Қизалоғинг бор бўлса гар..


Ой мўралар доим сенинг осмонингдан,
Суқланади юлдузлар хам сирли боқиб.
Жаннат иси келар билсанг қизларингдан.
Отажон деб кутиб олар қучоқ очиб.


Қараб турсанг юзларига фариштадир,
Хар бир қилган ишларида сариштадир.
Мехрибондир отасига ширин калом,
Кўксида қўл ибо билан берар салом.


Кўзларида сеҳри бордек туйилади,
Кўрсанг кўзинг гўзаликдан қамашади,
Ўргилойин дейсан кўзлар қувонганда.
Жажи бўлиб атлас кийса ярашади.

Улғайганда кириб ўн етти ёшга,
Совчи келар тугун қўйиб азиз бошга,
Бергинг келмас ой юзлигинг бировларга.
Қаро кўзинг тўлиб кетар аччиқ ёшга.

Қиз узатиш мерос бизга ўтмишлардан,
Дуо олар хар оқил қиз отасидан,
Узатганда қучоғидан ой қизини,
Ота шўрлик йиғлаб қолар орқасидан.

Ой мўралар энди бошқа хонадонга,
Бахт дугона бўлиб келар остонага.
Келинчак қиз салом берар хой одамлар.
Қайноталик насиб қилсин хар отага.
Қайноналик насиб қилсин хар онага.

✍Шояд Бек

Ota ~ Onasini Qadrlaganlar Kanali

@MEXRIBONIM_OTAM_ONAM 🌸