Telegram-канал "bakiroo" — @the_bakiroo

bakiroo

23 Feb, 09:00

Ўзбекнинг газини "импорт қилинди дея талаш схемаси" статистикада ҳам очилиб қолмоқда

2024 йил январь ойи статистикасига кўра, Ўзбекистонга 35,6 млн.долларлик газ импорт қилинган.

2025 йил январь ойи статистикасидан келиб чиқилса, 2024 йил январь ойида 35,6 млн.долларлик эмас, аслида 5.1 млн.долларлик газ импорт бўлган.

Яъни, 2024 йил январда шимолдан импорт қилинди дейилган 30,5 млн.долларлик газ аслида ўзбекнинг, ўзимизнинг газимиз бўлган. Статистика агентлиги тили билан айтганда, 2024 йил январда божхона юк декларацияси расмийлаштирилган камида 30,5 млн.долларлик газ импорт бўлиб чиқмаган. Ўтган куни газ импорти ҳисоботидаги улкан фарқлар ҳақида изоҳ беришни сўраган эдик. Статагентликка шарҳ учун раҳмат.

Ëпиқ бассейнга айланган UzGastrade гонконглик ўртамчи Topcon limited'дан аслида ўзимизнинг газни импорт газ дея сотиб олаётгани ва пули офшорларга ҳайдалаётгани тўғрисида ёзган, тепадаги биронта инсофли реакция кўрсатар дея ўртакаш Topcon limited ва Газлидаги газ омборимизни эгаллаб олган Daxon holdings офислари Гонконгда битта манзилда жойлашгани ҳақида Lolazor'даям гапирган эдик.

Лекин реакция ноль. Ўқитувчига пул йўқ, пенсионерга пул йўқ, триллионлаб бюджет субсидиялари "газ импорт қилинди дея" офшорга оқмоқда. Тасаввур қилинг, бу схемани жуда кўпчилик, бенефициар шонли энергетиклар тугул Иқтисодиёт ва молия вазирлиги ҳам билади. Ҳаттоки дастёр депутатларга ҳам газга акциз солиғини пасайтириб олиш учун бир учини чиқаришган (моҳиятни тушунадиган биронта депутат бормикан). Биронта инсофлиси, тўхтанглар, бу қип-қизил ўғирлик, ўзбек халқининг нонини туя қилмайлик дегани йўқ.

Шундай экан қайсидир энергохўроз шимолдан фалонча млрд.лик газ импорт қилдик, дея кекирса, ишонманг, бу аслида ўғирланган ва пули офшорларга ҳайдалган ўзбек гази бўлади.

13k 3 300

bakiroo

22 Feb, 13:34

“Жарима баллари қонуни”нинг бенефициари ким?

Газета:

“Autodriver Study асосчиси Gid Systems Tashkent ҳисобланади. Ўз навбатида, ушбу компания GID FZE (76%) ва ITS Holding LLC’га (24%) тегишли. Илгари GID FZE корхонанинг 100 фоизига эгалик қилган. Худди шу таъсисчилар GID License Plate компаниясига ҳам худди шундай нисбатда эгалик қилади (авторақам ишлаб чиқаришга алоқадор, 2024 йилда у Ўзбекистоннинг топ-20 солиқ тўловчилари қаторига кирганди).

GID FZE, шунингдек, мактаб дарсликларини нашр этиш учун масъул бўлган Novda Edutainment нашриётига ҳам эгалик қилади”.

Жарима баллари сабаб ҳуқуқдан маҳрум бўлган ҳайдовчилар қайта имтиҳон топширишга мажбур

Йўл ҳаракати қоидаларини бузиш орқали 12 та жарима балли тўплаган ҳайдовчилар нафақат лицензиядан маҳрум қилинади, балки имтиҳонни қайта топширишга ҳам мажбур бўлади. Ҳозир имтиҳондан ўтиш 2 млн сўмни ташкил этади (уч йилда нарх 10 баробар ошган). Ҳукумат ҳали балл бериш тартибини тасдиқлагани йўқ.

