Magical ✨

Gʻalati elat bu, g‘alati el bu,
Niyati bo‘lakcha, amali mavhum.
Bu eldan Buxoriy chiqishi mumkin,
Lekin g‘ariblikda yashashga mahkum.
Gʻalati elat bu, g‘alati el bu,
Tushunib bo‘lmaydi asrorlarini.
Mashrabni osadi va orqasidan
Yig‘lab o‘qib yurar ash’orlarini.
Gʻalati elat bu, g‘alati el bu,
Botini chirkinlik, zohiri sodda –
O‘tkan kunlarini yozgan o‘g‘lini
Bilmay otib qo‘yar Yunusobodda.
Gʻalati elat bu, g‘alati el bu,
Timsoh ko‘z yoshidan bitmish lug‘ati.
Ibn Sinoni-yu Ulug‘begini
O‘zi tug‘adi va o‘zi bo‘g‘adi.
Gʻalati elat bu, g‘alati el bu,
Tushunib bo‘lmaydi sira ham, aytsam.
Bir jarlik ko‘raman yo‘l oxirida,
Oldinga yur, deydi orqaga qaytsam.
Gʻalati elat bu, g‘alati el bu,
Buyuklik sharafdir, biroq o‘y surmang.
Tag‘in, dardlarini eshitayin deb
Boburni sira ham uyg‘ota ko‘rmang!!!

© Xayrulla Hamidov

Hayot bu sahna

Hayotni sahna deb tasavvur qiling, o‘zingizni esa aktyor.

Sizga qanday rol berilishi va sahnada qancha vaqt qolishingiz sizga bog‘liq emas – bu Muallifning ixtiyorida.

Sizga kambag‘al, majruh yoki qirol roli berilishi mumkin. Siz qaysi davrda, qaysi millat, qaysi tabaqa, qaysi oila yoki qanday tana bilan tug‘ilishingizni tanlay olmaysiz.

Lekin siz o‘z rolingizni qanday o‘ynashingizni tanlash qudratiga egasiz.

Sizga berilgan vazifani eng yaxshi tarzda bajaring va hayot sahnasida munosib o‘yin ko‘rsating!

— Epictetus

@Abdurazzoq_Reads

Modomiki biror kunda biror narsa o'rganmasak, bh bizning baxtsizligimiz, Alloh bergan umrni behuda sarflaganimiz, Alloh bergan ne'matga nonko'rlik qilganimizdir. Ilm-marifat, xayr-baraka, yaxshilik, ezgulik, hamma-hammasiga urinishimiz kerak. Ramazonning tuhfasi shu. Ana shu narsalarni bizning esimizga soladi, xotiramizga keltiradi, ularning xayr-barakaligini tushunib yetishimizga xizmat qiladi

© Shayx MuhammadSodiq hazrat

Ro'zadorning duosi

Abdulloh ibn Amr ibn Os rodiyallohu anhu rivoyat qiladilar: Rasululloh sollallohu alayhi wa sallam dedilar:

"Ro'zador uchun iftorlik vaqtida qaytarilmaydigan duo bordir".

Shunday deb, Abdulloh ibn Amr: "Ey Alloh, barcha narsani qamrab olgan rahmating bilan meni mag'firat qilishingni so'rayman", deya ro'zalarini ochdilar. (Sunan ibn Mojah, 1753)

@weareululalbab

Sen - bitta inson emassan.

Sen bitta emas, ming xil qiyofadasan. Vaqt, tajriba va uchratgan insonlaring seni turlicha shakllantirgan. Kimdir seni sokin va kuzatuvchan deb biladi, kimdir esa quvnoq va erkin. Ba’zilarga sen iliqlik va tasalli beruvchi insonsan, boshqalarga esa sirli va yiroq, hatto qo'l yetmaydigan manzilsan. Va, qaysidir ma'noda ularning barchasi sen haqingda haq.

Sen bitta qolipga sig‘ish uchun yaratilmagansan. Ba’zan yumshoq, ba’zan esa hech kim sindira olmaydigan mustahkam bo'laksan.

Mehribon, lekin kerak bo‘lsa, o‘z chegaralarini himoya qilishni biladigan qat’iyatli va kuchlisan.

Ba’zida quvonchga to‘lasan, ba’zida esa hech kim bilmaydigan chuqurliklarni his qilasan. Sen har soniyada o‘zgarasan, ulg‘ayasan, moslashasan - bu ikkiyuz yoki uchyuzlamachilik emas, balki murakkablikdir.

Senga ta'rif berish qiyin.

Shuning uchun, hech kim seni bir so‘z, bir fazilat yoki bir lahza bilan ta’riflab qo‘yishiga yo‘l qo‘yma.

Atrofdagilar kimligingni tushunishga urinayotganligini va har safar to'liq anglay olmayotganligini maroq bilan kuzat.

Chunki azizim, haqiqat shuki, hatto o'zing ham o‘zingni to‘liq kashf qilganing yo‘q.

Vaqting yetarmikan kashf qilishga?

...

@yupiterlik

Dear muslims, Ramadan Mubarak ✨

Ilm afzal

Abu Zarr roziyallohu anhuning oldiga bor odam kelib, "Men ilm o'rganishni xohlayman, lekin olgan ilmimga amal qilmay, uni zoye qilib qo'yishdan qo'rqaman", dedi. Abu Zarr roziyallohu anhu unga: "Johil bo'lib yurganingdan ilmli bo'lganing yaxshiroq", deb javob berdilar.

• "Solihlar gulshani" kitobidan

@Abdurazzoq_Reads