✿𝙱𝚒𝚝𝚒𝚔𝚕𝚊𝚛✿

Siz bir yozuvchiga, uslubingizda falon (katta) yozuvchining uslubini koʻrdim. Siz yozdingizmi yoki falonchimikin, degan oʻy ham oʻtdi, mazmunida "alqasangiz" yozuvchini tahqirlagan boʻlasiz.

@Mirahmedovas_blog

Mohiyatga o'zgacha ko'z bilan qaray olish va fikrlar xilma-xilligini yaratishda kitob oʻqiydiganlarni kuzatish muhim. Quyida siz uchun shunday bloglarni yig'dik:

#tavsiya
Havolani bosing!

Eng muhimi, har qanday holatning yaxshi tarafini koʻra olish. Ayni bir yomon xotira sabab butun boshli bir yil chiqitga chiqishi achinarli.

Koʻplar qatori kecha menam rasm/videoli sarhisob qildim (boshqa kanalda). Eslashga, quvonishga, yashashga arzigulik koʻp ishlar oʻtibdi. Eng koʻp sinalganim sogʻlik tomonlama boʻlibdi. Hamd.

Oʻzim tahsil olgan maktab-internatda salkam 4 oy mobaynida 9-10-sinflarga dars oʻtdim. Boʻyi boʻyimdan baland, oʻzining dunyosiga ega qorakoʻzlar meni tinglashdi. Shu vaqtlarni haligacha yuzimda tabassum bilan eslayman. Ajablanarlisi, sinfdoshlarimning uka/singillariga dars berganim boʻldi. Vaqt shu qadar tez oʻtganini bildirdi. Chindan ham, birgina "ustoz" deb murojaat qilishganida hamma charchoqlaringiz ariydi:) Ularning nazdida qanchalik ustozlikni epladim, bilmadim, ammo hayotda bir saboqni berib oʻtgusi inson ham bizga ustoz aslida. Bir ustozim aytganidek, "men orqali fanimga qiziqishsa, men uchun baxt shu".

Juda kam kitob oʻqidim, biroq buni ham normal holat deya qabulladim. Oʻzimni tergash va ayblashdan naf yoʻq. Oʻzimcha tayinli "asoslar" ga egaman. Aksariyat insonlar butun yil davomida sotib olgan kitoblarini ham sarhisob qilisharkan. Men bunga avval e'tibor bermasdim. Bu safar oʻylab qarasam, oʻqiganimdan sotib olganlarim koʻp boʻlar ekan.

Yilning soʻnggi 4 oyi Toshkentda oʻtdi. Ayta olamanki, har narsaga, har voqelikka, har joyga, har kimsaga koʻp kutuv qoʻymaslikni oʻrgatdi. Just accept it.

Shuningdek, kashf qilgan insonlarim ham koʻp boʻldi. 🫶

Sizlarda nima gap? Qanday xulosalar oldingiz? Bu yerga yozishingiz mumkin.

#xulosalar
– @Mirahmedovas_blog

Bilaman, deysan. Aslida bu yetarli emas. Sen uni oʻz tanangda his qilib koʻrishing, anglashing kerak: ogʻriqni, baxtni, yoʻqotishlarni, topishlarni. Hamma-hammasini oʻz tanang, aqling, qalbing yordamida taftini his qilishing talab etiladi. Unga qadar sen faqat sirti haqida ma'lumotga ega boʻlasan.

Masalan, bir kitobni oʻqimay turib, u haqida fikr bildirolmasliging kabi;

Masalan, bir univeristetda oʻqimay turib, uning ichki hayotini bilmasliging kabi;

Masalan, bir insonni yaqindan tanimay turib, u haqida sirtqi taassurotlaring bilan cheklanmasliging kabi;

Masalan, bir shaharga bormay turib, u yer haqida toʻla ma'lumotga ega boʻlolmasliging kabi..

Xullas, bu kabi misollar juda koʻp. Biroq, shularning hammasini tanada his qilish uchun yashab oʻtish shartmi, deysan. Ehtimol zaruriydir, ehtimol aksincha.

Davomi bor.

#xulosalar
@Mirahmedovas_blog

Tanilish boshqa, tan olinish boshqa.

@Mirahmedovas_blog

#назм

сени ўйлашдан тўхтамадим мен
севишимни айтайин дедим
сенга хатлар ёзиш истадим
қайтаман дея
соғиндим дея
ўйладим дея
бироқ боролмадим
ҳатто салом деб хат ёзмадим
ҳолинг қандай билмайман
бой бердим фурсатни
режаларинг қанақа?
бугун жилмайдингми?
тушингда нима кўрдинг?
кўчага чиқдингми?
орзуларинг қанақа?
овқатландингми?
истасам топа олардим сени
бироқ куч тополмадим
сен ҳам келмадинг
бир биримизни кутдик бекор
ахир ўйлаб кўр бир бор
эсла мени
сени ўйлаётганимни ўйла
эҳтимол билмассан буни
лекин ҳар куни ёдинг билан яшайман
сенга хат ёзгим келади
излаш бошқа, ўйлаш бошқа
мен сени ўйлайман
бироқ изламам асло

(c) Буковски

Нодирабегим таржимаси

@Mirahmedovas_blog

Surunkali kitob oʻqimay qoʻyishing, biroz (ehtimol, anchagina) dam olishing bu normal holat sanaladi. Eng asosiysi, oʻzingni va sen sabab atrofingdagilarni adabiyotdan, badiiy adabiyotdan, xususan, ilmdan sovutib qoʻyguvchi boʻlmaslikka intil (moq zarurmikin?).

Siz qanchalik koʻp ma'lumot bilan miyani "toʻygʻizmoqchi" boʻlganingizda, u shu qadar ma'lumotlarni oʻzidan tashqariga siqib chiqarishga intiladi. Buni siz botin va zohirda his qilib turasiz. Buning stressi tanangizning boshqa a'zolariga ham oʻzining "signal" ini beradi.

Soʻnggi 3 kun qoʻlimga kitob olmadim. Hattoki bundan bosh tortdim. Bu normal. Aytmoqchimanki, miyangizga "bosim" bermang. 🫶🏻

@Mirahmedovas_blog

Nima uchun bu yerdasiz?

>>

Miyangda bir nimalar gʻimirlab, gʻalayon qilgan onda paydo boʻlgan savollaringga "javob" topasan. >>>

– uqyapsizmi?
– ...