19.2k 3 203

bakiroo

22 Feb, 13:01

🔥 “Башкент” ТЖМда 30% гача чегирмалар амал қилаётганда тайёр таъмирланган хонадонлар сотиб олишнинг 7 сабаби:

1. Дид ва қулайлик. Гранитдан замонавий фасад, кенг ва ёруғ холл, пухта ўйланган планировка. Бу ерда яшаш ва меҳмонлар кутиш роҳатнинг ўзгинаси.
2. Хавфсизлик. Уйлар сейсмик фаолликни ҳисобга олган ҳолда ва 8 балгача зилзилага бардошли қилиб қурилади.
3. Болалар ҳақида қайғуриш. ТЖМда ўз болалар боғчалари ва мактаблар бўлади, 24/7 видеокузатув, қўриқланадиган ҳудуд.
4. Автомобил соҳиблари учун инфратузилма. Ер ости ва ер усти паркинги, электромобиллар учун зарядлаш стансиялари, авосервис ва автоювиш кўзда тутилган.
5. Электр энергияси билан узлуксиз таъминлаш. Шаҳар тармоғида узилиш бўлганда, захиравий трансформатор тубстанцияси 8 соатгача энергия билан таъминлайди.
6. Кўкаламзор ҳудуд. Мажмуада сайр учун ободонлаштирилган хиёбонли кўкаламзор ҳудуд қурилади.
7. Уй олдида дам олиш ва спорт. ТЖМда фитнес-марказ, СПА-салон, workout-ҳудуд, кинотеатр, кафе ва дўконлар жойлашади.

🎁26 февралга қадар катта чегирмалар амал қилади ва қимматли совғалар ўйналади!

Тафсилотларни Telegram ва Instagram'да билиб олинг
ёки Сотувлар офисига қўнғироқ қилинг: 78 148 55 55
Реклама

16.8k 0 31

bakiroo

22 Feb, 09:55

Марказий Осиёга экспорт қисқаришда давом этмоқда, Хитойга экспорт қисқариши эса тезлашган

Тақвимга нисбатан бир кун кечикиб очиқланган 2025 йилнинг январь ойи ташқи савдо статистикасига кўра, экспортнинг ўсиши тезлашган. Лекин Марказий Осиёдаги қўшниларга экспорт қисқаришда давом этаётгани ва айниқса, Хитойга ўтган йилнинг январига нисбатан экспорт икки каррадан кўпга қисқарганига эътибор қаратишга тўғри келади.

Айни вақтда, Хитойга асосий экспорт товарлардан бўлган газ экспорти ўсишдан тўхтамаган. Бутун ўзбек бизнеси ва аҳолиси газдан узилиш режимини бошдан кечирган январда 21,8 млн.долларлик ёки ўтган йилнинг январига нисбатан 9,0% куп газ экспорт қилинган.

Экспортнинг ўсишини таъминлаган асосий йўналиш Афғонистон бўлган. Жанубдаги қўшнимизга экспортимиз 2,3 карра ўсган ва энди Афғонистон бизнинг экспортдаги иккинчи рақамли ҳамкоримизга айланган. Шунингдек, Туркия йўналишида экспорт ҳажмининг қайта тикланаётгани ва БААга экспортнинг каррасига ошгани қувонарли.

Январда жуда кичик 44,3 млн.долларлик олтин экспорти қайд этилган. Экспорт ўсишининг катта қисми хизматлар ҳисобига тўғри келган.

Ўтган ойда 27,8 млн.долларлик газ импорт қилинган. 2024 йил январидан 35,6 млн.долларлик газ импорти юз берганди. Газ импорти қисқарганига қарамай, статагентлик ҳисоботида ўсиш 5,4 карра деб кўрсатилган (балки бу техник хатодир). Изоҳ берилса, яхши бўларди.

Туркманистондан импорт ҳажми кескин, 2,6 карра ортганига қараганда, газни асосан Туркман қардошлардан олган бўлишимиз мумкин.

Афғонистондан импорт 65,8 карра ўсгани қизиқ. 2025 йил январда бутун 2024 йилда импорт қилинганидан кўпроқ товар ва хизмат Афғонистон импорт қилинган.

18.2k 4 54

bakiroo

21 Feb, 19:49

Қонун навбатдаги қароқчиликка айланадими?

Агар шундай бўлса, “жарима баллари” қонуни ишга тушмай туриб мазмунини ва ҳали пайдо бўлмаган обрўсиниям йўқотади.

Агар аввалбошдан мақсад ҳаракат хавфсизлигини таъминлаш эмас, монополист имтиҳон марказларини янги тўлқинда бойитиш бўлган бўлса, бу навбатдаги иккиюзламачилик ва қип-қизил қароқчилик.

