Abdulla Ahmad ijodi

Yakkabog‘dan Chikagoga: Ulkan G‘alaba!

Sharofova Mushtariy Akrom qizi Yakkabog' tumanidagi 75-sonli umumiy o'rta ta'lim maktabining 11-«A» sinfi o'quvchisi bo‘lib, o‘zining ulkan yutuqlari bilan barchani hayratda qoldirdi.

U AQSHning Chikago shahridagi nufuzli DePaul universitetining umumiy qiymati $124,000 dollarlik grantini qo‘lga kiritib, muddatidan oldin talaba bo‘ldi.

Bu natija nafaqat Mushtariy uchun, balki uning oilasi, ustozlari va butun tumanda ta’limga bo‘lgan e’tibor uchun yuksak muvaffaqiyatdir.

Mushtariyning mehnatsevarligi, bilimga chanqoqligi va ulkan maqsadlar sari intilishi boshqalarga ham o‘rnak bo‘lishiga ishonamiz.

Biz Mushtariyni, uning ota-onasini va ustozlarini chin dildan tabriklaymiz va bu yutuq yangi avlod uchun ilhom manbai bo‘lishiga tilakdoshmiz!

Ta’limda yuksak natijalarga erishish – barchamizning kelajagimiz garovidir.

✅
SHOIRLARNI OTGAN JALLODLAR

Shoirlarni otgan jallodlar
Bugun yashar nafaqasin yeb.
O‘lgan shohga sodiq sollotlar
Xat bitishar: "Biz tayyormiz!" deb.

O‘sha kunlar haqida ular
So‘zlar ekan silab soqolin,
Har gapdan so‘ng ta’kidlab qo‘yar:
"To‘g‘ri qilgan o‘rtoq Stalin!"

… Shoir – isyon.
Isyonlar esa
Podshohlarni qo‘rquvga solar,
Shuning uchun ular eng avval
Shoirlarning boshini olar.

Agar podshoh shoirni suysa,
Demak shoir tezda o‘ladi –
O‘zi suygan shoirni so‘ysa
Podshoh dili lazzat oladi.

Mangu yovdir shoir-u-podshoh,
Mangu jangdir shoirlik yo‘li.
O‘lsa hamki, podshohga hukm
Bitar o‘lgan shoirning qo‘li.

Podshohlarga shoirmas, qullar –
Qullar kerak, jallodlar kerak,
Shoir eksa dillarga gullar,
Majaqlovchi sallotlar kerak.

Podshoh bitta,
Qullar esa ko‘p –
Hatto podshoh o‘lsayam, ular
Qul ota-yu, qul onalarning
Qo‘rquvidan tug‘ilaverar.

Shoir esa jasorat va ishq
Farzandidir!
O‘xshar daryoga –
Qullargamas, hurlarga qo‘shiq
Aytmoq uchun kelar dunyoga.

Shoirlarni otgan jallodlar
Bugun tirik, to‘qir aqida
Podshoh amri ila sallotlar
O‘q uzgan ul kunlar haqida.

Ular bilmas, hech bir zamonda
Shoirlarni o‘ldirib bo‘lmas –
O‘q uzsayam, boshin uzsayam
Asl shoir hech qachon o‘lmas.

Balki bilar…
Bilib chiqmaydi
Na ko‘chaga va na maydonga –
Duch kelishdan qo‘rqadi balki
Qodiriyga yoki Cho‘lponga.

Xurshid DAVRON

1988

Jadid.uz | Telegram | Facebook | Instagram | YouTube

АТИРГУЛИМ!

Рангинг кўриб алвон қонга ўхшатдим,
Гўзаллигинг малакжонга ўхшатдим,
Ифорингни атирларда учратдим,
Эй-гуллар маликаси, атиргулим!

Қўлга олдим аҳволинг қилиб абгор,
Тиконларинг аёвсиз берди озор,
Шунда кўрдим кўзингда томчи ёш бор,
Йиғламагин, кечиргин, атиргулим!

Шабнам экан кўзингдаги томчи ёш,
Таажжубда, ўйлаб қотиб қолди бош.
Ярим умринг ўғирлаб қилдим талош,
Безори, гунохкорман,атиргулим!

Сенга энди ҳеч ҳам зиён бермайман,
Сени мақташни ҳам сира кўймайман,
Ҳидлаб-ҳидлаб ифоринга тўймайман?
Эй-гуллар маликаси, атиргулим!..

...Рангинг қизил, алвонликка чўлғаниб,
Ифорингдан юрак кетади ёниб,
Шабнам эса лабларингда тўлғониб,
Дийди жонбахшдир бўсанг, атиргулим!

01.10.2020
Воҳа
Абдулла Ахматов