Qandli diabetni to'liq tuzatib yuborish mumkinmi? (by
ET)
Turmush tarzi va ekologiya yomonlashib borayotgan hozirgi zamonda qandli diabet kasalligi uchrash chastotasi kundan kun ortib bormoqda. "Diabetni to'liq davolab yuborsa bo'ladimi o'zi?" degan savol barchani qiynab kelayotganligi uchun ushbu postni yozishga qaror qildim. Qisqacha javob
"ha to'liq davolash" mumkin, maqola davomida buni iloji boricha soddaroq va tushunarli tilda, shu bilan birga ilmiy izohlab berishga harakat qilaman.
Qandli diabet quyidagi 3 bosqichda rivojlanadi:1) Normal glukoza tolerantligi bosqichi - qandli diabet rivojlanishni boshlagan ammo qondagi qand miqdori normada
2) Glukoza regulyatsiyasi buzilishi - qondagi qand miqdori normadan baland ammo hali diabet diagnozini qo'yish darajasida emas, bu bosqich disglikemiya yoki prediabet bosqichi deb ham ataladi
3) Yaqqol qandli diabet bosqichi
Barcha diabet formalari yuqoridagi ketma ketlik bo'yicha rivojlanadi va barchasida rivojlanishning ma'lum davrida orqaga qaytish- remissiya kuzatilishi mumkin, ayniqsa endi aniqlangan II tip diabet bemorlarda remissiyaga ko'proq erishiladi, turmush tarzini o'zgartirish va kasallikni erta davrlardayoq agressiv davolash orqali bemorlar diabet holatidan prediabet va xatto normal glukoza tolerantligi bosqichlarigacha remissiya bo'lishlari mumkin! (I tiplardagi remissiya alohida va murakkab mavzu bo'lganligi uchun bu haqida boshqa postlarimda to'xtalib o'taman)
Savol tug'ulishi mumkin: "Remissiya nima o'zi?"Remissiya bu kamida 3 oy davomida hechqanday dorilarsiz glikirlangan gemoglobin (3 oylik glukoza) darajasining 6.5 % dan va och qoringa glukoza darajasining 7 mmol/l dan past saqlanishini anglatuvchi holat
"Xop remissiyaniku tushundik, lekin bunga qanday qilib erishiladi duxtr?" degan savol paydo bo'lgani aniqBuyuk Britaniyada o'tkazilgan DiRECT (Diabetes Remission Clinical Trial)
tadqiqotiga ko'ra 6 yildan kam davom etgan, insulin qabul qilmaydigan II tip diabetga ega bemorlardan iborat guruhdagi qatnashchilarning 46% qismida 12 oy ichida vazn yo'qotish orqali remissiya sodir bo'ldi, 12-24 oy davomida 15 kg dan ortiq vazn yo'qotgan qatnashchilarning 85% qismi, 10 kg dan ortiq vazn yo'qotgan qatnashchilarning 75% qismi remissiyaga erishdi, 2 yildan keyin ularning 36% qismida doimiy remissiya saqlanib qoldi. Bu natijalar vazn yo'qotilishi (ayniqsa erta bosqichlarda) II tip diabet remissiyasi uchun hal qiluvchi rol o'ynashidan dalolat beradi!
⚠️ Shuni unutmaslik kerakki remissiya bu diabetning ortga chekinishi ammo to'liq yo'qolib ketishi emas, bu shuni anglatadiki agar siz remissiyaga erishgan bo'lsangiz bu kelajakda sizda diabet hechqachon qaytadan rivojlanmaydi degani emas, agar turmush tarzini buzsangiz qachondir qayta kasallanish ehtimolingiz mavjud bo'ladi!
Maqolani krill harflarida kommentariyaga joylab qo'ydim, postni diabeti bor tanishlarga yuborib qo'ysangiz kanal rivojlanishi va tanishlaringiz uchun foydali ish qilgan bo'lasiz
Sizni qiynab kelayotgan shu kabi savollar va tushunmovchiliklarni quyidagi "
guruhda" yozib qoldirsangiz, eng aktuallarini tanlab post tayyorlashga harakat qilaman, hurmat bilan Endokrinolog
Xusan Ilxomovich Ma'lumotlardan foydalanganda manbani olib tashlamaslikni iltimos va talab qilib qolaman, shunga o'xshash oson tilda tushuntirilgan va dunyo standartlariga muvofiq keladigan tibbiy malumotlarni kuzatib borish uchun kanalga a'zo bo'lib qo'ying, salomat bo'ling!
Manba:
https://t.me/endotalim
