#hamkasblarimiz_ijodidan

Ҳамкасбларимиз ижодидан

Божхоначи

Божхона постида туради ҳушёр,
Юртимнинг содиқ посбонлари бор.
Роҳатни билмайди улар эрта-кеч,
Ёғганида ёмғир, ёғганида қор.

Ҳушёрлиги билинар тийрак кўзидан,
Хиёнатдан йироқ, қайтмас сўзидан.
Фидолик керак бўлса Ватанга,
Кечиб юборади, ҳатто, ўзидан.

Хизматда инсоф-у соф виждон билан,
Нафсини енгади пок иймон билан.
Қасамида содиқ уни оқлайди,
Юртини ёмондан мудом сақлайди.

Эҳтиром кунида бўлдик жамулжам,
Сизлар бор тинч ўтар ҳар тонгимиз ҳам.
Дуода халқимиз қўллайди сизни,
Ниятлар ушалиб ҳеч бўлмангиз кам.

Дурдона Қаюмова
Бухоро вилояти божхона бошқармаси
Жамоатчилик ва оммавий ахборот воситалари бўйича катта инспектор