Янги йил кирган сонияларда атрофни эгаллаган мушакларни болаларим деразадан томоша қилишди. Бир у деразага чопади, бир бунисига. Мен эса қулоқларимни бекитишга, эшитмасликка ҳаракат килдим.

Ахир, сўнгги бир ой давомида пиротехника воситаларини ноқонуний олиб ўтиш, унинг зарари ҳақида бонг урмадик-ми?

Бир неча йилдир-ки шу – ҳамма янги йилни хурсандчиликда қарши олади. Менда эса мана шу ўй-хаёллар хукмрон бўлади. Ўзингни худди оқимга қарши сузаётгандек ҳис қиласан.

Аммо, вазифамиз шу, бурчимиз шу – биров амал қилса-қилмаса-да, бу йўлдан қайтаришга ҳаракат қилаверамиз.

Дарвоқе, пиротехника воситаларини бевосита божхона постлари орқали олиб ўтиш имконсизлигини эслатиб ўтаман.

Бу мавсумда божхона ходимлари 1,7 млрд сўмлик 7 млн дона салют ва петардаларни тўхтатиб қолишди.

Шаҳар кўчаларидаги осуда ва тинчлиги учун ҳам 1 январни яхши кўраман.

Янги йил барчамизга муборак бўлсин!

* Мени пост ва шарҳларда белгилаётган барчага умумий жавобим шу бўлақолсин.