🏛ADTI.UZ | Rasmiy kanali

#yakuniy_imtihon

Vrachlar malakasini oshirish va qayta tayyorlash fakulteti Endoxirurgiya, endourologiya, stomatologiya va oftalmologiya kafedrasida Endoxirurgiya, endourologiya qayta tayyorlash tinglovchilarining yakuniy imtihon jarayonlari bo‘lib o‘tdi.

Mazkur yo‘nalishda “Endoxirurgiya” sohasi va “Endourologiya”da mutaxassis vazifalarini bajara oladigan, xirurgik kasalliklar bo'yicha bilimlarni o'zlashtirgan, mutaxassislar tayyorlash va jahon ilm-fani va amaliyotining so'nggi yutuqlarini egallagan, endoxirurgiya mutaxassis shifokori malakaviy talablariga muvofiq, egallangan yangi mutaxassislikka xos bo'lgan shifokorning funktsional vazifalarini mustaqil bajara oladigan, tibbiyot muassasalarida bemorlarga yuqori malakali endoxirurgik va endourologik yordam ko'rsata oladigan mutaxassislar tayyorlandi.

Bugungi kunda kursantlar 5 oy mobaynida olgan bilimlarini sinovdan o‘tkazdilar. Imtihonlar nazariy va amaliy tarzda olib borildi.

Navbatdagi jarayonlarni kelgusi xabarlarimizda kuzatib boring!

REKTORNING "BINOKOR” MAHALLASINING AHOLISI ISHTIROKIDAGI SAYYOR QABULI DAVOM ETMOQDA

Xabaringiz bor, Prezidentimiz raisligida “Mahallalarda aholi bandligini taʼminlash, daromadini oshirish va kambag‘allikdan chiqarish bo‘yicha” o‘tkazilgan videoselektor yig‘ilishida belgilab bergan vazifalaridan kelib chiqib, viloyat hokimi Sh.Abdurahmonovning topshirig‘iga asosan qizil toifadagi mahallalar aholisiga ko‘maklashish, bandligini ta’minlash, muammolarini o‘rganish va ularni bartaraf etish yuzasidan izchil ishlar amalga oshirilmoqda. Xususan, Andijon davlat tibbiyot institutiga Andijon shahridagi “Binokor” mahalla fuqarolar yig‘inida joylashgan 12 ta aholi yashaydigan ko‘p qavatli uylarda istiqomat qiluvchi fuqarolar biriktirilgan bo‘lib, mas'ullar tomonidan ularning yashash sharoitlari va muammolari doimiy tarzda o'rganib kelinmoqda.

Jumladan, bugun 25-yanvar kuni ham Andijon davlat tibbiyot instituti rektori M.Madazimov aholi vakillari ishtirokida sayyor qabul o‘tkazdi.

Sayyor qabul davomida bir nafar fuqaro Turkiya davlatining Istanbul shahrida tikuvchilik sexida ishlayotgani, bir nafar fuqaro kichik tadbirkorlik bilan shug‘ullanayotgani uchun sababli MFY xodimlariga fuqarolarni reestrdan chiqarish taklifi bildirildi. Shuningdek, ijarada yashayotgan fuqaro subsidiya olishi uchun hokim yordamchisiga yo‘naltirildi.

#Akademik_litsey_faoliyati_hafta_ichida

➡️Andijon davlat tibbiyot instituti akademik litseyida kunlik dars jarayonlari O'zbekiston Respublikasi davlat Madhiyasini jo'r bo'lib kuylash bilan boshlandi.

➡️Andijon davlat tibbiyot instituti Korrupsiyaga qarshi kurashish va Komplayens nazorat tizimini boshqarish bo‘limi mas’ullari tomonidan akademik litseyda o‘qituvchilar, o‘quvchi-yoshlar o‘rtasida korrupsiyaga qarshi murosasiz munosabatni shakllantirish borasida profilaktik tadbirlar tashkil etildi. Tadbir davomida o’quvchi yoshlarga odob-axloq qoidalariga rioya qilish, dars jarayonlarida faollik, yoshlarning yetarli bilim olishlari uchun yaratilgan sharoitlardan unumli foydalanish va akademik litsey o‘qituvchilari hamda o’quvchilar o‘rtasida korrupsiyaga qarshi murosasiz munosabatni shakllantirish borasida tavsiyalar berildi.

