Energetika vazirligi va “Oʻzbekneftgaz” AJ yoshlari hamda energetiklari Yuqori Chirchiq tumanida ishga tushirilgan quyosh fotoelektr stansiyasi faoliyati bilan tanishishdiKecha, 22-noyabr kuni Energetika vazirligi va “Oʻzbekneftgaz” AJ yoshlari hamda korxonalarning energetiklari Toshkent viloyatining Yuqori Chirchiq tumanida Saudiya Arabistonining “ACWA Power” kompaniyasi tomonidan qurib foydalanishga topshirilgan quyosh fotoelektr stansiyasi faoliyati bilan tanishishdi.
Bu yerda xorijiy mutaxassislar “Oʻzbekneftgaz” AJ tizimidagi korxonalarning yoshlari va energetiklariga ushbu loyihaning ahamiyati, qurilish ishlarining nozik jihatlari, xalqaro maydondagi tajribalari, kadrlar tayyorlashdagi tashabbuslari bilan yaqindan tanishtirdilar.
Uchrashuvda taʼkidlanganidek, quvvati
200 MVtga teng boʻlgan mazkur quyosh fotoelektr stansiyasi orqali
yiliga 430 mln kVt·soat elektr energiyasi ishlab chiqariladi.
Mazkur hajmdagi elektr energiyasi esa yurtimizdagi
179 mingdan ortiq xonadonning
bir yillik isteʼmoliga tengdir.
Shuningdek, ushbu loyiha orqali
yiliga 130 mln kub metr tabiiy gaz tejalishi va atmosferaga
176 ming tonna zararli gazlar chiqishining oldi olinadi.
Loyiha doirasida quvvati
334 MVt boʻlgan elektr energiyasini saqlash tizimi ham joriy etilmoqda.
Yana bir ahamiyatli jihati, stansiya qurilishi davrida
800 ta, loyiha toʻliq quvvatda ishga tushgandan keyin esa
30 ta yangi ish oʻrni yaratilgan.
Telegram | Facebook | Instagram | YouTube | X | Veb-sayt
