Temurning PM Blogi

Kechqurun Linkedlnda o’tirib bitta vakansiyaga ko’zim tushib qoldi (bankga AyTida bitta yo’nalish rahbari kerak ekan).
Asosiy talablardan biri bu mikromenedjment.

Ikkita variant bor
A) Yokida noto’g’ri tushunganman vakansiyani o’qib
B) Yoki rostan ham har bir detallargacha e’tibor berib, mikromenedjmentlik qila olish kerak nomzod

Fikrimcha, ikkinchi variant haqiqatga yaqinroq. O’sha yo’nalish mutaxassislariga sabr bersin. Mani bunaqa rahbarim bo’lsa tinchgina idish tavog’imni ko’tarib sekin ketaqolardim ))

@temur_pm_blog

Telegram blog yurgizadigan tanishlarim, tepadagi postni share qivorishsa yaxshilik tegida qolib ketishardi :)

Salom, salom! 🌟

Yangi yil kirishi bilan o'zim uchun shaxsiy rivojlanish rejasini tuzishga qaror qildim. Hamma narsani aniq belgilab, har bir bosqichni ko'rib chiqish kerak. Mana, men o'zim uchun qanday maqsadlarni qo'ydim va maqsadlarimga erish uchun qilinishi kerak bo'lgan ishlar rejasini tuzdim.

Maqsadlarim:
N-darajaga (lavozimga) ko'tarilish: Bu yil ichida o'z faoliyatimni yanada rivojlantirib, yuqori darajaga erishish.
Oylik daromadni N $ ga oshirish: Moliyaviy maqsadlarimni amalga oshirish va o'z daromadimni oshirish.

2025 yil uchun shaxsiy rivojlanish rejam:
Yanvar - Fevral: GoPractice kursini tugatish
Resurs: GoPractice kursi
Bu davrda o'zim uchun zarur bo'lgan ko'nikmalarni o'rganishga, mahsulotni boshqarish sohasida chuqur bilim olishga harakat qilaman.

Mart - Aprel: Mahsulot analitikasi chuqurroq o'rganish
Resurs: Kitoblar, onlayn manbalar
O'z vaqtimni mahsulot analitikasi bo'yicha kitoblarni o'qish va yangi metodlarni o'rganishga ajrataman.

May - Iyun: Strategik fikrlashni rivojlantirish
Resurs: Kitoblar, treninglar
Yangi yondashuvlarni o'rganib, strategik fikrlashni kuchaytirishga intilaman.

Iyul - Avgust: Jamoa boshqaruvi va liderlik ko'nikmalarini rivojlantirish
Resurs: Kurslar, seminarlar
Jamoani samarali boshqarish uchun zarur bo'lgan ko'nikmalarni oshirish.

Sentabr - Dekabr: Olingan bilimlarni amaliyotda qo'llash va muntazam o'z-o'zini baholash
Resurs: Real loyiha va amaliyot
O'zimning bilimlarimni amalda qo'llab, har oyda o'z o'sishimni baholayman.

Xulosa:
Maqsadlarni belgilash oson, lekin ularga erishish uchun reja tuzish va har bir bosqichni diqqat bilan bajarish kerak. Har oydan so'ng, amalga oshirgan ishlarimni baholash va kerak bo'lsa, rejani yangilab borish muhim.

Sizda 2025 yil uchun rivojlanish rejangiz bormi? O'zingizni qanday rivojlantirishni rejalashtirdingiz?

P.S.
O'z rejamni aynan shu kanalda e'lon qildim, chunki bu menga qo'shimcha motivatsiya olishga yordam beradi. Kanaldagi tanishlarim bor, va ishonamanki, uchrashganda “Yaxshi, qanday qilib rivojlanayapsan?” deb so'rashadi. Shunday qilib, men ham o'zimni hisobdor his qilaman! 😄


@temur_pm_blog

Salom, salom! 🌟

Bugun sizga kritik (tanqidiy) yo'llar (kritik path) va ularning turlari haqida qisqacha gapirib beraman. Bu tushunchalar, ayniqsa, Gantt diagrammasi bilan ishlashda juda muhim. Ular orqali siz bir nechta vazifalarni qanday bog'lash va vaqt oralig'ini qanday boshqarishni bilib olasiz.

