Finlit.uz jamoasi ushbu mavzu bo'yicha eng ko'p beriladigan savollarga tushuntirishlar berdi.

❓Savol: Aytaylik, bankda 200 million so'mdan ortiq omonatim bor, mablag’larimni himoya qilish uchun summaning bir qismini boshqa bankka o'tkazishim kerakmi?

✔️Javob: ushbu masala faqat qonun kuchga kirgan kundan keyin ochiladigan omonatlarga nisbatan qo'llaniladi. Ya'ni, qonun kuchga kirgunga qadar, har qanday tijorat bankidagi omonatlaringiz, miqdoridan qat'i nazar, davlat tomonidan to'liq kafolatlanadi.

1️⃣2️⃣3️⃣4️⃣

❓Savol: agar qonun kuchga kirgan sanadan keyin bankda 200 mln. so'mdan ortiq miqdorda omonat ochsam, bankdan litsenziyani qaytarib olishsa, qolgan pulimni yo'qotamanmi?

✔️Javob: davlat tomonidan 200 mln. so'mgacha omonat summasi kafolatlanganligi qolgan summa to'lanmaydi degani emas. Bank litsenziyasi bekor qilingandan so'ng, bank aktivlari majburiy tugatish tartibida sotuvga qo'yiladi va omonatchilarning pullari birinchi navbatda qaytariladi.

❓Savol: aholi uchun yangi qonunning afzalliklari nimada?

✔️Javob: omonatlar bo'yicha kompensatsiya to'lash muddati bosqichma-bosqich 7 ish kuniga qisqartiriladi. Hozirda bu davr 2 oy 23 kun.

1️⃣2️⃣3️⃣4️⃣

❓Savol: nega kafolat miqdori 200 mln. so'm miqdorida belgilandi?

✔️Javob: xalqaro omonat sug'urtalovchilar assotsiatsiyasining asosiy tamoyillaridan biri bo'lgan kafolat miqdori miqdoriy jihatdan cheklangan va aksariyat omonatchilarga tegishli bo'lishi kerak.

Mamlakatimizda omonatlarning 99,7 foizi 200 million so'mgacha bo'lganligi sababli, yangi qonunda aynan shu miqdor kafolatlanadi. Dunyoning boshqa mamlakatlarida bu ko'rsatkich 90-95% ni tashkil qiladi.

1️⃣2️⃣3️⃣4️⃣

🌐 @finlituzb 🌐 @finlituzb_ru