Узр, сизлар ёмон одамсизлар. Жуда ёмон одамсизлар.

21.9k 2 120

bakiroo

21 Feb, 17:39

Акциядорлик жамиятлари томонидан ахборотнинг ошкор этилиши борасида қўйилган талаблар соддалаштирилади

Сенаторлар томонидан маъқулланган қонун билан акциядорлик жамиятлари ходимларига акцияларни сотиб олиш учун имтиёзли ҳуқуқ берилади.

Шунингдек, фонд биржаларининг фаолиятини тартибга солиш Истиқболли лойиҳалар миллий агентлигининг зиммасига юклатилмоқда.

Қонуннинг қабул қилиниши капитал ва суғурта бозорларини, электрон тижорат соҳаси, лотереялар ва таваккалчиликка асосланган ўйинларни тартибга солиш ҳамда мазкур соҳаларда фуқароларнинг ҳуқуқларини ҳимоя қилишга хизмат қилади.

21.1k 0 37

bakiroo

21 Feb, 12:30

Электр тармоқларидаги йўқотишлар камайиш ўрнига ортган

Давлат раҳбари ўтган кунги йиғилишда электр тармоқларидаги йўқотишлар 14 фоизни ташкил этаётганини кўрсатиб ўтган. Рақамларда айтилса, бу 2024 йилда 11,4 млрд.кВт.соатни ташкил этган.

Бу кўпми ёки камми деган, савол берилса, айтиш мумкинки, жуда кўп. Энг ёмони, йўқотишлар улуши камайиш ўрнига ортишни бошлаган.

2023 йилдаги йиғилишда Давлат раҳбари йўқотишлар улуши 12 фоизни ташкил этганини қайд этиб, 2026 йилга бориб жами йўқотишлар ҳажмини 8 фоизга тушириш шартлигини таъкидлаганди.

Афсуски, йўқотишларнинг манбаи, таркибий мундарижаси ва таҳлиллари ҳақида очиқ маълумотлар мавжуд эмас. Йўқотишлар статистикаси, генерация ва истеъмолдаги манипуляциялар корреляцияси ҳақида алоҳида мустақил ўрганишлар керак. Бусиз қўйилган вазифага эришиш жуда қийин бўлади. Бунинг учун ишлаб чиқариш, импорт, экспорт, магистрал тармоққа узатиш, тақсимлаш ва қайта тақсимлаш, улгуржи ва чакана истеъмолгача бўлган барча занжирлардаги статистика шаффоф юритилиши, ҳар ойда очиқ бериб борилиши, монитооринг қилиниши керак.

Қуйида янги дейилган даврда электр энергияси ишлаб чиқариш ва истеъмоли маълумотлари келтирилган. Мавжуд ва узуқ-юлуқ маълумотлардан ҳам (бори шу) йўқотишлар даражаси ўтган йили ошганини кўриш мумкин.

22.5k 1 44

bakiroo

21 Feb, 08:46

“Жарима баллари” қонуни кучга кирмоқда

Жарима баллари 12 баллдан ошса ҳайдовчи транспорт воситасини бошқариш ҳуқуқидан маҳрум қилинади.

Бунда:

➖Белгиланган ҳуқуқбузарликлар содир этилганлиги учун транспорт воситасининг ҳайдовчисига нисбатан мазкур ҳуқуқбузарликларда назарда тутилган асосий жазо билан бирга жарима баллари ҳисобланади. Бунда содир этилган ҳар бир ҳуқуқбузарлик учун ҳисобланадиган жарима балининг энг юқори миқдори 2 баллдан ошмаслиги керак.

➖Жарима баллари белгиланган ҳуқуқбузарликлардан бири биринчи марта содир этилган кундан эътиборан бир йил давомида ҳисоблаб борилади. Ушбу модданинг биринчи қисмида назарда тутилган ҳуқуқбузарликлар учун ҳисобланган жарима баллари бир йил ўтгач транспорт воситасининг ҳайдовчисидан автоматлаштирилган тарзда ечилади.

➖Ҳисобланган жарима баллари бир йил давомида 12 баллдан ошган ҳолларда, охирги содир этилган ҳуқуқбузарлик учун белгиланган тартибда қўшимча жазо тариқасида ҳайдовчи транспорт воситаларини бошқариш ҳуқуқидан маҳрум қилинади. Бундай ҳуқуқдан маҳрум қилиш муддати 6 ойдан кам бўлмаслиги белгиланди.

