Yurist| Hamid AKMALOV

🔰Vazirlar Mahkamasi tomonidan kiritilgan taklifga asosan, "Samarqand viloyatining Samarqand shahri, Samarqand va Oqdaryo tumanlari chegaralarini o‘zgartirish to‘g‘risida"gi Oliy Majlis Qonunchilik palatasining qarori loyihasi tayyorlanmoqda.

Unda Samarqand tumanidan 170 gektar va Oqdaryo tumanidan 243 gektar yer maydonini Samarqand shahri tarkibiga o‘tkazish nazarda tutilmoqda.

⚖@Yurist_Akmalov👈

1-iyuldan shaxsni tasdiqlovchi va boshqa hujjatlarning elektron shakli ham tan olinadi❗️

🔰Vazirlar Mahkamasining 2024-yil 27-dekabrda 897-sonli qarori qabul qilindi.

Unga ko‘ra, "Raqamli hukumat" tizimi idoralararo integratsiyalashuv platformasi doirasida shaxsiy hujjatlarning unifikatsiyalangan raqamli servislari joriy etiladi.

Bunda banklarda, notarial idoralarda, aeroportlarda ichki reyslarni ro‘yxatdan o‘tkazishda va O‘zbekiston hududidan o‘tuvchi poyezdlarga chiqishda, davlat, korporativ va boshqa xizmatlarni ko‘rsatish, shu jumladan, elektron xizmat ko‘rsatish hamda fuqarolarni qabul qilishda tegishli hujjatlarni taqdim etishni talab qiladigan davlat organlari va boshqa tashkilotlarda quyidagi hujjatlarning qog‘oz shakli talab etilmaydi:

🔻O‘zbekiston fuqarosining biometrik pasporti;
🔻O‘zbekiston fuqarosining identifikatsiyalovchi ID-kartasi;
🔻haydovchilik guvohnomasi;
🔻tug‘ilganlik haqida guvohnoma;
🔻nikoh qayd etilganligi haqida guvohnoma;
🔻nikohdan ajralganlik haqida guvohnoma;
🔻transport vositasining ro‘yxatdan o‘tkazilganligi to‘g‘risida guvohnoma (texnik pasport, texnik talon);
🔻pensiya (nafaqa) guvohnomasi;
🔻fuqaroligi bo‘lmagan shaxsning yashash guvohnomasi (ID-kartasi);
🔻nogironlik to‘g‘risida ma’lumotnoma;
🔻transport vositasining majburiy sug‘urta (fuqarolik javobgarligi) bo‘yicha sug‘urta polisi;
🔻oliy, o‘rta maxsus, kasb-hunar va professional ta’lim olganlik to‘g‘risida davlat namunasidagi rasmiy hujjat;
🔻talabalik guvohnomasi;
🔻yakka tartibdagi tadbirkorning davlat ro‘yxatidan o‘tkazilganligi to‘g‘risida guvohnoma;
🔻o‘zini o‘zi band qilgan shaxs sifatida ro‘yxatdan o‘tganligi to‘g‘risida ma’lumotnoma;
🔻turar joy obyektlarining kadastr pasporti;
🔻jismoniy shaxsning shaxsiy avtomototransport vositasini boshqa shaxslarga boshqarish huquqini beruvchi ishonchnoma.

Ushbu hujjatlarning portaldagi elektron shakllari ham tan olinadi.

⚖@Yurist_Akmalov👈

⚡️Endilikda "Himoya orderi"ni online olish mumkin❗️

Tazyiq va zo‘ravonlikdan jabrlangan ayollar my.gov.uz portali orqali "Himoya orderi"ni olishga onlayn ariza topshirishlari mumkin.

Murojaat profilaktika inspektoriga taqdim etilgan vaqtdan boshlab 24 soat ichida ko‘rib chiqiladi. Himoya orderi zo‘ravonlik sodir etgan shaxsga nisbatan bir qator cheklovlar qo‘yadi.

