ФЕРМЕРЛАР КАНАЛИ

🦗Hududlarda zararli chigirtka bosqini bilan bog'liq hodisa yuz berganda Chigirtka va tut parvonasiga qarshi kurash xizmatlarining hududiy bo'limlari rahbarlari va agronomlariga to'g'ridan-to'g'ri murojaat qilishingiz mumkin!

📞Bundan tashqari Agentlikning 1288 va 712022888 raqamlariga ham murojaatlar qabul qilinadi.

🌐Website 💬Telegram 💬Facebook 📺YouTube 📷Instagram

🇺🇿ПРЕЗИДЕНТ ҚАРОРИ N°131 тўлиқ матни.

АСОСИЙ МАҚСАДЛАР:
Бўш турган ерлардан фойдаланишни фаоллаштириш
Экин экиш ҳажмини ошириш, озуқа хавфсизлигини таъминлаш
Гўшт ва сут маҳсулотлари нархларини барқарорлаштириш
Аҳоли бандлигини ва турмуш даражасини ошириш, кооперативларга имконият яратиш

1. ЕРЛАР ЭНДИ ФАҚАТ АУКЦИОН ОРҚАЛИ БЕРИЛАДИ
2025 йил 1 апрелдан бошлаб — электрон онлайн аукционлар орқали ижарага берилади
Тўлов фақат тўлиқ қилинади, бўлиб-бўлиб тўлаш бекор қилинди
Такрорий савдоларда лот нархи 10% пастлаб боради
Агар фақат 1 нафар талабгор бўлса — у эълон қилинган нархда ютиб олади

2. ФЕРМЕРЛАРГА ЯНГИ ИМТИЁЗЛАР:
Пахтадан ≥ 50 ц/га, ғалладонли экинлардан ≥ 80 ц/га ҳосил олган фермерларга:
Келгуси йили ер майдонининг 25% озуқа, сабзавот, картошка, полиз маҳсулотлари учун ажратилади
Пахта хомашёсини биржага чиқаришда 0.3% йиғим белгиланади
Ер солиғида 3 бараваргача имтиёз (коэффициент) берилади

3. КООПЕРАТИВ ФЕРМЕРЛАРГА АЛОҲИДА ЭЪТИБОР:
Агар кооператив аъзоси фермер:
Ер майдонининг ≥50% ни пахтага экин қилса, унга:
Ер ижара ҳуқуқини гаров сифатида қўйиб, 50% молиявий қоплама билан имтиёзли кредит ажратилади
Бу кредит пахта хомашёси учун биржага эълон қилинган нарх асосида баҳоланади
Қўшимча равишда:
Тўғридан-тўғри савдо қилиш ҳуқуқи (биржа орқали, шартномавий асосда)
Савдолар “ЎзР товар-хом ашё биржаси” орқали электрон тарзда амалга оширилади

4. ҚАЙТА ИЖАРА ТАРТИБИ:
Ердан фойдаланмаётганлардан қайта тортиб олиниб, аукционга чиқарилади
Ерни ўзи фойдаланган муддатга қарамасдан — қайта ижара бериш имконияти яратилади
“Темир дафтар”, “Аёллар дафтари”, “Ёшлар дафтари” фуқаролари учун енгил шартлар сақланади

5. ҚАРЗДОРЛАР ВА НАЗОРАТ(ОЙБОЛТА):
Қарздор ер ижарачиларининг рўйхати 2 ҳафта ичида шакллантирилади
Агар 1 ойда муаммо ҳал этилмаса — ер аукционга чиқарилади
Суд ижро ҳужжатлари асосида ерни узоқ муддатга ижарага олиш имкони пайдо бўлади

6. ЧОРВАЧИЛИК УЧУН ЕРЛАР:
Чорва озуқа етиштириш учун етарли майдонлар аниқланади
Ҳар чоракда Ветеринария қўмитаси ҳисобот беради
Электрон аукционларга бу ерлар ҳам алоҳида киритилади

"Кутилмаган" янгиликлардан:
1.Кооперативларга кредит ажратишда ва пахтасини реализация қилишда енгилликлар, бу сохани ривожлантиши аниқ.

2. "Ойболта"ишга тушгани, бу соха илдизига болта уради деб хисоблаймиз.Энди айримлар кўзига ёқмаган фермерни "ердан самарали фойдаланмади" деб илдизига болта солиши имконияти яратилгандек.

