Abror's blog

2025 yil kitoblar ro'yxati

1. "The Daily Stoic" by Ryan Holiday.
2. "No More Mr. Nice Guy" by Robert Glover.
3. "Telba" by F. Dostoevsky.
4. "The courage to be disliked" by Ichiro Kishimi and Fumitake Koga.
5. "Show your work" by Austin Kleon.
6. "Surrounded by idiots" by Thomas Erikson.
7. "Surrounded by psychopaths" by Thomas Erikson.
8. "It ends with us" by Colleen Hoover.
9. "It starts with us" by Colleen Hoover.
10. "November 9" by Colleen Hoover.
11. "Ta'sir psixologiyasi" by Robert Chaldini.
12. "Hammasi rasvo" by Mark Manson.
13. "The 7 habits of highly effective people" by Stephen Covey.
14. "The Alchemist" by Paulo Coelho.
15. "Kichkina Shahzoda" by Antoine de Saint-Exupery.
16. "Tungi suhbatlar" by Adham Sharqoviy.
17. "Imomning Maniken Qizi" by Omina Shenkliko'g'li.
18. "The Psychology of Money" by Morgan Housel.
19. "The Power of Now" by Eckhart Tolle.
20. "To kill a mockingbird" by Harpet Lee.

Hozircha rejada shular. Katta yana ehtimol bilan qo'shiladi. O'tgan yili kam o'qidim, bu yil harakatdaman.

Siz bu yil o'qimoqchi bo'lgan kitoblaringizni listini tuzdizmi? Tuzgan bo'lsangiz uni komentariyada ulashib keting 😊.

@abrorsbIog

Kitob o'qish kerak! — ammo qanday?!

📚 Hamma kitob o'qishni targ'ib qiladi, kitob o'qinglar deydi (jumladan men ham), lekin hech kim qanday o'qishni aytmaydi.

📖 Umrida kitob o'qimagan odam bir kitobni oladida 2-3 bet o'qib zerikib tashlab qo'yadi, va boshqa kitobga qaytgisi ham kelmaydi. Chunki birinchi marta o'qish zerikarli va qiyin edida.

Shuning uchun sizlarga oson, qulay va hoziroq kitob o'qishni boshlashga undaydigan strategiya tuzib beraman.

Keyingi 3 ta post:

1. Kitob o'qishni odatga aylantirish.
2. Qaysi kitobni o'qish kerak?
3. O'qigan kitoblarni qanday eslab qolish mumkin?

haqida bo'ladi.

@abrorsbIog

Kitoblarni qanday eslab qolish mumkin?

📚 Ko‘p kitob o‘qisangiz ham, ularning mazmunini tez unutib qo‘ysangiz, bu tabiiy holat. Lekin o‘qiganlaringizni yodda saqlash va hayotingizga tatbiq qilish uchun quyidagi usullarni sinab ko‘ring:

1. Holatingizga mos kitobni tanlang.
💡O‘qiyotgan kitobingiz sizni qiziqtirishi va muammoingizga yechim taklif qilishi kerak. Qanchalik kerakli va amaliy bo‘lsa, uning mazmunini shunchalik yaxshi tushunasiz va yodda saqlaysiz.

2. Amaliyotga o‘ting.
✨ Shaxsiy rivojlanishga oid kitoblarni o‘qiyotganingizda, unda aytilgan amallarni hayotda sinab ko‘rish juda muhim! Faqat o‘qishning o‘zi yetarli emas – haqiqiy natijalar o‘zgarishga bog‘liq.

3. 'Notes' yozib boring.
✏️ Kitobni eslab qolishning eng asosiy qoidasi – kerakli va muhim narsalarni yozib olishdir. Sizga yoqqan g‘oyalar yoki qilmoqchi bo‘lgan amallaringizni qayd qilib qo‘ying. Bu nafaqat o‘rgangan narsalaringizni yodingizda saqlashga yordam beradi, balki keyinchalik qaydlarni o‘qib kitobni ham eslay olasiz.

🔑 Asosiy narsani esingizdan chiqarmang:

Bilib turib bajarmaslik — Bilmaslikka teng!

@abrorsbIog

Qaysi kitobni o'qish kerak?

📖 Kitob o'qishni odatga aylantirishni bilib oldik, endi esa to‘g‘ri kitob tanlashni o‘rganamiz.

Ko‘pchilik kitobni muqovasi, nomi yoki tanishlar/blogerlarning tavsiyalariga qarab tanlaydi — bu usul har doim ham to‘g‘ri emas.

✅ To‘g‘ri kitob tanlashning asosiy qoidasi: Kitoblarni "ilm-u holat" ga moslab o‘qing. Bu orqali siz nafaqat zerikishdan qochasiz, balki tezroq rivojlana boshlaysiz.

