AYOLLAR DUNYOSI 🌸

​​#МЕНГА_ҲАЁТ_БАҒИШЛА_2:

42-қисм

МУАЛЛИФ ШАМСИНУР


Маҳмуд энди вақтини кўпроқ машғулот залларида ўтказарди. Уйга боришни истамас, ўша мудҳиш кунни унутолмасди.


Ўша кун ҳам Хамидага қўнғироқ қилиб бу ҳақида айтди.


-Маҳмуд тўғри қилгансан. Агар сен отмаганингда ойинг ҳозир тирик бўлмасмиди?

Хамида мен отмасдан ҳам дадамни тўхтатишим мумкин эди. Унда куч ишлатишга мажбур бўлардим. Шунчаки қўрқитиш учун ўқни дадамдан бир метр узоққа тўғрилаб отдим. Аммо... Аммо дадам  онамни сочидан тортиб ортга қадам ташлади. Мен... Мен улгуролмай қолдим. Ҳечам дадамда қасдим бўлмаган.


-Мен сенга ишонаман. Доим ёнингда бўламан. Келажакда шундай чиройли оила қурайлик-ки, бизни фарзандларимиз, бизни кўриб афсус чекмасин. Азобланмасин.


-Илоҳим, илоҳим айтганинг келсин.


-Бу кунлар ҳам ўтиб кетади.


-Албатта, ҳар бир тундан кейин тонг отади.

Икковининг ҳам олийгоҳга топшириш вақти етиб келди. Маҳмуднинг чемпионлиги уни фойдасига ишлаган бўлса, Хамида контракт асосида ўқишга қабул қилинганди. Маликанинг талаба бўла олмагани икковини ҳам дилини хира қилган бўлса-да, унинг тадбиркорлик борасида ишлари ўнгидан келаётгани уларни қувонтирарди.  Уччови йиғилишиб талаба бўлганликларини ювишди.


-Малика сафимизда эмаслигингдан хафаман. Аммо сен эплаётган ишлар ҳаммага ҳам эмас.

-Маҳмуд ўқишда ўқийсанми ўзи? Ёки юртма юрт кезасанми?

-Иккови ҳам. Икковиниям ташлаб қўйиб бўлмайди.


-Тўғри айтасан.


-Малика мен ҳам дўкон очмоқчиман, ёрдам берасанми?


-Албатта, сен нима сотасан, қаердан жой оласан аниқлаб ол. Шунга кўра маҳсулотларни қаердан олишни ва нархларни ўрганиб чиқамиз.

Уларнинг энг бахтиёр беташвиш кунлари эди бу.


Маҳмудни отаси уйига қайтгандан кейин буткул ҳаётлари издан чиқди. Ҳассада юришни ўрган куниёқ Иқболойни ҳасса билан урди. Сабр коса тўлиб борарди. Уйда тинчлик йўқ, ҳар куни уриш жанжал. Қилдан қийиқ ахтариш. Иқболой опа ҳам энди ҳолдан тойиб қолганди. Унинг уриш жанжаллар тинка мадорини қуритди. Асаблари таранглашиб беҳол бўлиб йиқилди. Бу воқеа сабр косасининг тўлишига сўнгги томчи бўлди.

-Ойи илтимос кетайлик шу уйдан.


Мақсуда онасини пешонасига нам латта босар экан ҳиққилаб йиғларди.

-Отангни бу аҳволида ташлаб қаерга борамиз?


-Ойи бу урушни охири йўқ. Дадам ўзини бемалол эплайди. Қўлтиқтаёқда ҳам сизни урса, ароққаям бемалол бориб келади. Мухтор ҳам акамни олдидан келолмай қолди. Мен сизни ҳимоя қилолмайман. Жон ойи кетайлик.


Мақсуда акасига ҳам қўнғироқ қилиб шу гапларни айтиб йиғлади. Иқболой опа кетишни ўйламаган бўлса ҳам, кейинги калтакланишида эри уни кўчага ҳайдади. Шу ҳайдалиш эр-хотиннинг ажрашишига олиб келди. Ажримни Мажид акани ўзи хоҳлади.


-Менга оилавий ҳаёт керак эмас. Уйимни бўшатиб қўйишсин.


-Яхшилаб ўйлаб кўринг. Тағин аҳволингиз...


-Мен ўзимни эплайман. Гап битта хотинимни талоғини бердим. Боши очиқ.


