* Қутлов

Бугун – Ўзбекистон Ёзувчилар уюшмаси аъзоси, таниқли болалар шоири Дилшод РАЖАБ туғилган кун.
60 ёшни қаршилаётган ижодкорни шодиёна кун билан муборакбод этиб, унга янги ижодий зафарлар тилаб қоламиз.

ЎЗБЕКИСТОН

Ўзбекистон —
Ҳур Ватан,
Бағри тўла
Нур Ватан.
Бахт порлар
Қуёшингда,
Хумо қуши
Бошингда!
Отамиздай
Улуғсан
Меҳрга кон —
Тўлиқсан.
 
БОҒЧА ОПАМ

Боғча опам —
Ой опам.
Гўзалликка
Бой опам.
Кулиб турар
Кўзлари.
Ширин-шакар
Сўзлари.
Олдига тез
Чопамиз.
Салом, боғча
Опамиз!

КАПАЛАКЛАР

Боғимизга
Бир қаранг:
Капалаклар
Ранг-баранг.
Қизил, сариқ,
Яшил, оқ,
Бир-бирига
Дўст-иноқ.
Кўриб роса
Қувнаймиз.
Лекин сира
Қувмаймиз.

СУВ

Сув келади
Шилдираб,
Югургандай
Пилдираб.
Ўтиб кетар,
Тўхтамас.
Вақти борга
Ўхшамас.
Шошиб борар
Далага.
Етай деб
Гул-майсага.

Дилшод РАЖАБ

Уланиш учун: https://t.me/Buxoro_adiblari