Advokat Amirov

Судьяларга сунъий интеллект (ChatGPT4) таърифи:

“Буюртма асосида қарор қабул қиладиган судья” – одил судлов принципларига зид бўлган ҳолат. Бундай судьялар қарорларини қонун ва адолатга эмас, балки маълум бир шахслар ёки гуруҳларнинг манфаатларига мувофиқ чиқаради. Бу нафақат суд тизимига ишончни сусайтиради, балки жамиятда қонун устуворлигини ҳам заифлаштиради.

Судьянинг вазифаси ҳар қандай ҳолатда ҳам қонунларга амал қилиш ва адолатни таъминлашдир. Агар судья ташқи босим ёки шахсий манфаатлар асосида қарор қабул қилса, бу қонунчиликка ва одоб-аҳлоқ қоидаларига зид ҳисобланади.

“Журъатли ва қатъиятли судья” – бу қонун устуворлигини ва адолатни таъминлаш йўлида ҳар қандай босим ёки таҳдидларга қарамай, мустақил ва холис қарор қабул қиладиган судьядир.

Бундай судьялар:

Қонунга содиқ бўлади – қарорлари қонун ва адолат принципларига асосланган бўлади, эмаски шахсий манфаатлар ёки ташқи таъсирлар.

Босимга берилмайди – ҳар қандай сиёсий, иқтисодий ёки ижтимоий босимга чидамли бўлиб, ўз принципларидан чекинмайди.

Адолатни ҳимоя қилади – ҳар қандай вазиятда ҳақиқатни аниқлашга ва ҳаққоний қарор чиқаришга интилган ҳолда иш тутади.

Масъулиятли ва профессионал – ўз вазифасига жиддий ёндашиб, қонунни чуқур тушунади ва амалда тўғри қўллайди.

Бундай судьялар жамиятда қонун устуворлиги ва адолатни таъминлашда муҳим роль ўйнайди ва инсонларнинг суд тизимига бўлган ишончини оширади. Улар танқид ёки таҳдидларга қарамай, ўз фаолиятида асосий қимматларни ҳимоя қилади.

Ушбу таърифларга (сунъий интеллектнинг фикрларига) қўшиласизми?

Каналга уланиш
Advokat G’aniyev

РАСМИЙ АХБОРОТ

Бугун жиноят ишлари бўйича Чилонзор туман судида К. Дусовга (1984 йилда Самарқанд вилоятида туғилган) оид жиноят ишини кўриб чиқиш бўйича очиқ суд жараёни якунланиб, суд ҳукми эълон қилинди.

Ушбу жиноят иши жиноят ишлари бўйича Чилонзор туман судининг судьяси С. Мамадиев раислигида биринчи инстанцияда кўриб чиқилди.

Суд судланувчининг жиноят содир этишдаги айби жабрланувчининг кўрсатмасидан ташқари, жиноят ишида тўпланган далиллар билан, яъни жабрланувчиларнинг аризаси, тушунтириш хатлари, гувоҳларнинг кўрсатмалари, судга доир лингвистик экспертизалар хулосалари, ёзувлар скриншоти, Facebook ижтимоий тармоғидаги “Кабул Дусов” номли профилни ва Telegram мессенжеридаги “Kobul Dusov | RASMIY KANAL” номли канални кўздан кечириш баённомаси, судга доир комплекс экспертизалар хулосалари ҳамда жиноят иши бўйича барча тўпланган, текширилган, ишга алоқадорлиги, мақбуллиги ва ишончлилиги нуқтаи назаридан баҳоланган далиллар билан тўлиқ исботланган деб ҳисоблади.

Суд ҳукмига мувофиқ К. Дусов жабрланувчи Ф. Боқиевга нисбатан Жиноят кодексининг 140-моддаси (ҳақорат қилиш) 3-қисми “а” бандида назарда тутилган жиноятни содир этганликда айбли деб топилиб, унга 1 йил муддатга озодликни чеклаш жазоси тайинланди.

Жиноят кодексининг 48-1-моддасига (озодликни чеклаш) асосан К. Дусовга сутканинг муайян вақти, яъни кеч соат 21:00 дан эрталабки соат 07:00 га қадар яшаш жойидан чиқиш чекланиши ва унга қўшимча интернетдан фойдаланмаслик, оммавий ва бошқа тадбирлар ўтказишда иштирок этмаслик, ҳар ойда бир маротаба яшаш жойи бўйича ИИО ФМБ Пробация бўлимидан рўйхатдан ўтиб туриш ҳамда маҳкумларни назорат қилувчи органнинг розилигисиз яшаш жойини ўзгартирмаслик каби тақиқлар юкланиши белгиланди.

Мазкур жиноят иши бўйича манфаатдор тарафларга етказилган моддий ва маънавий зарарларни ундириш юзасидан фуқаролик суд ишларини юритиш тартибида судга мурожаат қилиш ҳуқуқлари мавжудлиги тушунтирилди.

Биринчи инстанция судининг ҳукми устидан тарафлар қонунда белгиланган тартиб ва муддатда Тошкент шаҳар судининг жиноят ишлари бўйича судлов ҳайъатига апелляция/кассация тартибида шикоят бериш ва протест келтиришга ҳақлилиги маълум қилинади.

Telegram