YAQIN

#Ўйлар #odatlar

Hech o'ylab ko'rganmisiz o'zbek jamiyatida aksar insonlar nima hohlaydi? Nima uchun odamlar katta hovli, yangi mashina va dang'illama to'y hohlaydi? Bo'ldi, atiga shu uchta narsa.

Yana o'sha savol - Nima uchun? Aslida o'zlari ham bilmaydi - shunchaki boshqalar shu ishni qilgani uchun taqlid qilish va oqim bilan suzish osonroq. Lekin nima uchun shunday bo'lishi kerak? Bu uchta narsa ularga nima beradi? Nahotki hayotning ma'nosi/mazmuni faqat uy, mashina va to'yda bo'lsa?

Hop, qurbi yetsa qilsin, qandini ursin. Lekin nega qurbi yetmasa qarz qilib bo'lsa ham bu narsalarga erishishi kerak? Nima uchun?

Yaxshi yashash yaxshi, albatta. Yaxshi yashashga bo'lgan harakat ham yaxshi. Lekin moddiyatni birinchi o'ringa qo'yib olganimizdan keyin boshqa qadriyatlar sekin chetga o'tib turishiga to'g'ri keladida - halollik, omonatdorlik, ishonch, mehnatsevarlik, kasbini sevish, qo'yingki "yaxshi yashash mol-dunyoda" tushunchasiga ega bo'lganimizdan keyin oilaviy va diniy qadriyatlarni pastki o'rinlarga surib qo'yishga to'g'ri keladi.

Foizga kredit olamiz - Alloh harom qilgan riboga aralashamiz, qarzni vaqtida uzmaymiz - yolg'on gapiramiz, mehnatsevarlik o'rnini qanday qilib oz ishlab ko'p daromad topish, qisqa vaqt ichida tez pul qilish kabi tushunchalar egallaydi. Bu kabi qadriyatlarni o'zimiz sezmagan holatda farzandlarimizning ongiga ham yoshlikdan singdirib boramiz.

Salman Asif Siddiqi degan Pokistonlik mashxur yozuvchi, faylasuf va pedagog bor. O'sha insonning "Soxta Hudolar Qurshovida" (In The Siege of False Gods) degan kitobida materialism va molparastlik madaniyati butun Islomiy qadriyatlarni jamiyatda yo'qqa chiqarishini tushuntirib o'tgan.

Afsuski, aksar musulmon jamiyatlarda odamlar molparastlikka berilgani uchun jamiyat tanazzulga uchramoqda. Namoz o'qib ro'za tutamiz lekin yashashning mohiyati yaxshi yashashda va yaxshi yashashning yagona yo'li mol-dunyoda degan tushuncha ongimizga singib ketgani uchun boshqa diniy qadriyatlarni bir chetga surib qo'yaveramiz. Vaholanki Islomning faqatgina 1/3 siz va Robbingiz o'rtasidagi ibodatlarni (namoz, ro'za, zakot) o'z ichiga oladi. Islomning qolgan 2/3 qismi esa sizning boshqa insonlar bilan muomala-muosharat, munosabatlar, oldi-berdi va hayotning boshqa jabhalarida namoyon bo'ladi.

Bu haqida har birmiz jiddiy o'ylab ko'rishimiz kerak. Yaponlarni maqoli borku - 1000 milyalik sayohat bitta qadam bilan boshlanadi. Katta o'zgarishlar doimo kichik narsalardan boshlanadi. Buni o'qigan har birimiz hayotimizda molparastlikdan bir oz bolsada voz kechish uchun shu bugun nimadir qilsak, birinchi qadamni tashlasak - aytingchi u nima bo'lishi mumkin?

Iroda Ahmad
https://t.me/YaqinOzbek

Website | Instagram | Facebook

​​ЯПОН ВА ЎЗБЕК АЁЛИНИНГ ТОЗАЛИККА МУНОСАБАТИ!

