StartupLabs

Xulosa

Airbnb va Craigslist hikoyasi startaplarning o‘z cheklangan resurslaridan maksimal darajada foydalanishi mumkinligini ko‘rsatadi. Bu strategiya Airbnb’ga katta auditoriyaga chiqish va o‘z bozorida raqobatchilardan ustun bo‘lishga yordam berdi. Minimal xarajat va ijodiy yondashuv bilan amalga oshirilgan ushbu taktika hali ham marketing sohasidagi eng yaxshi strategiyalardan biri sifatida e’tirof etiladi.

Bizda shu kabi xarajatsiz marketinglar yoki keyslar bo'lganmi yoki bu strategiya qanchalik to'g'ri yoki noto'g'ri deb o'ylaysizlar kommentda qoldirilar🙏


@startuplabs

Hayrli kech barchaga!
Kam byudjetli marketing orqali katta auditoriya jalb qilgan qiziqarli keysni bo'lishmoqchiman.

Airbnb va Craiglist
Qanday qilib oddiy taktika startapni global gigantga aylantirdi ?

Airbnb bugungi kunda dunyodagi eng muvaffaqiyatli startaplardan biri bo‘lib, mehmonxona va turar joy xizmatlari sohasida inqilob qildi. Ammo Airbnb’ning ilk kunlari oson kechmagan. Kompaniya o‘z faoliyatini 2008-yilda boshlaganida, ular deyarli resurssiz, katta marketing byudjetisiz ish boshlashgan. Biroq, ular o‘z mahsulotlarini targ‘ib qilishda ijodiy yondashuvni qo‘llab, Craiglist platformasidan samarali foydalanishdi. Ushbu strategiya Airbnb’ni qiyinchiliklardan olib chiqib, ularni global darajadagi brendga aylantirdi.

Craigslist nima va nega u muhim edi?

Craigslist o‘sha davrda AQShda mashhur e’lonlar platformasi bo‘lib, odamlar turli xizmatlar va mahsulotlarni sotib olish, sotish yoki ijara qilish uchun undan foydalanardi( Olx ga o'xshash). Ayniqsa, turar joyni ijaraga berish yoki ijaraga olish uchun bu platforma asosiy manbalardan biri edi. Bu Airbnb uchun ideal auditoriya edi, chunki ular ham mehmonlarni vaqtincha joy bilan ta’minlash bozorida ishlashni maqsad qilgandilar.

Airbnb qanday strategiyani qo‘lladi?

Airbnb asoschilari Craigslist platformasidan maksimal darajada foydalanish uchun quyidagi qadamlarni qo‘llashdi:

1. Trafikni Craigslist orqali jalb qilish:
Airbnb dastlab o‘z saytida ro‘yxatdan o‘tgan mehmonlar va uy egalariga "Sizning e’loningizni Craigslist’ga joylashtiramiz" degan funksiya taklif qildi. Bu Airbnb’ning texnik guruhi tomonidan avtomatlashtirilgan jarayon edi, ya’ni foydalanuvchilarga bir necha klik orqali e’lonni Craigslist platformasiga joylashtirish imkoniyati berildi.

2. E’lonlarni moslashtirish:
Craigslist foydalanuvchilari Airbnb e’lonlarida nafaqat turar joy haqida ma’lumot, balki to‘g‘ridan-to‘g‘ri Airbnb havolasini ham ko‘rishlari mumkin edi. Bu orqali Airbnb o‘z saytiga organik trafikni jalb qildi.

3. Craigslistni Airbnb foydasiga ishlatishi:
Airbnb o‘z foydalanuvchilarining e’lonlarini Craigslist platformasiga moslashtirib, ular orasida ko‘rinish darajasini oshirdi. Natijada, Airbnb foydalanuvchilari ikkala platformada ham kengroq auditoriyaga yetib bordilar.

4. Raqobatchilarni aylanib o‘tish
Craigslistdagi turar joy e’lonlarining aksariyati o‘ta oddiy va kam ko‘rinishli bo‘lgan. Airbnb esa o‘z e’lonlarini chiroyli rasmlar va batafsil tavsiflar bilan boyitib, e’tibor qozondi. Natijada, foydalanuvchilar Airbnb havolasiga kirib, u yerdan rezervatsiya qilishni afzal ko‘rishdi.

Nega bu strategiya muvaffaqiyatli bo‘ldi?

