Do‘stlik ixtisoslashtirilgan maktabining rasmiy Telegram kanali

✨ AVGUST KENGASHI O‘Z ISHINI BOSHLADI

🎓 Ixtisoslashtirilgan ta’lim muassasalari agentligi tomonidan “Kelajakni yaratayotgan maktablar: liderlik, innovatsiya va natija” mavzusida tashkil etilgan Avgust kengashi — o‘quv-seminari o‘z ishini boshladi.

✅ Kengashning ochilish marosimida Maktabgacha va maktab ta’limi vaziri o‘rinbosari Azizbek Turdiyev hamda Ixtisoslashtirilgan ta’lim muassasalari agentligi direktori Sevara Shakirova so‘zga chiqib, yangi o‘quv yilida ta’lim sifatini oshirish, maktab boshqaruvini takomillashtirish hamda rahbarlarning mas’uliyati va tashabbuskorligini kuchaytirish bo‘yicha ustuvor vazifalarga to‘xtalib o‘tdilar.

✅ Muhammad al-Xorazmiy nomidagi ixtisoslashtirilgan maktabda o‘tkazilayotgan ikki kunlik tadbirda Agentlik tizimidagi Prezident, ijod, sport va ixtisoslashtirilgan maktablar, maktab-internatlar, shuningdek, yangi tashkil etilgan muhandislik maktablari direktorlari ishtirok etmoqda.

✅ Avgust kengashi doirasida 2026/2027-o‘quv yilidagi ustuvor vazifalar, zamonaviy ta’lim boshqaruvi, liderlik, innovatsion yondashuvlar hamda ta’lim samaradorligini oshirish masalalari muhokama qilinadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