⚠️Bunga:

🔻Tazyiq va zo‘ravonlik sodir etishni taqiqlash;

🔻Zo‘ravonning jabrlanuvchi bilan aloqasini taqiqlash;

🔻Jabrlanuvchi va zo‘ravonning bir xonada bo‘lishini taqiqlash;

🔻Zo‘ravon zimmasiga jabrlanuvchining davolanish, yetkazilgan moddiy va ma’naviy zararini qoplash majburiyatini yuklash;

🔻Zo‘ravonning qurol saqlash va olib yurish huquqini cheklash kabilar kiradi.

⚖@Yurist_Akmalov👈

Ushbu ro'yxatda keltirilayotgan havola va sahifalarga kirmang, ko‘chirmang, saqlamang va undagi materialni birovga tarqatmang! Bu siz uchun og'ir oqibatlarni keltirib chiqaradi, qamalib ketishingiz ham mumkin.

Hurmatli ota-onalar! Farzandlaringizga e'tiborli bo'ling. Sababi ushbu tuzoqlarga asosan yoshlar ilinib qolishmoqda.

⚖@Yurist_Akmalov👈

⚡️Bugun Adliya organlarining 33 yillik bayrami

O'zbekiston Respublikasi Prezidentining 1992-yil 8-yanvardagi Farmoniga asosan O'zbekiston SSRning ittifoq-respublika adliya vazirligi O'zbekiston Respublikasining adliya vazirligiga aylantirilgan.

Adliya vazirligining asosiy vazifasi fuqarolarning huquqlari va qonuniy manfaatlari himoya qilinishini ta'minlashdan iboratdir.

Ushbu sana munosabati bilan adliya organlarini, uning tasarrufidagi tashkilotlar jumladan, Davlat xizmatlari agentligi va FHDYo organlarini ham samimiy muborakbod etaman.

Fuqarolarning huquq va erkinliklarini himoya qilish yo'lidagi sharafli va fidokorona faoliyatingizda hamisha muvaffaqiyat yor bo'lsin! Fuqarolar va xalqimiz o'z huquqlari himoyasi yo'lida suyanadigan organ bo'lishingizda tilakdoshman!

⚖@Yurist_Akmalov👈

Chipta narxlari oshiriladi❗️

"O'zbekiston temir yo'llari" AJ yo’lovchi tashish sohada moliyaviy zararlarni nisbatan qisqartirish, ... shu bilan birga respublikada inflyatsiya darajasini inobatga olgan holda 2025-yil 1-fevral sanasidan boshlab mahalliy yoʻnalishdagi (yotoqli) yoʻlovchi poyezdlar chipta narxining tarif qismi 10,5% ga oshirmoqda.

“O‘ztemiryo‘lyo‘lovchi” AJ matbuot xizmati

⚖@Yurist_Akmalov👈

⚡️Dollar kursi 13 000 so‘mdan oshdi

Bugun O‘zbekistondagi tijorat banklarida AQSH dollarining sotuv kursi 13 005 so‘mgacha ko‘tarildi.

⚖@Yurist_Akmalov👈

Yo'lovchilar diqqatiga!

O‘zbekistonda 1-fevraldan ayrim poyezd chiptalari narxi oshadi

Temir yo‘l vokzallari faoliyatini yangicha zamonaviy talablariga muvofiq olib borish va yo'lovchilarga sifatli xizmat ko'rsatish maqsadida 2025-yil 1-fevral sanasidan boshlab yuqori tezlikda harakatlanuvchi "Afrosiyob" elektropoyezdlarning VIP, Biznes toifadagi chipta narxlari 25% ga, Ekonom toifadagi chipta narxlari 20% ga hamda tez yurar yo’lovchi poyezdlar "Sharq", "Nasaf" va "O‘zbekiston" poyezdlarning chipta narxlari 30% ga oshirilmoqda.

"Afrosiyob" elektropoyezdlarni chipta narxlari quyidagicha:

Toshkent — Buxoro
VIP 994 000 so‘m
Biznes 751 000 so‘m
Ekonom 484 000 so'm

Toshkent — Qarshi
VIP 854 000 so‘m
Biznes 634 000 so‘m
Ekonom 406 000 so'm

Toshkent — Samarqand
VIP 619 000 so‘m
Biznes 450 000 so‘m
Ekonom 294 000 so'm etib belgilandi.

⚖@Yurist_Akmalov👈