💡 Hozirgi holatingizga mos kitobni tanlang.
Misol uchun:
- Agar siz o‘qituvchi bo‘lsangiz, o‘qitish bo‘yicha kitob o‘qing.
- Talaba bo‘lsangiz, talabalik hayoti yoki ta'lim usullari haqida.
- Farzand bo‘lsangiz, qanday qilib yaxshi farzand bo‘lish haqida o‘qing.

🔍 Qaysi qismda orqada ekanligingizni aniqlang.
Hayotingizning qaysi jihati bilan muammolaringiz bor yoki qaysi sohada o‘sishni xohlaysiz? O‘sha yo‘nalishda kitob tanlang. Bu sizga muammolaringizni hal qilish va hayotingizni yaxshilashga yordam beradi.

✍️ Yana bir muhim maslahat:
Ma’lumot olish bilan bilim olishning farqi — amal qilishda!
O‘qiganlaringizni hayotda qo‘llamanguncha, o‘sha bilim sizga hech qanday foyda bermaydi. Faqat o‘qimang, balki o‘zgarishga intiling!

@abrorsbIog

Kitob o'qishni odatga aylantirish.

📚 Ko‘pchiligimiz kitob o‘qishni boshlashni xohlaymiz, lekin bu odatni qilishda qiynalamiz. Buning asosiy sababi shundaki, miya katta o‘zgarishlarni bir zumda qabul qilmaydi.

🖼 Misol uchun, umrida kitob o‘qimagan odam birdaniga 10 bet o‘qishni boshlay olmaydi yoki odatda soat 8 da turadigan odam birdaniga 6 da turishni rejalasa, bu ularga juda qiyin tuyuladi. Chunki miya o'rganmagan, odat esa 2-3 kunlik mativatsiya va adrenalindan keyin to'xtaydi.

🌀 “Atom odatlar” kitobida aytilganidek, yangi odatni shakllantirish uchun uni maksimal darajada osonlashtirish kerak. Masalan, har kuni atigi 1 bet kitob o‘qishni maqsad qilib ko‘ring. Bu sizni charchatmaydi, vaqt jihatidan ham qiyinchilik tug‘dirmaydi. Asta-sekin, bu kichik odatni rivojlantirib, kuniga 2 bet, keyin 5 bet va undan ko‘p o‘qishni boshlaysiz.

Muhimi – odatni kichik qadamlar bilan boshlash va uni oson davom ettira olish.

🪄 Buyuk o‘zgarishlar kichik qadamlar bilan boshlanadi. Bugun birinchi betni o‘qing va yangi odatingiz sari ilk qadamni tashlang. Siz buni albatta uddalaysiz!

@abrorsbIog

2024-yilda 14 ta kitob

1. "Beparvolikning nozik san'ati" by Mark Manson — Hayotga real qarashga yordam beradigan qo'llanma. 9/10

2. "Men" by Fotih Duman — Nafsni tarbiyalash haqida juda chuqur hikoya. 10/10

3. "Atirgul o'g'risi" by Tirilish — Har xil mualliflar tomonidan yozilgan qisqa hikoyalardan tashkil topgan to'plamli kitob. 3/10

4. "Seni toliqtirayotgan hamma narsadan voz kech" by Mudhish psixologiya — Manipulyatsiyaga tushib qolmaslikni o'rgatadigan yaxshi kitob. 7/10

5. "Atom odatlar" by James Clear — Odatlar qanday qilib hayotimizga ta'sir qilishini va ularni qanday boshqarishni o'rgatadigan kitob. 10/10

6. "Odam bo'lish qiyin" by O'lmas Umarbekov - Odamiylik haqida bir bolaning sevgi hikoyasi. 5/10

7. "Samaradorlikning 21 yo'li" by Brian Tracy — Har kunlik samaradorlik uchun strategiyalar to'plami. 9/10

8. "Yarim tun kutubxonasi" by Matt Haig — Kitob bir qiz hayotini yashashga arzimasligi uchun suiqasd qilishga harakat qilishi bilan boshlanadi, va bu o'z-o'zini qabul qilish haqida ajoyib roman. 8/10

9. "Qo'rqma" by Javlon Jovliyev — O'zbekistonning ayanchli tarixini juda zo'r qilib hikoya qilib beradi. 10/10

10. "Molxona" by George Orwell — Davlatda sistema qanday ishlashi, qanday qilib oddiy xalqni manipulyatsiya qilishi haqida (bu kitob 1 asr oldin Rossiya tuzilmasiga atab yozilgan, xulosa o'zingizdan). 7/10

11. "Morrining seshanba darslari" by Mitch Albom — O'limi aniq qariyaning hayotiy saboqlarini uning sobiq o'quvchisi yozib olib, kitob qilib chiqaradi. 8/10

12. "Avf et, Allohim" by Kadir Akel — Hikoya reallikdan ozgina uzoqroq, lekin din bo'yicha yaxshi bilim berilgan yarimidan keyin. 7/10

