foydali
@ManMedic

​​Ҳомиладорликда қўл увишишининг умумий сабаблари:

Шишлар. Бўлажак она ва ҳомила учун хавф туғдирмайдиган энг эҳтимолли сабаб. Ҳомиладорлик даврида буйракларга тушадиган юк ортади. Суюқлик тўқималарда ушланиб, асаб тугунлари ва қон томирларига босим ўтказа бошлайди. Натижада оёқ-қўлларда қон айланишининг бузилиши ва уларнинг увишиши кузатилади. Бундан ташқари, шиш ривожланишига прогестерон ишлаб чиқарилишининг кўпайиши ҳам сабаб бўлиши мумкин.

Танадаги минерал ва витаминлар баланси бузилиши. Ҳомиладорлик пайтида қўл ва оёқларда кўпинча A ва Б гуруҳлари витаминлари етишмовчилиги туфайли безовталик кузатилади, магний, калий, темир, калций етишмовчилиги оёқ-қўллар сезгирлиги бузилиши, тортишишлар ва оғриқларга олиб келади. Муаммони таомномага микроелемент ва витаминларга бой озиқ-овқат маҳсулотларини киритиш орқали ҳал қилиш мумкин.

Туннел синдроми — билак пайлари ва суяклари орасидаги ўрта асабнинг қисилиши фонида юзага келадиган клиник кўринишлар мажмуи. Ушбу нейропатия компютерда ишлайдиганлар, скрипкачилар, пианист ва қўллари доимий зўриқиш билан боғлиқ бўлганларнинг касбий касаллиги ҳисобланади.

Бўйин ёки бўйин-кўкрак умуртқалари остеохондрози. Умуртқа ва умуртқалараро дисклардаги патологик ўзгаришлар туфайли қўллар увишиши эҳтимоли жуда катта. Бугунги кунда сайёрамизнинг ҳар иккинчи аҳолиси остеохондрозга чалинган. Ҳомиладорлик, қоида тариқасида, вазиятни янада оғирлаштиради ва касаллик хуруж олишини келтириб чиқаради. Остеохондроз учун асаб қисилган томондаги жимжималоқ ва номсиз бармоқ увишиши характерлидир
.
Умуртқалараро чурра. Бунда патология механизми асаб қисилишидаги каби.
Умуртқа поғонасининг бўйин қисми артрози. Умуртқа тузилмаларнинг яллиғланиш-дегенератив жараёнлари кўпинча асаб ўтказувчанлиги бузилишига олиб келади, бунинг натижасида ҳар иккала қўл ва оёқларда увишиш кузатилиши мумкин.

Эндокрин касалликлар. Қандли диабетда бу ҳолат шикастланган томирлар бўйлаб қон оқиши қийинлашиши оқибатида юзага келади.
Рейно синдроми — бу тизимли касаллик, масалан, васкулит ёки склеродерма фонида ривожланадиган иккинчи даражали ҳолат. Синдром ҳомиладорлик билан боғлиқ эмас, шунчаки агар аёлда бундай синдром олдин мавжуд бўлган бўлса, ҳомиладорликда у фаоллашиши мумкин. Синдром томирлар спазми туфайли қўл-оёқларда артериал қон айланишининг бузилиши билан тавсифланади. Қўл ва оёқ бармоқларининг учлари тўсатдан увишади, совий бошлайди, териси оқариб кетади. Кейин оғриқ, ачишиш, кенгайиш ҳисси сезилади. Хуруж қон айланишининг тикланиши билан якунланади, бу вақт терининг қизариши, қизиши сезилади.

Тор кийимлар кийиш. Тор манжет ёки енг мушак ва асабларнинг қисилишига олиб келади, қолаверса қўллар шишганлиги туфайли илгари ўлчами мос бўлган кийимлар ҳам торлик қилиб қолиши мумкин.
Сумкани елкада кўтариб юриш. Бу одат ҳам асабларнинг қисилиши, қон айланишининг бузилишига олиб келиши мумкин.

#manmedic_malumot
@ManMedic

​​ТУЯ СУТИНИНГ ФОЙДAЛИ ХУСУСИЯТЛAРИ

Туя сутининг фойдаси унинг таркибидаги ноёб моддалар мавжудлигида ётади. Ушбу маҳсулот таркибида темир микроелементи мавжуд, у қон таркибини яхшилайди ва ҳужайралардаги метаболик жараёнларда иштирок этади. Бундан ташқари, ўзида қизил қон таначалари ҳосил бўлиш жараёнини фаоллаштирадиган аминокислоталар сақлайди, шунинг учун туя сути камқонликдан азият чекадиганларга айниқса тавсия этилади.

