Saudiya Arabistonida “Va sarhadlar osha barcha jihatlar” mavzusida bo‘lib o‘tayotgan Ikkinchi islom san’ati biennalesida O‘zbekiston mamlakatimizning boy islomiy merosini aks ettiruvchi noyob osori atiqalarini dunyoga ilk bor taqdim etdi.

Ushbu muhim loyihani amalga oshirishga ko‘maklashganlari uchun “Diriyah Biennale” jamg‘armasi bosh direktori Aya Ol-Bakriy va Saudiya Arabistoni madaniyat vaziri o‘rinbosari Rakan bin Ibrohim Ol-Tuqga chuqur minnatdorchilik izhor etamiz.

Biennalening badiiy rahbarlari Julian Rabi, Amin Jaffer va Abdul Rahmon Azzam, shuningdek, islom merosini taqdim etishga qo‘shgan beqiyos hissalari uchun Masa Ol-Kutubiy, Rizvon Ahmad, Hizer Eker, Marika Sardar, Joanna Shevalyer, Amina Diab, Sara Ol Abdaliy, Bilol Badat, Faye Behbehaniy hamda Ven Ven kabi keng muhofizlik guruhi a’zolaridan alohida minnatdormiz.

San’at arboblari, tadqiqotchi va tashkilotchilarning sa’y-harakatlari sharofati bilan O‘zbekistonning betakror osori atiqalari islom dunyosining madaniyati, tarixi va ilm-faniga doir jahon miqyosidagi muloqotning bir qismiga aylandi.