Halovat.uz

​​РАСУЛУЛЛОҲ СОЛЛАЛЛОҲУ АЛАЙҲИ ВА САЛЛАМ ВА САҲОБАЛАР ЎРТАСИДАГИ СУҲБАТ

Расулуллоҳ соллаллоҳу алайҳи ва саллам ва саҳобалар бир куни жам бўлиб ўтиришди. Расулуллоҳ соллаллоҳу алайҳи ва саллам Абу бакр розияллоҳу анҳудан бошлаб сўрадилар:

– “Дунёда нимани яхши кўрасиз?”
Абу Бакр розияллоҳу анҳу айтдилар:
– Дунёда уч нарсани яхши кўраман:
1. Сизнинг олдингизда ўтириш;
2. Сизнинг юзингизга боқиш;
3. Сизга бор-будимни бериш.

– “Сизчи эй Умар?”
Умар розияллоҳу анҳу жавоб бердилар:
– Мен ҳам уч нарсани яхши кўраман:
1. Махфий бўлса ҳам, яхшиликка буюриш;
2. Жаҳрий бўлса ҳам, ёмонликдан қайтариш;
3. Аччиқ бўлса ҳам тўғри сўзлаш.

– “Сизчи эй Усмон?”
Усмон розияллоҳу анҳу жавоб бердилар:
– Мен ҳам уч нарсани яхши кўраман:
1. Таомлантириш;
2. Саломни кенг ёйиш;
3. Инсонлар ухлаган пайтда, тунда намоз ўқиш.

– “Сизчи эй Али?”
Али розияллоҳу анҳу жавоб бердилар:
– Мен ҳам уч нарсани яхши кўраман:
1. Меҳмонни икром қилиш;
2. Ёзда рўза тутиш;
3. Душманни бошига қилич тортиш.

Сўнг Расулуллоҳ соллаллоҳу алайҳи ва саллам Абу Зар розияллоҳу анҳуга юзланиб:
– “Эй Абу Зар! Сизчи? Сиз дунёда нимани яхши кўрасиз?”
Абу Зар розияллоҳу анҳу жавоб бердилар:
– Мен ҳам дунёда уч нарсани яхши кўраман:
1. Очлик;
2. Касаллик;
3. Ўлим.

Набий соллаллоҳу алайҳи ва саллам айтдилар: “Нима учун?”.
– Очликни қалбим покланиши учун, касалликни гуноҳларим енгиллашиши учун ва ўлимни Роббимга йўлиқишим учун яхши кўраман.

Расулуллоҳ соллаллоҳу алайҳи ва саллам айтдилар:
– “Менга дунёнгизда уч нарса суюкли қилинди:
1. Хушбўйлик;
2. Аёллар;
3. Кўз-қорачиғим намозда бўлиши”.

Шу пайтда Жаброил алайҳиссалом тушдилар. Уларнинг барчаларига салом бердилар ва айтдилар:
– Менга ҳам дунёнгизда уч нарса суюклидир:
1. Рисолатни етказишлик;
2. Омонатни адо қилишлик;
3. Мискинларни яхши кўришлик.

Сўнг Жаброил алайҳиссалом осмонга кўтарилиб кетдилар. Бир оздан сўнг қайтиб тушдилар ва айтдилар:
– Аллоҳ таоло сизларга салом айтиб юборди. У зот ҳам дунёнгизда уч нарсани яхши кўрар экан:
1. Зикр қилувчи тил;
2. Хушуъ қилувчи қалб;
3. Балоларга сабр қилувчи жасад.

Аллоҳим бизларни барчамизни доимо Аллоҳни зикр қилувчи, қалби хушуъда юрувчи ва балоларга доимо сабр қилувчи бандаларинг қаторидан қилгин! Ҳамда, Расулуллоҳ соллаллоҳу алайҳи ва саллам ва у зотнинг саҳобаларига эргашишлигимизни насиб айлагин!

Каналга уланиш учун
👇👇👇👇👇👇👇👇
@Halovatuz

​​​​Росулоллоҳ (ﷺ) ҳақида сиз билган ва билмаган маълумотлар

1.  Росулоллоҳ (ﷺ)нинг Одам алайҳиссаломгача бўлган насабларидаги кишиларга бирор фаҳш иш етмаган.

2.  Росулоллоҳ (ﷺ)  Аҳмад (Аллоҳга энг кўп ҳамд айтувчи) деб номландилар. У зотдан олдин бирор киши бундай ном билан номланмаган.

