Iqtibos Ultra

Siz yaxshi koʻrishni istaysiz-u, lekin suyish qoʻlingizdan kelmaydi. Baxtsiz boʻlishingizning boisi ham ana shu.

©️Ivan Turgenev - Otalar va bolalar
@IqtibosUltra

Xotiralar koʻp-u, lekin xotiraga oladigan hech narsa yoʻq.

©️Ivan Turgenev - Otalar va bolalar
@IqtibosUltra

Ma’naviy kasalliklar yomon tarbiyalanishdan, odamning yoshligidanoq miyasiga singdirilgan har xil nuqsonlardan, qisqasi, jamiyatning yaramas ahvoldaligidan kelib chiqadi. Jamiyat tuzalsa, kasalliklar ham izsiz gʻoyib boʻladi.

©️Ivan Turgenev - Otalar va bolalar
@IqtibosUltra

Qarilik

Yolgʻizlik boshlanar bundan buyogʻi,
Qochib qutulmassan, odam bolasi.
Oylarni, yillarni tutsang boʻyingga,
Soylarni, choʻllarni tutsang boʻyingga,
Oʻlchab yetolmassan, odam bolasi.

Endi koʻplar bilam oram sovugan,
Koʻplar omadimga sevinmas endi.
23 yoshimda meni sevganlar
33 yoshimda sevolmas endi.

Men, axir, na choʻlman, na yoʻl, na koʻcha,
Axir hammaniki boʻla olmayman.
Meni sevganlar deb oʻla-oʻlguncha
23 yoshimda qola olmayman.

Qanchalik soʻzlar bor soʻzimdan jasur,
Endi chaqirmoqqa nafasim yoʻqdir.
Endi bu dunyoda oʻzimdan jasur
Soʻzlarni yozmoqqa havasim yoʻqdir.

Yigʻini bas qilfi, tindi she’rim ham,
Qaridi misralar, soʻzlar men bilan.
Doʻstlar yoshligicha qolar she’rimda,
Qarimoq istamas doʻstlar men bilan.

Ilohim, qarilik shunday ekan-da,
Doʻstlardan jimgina uzilar odam.
Umr loyqalangan suvday ekan-da,
Ozaygani sari tozarar odam.

Ichimu tashimning zangi yuvilar,
Satrlar koʻkarar bu oq varoqda.
Uzoqdir yurak-la qoʻlning orasi,
Xayriyat, oʻlmadim shu oraliqda.

Soʻzlar yuragimdan qoʻlimga yetdi,
Biroz sargʻaydi va soʻldi, na iloj.
Biroz jasurligi, shoʻxligi yetdi,
Gina qilmasinlar, yoʻl-da, na iloj.

Endi bolta kesmas aqlim kesganni,
Tiriklik totini bilaman endi.
Bu koʻhna dunyoda har nafasimni
Daraxtdan mevaday teraman endi.

Soʻng nafas dunyoda har nedan shirin,
Shoir ham qariydi, oʻlar - bilaman.
Soʻzidan qon hidi kelgan shoirning
Ogʻzidan sut hidi kelar - bilaman.

Bu dunyo bir qaynar qozondir, illo,
Soʻndirmas oʻtini na qor, na yomgʻir,
Bu dunyodan ketish osondir, ammo
Dunyo-la chiqishib yashamoq ogʻir…

©️Romiz Ravshan
Tarjima: Abdulkarim Bahriddin
@IqtibosUltra

“Masalan biz Nemislarni yirtqichga qiyoslab koʻrsak unda koʻz oʻngimizda shavqatsiz Burgut gavdalanadi. Ammo yahudiylarni hayvon sifatida koʻrsak yodimizga Kalamush tushadi. Kalamushlar yashovchi dunyoni bir soniyaga tasavvur qilib koʻring aaa? Xavfli dunyo”.

©️Manfur Kimsalar kinosidan
@IqtibosUltra

Tuproqdan yaralgan gar odam asli,
Tangri lutfi bilan benazir nasli.

Ilohiy sirlardan xabardor inson,
Zamin uzra haqgo'y sarbador inson.

Takabburlik qildi shaytonni barbod,
Xokisorlik bilan inson ko'ngli shod.

Insonni mukarram qilgan ham O'zi,
Shaytonning bag'rini tilgan ham O'zi.

Shaytonni ming dardga mubtalo qildi,
Insonni a'lodan ham a'lo qildi.

Barcha sir-asrorni bilar qodir Haq, Neni istasa gar qilar qodir Haq.

Qudrati qoshida ojiz har kishi,
Lol-u hayron qilar Tangri har ishi.

Yaratgan har ishin bilib qiladi,
Teran hikmatin ham O'zi biladi.

Shahanshohlar shohi naziri yo'q hech,
Yakka-yu yagona vaziri yoʻq hech.

Senga ming ofarin, ey qodir Egam,
Yakka-yu yagona, ey nodir Egam!

To abad bezavol sen o'zing borsan, Jumla jahon ko'rki Parvardigorsan.

O'zingsan sira ham tengi yo'q Rahmon,
Hamisha barhayot, mangu mehribon.

Mehring ummon kabi jo'sh ursa nogoh,
Har qanday gunohdan kecharsan, Alloh.

©️Alisher Navoiy - Lisonut-Tayr
@IqtibosUltra

Gar shayton malaklar, hurlar sarvari,
Garchi farmonida, olam kishvari.

Gar minglab yillar u ibodat qilgan,
Tangrining amriga itoat qilgan.

Yerda qolmagan hech bosh qo'ymagan joy,
Hatto sajdagohi ming bir yulduz, oy.