Kritik yo'llar nima?
Kritik yo'l — bu loyihani tugatish uchun zarur bo'lgan eng uzoq davom etadigan vazifalar ketma-ketligini ifodalaydi. Bu yerda vaqtni boshqarish juda muhim, chunki har bir vazifaning kechikishi loyihaning yakuniy muddatiga ta'sir qiladi.

Kritik yo'llar yordamida siz loyihani tezroq amalga oshirish uchun resurslarni aniq joylashtirishingiz mumkin. Agar biror vazifa kechiksa, bu butun loyiha muddatiga ta'sir qiladi. Ammo, kritik yo'llarni kuzatish orqali, sizning loyihangizda qaysi jarayonlar eng ko'p vaqt olishini aniqlash va ularni yaxshilash mumkin. Shu bilan birga, loyiha jarayonidagi aniq qaysidir bosqichida to'xtashlar va kechikishlarni bartaraf qilish orqali loyiha tezligini oshirish mumkin.

Kritik yo'lning turlari:

Start-to-Finish (SF) — bu vazifaning boshlanishi boshqa vazifaning tugashiga bog'liq bo'lganda yuzaga keladigan bog'lanish. Ya'ni, birinchi vazifa boshlanishi ikkinchisining tugashiga bog'liq.
Misol: Mahsulotni ishlab chiqish jarayonining yakunlanishi marketing kampaniyasining boshlanishiga bog'liq.

Finish-to-Start (FS) — bu eng keng tarqalgan bog'lanish turidir, ya'ni bir vazifa tugashidan keyin ikkinchisi boshlanadi.
Misol: Dizaynni yakunlashdan keyin ishlab chiqishni boshlash.

Finish-to-Finish (FF) — bu bog'lanish turi, birinchi vazifa tugaganida ikkinchisi ham tugashiga bog'liq bo'ladi.
Misol: Kod yozish jarayonini yakunlash uchun testlarni yakunlash talab qilinadi.

Start-to-Start (SS) — bu bog'lanish turi, birinchi vazifa boshlanmasdan ikkinchisi boshlanmaydi.
Misol: Dastur ishlab chiqish va testlarni boshlash, ularni bir vaqtning o'zida boshlash kerak.

Kritik yo'lni qanday boshqarish kerak?
Har bir turdagi bog'lanishlar, vazifalarni rejalashtirishda juda muhim rol o'ynaydi. Agar siz har bir vazifani va uning bog'lanishini to'g'ri ko'rsatsangiz, bu Gantt diagrammasi orqali vaqtni boshqarishni ancha osonlashtiradi.

Agar sizning loyihangizda tezlikni oshirish zarur bo'lsa, kritik yo'llarni kuzatib, qaysi vazifalar ko'proq vaqt olib, qaysilari "bottleneck" (o'zbekchasiga nima deb yozishni bilmadim) yaratayotganini aniqlang. Bu orqali siz resurslarni to'g'ri taqsimlab, vaqtni tejashingiz va loyiha samaradorligini oshirishingiz mumkin.

Xulosa:
Kritik yo'llar yordamida siz loyiha boshqaruvini optimallashtirasiz va har bir vazifaning vaqtiga qarab boshqa vazifalarni tartibga solasiz. Bu juda muhim, chunki har qanday xato yoki kechikish butun loyiha muddatiga ta'sir qilishi mumkin. Shuningdek, bu metodologiya sizga loyiha tezligini oshirish uchun qaysi bosqichlarni yaxshilash kerakligini aniq ko'rsatadi.


@temur_pm_blog

1-yanvar kunini manga eng yoqadigan joyi miyyani to’liq dam oltirish mumkin.

