Biz talqinni cheksiz bo'lishini qabul qilganmiz, biroq har qanday talqin aql mantig'iga mos bo'lishi ham talab etiladi. Bizningcha, bunday zalvorsiz talqinlar qog'ozga tushib, uni band qilgani qoladi, xolos. Ular uzoq yillar davomida yashamasligi, unutilib ketishi ehtimoldan yiroq emas. Badiiy adabiyot nisbiylikdan iborat. Undagi talqinlar, tahlillar nisbiy. Ular talqin va tahlil qilayotgan kishining o'z qarashidan boshqa narsa emas. Ayrim talqinlar asosli fikrlar va nazariyalar bilan isbotlansa, yana ayrimlari "quruq qoshiq"dek og'iz yirtadi.

***

"O'tkan kunlar" 5 marta o'qilishi zarurligi va har qayta o'qilganda yangicha qarashlar olishimz haqida aytiladi. Ushbu qarash har qanday badiiy adabiyotga nisbatan mos keladi, bizningcha. Negaki, har qayta o'qilganda biz turli yoshda, turli dunyoqarashda, turli kayfiyatda, turli fikrlarni ilgari surgan holatda bo'lamiz. Ma'lum bo'ladiki, bunday vaziyatlarda biz turlicha mutaassir bo'lishimiz, avval ilg'anmagan jihatlariga e'tibor berishimiz tayin gap. Shuni unutmaslik kerakki, bunday qayta va qayta o'qishimiz zalvori bor, kitobxonga yangilik beradigan asarlarga nisbatan tushunilsin, zero bir marta o'qishga yaraydigan asarlar bu fikrimizdan yiroq.

#mushohada
@Mirahmedovas_blog