3.  Росулоллоҳ (ﷺ) кечаси оч қоринда ухлаб, тонгда қоринлари тўқ ҳолда уйғонардилар. Аллоҳ у зотни таомлантириб қўяр эди.

4.  Росулоллоҳ (ﷺ)  олд томонни қандай кўрсалар,  орқа томонни ҳам ҳудди шундай кўрардилар.

5.  Росулоллоҳ (ﷺ)  кундузи қандай кўрсалар, қоронғу кечани ҳам ҳудди шундай кўрардилар.

6.  Росулоллоҳ (ﷺ)нинг тупуклари шўр сувни ҳам чучук (ширин сув) қилар эди.

7.  Росулоллоҳ (ﷺ) душманларнинг қалбига бир ойлик масофадан қўрқув солардилар.

8.  Росулоллоҳ (ﷺ) бирор марта ҳам эснамаганлар.

9.  Росулоллоҳ (ﷺ) ва бошқа пайғамбарлар ҳеч қачон эҳтилом бўлишмаган.

10.  Росулоллоҳ (ﷺ)нинг терлари мушкдан ҳам ҳушбўй бўлган.

11.  Росулоллоҳ (ﷺ)нинг соялари бўлмаган.

12.  Росулоллоҳ (ﷺ) дунёга келганларида коҳинлар осмондан (деярли) хабар ололмай қолишган.

13.  Росулоллоҳ (ﷺ) Меърож кечаси барча пайғамбарлар ва фаришталарга имом бўлиб намоз ўқиганлар.

14.  Росулоллоҳ (ﷺ)нинг умматларига бутун ер юзи масжид қилиб берилган.

15.  Росулоллоҳ (ﷺ) бошқа пайғамбарлар даврида келганларида, бошқа пайғамбарлар у зотга уммат бўлар эдилар.

16.  Росулоллоҳ (ﷺ)нинг саҳобаларига у зотнинг овозларидан баланд овозда гапириш ҳаром қилинган (Ҳужурот 2).

17.  Росулоллоҳ (ﷺ)нинг ҳузурларига фаришта Исрофил алайҳиссалом тушганлар.  Бу фаришта у зотдан олдин ҳеч қайси пайғамбарга тушмаган эдилар.

18.   Росулоллоҳ (ﷺ)нинг олдинги ва кейинги гуноҳлари кечирилгандир (Фатҳ 1-2).

19.  Вафот эткан бандадан қабрда Росулоллоҳ (ﷺ) ҳақида сўралади,  бошқа пайғамбарлар ҳақида сўралмайди.

20.  Росулоллоҳ (ﷺ)ни тушида кўрган, ҳақиқатдан ҳам кўрган бўлади. Чунки шайтон у зотнинг суратига кира олмайди.

21.  Росулоллоҳ (ﷺ) бир кишини чақирсалар,  ўша инсон нафл намоз ўқиётган бўлса ҳам,  у зотга жавоб бериши вожиб бўлган.

22.  Росулоллоҳ (ﷺ) вафот этканларида саҳобалар имомсиз гуруҳ-гуруҳ бўлиб жаноза ўқиганлар.  Ва бу намозларда Жанозадаги машҳур дуо ўқилмаган.

23.   Росулоллоҳ (ﷺ)нинг муборак баданлари чиримайди.

24.  Росулоллоҳ (ﷺ)нинг қабрларига бир фаришта муваккал қилиниб,  у зотга саловот айтганларнинг саловотларини етказиб туради.

25.  Росулоллоҳ (ﷺ)нинг  қабрлари Қиёматда биринчи очилади. Охиратда у зот етмиш минг фариштанинг қуршовида бўладилар.

26.  Росулоллоҳ (ﷺ) Сиротдан биринчи бўлиб ўтадилар.

27.  Росулоллоҳ (ﷺ) Маҳшарга Буроқ деган отга минган ҳолларида келадилар.

28.  Росулоллоҳ (ﷺ) Маҳшар куни Аршнинг ўнг томонида шундай мақомда турадиларки,  у зотдан бошқа ҳеч ким у ерда турмайди. 

29.  Росулоллоҳ (ﷺ) Жаннатга биринчи бўлиб кирадилар.

30.  Росулоллоҳ (ﷺ)нинг умматлари Қиёмат куни биринчи сўроқ қилинади.

Каналга уланиш учун
👇👇👇👇👇👇👇👇
@Halovatuz