𝗧𝗮𝗱𝗯𝗶𝗿𝗸𝗼𝗿𝗹𝗮𝗿 𝗾𝗮𝗯𝘂𝗹𝘅𝗼𝗻𝗮𝘀𝗶

МФЙ ВА ҲОКИМ ЁРДАМЧИЛАРИГА ЯНГИ ВАКОЛАТ БЕРИЛДИ

Ўзбекистон Республикаси Президентининг «Ер участкаларидан фойдаланишда давлат назорати самарадорлигини ошириш чора-тадбирлари тўғрисида» қарори қабул қилинди

Ер участкаларидан оқилона фойдаланиш ва муҳофаза қилишда жамоатчилик назоратини кучайтириш мақсадида 2022 йил 1 мартдан бошлаб шундай тартиб ўрнатилдики, унга мувофиқ:

▪️аҳоли ва фуқароларнинг ўзини ўзи бошқариш органлари (МФЙ) томонидан ер участкаларини ўзбошимчалик билан эгаллаш ва улардан ноқонуний фойдаланиш ҳолатлари бўйича Бош прокуратура (1007 қисқа рақами) ва Кадастр агентлигига (1097 қисқа рақами) юборилган фотосурат ва видеоёзувлар қонунчилик ҳужжатларида белгиланган тартибда кўриб чиқилади;

▪️МФЙ ва ҳоким ёрдамчиларига ўз ҳудудида қурилиши бошланган ҳар қандай бино ёки иншоотларнинг қонунийлигини аниқлаш бўйича маҳаллий ижро этувчи ҳокимият органларига, қурилиш ва кадастр органларига сўров юбориш ҳуқуқи берилади, бунда:

☑️мазкур сўровлар 5 иш кунида мажбурий тартибда кўриб чиқилиб, қурилиши бошланган бино ва иншоотларга рухсат берувчи ҳужжатлар мавжуд ёки мавжуд эмаслиги тўғрисида маълумот тақдим этилади;

☑️ноқонуний ҳолатлар аниқланса, маълумотларни бир кунлик муддатда ер соҳасида назоратни амалга оширувчи органларга тақдим этади.

KANALGA ULANISH👇
@BOYSUN_BVQ

Президентнинг ПҚ-55-сонли қарорига асосан

Оилавий тадбиркорликни ривожлантириш дастурлари доирасида ажратиладиган имтиёзли кредитлар 2022 йил 1 мартдан бошлаб:

▪️товар ва хизматларни бозор тамойиллари асосида эркин сотиб олиш ёки сотиш Ягона электрон платформада яратилган «маркетплейс»
(https://smart-market.uz/) тизими ёрдамида амалга оширилади.

▪️ўз маҳсулот ва хизматларини сотиш бўйича таклифлар асбоб-ускуналар ва маҳсулотлар етказиб берувчи (иш бажарувчи) ташкилотлар (таъминотчилар) томонидан «маркетплейс» тизимида эркин жойлаштирилади;

▪️кредитлар қарз олувчи (кредит олувчи) томонидан мустақил танланган таъминотчи билан тузилган шартнома асосида келишилган нархда маҳсулот етказиб берилганидан (иш бажарилганидан) ва қарз олувчи томонидан қабул қилиб олингандан сўнг ҳамда ҳоким ёрдамчиси томонидан ўтказилган мониторинг натижасига кўра, қарз олувчини идентификациялаш орқали таъминотчига ўтказиб берилади.

❗️ Бир сўз билан айтганда, 2022 йил 1 мартдан бошлаб, таъминотчи «маркетплейс» тизимига ўз маҳсулотини жойлаштиради ва сотади. Кредит олувчи уни онлайн шартнома орқали сотиб олади. Маҳсулот кредит олувчига етказиб берилганидан сўнг кредит чиқарилади.

https://t.me/BOYSUN_BVQ