Yuridika fakulteti | Faculty of Law

⚡️QDUda "Rektor va yoshlar" mavzusida uchrashuv bo‘lib o‘tdi

🟢Bugun, 22-yanvar kuni Berdaq nomidagi Qoraqalpoq davlat universitetida "Rektor va yoshlar" mavzusida uchrashuv bo‘lib o‘tdi. Uchrashuvda universitet rektori, akademik Axmed Reymov, prorektorlar, bo‘lim boshliqlari, professor-o‘qituvchilar va talaba-yoshlar ishtirok etdi.

Tadbirning asosiy maqsadi talaba-yoshlarning muammo va takliflarini eshitish, ularning talab va ehtiyojlarini qondirish, shuningdek, universitet talabalari hayotidagi dolzarb masalalarni muhokama qilishdan iborat bo‘ldi.

Dastlab, uchrashuv oldidan universitet tomonidan olib borilayotgan ishlar, talaba-yoshlarni qo‘llab-quvvatlash borasidagi tadbirlar haqida tayyorlangan videorolik yig‘ilganlar e’tiboriga havola etildi.

Shundan so‘ng, universitet rektori A.Reymov so‘zga chiqib, yoshlarning ilm-fan sohasidagi yutuqlari, ijtimoiy hayotdagi faolligi va ularning mamlakat taraqqiyotidagi o‘rni haqida alohida to‘xtaldi. Shuningdek, "Bugungi yoshlar - ertangi kunimizning poydevori, ularning har bir tashabbusi va intilishi biz uchun muhim. Shuning uchun ham universitetimiz rahbariyati har bir talabaning fikrini eshitishga, muammolarini hal etishga tayyor," - dedi rektor A.Reymov o‘z nutqida.

🟢Uchrashuv davomida talaba-yoshlar o‘zlarini qiziqtirgan savollar bilan murojaat qilish imkoniga ega bo‘ldi. Xususan, ta’lim sifatini oshirish, dars jarayonlarini innovatsion texnologiyalar yordamida takomillashtirish, ilmiy loyihalarda ishtirok etish imkoniyatlarini kengaytirish, sport va madaniy tadbirlarni ko‘paytirish kabi masalalar muhokama qilindi. Uchrashuvda talabalar tomonidan kutubxona fondini kengaytirish, qo‘shimcha to‘garaklar tashkil etish, yangi magistratura mutaxassisliklarini ochish, sport va madaniy tadbirlarni ko‘paytirish kabi masalalar atrofida savol va takliflar bildirildi.

🟢Rektor barcha savol va takliflarni diqqat bilan tinglab, ularga javob berdi. Ayrim masalalar joyida hal etildi, ayrimlari bo‘yicha tegishli bo‘limlarga topshiriqlar berildi. Xususan, kelgusi o‘quv yilida universitetda yangi talabalar turar joyi foydalanishga topshirilishi, qo‘shimcha sport to‘garaklari va chet tillari kurslarini tashkil etish, kutubxona fondini yangi adabiyotlar bilan boyitish rejalashtirilgani ma’lum qilindi.

🟢Tadbir yakunida rektor A.Reymov barcha talaba-yoshlarni o‘z intilishlari va tashabbuslari bilan universitet rivojiga hissa qo‘shishga chaqirdi. Shuningdek, universitet rahbariyati yoshlarning har qanday muammo va takliflari bilan ochiq muloqot qilishga tayyorligini yana bir bor ta’kidladi. "Rektor va yoshlar" uchrashuvi talabalar va rahbarlar o‘rtasida samimiy muloqot muhitini yaratgan holda, kelgusidagi rejalarni belgilab olish uchun muhim platforma bo‘ldi. Bunday tadbirlar yoshlarning faolligini oshirishga va universitet hayotida yanada faol ishtirok etishiga xizmat qilishi shubhasiz.

➡️To‘liq o‘qish

Bizni kuzating

✅Telegram | 🌐Instagram | 📹YouTube | ✅Facebook

Sport — salomatlik garovi

🔹Bugun 21- yanvar sanasida talabalarning jismoniy faolligini oshirish, har xil sport turlari bilan shugʻullanishlarini ragʻbatlantirish maqsadida musobaqalar oʻtkazildi.

➡️ Bunda Yuridika fakultetining 4-bosqich talabalari futbol va stol tennisi sport turlari boʻyicha bellashdilar.

@FacultyofLawKarSU