➡️O’zbek xalqining boy madaniy merosi, milliy qadriyatlari va urf-odatlarini yanada qadrlash, yoshlarga milliy liboslarning jozibasi va iftixorini singdirish maqsadida, Andijon davlat tibbiyot instituti akademik litseyida haftaning har juma kuni “An’anaviy milliy liboslar kuni” deb belgilangan. Ushbu kunda o‘qituvchi va o‘quvchilar milliy liboslarda dars mashg‘ulotlarini o‘tkazdi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#Fakultetlar_xabarlari
#Ajdodlar_merosi

🔴Farmatsiya fakulteti talaba-yoshlari ishtirokida O‘rta asr-sharq madaniyati, adabiyoti, she’riyatida oʻziga xos oʻrin egallagan adib, shoh, shoir hamda mohir sarkarda Zahiriddin Muhammad Bobur tavalludining 542 yilligiga bagʻishlab g‘azalxonlik tadbiri o‘tkazildi.

🔴Institutning Talabalar turar joyida A.Navoiy hamda Z.M.Bobur tavalludi munosabati bilan chellenj o'tkazildi.

🔴Talabalar turar joyida Stomatologiya fakultetiga qarashli Xorijiy tillar kafedrasi o‘qituvchilari tomonidan "Amir Temur-yetuk harbiy sarkarda" mavzusida davra suhbati olib borildi.

Unda Stomatologiya fakulteti dekan o‘rinbosari X.Mahmudov uchrashuvni ochib berib, hozirda yurtimizda va xususan institutimizda yoshlarga yaratib berilayotgan sharoit va imkoniyatlar toʻgʻrisida tushunchalar berib oʻtdi. Kafedraning maʼnaviyat ishlari boʻyicha masʼuli G.Mahmudova talabalarga Amir Temurning xarbiy yurishlari va olib borgan odilona siyosati haqida ma’lumotlar berdi. Talabalar mavzu doirasida o'zlarini qiziqtirgan savollarga batafsil javob oldi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

XALQARO HAMKORLIK ALOQALARI MUSTAHKAMLANMOQDA

Bugun, 25-yanvar kuni Andijon davlat tibbiyot instituti rektori M.Madazimov Rossiya Federatsiyasi Moskva shahridagi N.N.Burdenko nomli Neyroxirrurgiya milliy-tibbiy-ilmiy-amaliy markazining Bosh miya asosi o‘smalari bo‘limi mudiri, yetakchi ilmiy xodim, tibbiyot fanlari nomzodi Fomichev Dmitriy Vladislavovichni qabul qildi.

Xorijlik mutaxassisga institutning Bolalar travmatologiyasi, ortopediyasi va neyrojarrohlik kafedrasi mudiri, tibbiyot fanlari nomzodi, professor Q.Qo‘ldoshev hamrohlik qildi.

Uchbu uchrashuvda tomonlar mavjud ikki tomonlama hamkorlik aloqalarini yanada mustahkamlash masalalarida suhbat o‘tkazdi. Unda mutaxassislarning tajriba va mahorat almashishlari muhim ahamiyatga ega ekanligi ta’kidlandi.

Ayni shu maqsadda Fomichev Dmitriy Vladislavovich tomonidan institut professor-o‘qituvchilariga 36 soatlik mahorat darsi, talabalarga Neyrojarrohlik fanidan dars mashg‘ulotlari o‘tkazilishi rejalashtirilgan. Shuningdek, bir qator ko‘rgazmali operatsiyalarni amalga oshirish belgilangan.

Uchrashuv davomida mazkur mashg‘ulotlarni o‘tkazish bo‘yicha rejalar belgilab olindi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter