ПАЙҒАМБАРИМИЗ СОЛЛАЛЛОҲУ АЛАЙҲИ ВАСАЛЛАМНИНГ ҚАБРЛАРИ ТАЙИНДИР
Аллоҳ таоло бу умматни улуғлаб, қолганлардан ажратган яна бир жиҳат шуки, Пайғамбаримиз соллаллоҳу алайҳи васалламнинг қабрлари очиқ-ойдин ва мутавотир даражада аниқдир. Бунда бирон шак-шубҳа ва иккиланиш йўқ! Одамлар доим сафар қилиб борса, қалбларидаги аниқ ишонч билан «Расулуллоҳ соллаллоҳу алайҳи васаллам ушбу маконда ётибдилар, бу у зотнинг хоналари, бу эса у зотнинг аёлларининг уйлари, бу эса Равзаи мутоҳҳара» деб айта олади.
Бу шараф, бу фазл Пайғамбаримиз соллаллоҳу алайҳи васалламдан бошқа бирор пайғамбарга, Муҳаммад соллаллоҳу алайҳи васаллам умматидан бошқа бирор умматга муяссар бўлмаган.
Ибн Ҳажар роҳимаҳуллоҳ бу ҳақда шундай деганлар: «Расулуллоҳ соллаллоҳу алайҳи васалламнинг қабрларидан бошқа (бирорта пайғамбар дафн қилинган) қабрларнинг қаерда эканини аниқ билмайсан».
Имом Молик роҳимаҳуллоҳ халифа Маҳдийга: «Эй мўминларнинг амири! Сиз ҳозир Мадинага кирасиз, ўнг ва чап томондаги одамлар орасидан ўтасиз. Улар муҳожирларнинг фарзандларидирлар. Уларга салом беринг, чунки ер юзида Мадина аҳлидан афзал қавм йўқ, Мадинадан афзал жой ҳам йўқ!» деди. Халифа: «Нимага асосан бундай деяпсиз, эй Абу Абдуллоҳ?» деб сўраган эди, у: «Чунки ер юзида Набий соллаллоҳу алайҳи васалламнинг қабрини биладиган улардан бошқа одам йўқ. У зотнинг қабрлари уларнинг юртидадир. Уларнинг бошқалардан афзалликларини билиш лозим», деб жавоб қилди («Мадорик» номли китобда ҳам шундай келган).
Бу улуғ қабр илоҳий раҳмат нозил бўлиб турадиган жойдир. Каъб розияллоҳу анҳудан ривоят қилинган ҳадисда: «Бирор тонг йўқки, етмиш минг фаришта тушиб, қабр атрофини ўраб олмаса, қанотларини унинг устига қўйиб, Набий соллаллоҳу алайҳи васалламга салавот айтмаса. Кеч киргач, улар кўтарилиб кетиб, ўринларига яна етмиш минг фаришта тушиб, қабр атрофини ўраб олади ва қанотларини унинг устига қўйиб, Набий соллаллоҳу алайҳи васалламга салавот айтади. Кечаси етмиш минг марта, кундузи етмиш минг марта» (Ҳофиз Исмоил Қози ўз китобининг «Набий соллаллоҳу алайҳи васалламга салавот айтиш» жузида ривоят қилган).
“Энг шарафли уммат” китобидан.
ДЎСТЛАРИНГИЗГА ҲАМ УЛАШИНГ!!!
👇👇👇👇👇👇👇👇👇
@Halovatuz
Аллоҳ таоло бу умматни улуғлаб, қолганлардан ажратган яна бир жиҳат шуки, Пайғамбаримиз соллаллоҳу алайҳи васалламнинг қабрлари очиқ-ойдин ва мутавотир даражада аниқдир. Бунда бирон шак-шубҳа ва иккиланиш йўқ! Одамлар доим сафар қилиб борса, қалбларидаги аниқ ишонч билан «Расулуллоҳ соллаллоҳу алайҳи васаллам ушбу маконда ётибдилар, бу у зотнинг хоналари, бу эса у зотнинг аёлларининг уйлари, бу эса Равзаи мутоҳҳара» деб айта олади.
Бу шараф, бу фазл Пайғамбаримиз соллаллоҳу алайҳи васалламдан бошқа бирор пайғамбарга, Муҳаммад соллаллоҳу алайҳи васаллам умматидан бошқа бирор умматга муяссар бўлмаган.
Ибн Ҳажар роҳимаҳуллоҳ бу ҳақда шундай деганлар: «Расулуллоҳ соллаллоҳу алайҳи васалламнинг қабрларидан бошқа (бирорта пайғамбар дафн қилинган) қабрларнинг қаерда эканини аниқ билмайсан».
Имом Молик роҳимаҳуллоҳ халифа Маҳдийга: «Эй мўминларнинг амири! Сиз ҳозир Мадинага кирасиз, ўнг ва чап томондаги одамлар орасидан ўтасиз. Улар муҳожирларнинг фарзандларидирлар. Уларга салом беринг, чунки ер юзида Мадина аҳлидан афзал қавм йўқ, Мадинадан афзал жой ҳам йўқ!» деди. Халифа: «Нимага асосан бундай деяпсиз, эй Абу Абдуллоҳ?» деб сўраган эди, у: «Чунки ер юзида Набий соллаллоҳу алайҳи васалламнинг қабрини биладиган улардан бошқа одам йўқ. У зотнинг қабрлари уларнинг юртидадир. Уларнинг бошқалардан афзалликларини билиш лозим», деб жавоб қилди («Мадорик» номли китобда ҳам шундай келган).
Бу улуғ қабр илоҳий раҳмат нозил бўлиб турадиган жойдир. Каъб розияллоҳу анҳудан ривоят қилинган ҳадисда: «Бирор тонг йўқки, етмиш минг фаришта тушиб, қабр атрофини ўраб олмаса, қанотларини унинг устига қўйиб, Набий соллаллоҳу алайҳи васалламга салавот айтмаса. Кеч киргач, улар кўтарилиб кетиб, ўринларига яна етмиш минг фаришта тушиб, қабр атрофини ўраб олади ва қанотларини унинг устига қўйиб, Набий соллаллоҳу алайҳи васалламга салавот айтади. Кечаси етмиш минг марта, кундузи етмиш минг марта» (Ҳофиз Исмоил Қози ўз китобининг «Набий соллаллоҳу алайҳи васалламга салавот айтиш» жузида ривоят қилган).
“Энг шарафли уммат” китобидан.
ДЎСТЛАРИНГИЗГА ҲАМ УЛАШИНГ!!!
👇👇👇👇👇👇👇👇👇
@Halovatuz