1. Minimal xarajatlar bilan keng auditoriyaga chiqish
Craigslistda e’lon joylashtirish bepul edi. Airbnb o‘zining dastlabki kunlarida marketing byudjeti kam bo‘lgani uchun bu strategiya ularga katta auditoriyaga chiqishda yordam berdi.

2. Craigslist foydalanuvchilariga moslashish
Craigslist foydalanuvchilari, odatda, qisqa muddatli ijaraga qiziqqanlar edi. Airbnb ularning ehtiyojlarini qondiruvchi xizmatni taklif qilib, ularni o‘z saytiga jalb qildi.

3. Airbnbning raqobatchilardan ajralib turishi
Craigslistning oddiy dizayni va cheklangan funksionalligi bilan taqqoslaganda, Airbnb foydalanuvchilarga chiroyli interfeys, oson foydalanish imkoniyati va to‘liq xizmatni taklif qildi. Bu esa foydalanuvchilarni Airbnb’dan foydalanishga undadi.

Yuzaga kelgan qiyinchiliklar

Airbnb bu taktika orqali katta muvaffaqiyatga erishgan bo‘lsa-da, bu Craigslist tomonidan yaxshi qabul qilinmadi. Craigslist o‘z platformasidan Airbnb’ning havolalarini olib tashlashga harakat qildi va ular uchun texnik cheklovlar joriy qildi. Ammo bu vaqtgacha Airbnb katta auditoriya bazasini shakllantirib bo‘lgan edi.

Airbnb’ning keyingi bosqichi

Craigslist orqali boshlang‘ich muvaffaqiyatga erishganidan so‘ng, Airbnb o‘z mahsulotini yanada yaxshiladi va brend sifatida mustahkamlandi. Ular o‘zining ko‘p funksiyali platformasini takomillashtirdi va foydalanuvchilarga mehmonlarni ko‘rib chiqish, xavfsiz to‘lov tizimi va boshqa qulay xizmatlarni taklif qila boshladi.

@startuplabs

Stable Diffusion — bu sun’iy intellekt yordamida tasvir yaratadigan texnologiya. U matn yoki boshqa ma’lumotlar asosida yangi rasmlarni "tasavvur qilishi" va chizib berishi mumkin.

Masalan:
- Siz "tog‘ ortidan chiqqan quyosh" deb yozsangiz, u shu tasvirga o‘xshash rasm yaratadi.
- SDXL — bu Stable Diffusion’ning eng so‘nggi va kuchliroq versiyasi. U ancha aniqroq va yuqori sifatli rasmlar yaratishi bilan ajralib turadi.

Oddiy qilib aytganda, bu texnologiya kompyuterga rasm chizishni "o‘rgatgan" dasturdir. Siz faqat nima chizishini aytasiz, u esa bajaradi.

@startuplabs

WindSurf haqida suhbat Akmal aka Paiziyev do'stlari bilan.

Assalomu aleykum barchaga!

AI texnologiyasi orqali ishlovchi va promptlar orqali xohlagan dasturlash tilida kod yozib beruvchi yangi IDE ishga tushdi.
Nomi Windsurf. Kod yozishga juda qulay ikki haftada to'rt yoki besh kishi yozadigan mikroservislarni bir soatda yozib bera oladi va eng muhimi aniq yozadi.
Shaxsan o'zim bir nechta foodtech,ecommerce telegram bot, payment mikroservis va website yasab ko'rdim, natija juda zo'r.Bir ikki tuzatishni hisobga olmasa.
Sinab ko'ring faqat dasturlashdan xabari bo'lmaganlarga qiyin bo'lishi mumkin!

@startuplabs

ChatGPT yoki Stack Overflow ?

ChatGPT va Stack Overflow bir-birini to‘ldiruvchi vositalardir. ChatGPT muammolarni tushunish va tezkor yechim taklif qilishda, tushuntirishlar berishda samarali.
Stack Overflow ko‘pincha real tajriba asosida yechimlarni taqdim etadi va turli mutaxassislarning fikrlarini bir joyda to‘playdi. Hozirda ushbu platformalar hamkorlikda ishlamoqda biroq Stack Overflow baribir tajribadan kelib chiqib ma'lumot taqdim etishi sababli ancha yaxshiroq!

