Amu-Qashqadaryo ITHB

#бетонлаштириш

ИЧКИ СУҒОРИШ ТАРМОҚЛАРИ БЕТОНЛАШТИРИЛМОҚДА

Косон  туманда жорий йилда фермер ҳудудлари ҳисобидаги 175 км ички ариқлар бетонлаштирилиши режалаштирилган.

 Айни кунларда туманнинг “Арабхона”, “Беруний”, “Косон”, “Ўзбекистон”, “Қорабайир” ва “Гулбоғ” ҳудудларида  бетонлаштириш ишлари уюшқоқлик билан олиб борилмоқда. 

Бугун туман “Сув етказиб бериш хизмати" ДМ ходимлари фермер хўжаликлари аъзолари билан ҳамжиҳатликда туманнинг “Арабхона” ҳудудидан оқиб утувчи ички суғориш тармоғининг 300 метр қисмида бетонлаш ишларини амалга оширди.

https://t.me/AmuQashqadaryoITHB

#ҚАШҚАДАРЁ_ВИЛОЯТИ

НАСОС СТАНЦИЯЛАРИДА ЁРДАМЧИ ХЎЖАЛИК КЕНГАЙМОҚДА

Аму-Қашқадарё ИТҲБ Насос станциялари ва энергетика бошқармаси ва туман участкаларида ёрдамчи хўжаликни ривожлантириш ва “Яшил макон”  умуммиллий лойиҳаси  доирасида кўчат экиш ишларига жиддий эътибор қаратилмоқда. Жорий йилда улар томонидан жами 33 минг дона мевали ва манзарали кўчатлар экиш режалаштирилган.

Бугун Ғузор туманидаги “Қорасув” насос станцияси ишчи-ходимлари станцияга туташ 2 сотих ер майдонига жами  5 минг туп  манзарали дарахт қаламчалари захираси яратилди.

Шунингдек, "Дўстлик” канали атрофида ташкил этилган боғ қатор орасига 2 гектар помидор ва 3 гектар ғалла экиш учун агротехник тадбирлар олиб борилди.

Айни кунларда Миришкор тумани "Ғ.Ғулом" насос агрегати муҳофаза майдонидаги зовурда 1000 дона ўрдакчилик ташкил қилиш мақсадида жой тайёрланмоқда.

Ушбу ташкил этилаётган ёрдамчи хўжалик маҳсулотлари ишчи ходимларни рағбатлантириш мақсадида бепул тарқатилади.

https://t.me/AmuQashqadaryoITHB

Қашқадарё вилояти

ЯНГИ ТЕХНИКАЛАР ХИЗМАТДА

Аму-Қашқадарё ИТҲБ бошлиғи Ф. Сиддиқов  Касби туманида суғориш тармоқларини бетонлаштириш борасида  амалга оширилаётган ишлар билан танишиб, масъулларга  зарурий кўрсатмаларни берди.

Айни пайтда ДМ ҳисобидаги “Фазли-1” каналида бетонлаштириш ишлари амалга ошириляпти. Бу ишларда ДМ ҳодимлари ва яқиндагина харид қилинган янги бетон қориш техникаси хизматда.

“Фазли-1” каналининг умумий узунлиги 5,6 км, сув ўтказиш қобилияти 4 м3/сек.  Ушбу канал Қарши ва Касби туманларидаги 2 минг 777 гектар қишлоқ хўжалиги ерларини сув билан таъминлайди. Жорий мавсумда каналнинг 2 километр қисми реконструкция қилиниши режалаштирилган.

Шунингдек, туманда ДМ ҳисобидаги янги экскаватор ёрдамида кузги-қишки тадбирлар жадаллик билан олиб борилмоқда.

Бугун “Хўжахайрон” каналида тозалаш  ишлари бажариляпти.

Шунга айтишади-да “Иш қуролинг соз бўлса машаққатинг оз бўлар” дея. Бугун касбилик сувчиларнинг иш қуроли соз, самарадорлиги юқори.

https://t.me/AmuQashqadaryoITHB

#фотo_факт

Қамаши тумани «Сув етказиб бериш хизмати» ДМ ходимлари сув истеъмолчилари билан баҳамжиҳат иш олиб бориб, жами 85 километр узунликдаги канал ва ички суғориш тармоқларини бетонлаштиришни режалаштиришган. Ҳудудларда ҳар куни ҳашарлар уюштирилмоқда.

 Айни кунларда “Чим” ҳудудидаги фермер хўжаликларининг ички суғориш тармоқларида бетонлаштириш ишлари олиб борилмоқда.

https://t.me/AmuQashqadaryoITHB