Ассалому алайкум, хурматли ўқирманлар. Япониядаги саргузаштларимиз давом этади.
Бугун бир Ўзбек опамиз аудио хабар жўнатибдилар. Хабарнинг мазмунини ўзимни услубимда тушунтиришга ҳаракат қиламан) "Услубинг қурсин! 1,5 километр қилиб узуууунн қилиб ёзасанда бошқа нима ҳам қилардинг?" деб урушиб берманг тағин) Китоб ўқимай қўйганларга ҳеч бўлмаса пост ўқитиб, кўзларини узунроқ матнларга ўргатиб турайлик. Ажабмас, узун постдан китоб ўтиб кетишса))

Хуллас, у опамиз Япониянинг бир чекка вилоятида магистратурада ўқибдилар. Кейин, докторантурада ўқиш учун Токиога келишга мажбур бўлганлар. Токиога келганлар, янги уй олиш керак, ижара тўловлари дегандек. Бир сум пул қолмаган. Ўзбекистондагилардан сўрай деса, кимсан Японияда юриб яна қарз сўраб бўладими? Яқинларини наздида Японияда пул дарахтда ўсиб ётибди) Овқатланишга ҳам пул қолмаган. Сиқилиб осмонга қараб, "Доктор бўлишга бало бормиди менга, дугонам Шарапатга ўхшаб эрга тегиб, эримни топганини мазза қилиб еб ётмайманми?" деб хўрсиниб турса, телефонига тинг-тинг деган хабар келибди. Очиб қараса, олдинги ижара уйининг эгасидан:

МЕН 35 ЙИЛДАН БЕРИ УЙИМНИ ИЖАРАГА БЕРАМАН. ЛЕКИН, СЕНДЕК ТОЗА-ОЗОДА ЯШАГАНИНИ КЎРМАДИМ. СЕНИ МИЛЛАТИНГ ДУНЁДАГИ ЭНГ ОЗОДА МИЛЛАТ ЭКАН. КАРТАНГА ОХИРГИ 3 ОЙЛИК КВАРПЛАТАНГНИ ҚАЙТАРИБ ТАШЛАБ ҚЎЙДИМ. РАҲМАТ СЕНГА деган хат эмиш. Опамизни хурсандлигини тасаввур қилаверинг.

Энди бяғини мендан эшитинг. Анча йиллар олдин, оиламни Ўзбекистонга жўнатиб юборган эдим. Ўша пайт мен билан ишлайдиган бир МИЯЗАВА деган Япон уйга келди. Уйни тозалигини кўриб томи кетиб қолганди. Аслида, аёлим тозалайдигандек тоза эмасди. Лекин, кўпчилик Японларни уйини олдида тозамисан тоза эди-да. Бизни аёллар "Вой бу ҳамма жой ивирсиб кетибди-ку" дейдиган уй Японларни уйини олдида чинни-чироқдек сарой) Айтганча, расмдаги уйни расмини бир Япон қиз, "Сизларда ҳам шунақами, эй компанияда ишлайдиганлар?" деб ўз сахифасига қўйибди. Уни тарафдорлари "Ҳа" дегандек қилиб лайкни босиб ташлашган!

Шунақа гаплар азизлар. Биз кўча куйни қандай озода тутишни Японлардан ўрганишимиз керак. Японлар уйни қандай саранжом-саришта тутишни биздан ўрганиши керак. Бизни тозалик-озодаликка ўргатган онахон, момоларимизга гулдурос қарсаклар! Қадриятларимиздан айланай, динимиздан айланай, миллатимиздан айланай.

Айтганча, мен кўрганимни бор гапни ёзаябман. Мени дилимни оғритиб, калла қўювчилар бўлмасин. Мен жуда бошқача одамман. Айтишларича мен туғилган пайтимда роддомда чироқ ўчиб қолган экан. Бечора доя энди киндикни қандай кесаман қоронғуда кўзимни зренияси паст деб хавотир ола бошлаганда, минг йилда бир бўладиган ходиса юз берибди. Осмонда қаттиқ момоқалдироқ бўлиб, КАТТА АЙИҚ туркумидаги юлдузлар ерга яқин кела бошлабди. Ой ҳам бошқача чиқиб, Зухро юлдузи бутун бошли роддомни ёритиб юбориб, анави зренияси паст доя ҳам мени чиройимни кўриб кўзойнаксиз ҳам яхши кўрадиган бўлиб кетибди. Кейин... Бўлди, бўлди эртак бўлиб кетди а? 😁 Ҳеч нарса бўлмаган. Худди сизлардек вариллаб йиғлаб туғилганман)) Барчангизга яхши кайфият тилайман!

https://t.me/BahodirIskandarov