34.4k 4 368

bakiroo

21 Feb, 06:09

“Айтамиз, кейин қайтамиз” бўлмайдими? “Анҳор” парки сотилмаслигига қандай кафолатлар бор?

Кеча Қурилиш вазирлиги, парк бошқарувчиси ва қурилиш-девелопер компанияси вакиллари “Анҳор” ва “Наврўз” парк ҳудудида ҳеч қандай қурилиш кўзда тутилмагани ҳақида бирин-кетин умумий гаплардан иборат тинчлантирувчи баёнот беришди. Қизиғи, парк ўрнида дом қурилиши ҳақида хабарлар ва хавотирлар пайдо бўлганидан ўтган бир ҳафта - ўн кун давомида бирон бир расмий чурқ этмаганди.

Қолаверса, биз биламизки, Ўзбекистон реалликларида ҳеч ким сайламаган амалдорлар айтаверадиям, қайтаверадиям. Уларда на репутация бор, на орият. Бунга охирги катта мисол Бухоронинг бузилиши, 2 йил аввал шахсан вилоят ҳокими Туризм маркази бошқа жойда қурилади, дея берган ваъдасига қарамай, Бухоронинг қоқ марказида бузиш ишлари бошланган эди. Узоққа бормайлик, шу яқинда Андижондаги Навоий боғи бир қисмига кўп қаватли уйлар қурилиши билан боғлиқ масаладаям шу методичка ишлатилди. Яъни бир муддат эътироз ва шикоятлар инобатга олингандек бўлиб, вазият совутилган бўлади, лекин муаммо сал ижтимоий хотирадан кетиши билан ё бошқа янги шовқинлар фонида бузғунчилик янги тўлқинда давом этади.

Бу сафар ҳам шундай бўлмайди, деб ким кафолат беради? Қолаверса, парк Давактив назоратига ўтказилган. Деворга осилган милтиқ пьеса охиригача отилиши керакдек, Давактив қўлига ўтказилган актив барибир сувтекинга ё бошқа сопли схемада сотилади (“Humo хусусийлаштирилмайди” қасами эсингиздами?). Биз ҳатто аукционга чиқарилган парк жараёндан қайтариб олинганини ҳам билмаймиз.

Сенатда кўрилаётган боғлар, хиёбонлар, сайилгоҳлар ва яшил ҳудудларни хусусийлаштиришни тақиқлаш тўғрисидаги қонун паркларни қанчалик ҳимоя қила олиши ҳақида ҳозирча бир гап айтиш қийин. Қонун матнини жамоатчилик ё мустақил экспертлар кўргани йўқ, лойиҳа пайти муҳокамага қўйилмаган.

Сенат хабарида айтилишича, Ботаника боғларини муҳофаза этиладиган табиий ҳудудлар рўйхатига киритиш, уларни хусусийлаштириш ва улар ҳудудида қурилишни тақиқлаш кўзда тутилмоқда. Парклар ҳақида аниқ гап йўқ.

Қонун мундарижасидан болалар оромгоҳлари, таълим ва тиббиёт давлат муассасалари (мактаб ва шифохоналар) ҳамда уларнинг ҳудудларини хусусийлаштириш масаласи онгли равишда ёки атайин тушириб қолдирилгани ҳам эътиборга олиниши керак.

Шундай экан, “Анҳор” парки сақланиб қолиши учун Профессор Преображенский айтганидек, ҳақиқий броня керак!

bakiroo

Бухорони “бузиш” бошланганига бир йилдан ошди Бир йил олдин Туризм маркази қуриш важи билан, гарчи бошқа жойда қурилади, дея ваъда бериб, жамоатчиликни лақиллатиб алдашганига қарамай, Бухоронинг қоқ марказида бузиш ишлари бошланган эди. Бир йил аввал кўтарилган саволлар ҳалиям ўзгармаган. Ҳалиям ж...

22.5k 1 48

bakiroo

20 Feb, 19:16

"Боғлар ҳудудида ҳеч қандай қурилиш кўзда тутилмаган"

Дарё нашрининг расмийларга таяниб ёзишича, “Анҳор” ва “Наврўз” боғлари ҳудудида ҳеч қандай қурилиш кўзда тутилмаган.