PS5 o’ynash, anchadan beri ko’rmoqchi bo’lgan filmlarni ko’rish. Bu kun xech qanday kitob yoki maqola o’qishga bag’ishlamiyman. Yaxshi ishlash uchun yaxshi dam olish ham kerak

P.S. Ertaga kechki vaqt 3-yanvar ish kuniga tayyorgarlik boshlanadi. User storylarni yozib chiqish kerak :)


@temur_pm_blog

Ohirgi postdagi 10 ta emodji qo’yish bo’yicha xazilomus postim effekt berdi, demak kontent kanalni kuzatuvchilari uchun qiziq.

Shu yo’l yordamida qanchalik keyingi post kanalni kuzatadiganlar uchun kerak bo’ladi yoki bo’miydi kichkinagina tadqiqot ham o’tkazib oldim

Product manager har doim gipoteza generatsiya qilib (ming bor uzur, o’zbekcha tarjimasini bilmas ekanman) qanchalik kerak yoki kerakmasligini tez tekshirib ko’rish asosiy ishidan biri :)


@temur_pm_blog

Loyihani boshqarishda vazifalarni rejalashtirish va ularning bir-biriga bog‘liqligini tahlil qilish uchun Kritik yo‘l va vazifalar o‘rtasidagi bog‘liqliklar (masalan, Start-to-Finish (SF), Finish-to-Start (FS), Finish-to-Finish (FF), Start-to-Start (SS)) ishlatish ham mumkin.

Shu bo'yicha azgina ko'proq ma'lumot yozib post qo'yimi yo'qmi nima deysizlar? Qanchalik chuqurroq yozganim qiziq bo'ladi? 😄

Agar to'liqroq yozadigan uzunroq post bo'ladimi, o'qigan odamga uzundan uzun post o'qish qiziq bo'miydi dib o'ylab turibman ))

Agar 10 ta emodji qo'yilsa post qo'yish kerak bo'ladi, agar qo'yilmasa demak bunchalik chuqurlashib post qo'yish shartmasligini bilib olaman😁

@temur_pm_blog

Salom, salom! 🌟

Bugun, siz bilan, har bir mahsulot menejerining ishida eng muhim vositalardan biri bo'lgan roadmap (yo'l xaritasi) yaratish haqida gaplashamiz. Har bir mahsulotni muvaffaqiyatli rivojlantirish uchun roadmap shunchaki zarur vosita.

Roadmap qanday tuziladi?
Dastlab, maqsadlaringizni belgilash kerak. Shunda barcha jamoa nima uchun ishlayotganini tushunadi va harakat qiladi. Keyin, bosqichlarga ajratish lozim: nima qachon bajariladi va qanday resurslar kerak. Mana, qanday qilish kerak:

1. Maqsadlar va vazifalar:
Roadmapni yaratishda avvalo mahsulotingizni nima uchun ishlab chiqayotganingizni aniqlang. Masalan, foydalanuvchining muammosini hal qilish yoki yangi funksiyani yaratish.

2. Bosqichlar va vaqt:

1-oy: Mahsulotning MVP versiyasini ishlab chiqish va birinchi foydalanuvchilarni jalb qilish. Bu foydalanuvchilarga eng zarur funksiyalarni taqdim etish.
2-oy: Beta versiyasi chiqarilishi, ortiqcha ma'lumotlar yig'ish va foydalanuvchilardan fikr olish. Bu bosqichda mahsulotni yanada mukammallashtirish.
3-oy: Mahsulotga qo'shimcha yangi xususiyatlar kiritilishi, barcha muammolarni bartaraf etish va full launch uchun tayyorgarlik qilish.
4-oy: To'liq ishga tushirish, marketingni boshlash va foydalanuvchi bazasini kengaytirish.

3. Resurslar va xodimlar:
Kim nima qiladi? Qaysi jamoa a'zolariga va qanday resurslarga ehtiyoj bor? Masalan, dizaynerlar, ishlab chiquvchilar, testchilar va boshqa xodimlar.

4. Prioritetlar va to'liq rejalar:
Har bir vazifani prioritetlash zarur. Qaysi xususiyatlar eng muhim va qaysi biri keyinroq amalga oshiriladi?