@startuplabs

Sarmoyador va Kengash a'zolarini tanlashda zarur bo'lgan 10 ta eng muhim savol:

1. Haqiqattan ham sarmoyadorga muhtojmisiz ? Sekinroq rivojlanish bilan bo'lsa ham, tashqaridan moliyalashtirishni chetlab o'ta olasizmi ?
2. Sarmoyadorlar kompaniyaning ishiga qanchalik faol aralashadi ? Ularning faolligi qay darajada bo'lishini istaysiz ?
3. Ular puldan tashqari yana qanday qiymat olib kelishi mumkin ? (Aloqalar,maslahat, tajriba) ?
4. Sarmoyador qancha vaqtda tikkan pulini foydasi bilan qaytarib olishni istaydi ?
5. Sarmoyadorlaringizning kompaniyangiz ishiga aralashishdan maqsadi faqat moliyaviy foydami yoki yana nimadir undirmoqchimi ? Ular nimani ustun ko'radi ?
6. Sarmoyador va direktorlar kengashi kompaniyangiz maqsadlari va qarashlarini qabul qiladimi ?
7. Agar tez muddatda sarmoya qoplansa, ular kamroq foyda olishga rozi bo'ladimi ?
8. Sarmoyador va kengash a'zolarining fikri, talabi o'zgarmasmi yoki moslashishi mumkinmi ?
9. Sarmoyadorlarni kim nazorat qiladi ? Direktorlar kengashinichi ?
10. Sarmoyador va kengash a'zolarining asosiy qadriyatlari kompaniya o'zak qadriyatlariga qanchalik mos keladi ?

Toni Sheyning "Baxt yetkazish - Milliard dollarllik internet do'kon tarixi" kitobidan.

@startuplabs

Kompaniyaga ekspat(Chet eldan yollangan xodim)larning kelishi korporativ madaniyatga qanday salbiy ta'sirlar ko'rsatishi mumkin:

1. Madaniy farqlar : Ekspatlar mahalliy xodimlar bilan til yoki madaniy jihatdan farq qilishi mumkin. Bu esa ichki aloqa va jamoaviy ishonchni kamaytirishi mumkin.

2. Mahalliy xodimlarning motivatsiyasiga ta'siri: Ba'zi ekspatlar ko'pincha yuqori lavozimlarga tayinlanishi va yuqori maosh olishlari mumkin. Bu mahalliy xodimlarda motivatsiyaning kamayishiga olib kelishi va ularning o'zlarini kamroq baholangan his qilishlariga sabab bo'lishi mumkin.

3. Korporativ madaniyatga o'zgarish kiritish xavfi: Ekspatlar o'z vatanidagi ish uslubi va qadriyatlarini olib kelishi mumkin, bu esa kompaniyaning mavjud korporativ madaniyatini o'zgartirishi yoki mahalliy xodimlar orasida soviqchilik tushishiga olib kelishi mumkin.

4. Kommunikatsiya qiyinchiliklari: Til yoki madaniy tushunchalardagi farqlar sababli noto'g'ri tushunishlar yoki muloqotdagi uzilishlar yuzaga kelishi mumkin, bu esa samaradorlikni pasaytirishi mumkin.

5. O'zgarishlarga e'tirozlar: Mahalliy xodimlar ekspatlarning kelishiga korporativ madaniyatga tahdid sifatida qarashi va yangi o'zgarishlarga qarshi chiqishi mumkin. Bu esa ishchi muhiti va korporativ hamjihatlikga salbiy ta'sir ko'rsatadi.

6. Ish joyidagi adolat hissini pasayishi: Agar ekspatlar boshqalardan yuqori imkoniyatlarga ega bo'lsa yoki afzalliklar ko'proq bo'lsa, bu korporativ madaniyatda adolatsizlik muammolarini keltirib chiqarishi mumkin.

Ekspatlar kiritgan o'zgarishlar boshqarilsa, korporativ madaniyatga integratsiya qilinsa va mahalliy xodimlar bilan to'g'ri kommunikatsiya o'rnatilsa, bu salbiy ta'sirlarni oldini olishi mumkim.
Albatta bu uchun alohida tartib yoki strategiya ishlab chiqish zarur aks holda kompaniyaning ancha yil rivojlantirilgan korporativ madaniyati yo'qga chiqishi mumkin!

@startuplabs

Banklar Fintex Kompaniyalardan Nega Ortda Qolmoqda?