"Айни пайтда "Анҳор" ва "Наврўз" боғлари ҳудудида турар-жой бинолари қурилиши учун ҳеч қандай келишилган лойиҳа ҳужжатлари мавжуд эмас. Бугунги кунда боғ ўз ҳолича қолмоқда ва ҳеч қандай қурилиш режалаштирилмаган," - деб таъкидлаган Қурилиш вазирлиги масъули Азизхон Усмонов.

Боғларнинг бошқарувчи оператори Аnhor Evolution” компанияси директори Азиз Шарафутдинов ҳам боғлар фаолиятида ҳеч қандай ўзгаришлар режалаштирилмаганини маълум қилган.

“Orient Group Management компанияси Golden House девелопери ҳам, Orient гуруҳнинг бошқа компаниялари ҳам ушбу лойиҳани амалга оширишни ёки хабарларда таъкидланган майдончада қурилиш режалаштирмаганлигини таъкидлашган.

“Анҳор” ва “Наврўз” боғлари қайта қурилмайди

Сўнгги кунларда тошкентликлар ва блогерлар бир неча кун аввал интернетда пайдо бўлган “Анҳор” боғи ҳудудида жойлашган кўп қаватли мажмуа лойиҳасининг визуализациясидан хавотир билдирди

21.9k 0 27

bakiroo

20 Feb, 16:19

Энергосамарадорлик учун дея қилинаётган ишлар ва ўзлаштирилаётган пулларнинг энергосамарадорликка алоқасини ҳозирча кўрганим йўқ

Қанчадир миллиардга тушадиган "Япония тажрибаси" қанақа иш беришини ҳам билмайман.

Лекин биламанки, энерсамарадорликни ошириши мумкин бўлган маиший техникалар импортига қарши аждарҳо божлар ўрнатилган, соғлом ақлга зид равишда . Аждарҳо божлар ҳам кифоя қилмай, "энергосамарадорлик тестлари" дейилган, аслида нотариф тақиқларни ўйлаб топишган. Ўтган йили бир неча ой айнан шу тақиқларни деб кондиционерлардан тортиб музлатгич ва лифтларгача Ўзбекистонга киритиш тўхтатиб қўйилди. Шу тақиқларни киритган олигархлар шотири кеча Ахборотга кўзини лўқ қилиб, энергосамарадорлик ҳақида интервью ҳам берди.

Яна биламанки, энергосамарадорлик ғоясига зид равишда электромобиллар учун утилизация йиғими дейилган, аслида тақиқ божи 4 каррага оширилди.

Буям ҳолва. Яшил иқтисодиёт йилида қуёш панелларини импорт қилиш учун яширинча ҳужжатлар билан тақиқлар киритишди. Дунёда ҳеч ким қилмаган ишни қилган шонлилар ҳалигача қилган бузғунчи ишларини тан олишганиям йўқ.

Шундай экан, ўзбек чиновниклари энергия самарадорлиги ҳақида сўз очишса, кулгим келади. Ростанам, бу кулгули, айни пайтда ачинарли. Чунки уларнинг энергосамарадорлик бўйича қилаётган ишлари бюджет ўзлаштириш ва олигарх хўжалари манфаатларига хизмат қилишдан бошқа нарса эмас.

Jalilov. Qaydlar

Qiziq, bu "Yaponiya tajribasi asosidagi bukletlar"ga soliq toʻlovchilar hisobidan qancha mablagʻ ajratilgan ekan? Balki oldin maktablarni "Singapur tajribasi asosidagi", mana oʻquv yilining yarmidan koʻpi oʻtdi hamki oʻquvchilar qoʻliga yetib bormayotgan darsliklar bilan taʼminlab qoʻyarsiz?

23.7k 2 63

bakiroo

20 Feb, 14:02

Ўзбекистонликлар Сербияга визасиз борадими?

Ўзбекистон Ташқи ишлар вазири ўринбосари Олимжон Абдуллаев етовидаги катта делегация Сербияга ташрифи чоғида ташқи меҳнат миграцияси, виза тартибини соддалаштириш, шунингдек, Сербияда меҳнат қилаётган Ўзбекистон фуқароларининг ҳуқуқ ва манфаатларини ҳимоя қилиш соҳасидаги ҳамкорликни ривожлантириш истиқболлари муҳокама қилинган.