5. Davriy qayta ko'rib chiqish:
Roadmapni yaratish bir marta qilinadigan ish emas. Har oyda bir marta, jamoa bilan roadmapni qayta ko'rib chiqish va yangilash zarur. Yangi bozor talablari yoki foydalanuvchi fikrlarini inobatga olish kerak.

6. Visualizatsiya qilish:
Keling, bir misolni ko'rib chiqamiz. Aytaylik, sizning mahsulotingiz foydalanuvchilarga yangi funksiyalarni taqdim etishga qaratilgan. Shunday qilib, roadmapni quyidagi tarzda tuzish mumkin:

Yanvar: MVP versiyasini ishlab chiqish, foydalanuvchilarni jalb qilish.
Fevral: Beta versiyasini chiqarish va foydalanuvchilardan fikr olish.
Mart: Yangi xususiyatlarni qo'shish va full launch uchun tayyorgarlik.
Aprel: Mahsulotni to'liq ishga tushirish, marketingni boshlash.

Xulosa: Har bir product manager uchun roadmap yaratish — bu mahsulotning muvaffaqiyatli rivojlanishining kaliti. Ular yordamida siz nima qilish kerakligini va qachon qilish kerakligini aniq belgilab olasiz. Hamda, bu jamoa a'zolariga nima qilishni va qachon qilishni tushuntiradi.

Sizda qanday qilib roadmapni tuzasiz? Hozirgi vaqtda qanday metodlarni qo'llayapsiz? Fikrlaringizni kommentariyada kutaman!


@temur_pm_blog

Salom, salom, do'stlar! 🌟

Har bir mahsulot menejerining asosiy vazifalaridan biri bu prioritetlarni to'g'ri belgilash. Bizning resurslarimiz cheklangan, vaqtimiz juda qiymatli, shuning uchun nima qilishimiz kerakligini to'g'ri tanlash zarur. Bugun sizlarga qanday qilib samarali prioritetlar belgilashni va mahsulotni rivojlantirish yo'nalishini aniqlashda yordam beradigan ba'zi metodlarni ko'rsataman.

1. RICE metodologiyasi
RICE (Reach, Impact, Confidence, Effort) — bu juda oddiy va samarali metod. Unda har bir fikr yoki xususiyat 4ta asosiy omil orqali baholanadi:
Reach: Bu funksional qancha odamga ta'sir qiladi?
Impact: U foydalanuvchi tajribasiga qanday ta'sir qiladi?
Confidence: Biz bu g'oyaning muvaffaqiyatli bo'lishiga qanchalik ishonamiz?
Effort: Bu funksiyani yaratish uchun qancha resurs sarflanadi?

2. MoSCoW metodologiyasi
Bu metodni ko'plab mahsulot menejerlari ishlatadi deb eshitganman (o'zim asosan RICE ishlataman). Unda vazifalar 4 ta guruhga ajratiladi:
Must have (Majburiy): Bu funksiyalar albatta bo'lishi kerak.
Should have (Kerak): Bu funksiyalar kerak, lekin hozirgi vaqtda ular majburiy emas.
Could have (Qo'shimcha): Bu funksiyalar foydali, lekin ular ikkinchi o'rinda turadi.
Won't have (Hozircha kerak emas): Bu funksiyalar hozirda kerak emas, ularni kelajakda ko'rib chiqamiz.

3. Kano Modeli
Kano Modeli foydalanuvchi ehtiyojlarini chuqurroq tahlil qilishga yordam beradi. U 3 ta asosiy turga bo'linadi:
Must-be features: Bu foydalanuvchilar kutadigan minimal funksiyalar.
Performance features: Foydalanuvchilar bu funksiyalarni yaxshi bajarilishini kutadilar va ular to'g'ri ishlasa, mahsulotni yuqori baholaydilar.
Delighters: Bu xususiyatlar foydalanuvchilarga kutilmagan zavq baxsh etadi va mahsulotni ajratib turadi.

