Futboldan oldin.

Kimdir Real yaxshi deydi,
Kim der: Barsa tilloga teng.
Kim Realning kiymin kiydi,
Kimdir aytar: Barsa zoʻr, deng.

Yo jahonda qaysi guruh
Koʻrsatadi eng zoʻr oʻyin?
Kim kiritar oʻyinga choʻgʻ,
Kim chaladi gʻolib kuyin?

Ey ukajon, bu gapni qoʻy,
Mendan soʻra Evrilishni.
Mendan soʻra Ityurak-u,
Mendan soʻra Tirilishni.

Yo oʻzbekning kitobxoni
Qay kitobni oʻqisin, de.
Yoki kezsin qaysi bogʻni,
Qay mevani choʻqisin, de.

Oʻzbeklarga kitoblarni
Tanitamiz, kel, qoʻlni ber.
Kitob qoldi javonlarni
"Bezab" yoki boʻlib asir.

Sport sogʻlik garovi lek,
Tomoshadan bormi foyda?
Salomga bor doim alik
Kitob targʻib boʻlgan joyda.

✍Shahriyor Shokir

@Shahriyor_Shokir