Фосфор ва калцийнинг таъсири туфайли суякларда регенерация фаоллашади ва уларнинг мустаҳкамлиги ортади. Кўп миқдорда аскорбин кислотаси мавжудлиги иммунитетни мустаҳкамлаш ва организмнинг ҳимоя функцияларини яхшилашга кўмаклашади.

Д витамини мавжудлигини ҳисобга олганда бу маҳсулот болаларда остеопороз ва рахит хавфини камайтиради. Б гуруҳ витаминлари эса асаб тизимининг фаолиятини нормаллаштиради ва стресс, уйқусизлик ва чарчоқдан қутилишга ёрдам беради.

Кўп миқдорда натрий мавжудлиги туфайли туя сути чанқоқни тезда қондиради, бу чўлда сафар қилиш даврида айниқса муҳимдир. Қолган микроелементлар қаторида ҳужайра ферментларининг бир қисми бўлган кобалт, юак-томир тизими фаолиятини яхашиладиган калий ҳам мавжуд.

#manmedic_foydali
@ManMedic

​​Невроз (неврастения) қандай касаллик?

Невроз асабнинг ортиқча зўриқишидан келиб чиқади. Асаби тор одамлар неврозга тез чалинишади. Ақлий ва жисмоний меҳнатнинг номутаносиблиги, доимий ҳиссий зўриқишлар, яқин кишисидан жудо бўлиш, оила ва ишхонадаги келишмовчиликлар, қўрқув ва хавотирда юриш неврозга сабабчи бўлади. Неврознинг оила аъзоларида учраши унинг ривожланишида наслий омилларнинг аҳамиятини ҳам кўрсатиб беради. Ёш болаларда неврознинг ривожланишига уни ўраб турган муҳит, айниқса, ота-она орасидаги жанжаллар сабабчи бўлади. Болалик даврида олган тан жароҳатлари ҳам бундан мустасно эмас.
Невроз нафақат жаҳлдор одамлар, балки ўта андишали одамларда ҳам ривожланиши мумкин. Айниқса, андишали одам жанжалли воқеалар рўй берганда ҳиссиётга изм бермасликка, ўзини бошқариб туришга ҳаракат қилади, бировнинг кўнглини оғритиб қўймай дейди. Бу ҳолатлар, аксарият ҳолларда, асаб тизимининг чарчашига сабабчи бўлади. Шунингдек, витаминлар етишмовчилиги, камқонлик, сурункали ва оғир касалликлар ҳам неврозга олиб келади.

#manmedic_malumot
@ManMedic

​​ҲОМИЛA ТУШИШИ — СAБAБЛAРИ, AЛОМAТЛAРИ, ТAШХИСЛAШ, ДAВОЛAШ ВA ОЛДИНИ ОЛИШ

Ҳомила тушиши, спонтан аборт — ҳомиладорликнинг ўз-ўзидан (спонтан) патологик узилиши. Клиник равишда аниқланган ҳомиладорлик ҳолатларининг 15-20 фоизи спонтан аборт билан якунланади. Бу рақамлар қуйи чегарадир, чунки кўп ҳолларда ҳомила тушиши эрта муддатларда юзага келади — аёл ҳомиладор бўлганини англашга улгурмайдилар, унинг белгилари эса кўпинча кўп миқдорда ҳайз келиши билан адаштириб юборилади.

Тўлиқ ўқиш - тугмаси


#manmedic_malumot
@ManMedic

​​Нега узоқ муддат ўтирган ҳолатда бўлиш зарарли?

Одам танаси юриш ва ҳаракатланишга мослашган. Бироқ компютер ва офис ишлари баъзида 7-9 соатлаб бир жойда ўтириб ишлашга мажбур қилади. Камҳаракат меҳнат фаолиятининг "бонусларидан" бири - умуртқа поғонаси ва қоматни тутиш билан боғлиқ муаммолар, елкалар, бўйин, бошда оғриқ сезилиши саналади.

Ўтроқ турмуш тарзи эртами-кеч ортиқча вазн тўпланишига олиб келади. Тўлача инсонлар озғин инсонларга қараганда суткасига 2,5 соат кўпроқ ўтирган ҳолатда бўлишлари аниқланган.

Жисмоний фаолликнинг камлиги ёки унинг умуман бўлмаслиги, шу жумладан бир жойда узоқ вақт ўтириб ишлаш бир нечта сурункали касалликлар - қандли диабет, юрак касалликлари ва жигар касалликлари ривожланишига ҳисса қўшади.

Шу сабабли айниқса карантин даврида уйдан кам чиқадиганлар кунора енгил жисмоний машқлар қилиб туришлари, ишлайдиганлар эса ҳар 1-2 соатда танаффус олишлари тавсия этилади.

Каналга обуна бўлинг - @ManMedic