Сербия меҳнат бозори ўзбекистонликлар учун жудаям жозибали (сербларнинг ўзи юқори даромад ортидан ғарбий ва шимолий Европада фаолият кўрсатишга интилишади). Жуда кўп катта малака талаб қилинмайдиган, суғурта ва ижтимоий пакетли таклифларда маош камида 1000 евродан бошланади, рус тилини билиш кифоя, асосийси, меҳнат мигрантлари ҳақлари ҳимояланган. Лекин муаммо визада. Ўзбекистонликлар виза олиш учун Москвадаги Сербия элчихонасига бориш керак.

Маълумот учун Қозоғистонликлар Сербияга визасиз боришлари мумкин. Ҳайрон бўлишларингиз мумкин, лекин ҳатто Қирғизистон фуқаролари ҳам Сербияга визасиз ташриф буюра оладилар.

Евроиттифоққа кирмаган Сербия, Шимолий Македония ва Черногория билан визасиз режим ўрнатилиши меҳнат миграцияси масаласида Россияга боғлиқликни янада тезроқ камайтирган бўларди.

22.4k 0 72

bakiroo

20 Feb, 13:30

Асакабанк Араб банклари ва молия институтлари учун road-show уюштирди

Асакабанк томонидан БАА, Қатар, Саудия Арабистони, Қувайт, Уммон, Миср, Иордания каби давлатлардан 80 дан ортиқ етакчи банклар, молия институтлари ва инвестиция фондлари вакиллари иштирокида road-show тадбири ташкил этилди.

Унда Араб минтақасининг етакчи молиявий институтлари, жумладан Emirates NBD, Abu Dhabi Commercial Bank, Commercial Bank of Dubai, Saudi National Bank, Qatar National Bank, Eximbank of India, Societe Generale ва бошқа банклар бевосита иштирок этди.

Тадбирда Асакабанкнинг янгиланган ривожланиш стратегияси, асосий лойиҳалари ва молиявий натижалари тақдим этилди ҳамда араб молиявий институтлари билан ҳамкорлик имкониятлари муҳокама қилинди.

Батафсил.

21.4k 0 22

bakiroo

20 Feb, 13:06

Қизлар учун "Technovation Girls Uzbekistan 2025” халқаро танловининг янги мавсумига старт берилди. “Tech4Impact” томонидан Рақамли технологиялар вазирлиги, Рақамли таълимни ривожлантириш маркази ва "Yandex Uzbekistan” компанияси билан ҳамкорликда ташкил қилинган ушбу 12 ҳафталик дастур маркетинг, дастурлаш, бизнескўникмалар ва тақдимот кўникмалари бўйича ўргатувчи модулларни ўз ичига олган.

Маълумот учун, “Technovation Girls” – қизлар учун халқаро технологик танлов бўлиб, ҳар йили дунёнинг 70дан ортиқ мамлакатида ўтказилади. Танловнинг мақсади иштирокчи қизларга мослашувчан кўникмаларни бериш, ижтимоий муаммоларни ҳал қилиш учун уларни IT-технологияларга, дастурлаш имкониятларига ва сунъий интеллектга ҳамда технологик соҳалардаги тадбиркорликка қизиқтиришдан иборат.

Ўзбекистон жамоалари финалга чиққан тақдирда, ўз лойиҳасини Калифорнияда бутун дунёдан қатнашадиган 15та энг яхши жамоа қаторида тақдим этади. Танловга рўйхатдан ўтиш 2025 йилнинг 1 мартига қадар очиқ. Унга мамлакатнинг барча ҳудудларидан 8 ёшдан 18 ёшгача бўлган қизлар таклиф этилади. Дастурда қатнашиш бепул. Инглиз тилини билиш муҳим. Хуллас, ёшларга кенг имкониятлар тақдим этадиган йирик лойиха.

Бу йил Yandex Uzbekistan менторлари яна дастурга қўшилишади. Ўтган йили компаниянинг 60 нафар ходимаси жамоаларга технологик ечимларни ишлаб чиқишда ёрдам беришган эди.

Иштирокчи қизлар ва менторлар бу ерда рўйхатдан ўтишлари керак.

Дастур бўйича энг сўнгги янгиликларни эса телеграм-каналда кузатиб боринг

21.1k 0 84

bakiroo

20 Feb, 11:40

Агар 50 млрд.куб газ ишлаб чиқаришга эмас, истеъмолга оид, дейишадиган бўлса, электр энергиясига оид рақам чизилган бўлиб қолади.