Bugungi kunda banklar va fintex kompaniyalari o‘rtasidagi raqobat tobora kuchayib bormoqda. Banklar, asosan, o‘zlarining an’anaviy jarayonlari va konservativ yondashuvlari sababli, ko‘pincha fintex kompaniyalaridan orqada qolmoqda.

Buni tushuntirish uchun o‘zim boshdan kechirayotgan bir misolni keltiraman :

Agar biror bank yangi bir produktni ishga tushirmoqchi bo‘lsa, bu jarayon juda ko‘p vaqt va resurs talab qiladi. Banklar yangi mahsulotni har tomonlama chuqur o‘rganadi. Ularning asosiy e’tibori, mahsulot haqiqatdan ham daromad keltirishi va xavfsiz bo‘lishiga qaratilgan. Shu sababli, ko‘p hollarda, ular faqat boshqa banklarda muvaffaqiyatli bo‘lgan mahsulot yoki xizmatlarni amalga oshirishga moyil bo‘lishadi.

Fintex kompaniyalari esa boshqacha yondashuvga ega. Ular ham tahlil qiladilar, ammo innovatsion mahsulotlarni tezda sinab ko‘rishga tayyor bo‘ladilar. Agar mahsulot yangi va kutilmagan bo‘lsa ham, ular uni bozorga chiqaradilar va mijozlar qanday qabul qilishini kuzatadilar. Dastlabki bir necha yil davomida mahsulot daromad keltirmasligi mumkin, ammo mijozlar soni oshsa yoki mahsulotning aylanmasi ortsa, fintex kompaniyalari bu mahsulotni davom ettirishadi. Banklar esa bunday uzoq muddatli risklarga tayyor bo‘lmasliklari tufayli, ko‘pincha innovatsiyalarni qo‘ldan boy beradilar.

Shu sababli, fintex kompaniyalari tezroq rivojlanish va innovatsiyalarni joriy qilishda banklardan ko‘ra oldinga chiqmoqda. Banklar esa hali ham ehtiyotkorlik bilan qadam tashlashda davom etmoqda.

Bu holat ayniqsa bugungi raqobatbardosh bozorda ko‘zga tashlanmoqda. Banklar o‘z strategiyalarini qayta ko‘rib chiqib, moslashuvchanlikka e’tibor qaratmasa, kelajakda raqobatda yanada ortda qolishlari mumkin.

@startuplabs

Mana UTP nima uchun kerak, bu orqali siz bozorda mavjud startap bilan raqobatga kirishingiz va o'z auditoriyangizga ega bo'lishingiz mumkin.

@startuplabs

Abozor: Avtomobillar savdo-sotiq uchun qulay va tezkor yechim

Abozor bugungi kunda avtomobillarni sotish va sotib olish jarayonini yangi darajaga olib chiqayotgan platforma sifatida tanilib ulgurgan. Platforma foydalanuvchilarga to'liq nazoratni qo'lga kiritish imkonini beradi — avtomobillarni baholashdan tortib, diagnostika va auktsionlarda ishtirok etishgacha. Bu esa Abozor’ni raqobatchilardan ajratib turadigan uchta muhim jihat hisoblanadi.

Abozorning raqobatchilardan ajratib turadigan uchta asosiy ustunligi(UTP):

1. Onlayn-auktsion (C2B formati)
Abozor platformasi mijozdan biznesga (C2B) bo'lgan auktsionni taklif qiladi. Bu auktsionda istalgan foydalanuvchi o'z avtomobilini professional dilerlarga va qayta sotuvchilarga sotish imkoniga ega bo'ladi. Jarayon to'liq shaffof va foydalanuvchi uchun manfaatli bo'lgan takliflarni olish imkonini beradi. Auktsionning o'zi Abozor’ning o'ziga xos xizmatlaridan biri bo'lib, sotuvchilar uchun yangi imkoniyatlar yaratadi.

2. Avtomobillarning diagnostikasi
Abozor’da platformadagi barcha avtomobillar sifat nazoratidan o'tkaziladi. Barcha transport vositalari ishonchli servis markazlarida diagnostikadan o'tadi va muvaffaqiyatli tekshiruvdan o'tgan avtomobillarga «Tekshirilgan» belgisi beriladi. Bu belgi xaridorlar uchun ishonchlilikning asosiy omillaridan biridir. Auktsionga qo'yilgan avtomobillar uchun diagnostika majburiy bo'lsa-da, oddiy e'lonlarda diagnostika foydalanuvchining xohishiga qarab amalga oshiriladi.