Ихтисослаштирилган мактабларда маънавий муҳитни шакллантириш бўйича инновацион тавсиялар
1. “Маънавий муҳит — тарбия эмас, мактаб маданияти” тамойили
Маънавий муҳитни алоҳида тадбирлар эмас, ҳар кунги муносабатлар белгилаши.
Ҳурмат, масъулият, ҳалоллик, адолат ва меҳрни мактабнинг асосий қадриятларига айлантириш.
Ҳар бир ходим ва ўқувчи ушбу қадриятларга амал қилиши учун аниқ мезонлар ишлаб чиқиш.
2. “Директорнинг 10 дақиқаси” формати Ҳар куни директор:
1 нафар ўқувчи билан суҳбат;
1 нафар ўқитувчининг фикрини эшитиш;
1 та ижобий ҳолатни эътироф этиш;
1 та муаммони аниқлаш амалиётини йўлга қўяди.
3. “Очиқ эшик — очиқ мулоқот” муҳити Ўқувчи мактаб раҳбари ёки ўқитувчи билан муаммосини бемалол муҳокама қила олиши керак. Бунинг учун:
“Менинг фикрим” қутиси;
QR-кодли аноним мурожаат;
ҳафталик очиқ мулоқот;
“Директорга 5 дақиқа” формати жорий этилади.
4. “Бир ўқувчи — бир устоз” тизими Ҳар бир ўқувчига унинг қизиқиши, қобилияти ва шахсий ривожланишини кузатиб борадиган ментор-педагог бириктирилади.
5. “Қаҳрамонимиз — ўзимиз” лойиҳаси Фақат олимпиада ғолибларини эмас:
меҳнатсевар ўқувчи;
ҳалоллиги билан намуна бўлган ўқувчи;
бошқаларга ёрдам берган ўқувчи;
ташаббускор ўқитувчи;
энг масъулиятли ходимларни ҳам эътироф этиш.
6. “Танқид эмас — таҳлил” қоидаси Хатога йўл қўйган ўқувчи ёки ходимни омма олдида камситишга йўл қўймаслик.
Хатони жазолашдан олдин — унинг сабабини тушуниш.
7. “Маънавий аудит” жорий этиш Ҳар чоракда мактабда:
ўқувчи қониқиши;
ўқитувчи кайфияти;
ўзаро ҳурмат;
адолатли муносабат;
буллинг ҳолатлари;
раҳбариятга ишонч;
жамоадаги психологик муҳит бўйича аноним сўровнома ўтказиш.
Натижа рақамларда таҳлил қилиниб, “Маънавий муҳит индекси” шакллантирилади.
8. “Телефонсиз 30 дақиқа — инсондан инсонга” Ҳафтада бир марта ўқувчилар ва педагоглар телефонлардан узилиб:
китоб;
шахсий мулоқот;
интеллектуал ўйин;
ижодий суҳбат;
жамоавий фаолиятга жалб қилинади.
9. “Меҳр акцияси”ни доимий ҳаракатга айлантириш Ҳар ойда ўқувчилар ўз ташаббуси билан жамоага, устозларга, эҳтиёжмандларга ёки мактаб муҳитига фойда келтирадиган бир амални бажаради.
10. “Маънавият бурчаги” эмас, “Маънавият муҳити” Маънавиятни фақат стенд ва шиорларга жойлаштирмаслик. Мактабнинг:
кириш қисми;
коридорлари;
синф хоналари;
кутубхонаси;
овқатланиш жойлари;
ҳовлисида ҳам умумий қадриятлар акс этиши керак.
11. “Китобдан — мулоқотга” формати Ҳар ой битта китоб танланади. Лекин китоб ҳақида реферат ёздириш ўрнига:
“Мен бу китобдан нимани ўргандим?”
“Қайси қаҳрамоннинг қарори нотўғри?”
“Мен унинг ўрнида бўлганимда нима қилардим?” каби саволлар асосида очиқ муҳокама ўтказилади.
12. “Устознинг шахсий намунаси — энг кучли тарбия” Педагогдан фақат билим эмас, муомала маданияти, кийиниш маданияти, вақтга риоя, адолат ва масъулият бўйича ҳам намуна талаб қилинади.
13. “Яхши сўз — яхши муҳит” механизми Ҳар куни мактабда камида битта инсоннинг яхши иши эътироф этилади. Бу:
“Раҳмат!”
“Сиздан ўрнак олдим.”
“Бугунги ишингиз жуда яхши бўлди.” каби оддий, аммо кучли механизм бўлиши мумкин.
14. “Муаммони яширма — ечимини топ” маданияти Мактабда муаммоларни беркитиш эмас, уларни эрта аниқлаш ва ҳал қилиш тизими яратилади.
15. Асосий KPI — фақат натижа эмас Ихтисослаштирилган мактаб раҳбари фаолиятини баҳолашда академик натижалар билан бирга:
ўқувчи хавфсизлиги;
жамоадаги ишонч;
педагоглар қониқиши;
ўқувчиларнинг мактабга муносабати;
ташаббуслар сони;
низолар динамикаси каби кўрсаткичлар ҳам инобатга олиниши мақсадга мувофиқ.
Энг муҳим концептуал ўзгариш
Эски ёндашув:
“Ўқувчини тарбиялаш керак.”
Янги ёндашув:
“Шундай муҳит яратиш керакки, ўқувчи ҳар куни яхши инсон бўлишни ўзи танласин.”

#Диққат_эълон
‼️‼️‼️

Yurtimiz maktablarida 2026/2027 o‘quv yili 2-sentabrdan boshlanadi

✅ Respublikamiz bo‘ylab barcha umumta'lim maktablarida yangi – 2026/2027-o‘quv yili dars jarayonlari joriy yilning 2-sentabridan (chorshanba kuni) boshlanadi.

📊 Joriy yilda birinchi sinfga qabul qilinadigan 795 mingdan ortiq o‘quvchiga 12 nomdagi o‘quv qurollaridan iborat “Prezident sovg‘asi” tantanali topshiriladi.
_____

С 2 сентября во всех школах страны начнётся новый учебный год

✅ Во всех общеобразовательных школах республики учебный год начнется 2 сентября.

📊 Кроме того, в этом году более 795 тысяч первоклассникам торжественно вручат «Подарок Президента», включающий 12 наименований школьных принадлежностей.

🌍🌍🌍🌍🌍🌍

Bizni kuzating:
❤ Telegram       🌐 Facebook
🌐 Youtube            🌐 Instagram
🔎 Veb-sayt          😄 Linkedin

#Dostlik_IM
#ota_onalarga_murojaat

Doʻstlik tuman ixtisoslashtirilgan maktabi maʼmuriyatidan ota-onalarga

MUROJAAT

Hurmatli ota-onalar!

