Khusan's Blog

Stay small enough long enough and youʼll be big enough soon enough.

© School Of Hard Knocks

Kambagʻal oiladan chiqib muvaffaqiyatga erishish

Rivojlanayotgan davlatda kambag‘al oilada tug‘ilgan inson uchun muvaffaqiyatga erishish qiyin bo‘lishi mumkin, ammo bu imkonsiz emas. Hayotda ko‘plab qiyinchiliklar bo‘lishiga qaramay, o‘z mehnati va qat’iyatliligi bilan millioner bo‘lgan insonlar juda ko‘p. Agar siz ham bu yo‘ldan borishni istasangiz, quyidagi muhim omillarni hisobga olishingiz lozim:

1. Bilim va Shaxsiy Rivojlanish

Bilim olish va o‘z ustingizda ishlash muvaffaqiyatning eng asosiy poydevori hisoblanadi. Bu nafaqat maktab yoki universitet orqali, balki mustaqil o‘qish va o‘rganish orqali ham amalga oshadi. Kitoblar o‘qish, yangi ko‘nikmalarni egallash va internetdagi bepul kurslardan foydalanish bilimlaringizni oshirishga yordam beradi.
Ko‘plab muvaffaqiyatli insonlar muntazam ravishda bilimlarini yangilab borishadi, chunki doimiy rivojlanish sizni boshqalardan bir qadam oldinga olib chiqadi.

2. Ishonch va Qat’iyatlilik

Muvaffaqiyatga erishish uchun o‘zingizga ishonch va sabr-toqat kerak. Har qanday muvaffaqiyat uzoq muddatli mehnat va mashaqqat talab qiladi. Qiyinchiliklarga duch kelganda to‘xtab qolmaslik, o‘z oldingizga qo‘ygan maqsadga intilishni davom ettirish muhim.
Tasavvuringizda o‘zingizni muvaffaqiyatli inson sifatida ko‘ring va bunga yetishish uchun harakat qiling.

3. Biznes va Tadbirkorlik

Tadbirkorlik – millioner bo‘lish yo‘lidagi eng samarali usullardan biridir. Agar sizda innovatsion g‘oya va yaxshi strategiya bo‘lsa, o‘z biznesingizni yo‘lga qo‘yib, muvaffaqiyatga erishishingiz mumkin. Rivojlanayotgan davlatlarda yangi bozorlar va imkoniyatlar mavjudligi sababli, bu o‘sish uchun yaxshi maydon hisoblanadi.
Hozirgi kunda onlayn biznes boshlash eng tez rivojlanayotgan yo‘llardan biridir. Elektron tijorat, raqamli marketing yoki dasturlash orqali o‘z imkoniyatlaringizni kengaytirishingiz mumkin.

4. Aloqalar va tanish-bilish

To‘g‘ri odamlar bilan aloqa qilish muvaffaqiyat uchun muhim ahamiyatga ega. Yaxshi tarmoq yaratish orqali yangi imkoniyatlar, hamkorlik va investitsiyalarni topishingiz mumkin. Sizni qo‘llab-quvvatlaydigan va o‘sishingizga yordam beradigan atrofdagi insonlar muvaffaqiyatingizga katta hissa qo‘shadi.

5. Riskni To‘g‘ri Baholash

Katta muvaffaqiyat ko‘pincha katta risklarni talab qiladi. Ammo bu riskni oqilona baholash va reja asosida qadam tashlash muhim. Yaxshi imkoniyatlarni ko‘ra olish va ulardan foydalana bilish muvaffaqiyatning kalitidir.


6. Moliyaviy Savodxonlik

Pulni qanday boshqarishni bilish har bir muvaffaqiyatli inson uchun muhim. Bu – daromadlarni ko‘paytirish, investitsiya qilish va mablag‘larni to‘g‘ri taqsimlash degani. Pulni samarali boshqarish orqali siz nafaqat o‘z biznesingizni kengaytirasiz, balki moliyaviy barqarorlikka ham erishasiz.

