Andijon viloyati Korrupsiyaga qarshi kurashish hududiy Kengashi

Andijon viloyati Ekologiya, atrof-muhitni muhofaza qilish va iqlim o‘zgarishi boshqarmasi boshlig‘i
Sanjarbek Dadamirzayevning

Hurmatli jamoa!

Barchamizga yaxshi maʼlumki, bugungi kunda Prezidentimiz Shavkat Mirziyoyev rahbarligida mamlakatimizda korrupsiyaning oldini olish va unga qarshi kurashish, davlat va jamiyat qurilishining barcha sohalarida korrupsiyaviy omillarga chek qo‘yishga qaratilgan keng ko‘lamli ishlar amalga oshirilmoqda. Jamiyatimizning har bir sohasida izchil amalga oshirib kelinayotgan islohotlar markazida korrupsiyaga qarshi kurashish ustuvor yo‘nalishlardan biri bo‘lib qolmoqda. Bu jarayonda har ikki yilga mo‘ljallangan davlat dasturlari bevosita O‘zbekiston Respublikasi Prezidenti tomonidan tasdiqlanib, ijroga qaratilishi korrupsiyadan xoli muhitga erishish yo‘lida muhim ahamiyat kasb etmoqda.
Ushbu yo‘nalishdagi ishlar sarhisobi bo‘yicha Korrupsiyaga qarshi kurashish milliy kengashining joriy yil 5 martda o‘tkazilgan navbatdagi yig‘ilishi sohada yangi sahifa ochdi. Yig‘ilishda davlatimiz rahbarining korrupsiyaga qarshi kurashish bo‘yicha ilgari surgan 55 tashabbusi sohadagi sa’y-harakatlarni yangi bosqichga olib chiqish uchun mustahkam zamin hozirladi.
Boshqarmada korrupsiyaga qarshi kurashishda asosiy eʼtiborni jinoyatning oqibatiga qarshi kurashishga emas, avvalo, uni keltirib chiqarayotgan omillar va sabablarga barham berishga qaratamiz. Bu illatga qarshi murosasizlik muhitini shakllantirish va qatʼiy kurash olib borish kelgusida ham boshqarmaning birinchi navbatdagi ishi bo‘lib qoladi. Eng muhimi, bu yo‘nalishdagi har bir xabar va maʼlumotlar tezkorlik bilan o‘rganilib, keskin choralar ko‘rib boriladi.
Atrof-muhitni asrash va “yashil” iqtisodiyot yilida aholining ekologik ongi va madaniyatini yuksaltirish, ekologiya sohasida korrupsiyaga qarshi kurashish bo‘yicha targ‘ibot, tashviqot ishlarini sifat jihatdan yangi bosqichga olib chiqamiz.
Albatta, bu vazifalarni bilimli, tashabbuskor, sadoqatli va bugungi islohotlar natijalariga daxldorlik hissi bilan yashaydigan xodimlar bilangina samarali amalga oshiramiz. Bu jarayonda saflarimizda halol va pok, jonajon O‘zbekistonimizga sadoqatli va fidoyi xodimlar ishlashiga birinchi darajali eʼtibor qaratmoqdamiz. Mamlakatimizdagi tarixiy o‘zgarishlarni chuqur anglaydigan, zamonaviy fikrlaydigan, bilimli, vatanparvar va izlanuvchan yosh kadrlarni xizmatga olish, barcha mutaxassis va xodimlarimizni chinakam vatanparvarlik ruhida tarbiyalashga ustuvor ahamiyat beramiz.
Boshqarmada ochiqlik va shaffoflikni ta’minlash, raqamlashtirish ishlari va inson omilini qisqartirish choralari jadal davom ettirilmoqda, xodimlar tomonidan ko‘rsatiladigan davlat xizmatlari elektron tizimga bosqichma-bosqich o‘tkazilmoqda.
Sohada nopok, zimmasidagi vazifa va vakolatlarni suisteʼmol qiladigan, befarq va loqayd kimsalar oramizda bo‘lmasligi uchun keskin choralarni ko‘ramiz.

Qadrli hamkasblar!
Korrupsiyaga qarshi kurash endilikda davlatimiz siyosatining muhim yo‘nalishlaridan biriga aylandi, har bir xodim ushbu jarayonning bevosita faol ishtirokchisiga aylanishi kerak.

Andijon viloyati Ekologiya boshqarmasini “Korrupsiyadаn xoli hudud”ga aylantirish bizning asosiy maqsadimizdir.

📌Маълумот учун: жорий йилнинг 5 март куни Ўзбекистон Республикаси Президенти Шавкат Мирзиёев раислигида Коррупцияга қарши курашиш бўйича миллий кенгашнинг кенгайтирилган йиғилиши бўлиб ўтиб, унда юртимизда коррупциядан холи муҳит яратиш бўйича қилинган ишларга баҳо берилиб, келгуси вазифалар белгилаб берилган эди.