2025-йилги Давлат дастури доирасида аҳоли саломатлигини яхшилаш, айниқса, соғлом турмуш тарзини тарғиб қилишга қаратилган қатор муҳим чора-тадбирлар кўриб чиқилмоқда. Ўзбекистон Республикасининг 2025 йилда амалга оширишни мақсад қилган асосий йўналишлардан бири, аҳоли ўртасида энг кўп учрайдиган касалликларни барвақт аниқлаш ва улар билан касалланиш ҳолатларини кескин камайтиришдир. Шунингдек, аҳоли ўртасида соғлом турмуш тарзини тарғиб қилиш ва жисмоний фаолликни ошириш ҳам муҳим вазифалардан бири сифатида кўрсатилган.