7. O‘zgaruvchan Muhitga Moslashish

Zamonaviy dunyo juda tez o‘zgarib bormoqda. Texnologiyalar, iqtisodiy holatlar va jamiyatdagi o‘zgarishlarga moslashish muvaffaqiyatga erishish uchun zarurdir. Innovatsion fikrlash va moslashuvchanlik sizni oldinga olib chiqadi.


Xulosa:

Kambag‘al oilada tug‘ilgan bo‘lsangiz ham, bu sizning muvaffaqiyatga erisha olmasligingizni anglatmaydi. Qattiq mehnat, sabr, bilim va qat’iyatlilik orqali o‘z maqsadlaringizga erishishingiz mumkin. Eng asosiysi, imkoniyatlarga ochiq bo‘ling, o‘z ustingizda ishlashdan to‘xtamang va harakat qilishni davom ettiring. Millioner bo‘lish nafaqat moliyaviy mustaqillikni, balki hayotda o‘zingizni erkin his qilishni ham ta’minlaydi.

@khusansulaymonov

13.01.2025
Toshkent, Uzb

Sotsial tarmoqlar va email orqali yosh startuperlarimiz o‘z pitchlarini yuborishadi. Ko‘p hollarda fokus texnologiya va mahsulotga qaratilgan bo‘ladi.

Maslahatim: fokusni biznes qismiga va moliyaviy natijalarga qaratish kerak deb o‘ylayman. Asosiy savol: qanday qilib qisqa vaqt ichida oyiga $10,000 takrorlanuvchi daromad (MRR)ga erishsa bo‘ladi? Nega bu muhim? Chunki agar startup yaxshi daromad oqimini generatsiya qilmasa, bu oddiy bir hobbydan boshqa narsa emas.

O‘zbekistonda investor topish qiyin masala, startuplarga investitsiya kiritadigan investorlarni topish esa bundan ham qiyin. Shuning uchun, startupingiz boshidan daromad keltirishi haqida o‘ylash ancha maqbul.

Yaxshi asoschilar o‘z pitchlarida quyidagilarga e'tibor qaratadi:

Pul oqimi: Hozirda qanday daromad generatsiya qilinyapti?
Kanallar: Bu daromad qaysi kanallar orqali keladi?
Kelajak: Qanday qilib daromadni kengaytirish yoki oshirishni rejalashtiryapsiz?

Asoschilar uchun eng qiyin masala – pul oqimi va sotuv yo‘lini topishdir. Mahsulotni yaratish esa nisbatan osonroq vazifa.

@paiziev24

🇺🇸 San-Fransisko, AQSH

Get rich or die trying.

Разбогатей или умри пытаясь.

Bumerang

O'sha startup asoschisi yana aloqaga chiqdi. Ular yaqinda $500 mln ga baholanib, $25 mln investitsiya olishibdi. Ana bo'masam!

O'sha payt 5% egalikni taklif qilgandi. Hozir bu ulush $25 mln bo'lardi. Ishonavering, zarracha ham afsuslanmayman. Hammasi hikoya asosida.

Xullas, u bu safar men uchun aloqaga chiqmabdi, balki men bilgan va ishongan dasturchilarni ishga olish uchun yordam so'rab aloqaga chiqibdi. Yaxshi dasturchilarni topish qiyin deydi.

Hozircha YBKY (yozda birga kod yozamiz) dagi talabalarni bog'lab qo'yish niyatidaman. Har bir ishga olingan kandidat uchun 1 oylik maoshini beraman deydi. Yetmaganiga prezidentimiz ham har bir talaba uchun 2 ming dollargacha pul berishi mumkin ekan. Boyib ketamiz shekilli.

Uzoqroqqa qaraydigan bo'lsak, 42ni rivojlantirish, eng yaxshi dasturchilarni tayyorlash uchun bel bog'lashning ayni payti ekanligiga amin bo'ldim.

Nuqtalar ulanyapti.

