1984
Bo‘g‘iq xasratlarning ortidan sekin
Topganim dunyoning talotumlari
Yurakka buyurib bo‘lmaydi lekin,
Buyursa ham boshliq va boshqo‘mlari.
Bu qanday joziba, bu qanday xuruj,
Isyonning miltig‘i zanglasa hamki,
Yurak aqlim bilan qilmoqda urush
Til-tishla, jim yurgin... Jamoat jamki
Siyosat, kimgadir buzuq fohisha
Dunyoga sotilib ketadigan ul,
Yana aytishadi tilingni tishla,
Uzulib ketsa ham ostidan butkul...
Shunda tinch yashaysan, shunda o‘sasan
Shunda madhiyalar yozasan bot-bot.
Yirtqich lablaridan, ko‘zning to‘sasan,
Shunda senga kulib boqadi hayot...
Afsusning muridi bo‘lasan yana
Qafas ochilsa-da uchmaydigan qush
Ozodlik- bu eng buyuk xotima,
Ozodlik, kelajak, va eng shirin tush...
Ammo, afsonalar yozasan g‘alat,
Ichingda vulqondek tinib hislaring,
Yuragingni g‘ajib tashlar jasorat
Aytadi ne sabab, meni ushlading...
Aytadi ne sabab meni ushlading...
©Abdulla Ahmad
Jorch Oruelning shu nomdagi asaridan taʼsirlanib.
Bo‘g‘iq xasratlarning ortidan sekin
Topganim dunyoning talotumlari
Yurakka buyurib bo‘lmaydi lekin,
Buyursa ham boshliq va boshqo‘mlari.
Bu qanday joziba, bu qanday xuruj,
Isyonning miltig‘i zanglasa hamki,
Yurak aqlim bilan qilmoqda urush
Til-tishla, jim yurgin... Jamoat jamki
Siyosat, kimgadir buzuq fohisha
Dunyoga sotilib ketadigan ul,
Yana aytishadi tilingni tishla,
Uzulib ketsa ham ostidan butkul...
Shunda tinch yashaysan, shunda o‘sasan
Shunda madhiyalar yozasan bot-bot.
Yirtqich lablaridan, ko‘zning to‘sasan,
Shunda senga kulib boqadi hayot...
Afsusning muridi bo‘lasan yana
Qafas ochilsa-da uchmaydigan qush
Ozodlik- bu eng buyuk xotima,
Ozodlik, kelajak, va eng shirin tush...
Ammo, afsonalar yozasan g‘alat,
Ichingda vulqondek tinib hislaring,
Yuragingni g‘ajib tashlar jasorat
Aytadi ne sabab, meni ushlading...
Aytadi ne sabab meni ushlading...
©Abdulla Ahmad