Shahriyor Shokir o‘g‘li

Men sanʼatdan bir qadam uzoqlashish yovuzlikka bir qadam yaqinlashish degan boʻlardim (Sanʼat haqidagi fikrlarimning bugun oʻzlarini "sanʼat yulduzlari" deb atayotganlarga hech qanday aloqasi yoʻq).

Nazar Eshonqul

@Shahriyor_Shokir

***

Yegan-ichganimiz qay pulga kelgan?
Halolmi, harommi bilmaydi hech kim.
Bank ham bu pullarni qayerdan olgan?
Egasi norozi, olinadi jim.

Sudxoʻr bank zabt etgan foniy jahonda
Halol pul qolmagan, hammasi harom.
Bizlar ana shunday chirkin zamonda
Yashab oʻtayapmiz hissiz, bir marom.

Ilmiy ishlar tayyor, narxi yetti ming,
Muhtoj professor sotadi uni.
Ilmli, ilmsiz boʻlurmikin teng?
Ularni tutmasin ilmning xuni.

Birovga konspekting yozdirmoq uchun
Tayyorlab qoʻygansan avvaldan pulni.
Shul sabab boʻlmasmiz dunyoda ustun.
Buxoriy avlodi, nahotki, shulmi?!

Men lolman, talaba, senga qoyil-ey,
Haromni koʻrganda yuzing burmagin.
Hatto ilmdan ham pora olgan joy,
Bitta shu qolgandi harom kirmagan.

✍Shahriyor Shokir

@Shahriyor_Shokir

Oʻqituvchi oʻquvchini urishi toʻgʻrimi?

Ijtimoiy tarmoqlarda bu haqida juda koʻp videolar tarqalgan. Izohlarida esa, oʻqituvchini qamash kerak, oʻqituvchini dars bermaydigan qilish kerak, oʻqituvchini unaqa qilish kerak, bunaqa qilish kerak degan gaplar ham yozib qoldirishgan.

Soʻz borasida Navoiy shunday deydi:

Soʻzdurki nishon berur oʻlikka jondin,
Soʻzdurki berur xabar jongʻa jonondin.
Insonni soʻz ayladi judo hayvondin,
Bilkim guhari sharifroq yoʻq ondin.

Inson bilan hayvonning orasini soʻz degan ulugʻ neʼmat ajratib turadi. Inson bitta gapdan oʻzini toʻgʻri tutadi. Bir marta ogohlantirdingiz, boʻlmadi, ikki marta ogohlantirdingiz, boʻlmadimi, demak, u inson emas.

Zero, inson toʻgʻri soʻz bilan boshqariladi, eshak tayoq bilan.

✍ Shahriyor Shokir

@Shahriyor_Shokir

Najmiddin Ermatovning sheʼriy konsertining toʻliq versiyasi you tubega qoʻyilibdi. Koʻrishlaringiz mumkin, azizlar.

Xalq dardi

Metan, metan der edilar, na der edim bilmay oni,
Endi bilsam, metan erkon bu tanlarning shirin joni.
Bir jon emas, ey suyguli, motorlarning qoni metan,
Sensan, bale, bilganlara jonlarni jononi metan.

Esiz, esiz tugʻgonlaring, koʻz yumib oʻq otub sani,
Bogʻlab trubang oʻruslara ne oldilar sotub sani?
Bir jon emas, ey suyguli, motorlarning qoni metan,
Sensan, bale, bilganlara jonlarni jononi metan.

(Hamza Hakimzoda Niyoziy mendan rozi boʻlsin).

@Shahriyor_Shokir

"Kurash" serialining premyerasi boʻlib oʻtadi. Ushbu serial Yoshlar ishlari agentligi hamda Ibrat farzandlari loyihasi hamkorligida suratga olingan. Yangi aktyorlar, yangi chehralar, yangi isteʼdodlarni kashf etamiz, azizlar.

Oʻlmas Temur, taklif uchun rahmat.

@Shahriyor_Shokir.

"Time killer" kitoblar

XXI asr odamining asosiy kapitali pul emas, vaqt. Avvalo, vaqtingizni kitob oʻqishga sarf qiling. Oʻqiganda ham ichida zarracha maʼno boʻlmagan, oʻsha xalqning oʻzi ham oʻqimaydigan chet el kitoblarini emas, vaqt sarflab oʻqishga arziydigan kitoblarni oʻqish kerak. Men 4 yil oldin (u paytlar telefon ishlatmasdim) turk yozuvchisi (agar u shu nomga loyiq boʻlsa) Sait Chamlijaning "Iymon va huzun" kitobini oʻqib chiqqandim. Biroz muddat oʻsha kitob taʼsirida boʻldim. Oʻsha payt zoʻr kitob boʻlib tuyilgandi. Keyinchalik telefon olganimdan soʻng. Abdukarim Mirzayevning you tubega joylangan hikoyalarini eshitib boshladim. Qarasam, hammasi oʻsha kitobdan. Hikoyalarni eshitgach, vaaaooov demadim. Chukni taʼsiri allaqachon tugab boʻlgandi.

Kitobxon bitta kitobni qayta oʻqiganda nimalarnidir kashf etishi kerak. Eng qizigʻi, ana shunday kitoblar oʻzbek kitob bozorini egallab oldi. Bunday kitoblarda yozilgan gaplarni oʻzini vijdonli, qalbi toza, iymonli qilib koʻrsatmoqchi boʻlgan har qanday odam ayta oladi.

Abdukarim Mirzayevning "Huzur eshigi" degan hikoyalar toʻplami bor. Oʻzbek kitobxonlarining necha foizi sotib olgan deb oʻylaysiz? Aniq bilaman, juda kam. Chunki hammasi facebookda, you tubeda bor. Ana shu gaplarni takror oʻqishga, sotib olishga ehtiyoj yoʻq.

Fotih Duman ham turkiyada ana shunday odam. Ularning media savodxonligi, jurnalistligi, ijtimoiy tarmoqlarda faolligi ularni xorijliklar uchun eng ideal inson, ideal yozuvchiga aylantiradi. Aslida, chiqargan kitoblarini oʻz xalqi ham oʻqimaydi.

Xullas, oʻqiganga yarasha, vaqt sarflaganga yarasha zoʻr kitoblarni oʻqish kerak. Vaqtni bekor oʻldiradigan, ertaklardan iborat hayotni aks ettirgan safsatalarni emas.


15.12.2024

@Shahriyor_Shokir

Abdulla Qodiriyning nabirasi, Habibulla Qodiriyning oʻgʻli Sherxon Qodiriy.

Turkiyalik professor Veli Savash.

Koʻpgina Oʻzbekistonda oʻtayotgan anjumanlar ingliz, rus yoki boshqa tillarda oʻtkazilayotgan bir paytda yapon professori oʻzbek tilida nutq soʻzlayapti.

Shuhrat Rizayev
Oʻzbekiston kinematografiya agentligi direktori.