Erta-yu kech garchi zikri ham Alloh,
Zikriga payvasta fikri ham Alloh,

Betimsol saodat baxsh etib surur,
Qalbi ichra nogoh jo'sh urdi g'urur:

Oqibat insonni ko'zga ilmadi,
Qoshida bosh egib sajda qilmadi.

Tangriga xush kelmay uning ta’nasi,
Ko'ksiga bosildi la'nat tamg'asi.

Itlik qilish uchun toki chogʻlandi,
It kabi bo'ynidan qattiq bogʻlandi.

Odamzodga boʻldi to abad raqib,
lymon ahlin qilar muttasil ta'qib.

La'natga giriftor qiyomat qadar, Adovat gulxanin yoqar darbadar.

Tangri fikri bilan garchi baxtiyor,
Kibr-u havoni to qildi ixtiyor,

To abad la'nati nomini oldi,
Barcha uchun ibrat ham boʻlib qoldi.

©️Alisher Navoiy - Lisonut-Tayr
@IqtibosUltra

Makon axtarganda o'ziga Rahmon,
Qabul qilmadi hech na yer, na osmon.

Faqat odamzodga ma'qul bu xitob,
Qalbiga jo qildi Tangrini shitob.

Insonni shu bois mumtoz ayladi,
Ilohiy sirlarga hamroz ayladi.

Boshi uzra qo'ydi hidoyat tojin,
Musharraf ayladi sharaf me'rojin.

Olam ichra qildi insonni yakto,
Hur-u malaklarga ham bo'ldi peshvo.

Sajda qilmas faqat shaytonday darg'a,
Ilohiy dargohdan bo'lar badarg'a.

©️Alisher Navoiy - Lisonut-Tayr
@IqtibosUltra

Ha yaxshi 1 kishi borakan-a oʻqib turgan. Faqat oʻzim oʻqiyapman db oʻylagandim

Bir-biriga gʻanim olov bilan ob,
Shamol-u tuproq ham qasdma-qasd shitob.

Ular bir biriga g'anim bo'lsa ham,
Odamzod tanida bo'ldi jamuljam.

Parvardigor cheksiz ming karam qildi,
Odam ahlin g'oyat muhtaram qildi.

Inson qalbin qildi bilimlar koni,
Hattoki o'zining sirli makoni.

Odam ahliga xos g'aroyib jism,
Inson qalbiday yo'q ajoyib tilsim.

O'zingsan bu tilsim boshida amin,
Ofarin senga, ey jon, ming ofarin!

©️Alisher Navoiy - Lisonut-Tayr
@IqtibosUltra

Bir-biriga gʻanim olov bilan ob,
Shamol-u tuproq ham qasdma-qasd shitob.

Ular bir biriga g'anim bo'lsa ham,
Odamzod tanida bo'ldi jamuljam.

Parvardigor cheksiz ming karam qildi,
Odam ahlin g'oyat muhtaram qildi.

Inson qalbin qildi bilimlar koni,
Hattoki o'zining sirli makoni.

Odam ahliga xos g'aroyib jism,
Inson qalbiday yo'q ajoyib tilsim.

O'zingsan bu tilsim boshida amin,
Ofarin senga, ey jon, ming ofarin!

©️Alisher Navoiy - Lisonut-Tayr
@IqtibosUltra

Bismillahiir Rohmaniir Rohiim

Jon qushi mantigʻin to qilgay bayon,
Tangri hamdi birla qilgay begumon.

Olam-u odamning xalloqi Xudo,
Yagona bezavol ham boqiy Xudo.

Qudratli qalamin shayladi shitob,
Bor olamni barpo ayladi shitob.

Lol-u hayron qilib aql-u idrokni,
Barpo qildi avval to'qqiz aflokni.

Samoni bezadi ming yulduz bilan,
Zaminni ham kecha va kunduz bilan.

Oy cheksiz samoning tirnogʻi misol,
Tirnoq boʻlagiday uch kunlik hilol.

Samo ulkan ummon kabi beqaror,
Beqaror bag'rida zamin barqaror.

Bulutlar bag'rini garchi chok gilar,
Yer yuzin yomg'irlar bilan pok qilar.

Kemaday chayqalar bor bog'-u rogʻlar,
Kemalar langari misoli togʻlar.

Qaynab toshmasin deb ummonlar nogoh,
Ular uzra parda tortgan ham Alloh.

Otashin oftobday sehri ziyoda,
Hatto qushlarga ham mehri ziyoda.

Yomg'ir suvlaridan dengizlar toʻlar,
Ular har qatrasi gavhar-dur bo'lar.

Bag'oyat bebaho ular har biri,
Sultonlar tojini bezar kabiri.

Himmat bilan bagʻrin keng qilar Alloh,
Kecha va kunduzni teng qilar Alloh.

Subhidam nasimi bamisli bayot,
Bog'larga qaytadan baxsh etar hayot.

Iso nafasiday bahor shamoli,
Kun sayin ochilar bog'lar jamoli.

Daraxtlar chiroyi bag'oyat nodir,
Sarbaland chinorlar yam-yashil chodir.

Tonglarni nur bilan payvasta qilar,
Shomlarni ham g'oyat orasta qilar.

Kun boʻyi samoda oftob porlaydi,
Tun boʻyi qoshiga hilol chorlaydi.

Turfa g'aroyibot sahrolar aro,
Ming sir va sinoat daryolar aro.

Dasht ichra Yaratgan parrandalari,
Dengiz ichra turfa darrandalari.

Dasht ichra quyunni sarson aylagan,
Dengizda girdobni giryon aylagan.

©️Alisher Navoiy - Lisonut-Tayr
@IqtibosUltra

👀