3. Avtomobillarni baholash
Platformadagi maxsus baholash vositasi orqali foydalanuvchilar o'z avtomobillarining bozor qiymatini bir necha daqiqada aniqlashlari mumkin. Bu jarayon sun'iy intellekt texnologiyalari yordamida ma'lumotlarni tezkor tahlil qilishga asoslangan bo'lib, natijada avtomobil narxi bo'yicha to'g'ri va ob'ektiv axborot beriladi.

@startuplabs

Qachon foydalanish kerak:

- Yangi mahsulot yoki xizmat ishga tushirilayotganda: Agar siz yangi mahsulot yoki xizmat yaratmoqchi bo‘lsangiz va uning qiymatini mijozlarga qanday qilib yaxshiroq yetkazish kerakligini tushunishni istasangiz, qiymatga asoslangan yondashuvni qo‘llashingiz kerak.

- Maqsad aniq qiymat taklifiga yo‘naltirilganda: Agar maqsadingiz maqsadli auditoriya ehtiyojlarini maksimal darajada qondiradigan qiymat taklifini yaratish bo‘lsa va samarali kommunikatsiya kanallarini topishni xohlasangiz, bu yondashuv ayniqsa foydali.

- Kichik jamoalar yoki startaplar uchun: Ushbu yondashuv kichik jamoalar yoki startaplar uchun juda mos keladi, chunki ular maqsadli auditoriyani aniq belgilashi va monetizatsiya modelini samarali tarzda ishlab chiqishi kerak. Bu kichik resurslar bilan tezkor natijaga erishishga yordam beradi.

@startuplabs

Qiymatga asoslangan yondashuv

Qiymatga asoslangan yondashuv kompaniyaning mijozlar uchun qanday qiymat yaratishi va yetkazib berishiga qaratilgan bo‘lib, quyidagi asosiy savollarga javob beradi:

1. Kim? – Sizning maqsadli mijozlaringiz kim?
2. Nima? – Siz mijozlaringizga qanday taklifni taqdim etasiz?
3. Qanday? – Qiymat taklifi qanday yaratiladi va mijozlarga yetkaziladi?
4. Nega? – Biznes modeli qanday qilib foyda yoki boshqa asosiy ko‘rsatkichlarni generatsiya qiladi?

Bu savollarni birlashtirgan holda, mahsulotning qiymat taklifini (nima? kim?), qo‘shilgan qiymat zanjirini (kim? qanday?) tushunib, foyda olish mexanizmini (kim? nega?) ochib berish mumkin.

Qo‘shilgan qiymat zanjiri — bu kompaniyaning mahsulotni yaratish va mijozga yetkazish uchun bosib o‘tadigan qadamlar ketma-ketligi. Bu jarayonda har bir bosqichda — g‘oya yaratish, ishlab chiqarish, savdo va qo‘llab-quvvatlashgacha — qiymat qo‘shilib boradi. Maqsad mahsulotni mijoz uchun qimmatli qilish va raqobatchilardan ajralib turadigan mahsulot yaratishdir, buning uchun barcha jarayonlarni optimallashtirish muhim.

@startuplabs

Biznes modelini yaratish yondashuvlari

Biznes modellarning ko‘plab shablonlari mavjud, lekin ikki asosiy yondashuvdan foydalanishni tavsiya qilaman:

Qiymatga asoslangan yondashuv (yoki navigatsion yondashuv) mahsulotni aniq auditoriya uchun noyob taklifga yo‘naltirishga yordam beradi. Bu yondashuv mahsulotning dastlabki bosqichlarida ayniqsa muhim, chunki u sizga mijozlar ehtiyojini aniq tushunish va ular uchun o‘ziga xos qiymat yaratishga e'tibor qaratishga imkon beradi.

Ostervalderning jarayonli yondashuvi biznesning barcha jihatlarini tuzilgan va tizimli tarzda ko‘rish imkonini beradi. Bu yirik mahsulotlar va mahsulotni kengaytirish jarayonida juda foydali. Ostervalder yondashuvi biznes modelining barcha qismlarini, jumladan, qiymat taklifi, mijozlar segmentlari, daromad oqimlari va asosiy resurslarni tizimlashtirishga yordam beradi.

Keyingi qismda har bir yondashuv haqida batafsilroq to‘xtalib o‘taman.

@startuplabs