19.02.2024

@fikrlog

Hozirda yozilayotgan tweetlarning 20 foizidan ortig‘i sun’iy intellekt tomonidan ya’ni robotlar tomonidan yozilayotgani aytilmoqda. Bu o‘n millionlab soxta profillar borligi, ular boshqalarni inson ekanligiga ishontirib, insondek kontent yaratayotganini anglatadi. Instagramdagi go‘zal qizlarning necha milliontasi hozirda amalda sun’iy intellekt orqali yaratilayotganini hatto bilmaymiz ham.

Buni nimasi yomon dersiz. Bu o‘ta xavfli jarayon. Deylik, siz ijtimoiy tarmoqda kim bilandir bahsga kirishdingiz. Siz argumentlaringiz kuchli bo‘lsa, narigi tomonning fikrini o‘zgartirishingiz, kamida ta’sir o‘tkazishingiz, o‘z fikringizni himoya qilishingiz mumkin. Endi, fikrini o‘zgartirmaydigan sun’iy intellekt bilan bahsga kirishdingiz. U hech qanaqasiga sizning fikringizni qabul qilmaydi, o‘zinikini o‘zgartirmaydi. Uning vazifasi o‘z algoritmlaridan foydalanib sizning fikringizni o‘zgartirish bo‘lishi mumkin. Bu vaziyatga unga sizga qarshi millionlab botlar yordamga kelishi mumkin. Siz qancha bahsga kirishsangiz, u sizni shunchalik tahlil qiladi va shunchalik yaxshiroq biladi. Bu unga sizga ta’sir qilish uchun yangi imkoniyatlar ochadi. Tarixda birinchi marta insoniyatni ommaviy manipulyatsiya qilish, xohlagan yo‘nalishga burib yuborish imkoniyati paydo bo‘lmoqda.

Bunga qarshi Daniel Dennetning maqolasini o‘qib qoldim. Bu manga juda qiziqarli tuyuldi. Daniel Dennit sun’iy intellektga qarshi xuddi soxta pulga qarshi kurashgandek kurashadigan qonun taklif qilmoqda. Pul paydo bo‘lgandan beri uni soxtalashtirish imkoniyati texnik tomondan doim mavjud bo‘lgan. Agar bu imkoniyat erkin bo‘lganda, butun boshli moliya tizimi savol ostiga qo‘yilar, insoniyat taraqqiyoti bu kunga yetib kelmagan bo‘lardi. Soxta pullarni taqiqlash va qat’iy jazo evaziga, butun dunyo moliya tizimi ming yillar davomida yashab qoldi. Hozirda bor naqd pul massasining faqatgina bir foizi soxta ekanligi taxmin qilinadi. Shu uchun ham odamlar pulga va moliyaga ishonadi.

Pulni soxtalashtirishga qarshi beayov kurashilganidek, Daniel Dennet insonni soxtalashtirishga qarshi ham beayov kurashish kerakligini aytmoqda. Pulga ishonchni saqlab qolishdi hukumatlar qat’iy bo‘lganidek, insonlarga ishonchni saqlab qolishda ham hukumatlar qat’iy bo‘lishi kerak. Sun’iy intellektdan oldin bir kishi o‘zini boshqa kishining o‘rniga davo qilsa, u qonunan qattiq jazolangan. Endi shu ishni sun’iy intellekt qilsa, hozircha jazo mexanizmi mavjuda emas. Endi sun’iy intellekt o‘zini odam o‘rniga ko‘rsatish imkoni paydo bo‘lgach, u insonlar o‘rtasida ishonchga, shuningdek ijtimoiy tartibga putur yetkazishi mumkin.

Dennerga ko‘ra, hukumatlar soxta insonlarni soxta pulni taqiqlagandek qat’iyat bilan taqiqlashlari kerak. Gap faqat alohida shaxsning deepfake videosini yaratish va tarqatish haqida ketmayapti. Umuman, xohlagan bot yoki robotni o‘zini inson o‘rnida tanitishga taqiq qo‘yish haqida ketmoqda. Qonun qabul qilinsa, texnik tomondan platformalarni bunga majburlash imkoniyati nazariy tomondan mavjud va amalga oshirsa bo‘ladi.