Фермер бўлсангиз, ушбу каналга уланиб қўйинг:
👉 @RESPUBLIKA_FERMERLARI

Бошқа саволларни қуйидаги гуруҳда муҳокама қиламиз:
👉 @RespublikaFermerlari

Рахимжон Рахмат ёзяпти:

БУРЧИМИЗДИР

Қишлоқ ҳўжалиги сувга ва ҳавога боғлиқ. Айни пахта ёки буғдойни суғорадиган пайтингиз сув бўлмай қолса, ҳосилдорликка катта путр етади. Ёки ҳаво ноқулай келса ҳам экинларга зарар етади.

Қоида бўйича бунақа пайти фермерларга дотасия, яъни моддий ёрдам бериш керак. Бизда эса акси. Раҳбарларни сувнинг камлиги, ҳавонинг ёмон келгани асло қизиқтирмайди. 100 тонна пахта топширишинг керак, ернинг остидан, осмонинг устидан бўлса ҳам пахта топиб режани бажарасан дейди. Энг қизиғи шуки, фермернинг фаолиятига прокурор, ИИБ бошлиғи ва ҳоким аралашади. Яъни шулар фермерга босим ўтказади, ёмон сўзлар билан сўкади.

Прокурорнинг нима иши бор қишлоқ ҳўжалиги билан. "Началник мелиса" нега чақиртиради фермерни. Шу раҳбарларнинг босими туфайли фермер қаерлардандир пахта топиб 60,100,150 милёнга сотиб олади. Асосан пахтани кластерга тегишли пахта саводлардан сотиб олади. Заводлар пахтани қаердан олади?

Пахта териш мавсуми раҳбарларнинг сўкиниш мавсумидир. Икки йил бурун прокурор фермер жиянимни дабба деб сўкканди. Дабба касаллик бўлиб, мояклар ҳандалакдек каттариб кетади. Даббалар фарзанд туғлиролмайди. Жиянимнинг эса тўртта гулдек фарзанди бор, ҳатто иккитаси эгизак. Демак, прокурор дабба деб жиянимга туҳмат қилган.

Умуман, прокурорнинг фермерларнинг иши билан нима иши бор. Ҳайронман. Яна такрорлайман. Қишлоқ ҳўжалиги сув ва ҳавога боғлиқ. Зарур пайти сув бўлмай қолса, ҳосил барбод бўлади. Бу нарса раҳбаларни қизиқтирмайди.
Фермерларнинг эшитмаган сўкиши қолмаган бўлса керак. Бечора фермерларни итдан баттар хўрлашади.

Биродарлар, қишлоқ ҳўжалигида ислохат зарур. Сўкиниш, босим ўтказиш билан узоққа боролмаймиз.

Мана, томчилаб суғориш жорий қилинглар дейилди. Фермерлар 500 милёнлаб кредит олиб Тошкондан келган шубҳали фирмаларга пул ўтказди. Аммо фирмалар пулни тўлиқ олса-да, ишни чала қилди.
Туманимизда 200 та фермер бўлса, биронтаси томчилаб суғоришни ишлатмайди, чунки фирмалар ишни чала қилган. Энг қизиғи шуки, томчилаб суғоришни ўрнатишга Тошкондан келган шубҳали фирмалар шуғилланади.

Энг асосий гап шуки, коррупция деган аждарнинг боши узилмас экан, мамлакат ботқоққа ботиб бораверади. Ҳўш, коррупция қандай йўқотилади? Бунисини билмайман. Бу ҳақда тепада ўтирган катталар ўйласин.
Яна кўп гапларим бор, мавриди билан гапираман.
Жамоатчилик, зиёлилар, журналистлар, жим турманглар. Жамиятимиздаги катта иллатлар ҳақида гапиринглар. Жим туриш иллатларни янаям катаришига сабаб бўлади.
Яшай десанг, бошқа Ўзбекистон йўқ.
Модомики Ўзбекистон ватанимиз экан, иллатларга қарши курашмоқ бурчимиздир.


Фермер бўлсангиз, ушбу каналга уланиб қўйинг:
👉 @RESPUBLIKA_FERMERLARI

Бошқа саволларни қуйидаги гуруҳда муҳокама қиламиз:
👉 @RespublikaFermerlari