МЎЪЖИЗАЛАР КУТИНГ
Миянгизга гоҳида: “Мен Аллоҳдан сўраяпман, лекин ўйлаб қоламан, қандай қилиб Аллоҳ буларнинг ҳаммасини ўзгартириши мумкин?!”, деган хаёл келади.
Аслида сизнинг вазифангиз дуо қилишдир. “Қандай” деган савол эса сизнинг ишингиз эмас. Бу сизнинг ваколатингизга ҳам кирмайди. “Қандай” деган сўзингиз сабаблар билан боғлиқ ва сабабларнинг барчаси эса Аллоҳнинг қўлидадир!
Шунинг учун сизни огоҳлантирмоқчиман: Ҳеч бир ишни Аллоҳ учун оғир санаманг!
Ҳа, инсон ўз ҳолатини оғир деб ўйлаши, ва: “Мени фақат мўъжизагина қутқариши мумкин!”, дейиши мумкин.
Айни шунинг учун ҳам, мўъжизалар содир бўлиши учун ҳам дуо бор.
Лекин бундан аввал сиз ўз кучингиз ва имкониятларингиздан воз кечиб, Аллоҳнинг кучига ишонишингиз керак. Дуо қилганда, чўкиб бораётган киши қандоқ муҳтожлик билан қутқарувчидан ёрдам сўраса, худди шундай Аллоҳдан сўрашингиз лозим. Аллоҳ сизни эшитишига қатъий ишонишингиз керак!
Ҳеч қачон Аллоҳни синаб кўраман деб ўйламанг. Аввал ишонинг, кейин натижани кутинг!
Агар сиз ҳамма нарса сабабларга боғлиқ деб ўйласангиз, Аллоҳ сизни ўша сабабларга ташлаб қўяди…
Аммо агар сиз ҳамма нарса фақат Аллоҳнинг қўлида деб ишонсангиз У сизга сиз тасаввур ҳам қила олмайдиган сабабларни юборади!
Ёдингиздан чиқмасин, Аллоҳнинг қўли махфий ишлайди. Шунинг учун қутулиш босқичларини ҳатто кўрмаслигингиз ҳам мумкин…
Юсуф алайҳиссалом ноҳақ қамоққа ташланганида, Аллоҳ унга чақмоқ юбориб, қамоқнинг деворларини йиқитиб уни чиқариб олиши ҳам мумкин эди.
Агар шундай қилганида, Юсуф алайҳис салом қамоқдан чиқса ҳам унинг ноҳақ айбланиши кейин ҳам сақланиб қоларди. Аллоҳ таоло уни озод ва бегуноҳ қилишни хоҳлади. Шунинг учун унга фақатгина бир туш юборди. Миср подшоҳи туш кўрди ва таъбир учун Юсуф алайҳис саломни чақиришга муҳтож бўлди. Юсуф алайҳис салом эса бегуноҳлиги тасдиқланмагунича қамоқдан чиқишдан бош тортди.
Натижада, у нафақат эркинликка, балки ҳурмат ва ишончга ҳам эга бўлди!
Агар сиз мендан сабаблар ҳақида сўрасангиз, аввало мана шуни унутманг. Бир кечада кўрилган туш бутун бошли вазиятни ўзгартириб юборишини ким ҳам ўйлабди дейсиз?!
Ҳамма нарсани Аллоҳга топширинг, сўнгра эса мўъжизаларни кузатинг!!!
@Ishqim_Sen
Миянгизга гоҳида: “Мен Аллоҳдан сўраяпман, лекин ўйлаб қоламан, қандай қилиб Аллоҳ буларнинг ҳаммасини ўзгартириши мумкин?!”, деган хаёл келади.
Аслида сизнинг вазифангиз дуо қилишдир. “Қандай” деган савол эса сизнинг ишингиз эмас. Бу сизнинг ваколатингизга ҳам кирмайди. “Қандай” деган сўзингиз сабаблар билан боғлиқ ва сабабларнинг барчаси эса Аллоҳнинг қўлидадир!
Шунинг учун сизни огоҳлантирмоқчиман: Ҳеч бир ишни Аллоҳ учун оғир санаманг!
Ҳа, инсон ўз ҳолатини оғир деб ўйлаши, ва: “Мени фақат мўъжизагина қутқариши мумкин!”, дейиши мумкин.
Айни шунинг учун ҳам, мўъжизалар содир бўлиши учун ҳам дуо бор.
Лекин бундан аввал сиз ўз кучингиз ва имкониятларингиздан воз кечиб, Аллоҳнинг кучига ишонишингиз керак. Дуо қилганда, чўкиб бораётган киши қандоқ муҳтожлик билан қутқарувчидан ёрдам сўраса, худди шундай Аллоҳдан сўрашингиз лозим. Аллоҳ сизни эшитишига қатъий ишонишингиз керак!
Ҳеч қачон Аллоҳни синаб кўраман деб ўйламанг. Аввал ишонинг, кейин натижани кутинг!
Агар сиз ҳамма нарса сабабларга боғлиқ деб ўйласангиз, Аллоҳ сизни ўша сабабларга ташлаб қўяди…
Аммо агар сиз ҳамма нарса фақат Аллоҳнинг қўлида деб ишонсангиз У сизга сиз тасаввур ҳам қила олмайдиган сабабларни юборади!
Ёдингиздан чиқмасин, Аллоҳнинг қўли махфий ишлайди. Шунинг учун қутулиш босқичларини ҳатто кўрмаслигингиз ҳам мумкин…
Юсуф алайҳиссалом ноҳақ қамоққа ташланганида, Аллоҳ унга чақмоқ юбориб, қамоқнинг деворларини йиқитиб уни чиқариб олиши ҳам мумкин эди.
Агар шундай қилганида, Юсуф алайҳис салом қамоқдан чиқса ҳам унинг ноҳақ айбланиши кейин ҳам сақланиб қоларди. Аллоҳ таоло уни озод ва бегуноҳ қилишни хоҳлади. Шунинг учун унга фақатгина бир туш юборди. Миср подшоҳи туш кўрди ва таъбир учун Юсуф алайҳис саломни чақиришга муҳтож бўлди. Юсуф алайҳис салом эса бегуноҳлиги тасдиқланмагунича қамоқдан чиқишдан бош тортди.
Натижада, у нафақат эркинликка, балки ҳурмат ва ишончга ҳам эга бўлди!
Агар сиз мендан сабаблар ҳақида сўрасангиз, аввало мана шуни унутманг. Бир кечада кўрилган туш бутун бошли вазиятни ўзгартириб юборишини ким ҳам ўйлабди дейсиз?!
Ҳамма нарсани Аллоҳга топширинг, сўнгра эса мўъжизаларни кузатинг!!!
@Ishqim_Sen