Yangi zamon bizga yangi muammolar taqdim etmoqda.

#mulohaza
@allaevuzb

Pul oqimi
Cheksiz pullar
Pul psixologiyasi
Koinot qonuni
Pulga ochilish

Men bu tushunchalarni g'irt safsata ekanini tushuntirmoqchi bo'lsam birilari menga "O'zi uchma uch zo'rg'a yashaydi. Shuning uchun o'ziga o'zi tasalli beryabdi" deyishlari mumkin.

Boshqalari esa "O'qimagan, qishlog'idan chiqmagan, uyda bolalarini o'ynatib o'tiradi. Topib olgani shu bitta eskicha o'qish" deyishi mumkin.

Yana boshqalari "Biz bilgan falon falon kitoblarni o'qimaganda, bu nimani ham bilsin" der.

Alhamdulillah Alloh menga keng rizq ato etdi. Men oddiy o'qituvchi bo'lsam ham, ko'p narsaga imkonim ham yetarli mablag'im ham yetarli. Siz bilgan ba'zi bir muvaffaqiyatli biznesvumenlardan qo'lim uzunroq bo'lsa ajab emas. Sayohat ham qilaman, yaxshi mashinam ham bor, qimmat kiyim ham kiyaman. Faqat buni hech kim ko'rishi shart emas. "O'zida yo'qligi uchun ko'ra olmaganidan gapiryabdi negativchi hater" deyuvchilar uchun aytib qo'yyabmanda, hali bu mavzuda uzoq yozaman dedimku 😅

Tanimasdan bilmasdan "o'qimagan- eskicha- qoloq" deyuvchilar uchun - Angliyada bakalavr va magistrlik diplomini olganman. Dunyo istalgan davlatida kasbim bo'yicha ishimni topib ketishim mumkin, alhamdulillah. Hozirda universitetda dars beraman. 1-2 online kurs qilib olib bir dumalab psixolog, yana bir dumalab psixoterapevt, yana bir dumalab marketolog bo'lib oladiganlardek og'zimizni to'ldirib fishu-fishu qilib gapirishni bilmasak ham, qo'limizda professional kasbimiz bilan shug‘ullanishga kerakli diplomlar bor, alhamdulillah.

Kitob o'qimagan deganlarga, yuqoridagi kitoblarni ro'yxatini qo'ydimki, men bu self-help kitoblarini, g'arbning eng mashxur motivator va life coachlarini avra-astarini chiqarib o'qib chiqqanman. Steven Covey, Robin Sharma, Robert Kiosaki, Tony Robbins, Bob Proctor - hammasini o'z vaqtida qiziqib o'qib chiqqanman. Va shuni ishonchim komil aytamanki yuqoridagi siyqasi chiqqan pul terminlari puch yong'oqdan boshqa narsa emas. Ularni ilmiy asosi yo'q va mutlaqo Islom ta'limotlariga zid.

Kim bunday kitoblar yozadi? Bop Procterga o'xshab farrosh bo'lib ishlab yurganida birdan boyib qolganlar yozadi. Yoki Rhonda Byrnega o'xshab hamma bizneslari uxlab, bankrot bo'lib nima qilishini bilmay turganda birdan 'Secret' degan film chiqarib bo'sh g'oyalarini sotish orqali boyib qolganlar yozadi.

Tasavvur qilyabsizmi, o'zi biror biznesni qoyillatmay turib, sizga muvaffaqiyatli biznesni o'rgatadi. Birdan bir biznesi sizga pullayotgan bir tiyinga qimmat seminarlari. O'zi qandoq yashashni bilmaydi, hayoti alg'ov-dalg'ov yana LIFE COACH bo'lib boshqalarga qanday yashashni o'rgatadi. O'zi ajrashib ketgan, oilasi parokanda, yana sizning oilaviy psixologingiz bo'lib chiqadi.

