Ixtisoslashtirilgan ta'lim muassasalari agentligi

#Farmon_ijrosi_amalda
#ingliz_tili

O‘zbekiston Respublikasi Prezidentining 2024-yil 1-apreldagi “Ixtisoslashtirilgan maktablar tarmog‘ini kengaytirish va ularning faoliyatini yanada takomillashtirish chora-tadbirlari to‘g‘risida”gi PF-55-son Farmoni ijrosini ta’minlash maqsadida Agentlik tizimidagi ijod va ixtisoslashtirilgan maktablarda STEM fanlarini Kembrij o‘quv dasturi asosida ingliz tilida o‘qitish bosqichma-bosqich joriy etilmoqda.

Mazkur dastur 2024/2025-o‘quv yilining sentabr oyidan Xo‘jayli tuman, Zomin tuman hamda noyabr oyidan Angren shahar, Yangiyer shahar, Buxoro tuman, Muzrabot tuman, Guliston hamda Termiz shahridagi ixtisoslashtirilgan maktablarida tashkil etildi. Jarayon davom ettirilib, Agentlik tizimidagi Sergeli va Muzrabot tuman ixtisoslashtirilgan maktablarida ham saralash imtihonlari bo‘lib o‘tdi.

Shuni alohida aytib o‘tish kerakki, imtihon jarayonlari Prezident maktablari bilan hamkorlikda tashkil etildi.

Ma'lumot o‘rnida, Agentlik tizimidagi ijod va ixtisoslashtirilgan maktablarda STEM fanlarni ingliz tilida o‘qitish amaliyoti bosqichma-bosqich joriy qilinib boriladi.

Telegram | Facebook | Instagram | YouTube

#seminar_trening

🤩 Ixtisoslashtirilgan ta’lim muassasalari agentligi tizimidagi Jizzax shahar 2-son ixtisoslashtirilgan maktabiga biriktirilgan Jizzax shahridagi 4-, 8-, 13-, 14-, 17-, 18- hamda 31-umumta’lim maktablarining rahbar xodimlari va malakali pedagoglari ishtirokida seminar-trening bo‘lib o‘tdi.

Mazkur maktablarning oʻquv jamoalari uchun tashkil etilgan seminar-trening davomida, yangi baholash tizimi, aniq va tabiiy fanlarni oʻqitishda samarador usullar yuzasidan nazariy-amaliy tushunchalar berildi.

Shuningdek, oʻqituvchilarga BSB va ChSB jarayonlarini baholash tartibi, qaydnomalarni toʻgʻri toʻldirish va oʻquvchilarning ishlarini toʻgʻri baholash yuzasidan amaliy mashgʻulotlar oʻtkazilib, zarur metodik tavsiyalar berildi.

Ta'lim muassasasida jamoaviy va sog’lom muhitni yaratishga qaratilgan mazkur trening ishtirokchilarda katta taassurot qoldirdi.

Telegram | Facebook | Instagram | YouTube

#xalqaro_hamkorlik

🤩 Agentlik tizimidagi taʼlim muassasalari mutaxassislari, bitiruvchi oʻquvchilarning xalqaro taʼlim grantlari, jahonning nufuzli oliygohlari, ularga hujjat topshirish tartibi, imtihon shartlari borasida bilimlarini oshirish maqsadida turli formatdagi muloqotlar muntazam ravishda tashkil etib kelinmoqda.

Ayni yoʻnalishdagi navbatdagi muloqot Oʻzbekistonning Malayziyadagi elchixonasi koʻmagida ZOOM platformasi orqali tashkil etilib, unda Agentlik masʼul xodimlari, tizimdagi maktablar maslahatchilari, bitiruvchi-oʻquvchilar ishtirok etdi.

Onlayn muloqotda Shimoliy Malayziya (Utara) universiteti professori Habibulla Axadqulov Malayziyada taʼlim turlari, bosqichlari, oliy taʼlim muassasalari, ularga hujjat topshirish va kirish imtihonlari tartibi, xorijlik talabalarga yaratilgan sharoitlar va imkoniyatlar, xalqaro taʼlim grantlari va dasturlari haqida batafsil maʼlumot berdi.

Maʼlumot oʻrnida, H.Axadqulov 2016-yildan buyon Utara universitetida faoliyat olib bormoqda. Uning 70 dan oshiq ilmiy ishlari mavjud boʻlib, ulardan 50 ga yaqini yuqori reytingli xalqaro jurnallarda chop etilgan. Olim o‘zi ilmiy tajribasini Buyuk Britaniya, Germaniya, Italiya va Braziliya kabi davlatlarning yetakchi universitetlarida oshirgan. O’ndan ortiq xalqaro grantlar sohibi.

Telegram | Facebook | Instagram | YouTube