Чунки 2024 йилда расмий маълумотларга кўра, жами 81 млрд. кВт.соат эмас, 67,5 млрд.кВт.соат электр энергияси етказиб (таъминлаб) берилган.

Бошқача айтганда, рақамлар каттароқ ва чиройликроқ кўриниши учун газ бўйича истеъмол ҳажми, электр бўйича эса ишлаб чиқариш ҳажми намоён этилган бўлиши эҳтимоли юқори.

Шунинг учун ҳам, репутациясини йўқотмаган ва ишонч мавжуд Иқтисодиёт ва молия вазирлиги кечаги тақдимотдаги рақамларга батафсил тушунтириш ва шарҳ бериши, ҳаққоний рақамлар билан қайтадан бўлишиши керак.

22.2k 0 45

bakiroo

20 Feb, 10:02

Иқтисодиёт ва молия вазирлиги нима дейди?

Кеча 2024 йилда 50 млрд.куб газ ишлаб чиқарилди, дея маълум қилинган тақдимотда Энергетика вазирлиги билан бирга Иқтисодиёт ва молия вазирлиги раҳбарияти ҳам иштирок этган.

Табиийки, савол туғилади: Энергетика вазирлигининг ўзига хос репутацияси маълум. Лекин бу рақам Иқтисодиёт ва молия вазирлиги билан ҳам келишилганми? Ахир Давлат раҳбарига оз эмас, кўп эмас, расмий статистикада кўрсатилганидан 12,1%га кўпроқ газ қазиб олингани айтилди. Келиб чиқадики, 2024 йилда газ қазиб олиш камаймаган, балки кескин кўпайган.

Айтайлик, қайсидир юқори даражадаги йиғилишда ЯИМ ўсиши 6,5% эмас, 7,5% деб эълон қилинса ёки инфляция 9,8% эмас, 8,0% бўлди деб айтилса, бунга изоҳ ва шарҳ бериш лозим бўлади. 50 млрд.кублик газ ишлаб чиқарилгани ҳақидаги маълумотга ҳам шарҳ ва батафсил тушунтириш берилиши керак.

Бу нафақат ички аудитория, яъни ўзбекистонликлар учун керак, балки Ўзбекистондан шаффоф ва ҳаққоний иқтисодий кўрсаткичларни истайдиган кредиторлар, халқаро молия институтлари ва инвестор ҳамкорлар учун ҳам муҳим ҳисобланади.

22.1k 0 49

bakiroo

20 Feb, 08:48

Репост из: Mirkonomika

AQShning Ukrainaga yordami juda ham ulkanligini inkor etmagan holda aytish kerakki, daromadiga nisbatan ulushi bo‘yicha eng katta yordam ko‘rsatgan davlat AQSh emas. Xususan, 2022-2024 yillarda AQSh Ukrainaga 114 mlrd dollar yordam ko‘rsatgan bo‘lsa-da, bu AQSh YAIMning 0,4 foizini tashkil etadi xolos. Agar bu yordam teng uch yilga bo‘linsa unda yordamning YAIMdagi ulushi 0,14 foizgacha qisqaradi. Ya’ni nominal yordam judayam yirik bo‘lishiga qaramasdan, AQSh kabi yirik iqtisodiyot uchun bu mablag‘ judayam kichkina.

Boshqa tomondan, Daniya (8,4 mlrd dollar), Estoniya (0,79 mlrd), Litva (1,2 mlrd dollar), Latviya (0,6 mlrd dollar) kabi davlatlar nominal qiymatda AQShga nisbatan sezilarli darajada kam yordam ko‘rsatgan bo‘lishsa-da, bu yordam ularning daromadida sezilarli ulushga ega. Masalan Daniya yillik YAIMining 2,1 foizini, Estoniya 1,9 foizini, Litva 1,5 foizini, Latviya 1,4 foizini Ukrainaga yordam sifatida yuborgan.

22.8k 0 40

bakiroo

19 Feb, 19:45

50 млрд.куб ёки 44,6 млрд.куб?

Энергетика вазирлиги очиқлаган маълумотга кўра, энергия самарадорлигини ошириш бўйича таклифлар тақдимотида ўтган йили 50 млрд.куб метр табиий газ ишлаб чиқарилгани маълум қилинган.

Расмий статистикага кўра, 2024 йилда газ қазиб олиш 2,1 млрд.кубга, 44,6 млрд.кубгача камайган. Товар газ ишлаб чиқариш эса 40 млрд.кубга ҳам етмаган.