"Iroda opa, falonchini ko'rib bering - qandoq ekan soxta ekanmi? Pismadonchini kursini olgan edim. O'qisam bo'ladimi? Sizi postizdan keyin ikkilanib qoldim" mazmunidagi maktub egalariga so'zim - Ozgina mantiqiy fikrlagan inson ma'lumotni soxtami yo'qmi darrov anglab yetadi. Ammo sizga baza kerak, fundamental bilimingiz bo'lishi kerak. Misol self-help kitoblari orasida foydalilari ham ko'p, lekin bu kitoblardagi ma'lumotlarni solishtirib kerakli joyini olish uchun sizda Qur'on bazasi bo'lishi kerak. Nima yaxshi - nima yomon, nima to'g'ri - nima noto'g'ri, nima halol - nima harom, nima qabul qilinadigan holat - nima qabul qilinmaydigan holat, nimani bajarish kerak - nimadan qaytish kerak - bu chegaralarni biz qanday o'rnatamiz agar Qur'onni o'qib bilmasak? Bizni o'lchov mezonimiz nima? Qur'on emasmi?

@YaqinOzbek

Hali bu mavzuda ko'p yozaman, insha'Allah. Davomi 👇🏻

G'arbda 1970 yillardan boshlab va ayniqsa so'nggi 30 yilda bunday kitoblarga va psixolog-terapevtlarga talab juda ham oshib ketdi. Afsuski bizni O'zbekistonda ham bundan buyog'i talab oshib boraveradi.

Nima uchun degan savol tug'iladi. Chunki insonlar moddiy taraqqiyotga erishgani sari ma'naviy qashshoqlashib boraverdilar. Nafsiga yoqqanini qilish kishiga uzoq muddatlik huzur halovat bag'ishlamadi. Jamiyatdagi qadriyatlar tubdan o'zgarib ketdi. Globallashuv, feminism, gender tengligi, liberalism, invidualism, shaxs erkinligi, tolerantlik va boshqa bir qator shiorlar ostida biz jirkanch deb bilgan odatlar g'arb jamiyatida keng targ'ib qilina boshlandi. Bu yot qadriyatlar albatta bizning diyorlarga ham allaqachon kirib kelgan. Alloh isloh qilsin

Biz musulmonlar uchun hozirda eng hatarli bo'lgan tushuncha - yashashdan maqsad yaxshi yashash va yaxshi yashashning yagona yo'li bu moddiy farovonlik degan e'tiqod. Bu e'tiqoddan voz kechilmas ekan, boshimizga ko'p balolar keladi. Alloh saqlasin.

Atrofga boqing, ro'za tutib, namoz o'qib, zakot to'lab va afsuski shu bilan bir paytda o'zlari uchun riboni ham halollab olaveradigan musulmonlar bor oramizda. Namoz o'qiydi lekin yolg'on ham gapiraveradi; ro'za tutadi lekin ko'zini chirt yummasdan zulm ham qiladi, birovning haqqiga kiradi; zakot to'laydi va firibgarlikni ham, o'g'rilikni ham - modomiki bu unga moddiy manfaat keltirsa qilaveradi. Va eng achinarlisi ba'zi birlari Qur'on va hadislardan iqtibos keltirib bu ishlarini Islomiy tarafdan oqlab qilishlari. Bunday shaxslarning hayotida moddiy manfaat ko'rish hamma narsaning ustida turadi.

Shuning uchun ham zamonamizning eng ko'p gapiriladigan mas'alasi boylik to'plash, ko'proq daromad qilish, balandroq uy solish, qimmatroq mashina haydash, hammanikidan zo'r to'y qilish. Ishqilib shu hayoti dunyoning o'zida bir "jannat" yasashga kirishib nafsiga qul bo'lish.

Yaxshi yashash faqat moddiy farovonlikda va mol dunyoda emas, sabr, shukr, tavakkul va qanoatda. Muvaffaqiyat faqat kasbda, biznesda emas oilaviy hotirjamlikda....

Davomi bor

Iroda Ahmed

@YaqinOzbek

Komediya kino ko'rib yig'laganmisiz?