13. "SOS" by John Miller — Shaxsiy mas'uliyat haqida zo'r kitob, va hammaga tavsiya qiladigan kitoblarimdan biri. 8/10

14. "Oydin tunlar" by F. Dostoevsky — Ajoyib sevgi hikoyasi, eng qizig'i bu hikoyada sevgidan boshqa yana ancha ma'no va psixologik holatlarni kuzatish mumkin. Dostoevsky meni hayratga soldi. 9/10

Hozir o'qiyotgan lekin tugatmagan kitoblarim:

15. "Mahorat" by Robert Greene — Odam karyerasida va o'z sohasida qanday qilib muvaffaqiyatga erisha olishi haqida yozilgan, ya'ni qanday qilib Mahoratga erishish haqida.

16. "No More Mr. Nice Guy" by Robert Glover — Hozirgi kunda ko'p odamlar "Nice Guy Sindromi"ga chalinganligi va undan tuzalish haqida ajoyib psixologik kitob.

17. "The Daily Stoic" by Ryan Holiday — Har kunlik iqtiboslar, "Stiocisim" 2000 yil oldin boshlangan, va haligacha aktual falsafiy hayot tarzi.

18. "Telba" by F. Dostoevsky — Yozuvchini birinchi asari yoqib qolgandan keyin, ikkinchisi o'qishni boshlavordim.

Siz bu yil qanday kitoblar o'qidingiz, izohlarda yozib qoldiring!

@abrorsbIog

Ko'pchilik o'qir ekan, demak men sizlarga 2024-yil o'qigan kitoblarimni va 2025-yilda o'qiydigan kitoblarimni listini tashlayman.

Har bir insonning o'z yo'li bor🛣

📌 Yaqinda bir insonning blogini ko'rib qoldim, ichimda nimadir og'ridi. Uni hayotiy tajribalari, muvaffaqiyatlari, va o'zini ifoda etishlari... Va o'zimni o'smayotgandek his qildim. Go'yoki u hayotda oldinlab ketyapti, men esa bir joyda turibman.

🔹 Ammo keyin angladim: bu his aslida qiyoslash va noto'g'ri fikrlashdan kelib chiqar ekan. Hayot tirbandlikdagi mashinalarga o'xshaydi: siz bir joyda turganingizda yoningizdagi mashinalar tez yurib o'tib ketayotganga o'xshaydi. Lekin aslida, ular o'z yo'lida, siz esa o'z yo'lingizdasiz. Va harakatni davom ettirib, siz ham boshqalardan o'zib keta olasiz.

⏱️ Hammaning o‘z vaqti bor. Kimdir bugun yulduzdek porlayotgandir, siz esa hali yo‘lingizni chizayotgandirsiz. Muhimi, harakatni to‘xtatmaslik. "Qiyin damlar" — bu muvaffaqiyatsizlik emas, balki o‘sishning bir qismi.

💡 Hasad qilishdan foyda yo‘q. Aksincha, bu sizni harakatsizlikka olib keladi. O'zingizni boshqalarga qiyoslashni to‘xtating va energiyangizni o‘z yo‘lingizga sarflang. Hayotingizda sizni nimalar kutayotganini o‘ylab ko‘ring va shunchaki davom eting.

❗️Oxir-oqibat, o‘z tezligingizda muvaffaqiyatga erishasiz. Faqat harakat qilishdan to‘xtamang!

@abrorsbIog

Siz ko'prog'iga qodirsiz

Bir kuni do'stlarim bilan 20 daqiqa meditatsiyani sinab ko'rdik. Boshida "buni qila olarmikanman?" degan savol bor edi, lekin keyin bir soat o'tib ketdi. Budilnikni 20 soatga qo‘yib, biz bir soatdan ber o‘tirgan ekanmiz! Shunday qilib, o'ylaganimizdan ko'ra ko'proq narsaga qodirmiz deb tushundim.

Bunga o'xshash boshqa tajribalar ham bor:

- Parkda kichik attraksionga chiqishga qo‘rqar edim, lekin 300 metrlik ko‘prikka do‘stim majburlab chiqardi. Endi balandlikdan qo‘rqmayman.

- 1 km yugura olmayman deb o‘ylagandim, lekin 10 km ga yaqin yugurdim.

- 2 yil oldin qaysi universitetga topshirish haqida o‘ylab ham ko'rmagan edim, hozir esa chet el universitetlariga topshiryapman.

Bu bilan men kuchliman deb aytmoqchi emasman, balki hammamiz o‘ylaganimizdan ko‘proq narsaga qodirmiz.

#Saboq: Katta maqsadlar qo‘ying, va o‘zingizni sizni qor'qitgan narsalarda sinab ko‘rishdan qo‘rqmang. Hayot shunda ancha qiziqarli bo‘ladi.

@abrorsbIog