Xulosa
Mahsulotni rivojlantirishda prioritetlarni to'g'ri belgilash — bu muvaffaqiyatli mahsulotning kalitidir. Siz RICE, MoSCoW yoki Kano Model metodlaridan foydalanishni tanlashingiz mumkin. Eng muhimi, biz foydalanuvchining ehtiyojlariga asoslanib, tez va samarali qarorlar qabul qilishimiz kerak.

Sizningcha, bu metodlarning qaysi biri eng samarali? Yoki boshqacha qanday metodlardan foydalanasiz? Fikrlaringizni baham ko'ring! 💬


@temur_pm_blog

Salom, salom! 🌟

Mahsulot menejeri sifatida, albatta, ko'plab xatolarni qilish mumkin, lekin ba'zilari juda muhim va ulardan qochish kerak. Bugun sizlarga mahsulotni yaratishda eng ko'p uchraydigan xatolar haqida gapirib bermoqchiman va ularni qanday qilib oldini olish mumkinligini ko'rib chiqamiz.

1. Foydalanuvchi ehtiyojlarini tushunmaslik
Ba'zida biz o'zimizni mahsulotni yaratishda foydalanuvchi ehtiyojlarini unutib qo'yamiz. Masalan, "mana bu funksiya juda yaxshi bo'ladi" deb o'ylaymiz, lekin aslida foydalanuvchi bunga ehtiyoj sezmaydi.
Yechimi: Fikrni foydalanuvchilar bilan bo'lishing, testlar o'tkazing va ularning ehtiyojlarini yaxshi tushuning. Mahsulotni yaratishdan oldin, uni kim ishlatishini va ular uchun nima kerakligini bilish zarur.

2. Jamoa bilan aloqa yo'qligi
Mahsulotni ishlab chiqish jarayonida jamoa bilan komunikatsiya juda muhim. Agar jamoa a'zolari nima uchun nima qilayotganini tushunmasa, barcha jarayonlar sekinlashadi va hatto xatolar yuzaga keladi.
Yechimi: Har doim jamoa bilan ochiq va aniq gaplashing. Mahsulotning nima uchun kerakligini, qanday ishlashini va qanday natijalarga erishishimiz kerakligini ular yaxshi tushunishi lozim.

3. Texnik detallarga juda berilib ketish
Texnik muammolar haqida doim gaplashish kerak, lekin ba'zida biz buning bilan haddan tashqari shug'ullanib, foydalanuvchining asosiy ehtiyojlarini unutib qo'yamiz. Texnik detallarga o'rganib qolib, mahsulotning haqiqiy qiymatini yo'qotishimiz mumkin.
Yechimi: Har doim foydalanuvchi ehtiyojlarini birinchi o'ringa qo'ying. Texnik masalalarni hal qilish kerak, lekin mahsulotning asosiy maqsadi — foydalanuvchining muammolarini hal qilish.

4. Keraksiz funksiyalarni qo'shish
Ba'zida "yana bitta funksiya qo'shamiz" deb qaror qilamiz, lekin bu foydalanuvchiga kerak emas. Natijada vaqt va resurslar behuda sarflanadi.
Yechimi: Har bir yangi funksiyani qo'shishdan oldin, uni foydalanuvchi qanday qabul qilishini o'rganing. Agar funksiyaning foydaliligi aniq bo'lmasa, uni qo'shishdan avval qayta o'ylang.

5. O'zgarishlarga qarshi turish
Ba'zida o'zgarishlarga qarshi turamiz, chunki o'ylaymiz: "bu ishlayapti, nima uchun o'zgartirishimiz kerak?" Lekin bozor o'zgarishi, foydalanuvchi ehtiyojlari va texnologiyalar tez rivojlanmoqda, shuning uchun o'zgarishlarni qabul qilish zarur.
Yechimi: O'zgarishlarga ochiq bo'ling. Mahsulotni yangi imkoniyatlarga moslashtirib borish va foydalanuvchilarga yangi xizmatlar taqdim etish — bu muvaffaqiyatga erishishning kalitidir.