Men uchun bu kinoni nomi "Ajoyib Hayolparast". Televizorda ko'p ko'rganman, har ko'rganda ichimni qattiq ezadi. Garchi 1977-yilda ishlangan bo'lsada, ekranlarda hozirgacha qo'yilsa kerak.

Hayol surma, hayol surish senga emas - paxtangni ter degan kino.

Biz hayol surmayapmiz. Bilasizmi nima alam qiladi? 42da dasturlash bo'yicha kurs chiqardik - 99 kishi bu kursdan keyin ish topsak bo'ladimi deb so'radi, lekin 1 kishi bu kursdan keyin startup qilib millioner bo'lib ketamanmi deb so'ramadi. Ikkisi uchun ham javob - "balki" bo'lardi, lekin 2-sini eshitishni ko'proq xohlardim.

Bu davr hayolparastlar darvi. Tasavvur qilgan narsangizni yarata olasiz - qura olasiz.

Bizni o'zbeklar:
- oylik bermasa yig'ishtir "it pitingni" deyishadi. "Ana bor, bozorga chiq" deb qancha ota o'g'liga aytgan ekan?

Ha aytgancha, pulingiz bo'lmasa ham 42.uz kurslari ochiq, @yordam42 ga yordam so'rab yozgan hech kimga yo'q demadik.

@fikrlog

We have 2 options. The pain of acting now, pain of discipline or pain of regret. The choice is yours...
--------------------------------
Bizda 2ta variant bor. Hozir harakat qilish, intizomdan azoblanish yoki keyinchalik pushaymonlik azobi. Tanlov oʻzimizda...

#randomthoughts

Shu tariqa Induced AI kompaniyasiga asos solishdi. Ularning sunʼiy intellekt dasturi topshiriqlarni oddiy ingliz tilida kirgizilgandan keyin avtomatlashgan biznes protseslarga aylantirib beradi.
Tez orada ular investorlardan $2.3 mln investitsiya jalb qilishdi. Investorlar orasida Sam Altman (OpenAI CEOsi) ham bor edi. Sam bu 2 yigitga 1 yil avval AI ga fokus qaratish kerak degan muhim maslahatni bergan edi va bu toʻgʻri boʻlib chiqdi.

Manba: Thirdnetwork Youtube kanali

#AI #startup #inspiration

Siz bu tizimlarning o'z tajribalariga asoslanib qaror qabul qilishi mumkin deb hisoblaysizmi?

Odamlar kabi, ha.

Ular onglimi?

Hozircha ularning o'z-o'zini anglash darajasi kam bo'lsa kerak. Shunday ekan, men ularni ongli deb hisoblamayman.

Ular o'z-o'zini anglash darajasiga yetishadimi? Ongli bo'ladimi?

Ha, menimcha. Ha, vaqt o'tishi bilan shunday bo'ladi, deb o'ylayman.

Va shunda odamlar yer yuzidagi eng aqlli mavjudotlar orasida ikkinchi o'rinda qoladimi?

Ha. Ammo bu juda murakkablashganda, nima sodir bo'layotganini bilmay qolamiz. Sizning miyangizda nima sodir bo'layotganini qanchalik bilsak, bu yerda ham shunday bilamiz.

Nimaga u qanday ishlashini aniq bilmaymiz? Axir uni odamlar yaratgan-ku.

Yo'q. Bu unday emas. Biz faqat o'rganish algoritmini yaratdik. Bu evolyutsiya tamoyilini yaratish kabi bir narsa. Ammo bu o'rganish algoritmi ma'lumotlar bilan o'zaro aloqaga kirishganda, u murakkab neyron tarmoqlarini hosil qiladi, ular biror narsani qilishda yaxshi, ammo ularni qanday amalga oshirishini aniq tushunmaymiz. Shunday qilib, bu tizimlar nazoratdan chiqishi mumkin bo'lgan usullardan biri — o'zlarini o'zgartirish uchun o'z dastur kodlarini yozishi mumkin, va bu biz jiddiy xavotirlanishimiz kerak bo'lgan narsadir.
😧😱

#AI #tech #revolution