24.2k 0 49

bakiroo

19 Feb, 19:05

2024 йилда TBC Bank Ўзбекистон иқтисодиётига 105 млн доллар инвестиция жалб қилди

Ушбу маблағлар мамлакатда тадбиркорлик, “яшил” банкинг ва рақамли молиявий хизматларни ривожлантиришга йўналтирилади:

⏺FMO’дан 40 миллион доллар — кичик бизнесни кредитлаш ва “яшил” лойиҳаларни молиялаштириш учун.
⏺BlueOrchard’дан 25 миллион доллар — бизнес учун рақамли молиявий хизматларни ривожлантириш учун.
⏺Global Gender-Smart Fund ва ЕТТБдан 10 миллион доллардан — аёл тадбиркорлар ва ёш тадбиркорлар томонидан ташкил этилган микро корхоналарни қўллаб-қувватлаш учун.
⏺GCPF va responsAbility томонидан “яшил” лойиҳаларга 10 миллион доллардан ажратилади.

Бу банк учун маблағ жалб қилишда рекорд кўрсаткич бўлиб, кредит портфелини кенгайтириш ҳамда молиявий хизматлар оммабоплигини ошириш имконини берди.

Бундан ташқари, банк акциядорлардан 75 миллион доллар капитал жалб қилди ва 13 миллион долларлик корпоратив облигацияларни жойлаштирди.

Реклама

24.4k 0 31

bakiroo

19 Feb, 16:19

Янги қонун талаблари бугундан бошлаб тузилган омонат ва депозит шартномаларига тааллуқли бўлади

Кеча имзоланган «Банклардаги омонатларини ҳимоя қилиш кафолатлари тўғрисида»ги қонун бугундан кучга кирди.

Бу дегани кеча, 18 февралгача бўлган даврда тузилган шартномалар бўйича барча муддатли ва жамғарма омонатларингиз бўйича кафолатлаш тизими эски қонун бўйича тўлиқ кафолатланади. Шунингдек, 18 февралгача тузилган шартномаларда омонатларингиз бўйича қўшимча бадаллар киритиш ҳуқуқи бўлса, киритилган қўшимча бадалларингиз ҳам тўлиқ кафолатланади.

Янги қонун талаблари бугундан бошлаб тузилган омонат ва депозит шартномаларига тааллуқли бўлади.

200 миллион сўм миқдоридаги кафолат қоидалари эндиликда нафақат аҳоли омонатлари, якка тартибдаги тадбиркорлар ҳамда юридик шахслар депозитларига қўлланилади. Яъни, илгари бўлгани каби банк ёпилганда, бизнес субъектларнинг маблағлари куйиб қолиши ёки пулини олиш учун ойлар ва йиллар кутиши хатари анча пасаяди.

Дарвоқе, 200 млн.сўмлик кафолат эскроу счетларга, яъни уй-жой хариди учун киритилган улушларга ҳам тааллуқли бўлади.

Қонун кучга киришидан олдин омонатлар бозоридаги қатор фаол банклар йирик ва ўрта миқдорда омонатларга эга (200 млн.сўмдан кўп) мижозлар орасида турли ёпиқ сўровлар ўтказган. Сўровларга кўра, йирик ва ўрта миқдорда омонат эгалари мутлақ катта қисми қонун кучга киргандан кейин ҳам омонатларини ҳозирги банкларида сақлашда давом этишларини кўрсатишган. Йирик ва ўрта омонатчилар кейинги ҳаракатларини фоизларнинг ўзгариши, кўчмас мулк бозоридаги вазият, фонд бозоридаги ҳолат ва валюта курси билан боғлиқ бўлишини маълум қилишган. Йирик ва ўрта ҳажмдаги омонатларнинг банклар ўртасида тақсимланиши ва қайта тақсимланиши ўрта ва узоқ муддатли истиқболда юз бериши мумкин.

23.4k 0 81

Ваш доход с телеграм-канала

Заработок с телеграм-канала

Деньги с телеграм-канала

bakiroo

Гео и язык канала

Категория

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

63 552

Популярное в канале

Язык сайта

Ваш доход с телеграм-канала

Заработок с телеграм-канала

Деньги с телеграм-канала

bakiroo

Гео и язык канала

Категория

63 552

Популярное в канале