Иқболой опани юрагида липиллаб турган учқун ҳам шу сўздан сўнг ўчди.


Маҳмуд оила аъзоларини олиб шаҳарга кетди. У ерда танишлари ёрдамида ижарага уй топиб ҳаётини янгитдан бошлади.

Давоми бор.....

#МЕНГА_ҲАЁТ_БАҒИШЛА_2:

Малика бу вақтга келиб қайнотасини ўнг қўлига айланиб улгурган, тадбиркорлик борасида анча мунча билимга эга аёл бўлиб улгурганди. У йетимхоналарга ҳам ҳомийлик қила бошлади. Ёрдамга муҳтожларга моддий томонлама ёрдам қўлини чўзарди. Қайнонаси ҳам у билан тортишмай қўйган, Маликани бунга вақти ҳам йўқ эди. Шунча ишлар билан биргаликда олийгоҳга ҳам тайёргарлик кўрарди. Барча абитуриентлар қатори у ҳам ҳужжатларини топширди. Қайнотаси қўллаб қувватлаб турди.

Бойвачча қизларини атрофидан "мехрибон" ота онаси ҳам қадамини узмасди. Ҳаттоки Ёдгорбекка қарашга ҳам келарди онаси. Маликани бир вақтлар кераксиз буюмдек ҳақорат қилган инсонлар, энди уни бошларига кўтаришарди. Малика аллақачон кимни ким эканини билиб бўлганди. Беш йиллик берган нон тузи ҳаққи, биров ранжита олмаслик феъли ҳаққи у бошига не кунларни солган ота онасини кўксидан итаролмасди. Маликадан бир нима таъма умидида бўлишгани сезмай қолмасди ҳар ҳолда.

-Қизим, шу десанг, акангни иши бироз орқага кетиб турибди...


-Бўлди ойи тушундим. Карта рақамларига пул ўтказиб бераман.


-Рахмат болам, умрингдан барака топ.


Малика неча йил олдин шу сўзга интизор эди. Бир бора эшитиш учун жонини берарди. Лекин энди бундай сохта меҳрибонларни унга кераги йўқ. Аллоҳ уни чин инсон бўлмиш қайнотаси билан сийлади. Малика фақат Жамол Мирзаевдагина сохталикни кўрмади. Қайнотасини шу сабаб ҳам ота деб чақирарди. Маликани ҳаётини изига солган бу одамни у аллақачон ўз отаси сифатида қабул қилиб бўлганди.

Онасини бу сохтагарлиги уни қизиқтирмасди. Ҳаттоки ота уйига , агар шундай дейилса, бормай ҳам қўйди. Аъза куни айтилган сўзлар ҳамон уни юрагини қора қилиб келарди. Кўпчиликни олдида кераксиз буюмдек ҳақоратланишни у ҳали бери унута олмаса керак.


Имтиҳон жавоблари чиқди. Барча кутган, ҳаяжонланган 15-август эди. Малика жавоблар рўйхатидан ўзини топа олмади. Уч бора қараб чиқди ҳамки йўқ. Эрталабки ҳаяжонли кайфиятидан асар ҳам қолмади. Жуда тушкун кайфиятда эди.

-Қизим нима бўлди?

Уйга зўрға қадам босиб келаётган келинини кўриб Жамол ака барини тушунганди.


-Ўхшамади.

-Келаси йил ҳаракат қиларсан. Ёки суперконтракт қилишга уруниб кўраман.

-Йўқ ота керакмас.

-Унда ўзингни қўлга ол. Мана бу ҳужжатларда муаммо чиққан. Ҳисоботларни текшириш керак.

Жамол Мирзаев ёнидаги бир уюм ҳужжатларни келинига узатди.

Малика ҳужжатларни олиб секинлик билан хонасига кўтарилди. Қайнонаси Ёдгорбекни ухлатаётган экан, болани келинига топшириб хонадан чиқди. Малика ўғлини бағрига босиб барча ғамларни унутди. Кийимини алмаштириб ҳужжатларни текширишга шўнғиди. Шу даражада берилиб кетдики, хизматчи хонага овқат киритиб берди. Малика ўзини чалғитиш мақсадида эрталабгача ҳужжат текшириб чиқди. Бу унга завқ бағишларди.

Шу кундан бошлаб маркетинг, савдо сотиқ бўйича билимларни эгаллай борди. Катта катта хайрия ишларини бошлади. Буларни барчасига қайнотасини қўллаши сабаб эришди.

Давоми бор....