ШУ КУНЛАРДА

Ким қолибди, етганида гал,
Келган эдик, кетмай қолмаймиз.
Кимдир эрта, кимдир туриб сал,
Манзилга ҳам етмай қолмаймиз.

Одамзотнинг дарахтдан фарқи -
Тўкилади, фасл танламай.
Омонату, мўртлигин балки
Қолар баъзан ўзи англамай.

Яхшиликни эртага қўйманг,
Нархи бўлар "эрта"нинг қиммат.
Бир ҳикматни соддага йўйманг:
"Дам ғанимат, одам ғанимат!.."

Бобур Бобомурод

@Ohangaronim_hayoti