Xulosa
Mahsulot menejeri sifatida biz doimiy ravishda yangi qarorlar qabul qilamiz. Xatolar qilishimiz mumkin, lekin ular orqali o'rganishimiz zarur. Foydalanuvchiga xizmat qilish va jamoa bilan samarali ishlash — bu muvaffaqiyatli mahsulot yaratish uchun asosiy omillar.

Sizningcha, mahsulot menejerlari uchun qaysi xatolar eng muhim? Fikrlaringizni kommentariyada baham ko'ring! 💬


@temur_pm_blog

Mundoq o’ylab qarasam ohirgi vaqtlar shaxsiy tajribalarim bo’yicha unchalik ko’p bo’lishmas ekanman, bir-bir bo’lsa ham kitobda yozilmagan lekin tajribamdan o’tkan narsalarni ham yozib turish kerakmikan deb o’ylab qolaman. Agar shunaqa postlar ham sizlarga qiziq bo’lsa qo’ldan kelganda tajribam bilan bo’lishib turaman.

P.S. Aynan mani tajribamdan muvaffaqiyatli o’tgan keyslar sizda ishlamasligi mumkin, agar tajribamdan yozsam demak bu subyektiv fikrim yoki kitobiy qilib etkanda ekspert sifatida fikrim 😆

@temur_pm_blog

Salom salom! 🌟

Ko’p eshitadigan savollarimdan!
- Qanday qilib bir vaqtning o’zida ham jamoani boshqarib ham mahsulotni rivojlantirish uchun yangi funksionallarni o’ylash bilan shug’ullanishga ulgurasiz?
- Product manager ko’proq nimaga e’tibor berishi kerak, jamoa bilan ko’proq ishlashmi yoki ko’proq izlanish bilanmi?
- Jamoada Scrum master bo’lsa kelishmovchiliklar bo’lmaydimi?
Shu yerda o’z tajribam, mentorlarimdan o’rgangan narsamni yozaman. Fikrimni yozishdan oldin oltin qoidamni eslatib o’taman! “Product manager har doim jamoa bilan aloqada bo’lishi va jamoa uchun lider bo’lishi kerak!”

Product manager va Scrum masterning roli bo’yicha savol berishganda ozgina boshqacharoq yo’nalishda javob berishga harakat qilaman
Product manager - bu kema kapitani! Ya’ni uning vazifasi, kema qaysi tomonga suzish kerakligini belgilash va uni kema ekipajiga yetkazish. Kema ekipaji nima sababdan o’sha yerga qarab suzayotkanini aynan kema kapitanidan biladi!
Scrum master - Bu kema botsmani! Botsmanning vazifasi, kema kapitani belgilagan marshurtiga suzib borish uchun kema ekipajiga yordam berishdir! Botsman bu kapitanning o’ng qo’lidir!

Endi savol! Siz kim bo’lmoqchisiz? Kema qayerga suzib borishini belgilab beradigan kapitan yoki ko’proq kema ekipaji bilan kema qanday suzish kerakligi bilan shug’ullanadigan mutaxassismi? Chunki bir vaqtning o’zida ham uni ham buni to’liq bajarishning imkoni yo’q.

Mening tanlovim: Scrum master bilan yaqinroq ishlash! Men kema kapitani bo’lishga intilaman, kemani qayerga suzishni aniqlab, jamoaga yetkazishni, kema man belgilagan joyga suzib yetib borishga jamoa bilan ko’proq ishlaydigan yaqin yordamchim Botsman ya’ni Scrum master doim yonimda shay!

P.S. Ushbu yozilganlar barchasi shaxsiy fikr va tajribalarimdan kelib chiqib yozilingan, kitoblarda boshqacharoq qoidalar bo’lishi ham mumkin 🙂


@temur_pm_blog

Ovozli chatimizni boshliymiz, vaqti borlar kirishiz mumkin

@temur_pm_blog

Yarim soatdan keyin audio chatimizni boshliymiz

@temur_pm_blog

Salom, salom! Bugun adashmasam hamma ish kuni :)

Bugun audio chatimizni soat 17:00 da o’tkazamiz. Agar savollar tayyor bo’sa izohlarda yozib qo’yishingiz mumkin

@temur_pm_blog