Farzandlarimizning maktabdagi taʼlim-tarbiya jarayoni yuqori darajada tashkil etilishi, intizom va tashkiliy madaniyatning mustahkamlanishi barchamiz uchun muhimdir. Shu munosabat bilan, maktab formasi borasida quyidagi tartib va talablarga qatʼiy rioya qilinishini so‘raymiz:

🔹 Qizlar uchun maktab formasi:

Oq rangli kofta

Toʻq koʻk rangdagi yubka (tizzadan kamida 5 cm past bo‘lishi lozim)

Kulrang rangdagi kostyum (jilet yoki jaket)

🔹 Oʻg‘il bolalar uchun maktab formasi:

Oq rangli koʻylak

Toʻq koʻk shim

Kulrang rangdagi kostyum (jilet yoki jaket)

🔹 Poyabzal:

Tinch, sokin rangdagi, yopiq va qulay poyabzal bo‘lishi zarur. Sport oyoq kiyimlari, yorqin va bezakli tuflilar ruxsat etilmaydi.

Siz aziz ota-onalardan farzandlaringizning maktab formasiga to‘liq rioya etishlarini taʼminlashda hamkorlik qilishingizni so‘raymiz. Bu nafaqat maktabda tartib-intizomni mustahkamlash, balki farzandlarimizda estetik did, saranjomlik va jamoaviylik tuyg‘usini shakllantirishga xizmat qiladi.

Hurmat bilan,
Doʻstlik tuman ixtisoslashtirilgan maktabi maʼmuriyati

📲 https://t.me/Dustlik_IM

#diqqat_eʼlon

🔴 OTA-ONALAR DIQQATIGA!

🎓 Ixtisoslashtirilgan ta’lim muassasalari agentligi tizimidagi ixtisoslashtirilgan maktablarda tahsil olayotgan o‘quvchilarning 2026–2027-o‘quv yili I choragida o‘qishini bir hududdan boshqa hududga ko‘chirish bo‘yicha arizalar 19–27-avgust kunlari qabul qilinadi.

Ota-onalar yoki ularning o‘rnini bosuvchi qonuniy vakillar arizalarni hududlardan turib transfer.piima.uz platformasi orqali elektron shaklda yuborishlari mumkin. Arizalarni qabul qilish muddati yakunlangach, murojaatlarga 10 ish kuni davomida platforma orqali javob beriladi.

🖌 Ariza topshirishda quyidagi ma’lumot va hujjatlar talab etiladi:

✔️ ota-ona yoki qonuniy vakilning F.I.O. va telefon raqami;
✔️ o‘qishni ko‘chirish sababi;
✔️ o‘quvchining F.I.O. si, tug‘ilganlik to‘g‘risidagi guvohnomasining seriyasi va raqami;
✔️ o‘quvchi tahsil olayotgan maktab, sinf, yo‘nalish hamda o‘qishni ko‘chirmoqchi bo‘lgan maktab to‘g‘risidagi ma’lumot;
✔️ o‘qishni ko‘chirishga asos bo‘luvchi hujjatning PDF formatdagi nusxasi.

🔴 ESLATIB O‘TAMIZ!

🟢 Ixtisoslashtirilgan maktab o‘quvchisining davlat tashkilotida ishlaydigan ota-onasi boshqa hududga ishga o‘tgan taqdirda, o‘quvchini tegishli hududdagi ixtisoslashtirilgan maktabga, bo‘sh o‘rin mavjud bo‘lganda, ko‘chirishga ruxsat etiladi.

🟢 Joriy yilda qabul e’lon qilingan maktablarning tegishli sinflariga o‘quvchilarni ko‘chirish imkoniyati mavjud emas. Mazkur sinflarga qabul qilingan o‘quvchi o‘qishni davom ettirmagan taqdirda, uning o‘rniga kirish imtihonlari natijalari bo‘yicha navbatdagi eng yuqori ball to‘plagan talabgor taklif etiladi.

🟢 Platforma orqali ariza yuborilgandan so‘ng avtomatik tarzda taqdim etiladigan KALIT SO‘ZNI saqlab qo‘yish zarur. Ushbu kalit so‘z orqali ariza holatini kuzatish mumkin.

❗️ Belgilangan hujjatlar to‘liq ilova qilinmagan taqdirda, ariza rad etilishi mumkin.

☎️ Murojaat uchun: +998 71 207-20-17 (180)

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor