MANNA

Худонинг севгиси сабабли дунёга келдингиз

Салом азизлар. Худо ҳатто ерни яратмасдан олдин сиз ҳақингизда ўйлаётган эди. Аслида У ерни шунинг учун яратди. Худо ушбу сайёрадаги атроф муҳитни биз яшашимизга қулай бўлиши учун яратди. Биз унинг севгисининг марказидамиз ва яратган мавжудотларининг энг қадрлисимиз.

Муқаддас Каломда шундай ёзилган, “Худо ҳақиқат каломи орқали бизга ҳаёт бағишлади, чунки Ўз яратганлари орасида биринчи ўринни эгаллашимизни ҳоҳлади.” (Ёқуб 1:18). Бу Худонинг бизни қанчалик севишини ва қадрлашини ифодалайди. Худо таваккалчи эмас; Худо буларни катта аниқлик билан бажарди. Физиклар, биологлар ҳамда бошқа олимлар коинот ҳақида қанчалик ўрганишса, биз шунчалик коинотнинг ҳаёт кечиришимиз учун мукаммал аниқлик билан яратилганига амин бўламиз.

Янги Зелландиядаги Отаго Университетида инсонлардаги молекуляр ирсиятлар бўйича тадқиқотчи Др. Майкл Дентон шундай хулоса қилади, “Биология фанидаги маълум бўлган барча далиллар бир асосий фикрни тасдиқлайди, яъни фазо айнан ҳаёт ва инсоният учун шакллантирилган ва ушбу марказий фактда хақиқатнинг барча қирралари ўзининг маъносини ва изоҳини топади.” Муқаддас Калом минг йиллар олдин буни айтиб ўтган, “Худо ерни яратди... У ерни бўм бўш бўлиши учун эмас балки парвариш қилиниши учун яратди.”(Ишайъё 45:18) Нега Худо буларнинг ҳаммасини қилди? Нега Худо коинотни биз учун яратишидан келадиган балолардан ташвишга тушишга қарор қилди? Чунки У севги Худосидир. Бундай севгини тушуниш жуда мушкулдир, аммо бу тўлиқ ишонарлидир. Сиз Худо севгисининг махсус объекти бўлиш учун яратилгансиз. Худо сизни севиши учун яратди. Бу ҳаётингизни қуриш учун керак бўлган ҳақиқатдир.

Калом бизга “Худо севгидир” дейди. У Худода севги бор демаяпти. У севгидир. Севги Худо характерининг моҳиятидир. Муқаддас Учбирлик орасида мукаммал севги мавжуд, шунинг учун Худо сизни яратишга муҳтож эмас эди. У ёлғиз эмас эди. Лекин У сизга Ўз севгисини изҳор қилишни ҳоҳлади. Худо айтади, “Сен туғилгандан бери Мен сени олиб юрдим; Сен ҳақингда қайғуриб келдим.

Ҳаттоки қариб қолганингда ҳам мен айнан ўшаман. Ҳаттоки сочларинг оқариб қолганда ҳам сен ҳақингда қайғураман. Мен сени яратдим ва сен ҳақингда қайғураман.”(Ишаъё 46:3,4) Агар Худо бўлмаганида, биз ҳаммамиз “тасодиф” бўлиб, астрономик тасодифнинг натижаси бўлиб қолардик. Ҳаётнинг мақсади ёки маъноси ёки муҳимлиги бўлмасди. Сизнинг ердаги қисқагина ҳаётингизда ҳеч қандай рост ёки ёлғон ёки умид бўлмасди.

Лекин Худо бор ва У сизни аниқ мақсад учун яратган ҳамда ҳаётингиз чуқур маънога эга. Биз ушбу мақсад ва маънони қачонки Худога ҳаётимизнинг маъносига ишора сифатида қараганимизда тушунамиз. Римликларга 12:3 да ёзилишича “Лекин Худо ҳар бир кишига қанча имон берган бўлса, шунга кўра фикр қилиб, ақли расо одамлар бўлинглар.” Раббимиз инояти барчангизга ёр бўлсин азизлар. Ҳайир, омон бўлинг.

📲 Android
📲 IPhone

Telegram | Najot | Radio

Нажотга эгамисиз?

Ассалому алайкум хурматли радио мухлислар. Микрофон қаршисида мен Ғолиббек.

Раббимиз Исо Масиҳга ишонган одамда ҳақиқатан ҳам, ўзининг нажот топгани ё топмагани ҳақидаги шубҳаларнинг пайдо бўлиши ажабланарли эмас. У қандайдир ажойиб, жозибали кечинмаларни кутган эди, бироқ унинг ҳаётида бундай воқеалар содир бўлмади. У, энди гуноҳ билан курашмайман, деб кутган эди. Бироқ акси бўлиб чиқди. У бу курашнинг аслида зўрайиб бораётганини кўради.

Шу сабабли у руҳан тушкунликка тушади ва ўзининг нажотга эга бўлганини қандай қилиб билиб олиши мумкинлиги ҳақида бош қотиради. Лекин шунга ўхшаш воқеалар содир бўлганида Муқаддас китоб булар хақида нималар деб айтади? Биз савол–жавоб йўли билан Худога нажот умидида ёлворган одам нажотга эга бўлганини қандай қилиб билиб олиши мумкинлигини кўрсатишга ҳаракат қилиб кўрамиз. Албатта Муқаддас Китоб Худонинг Каломими деган савол шундай кишиларнинг фикрида биринчи пайдо бўладиган саволлардан бири?

Ушбу саволга эса Муқаддас китобнинг ўзидан жавоб топишга харакат қиламиз. Жавоб эса Тимўтийга иккинчи мактубининг 3:16,17 оятларида ёзилган. Шунга ўхшаш саволлардан яна бири шундай жаранглайди, Худо Ўз Сўзига содиқми? Жавобни эса Матто хушхабарининг 5:18 оятидан топишимиз мумкин. Сиз қачон бўлса-да Худо олдида ўзингизнинг гуноҳкор эканлигингизни тан олиб, Масиҳ Сизнинг Ўринбосарингиз сифатида амалга оширган иш асосида Унинг Сизни кечиришини сўраганмисиз?

Агар Сиз бу саволларнинг ҳаммасига ҳозирнинг ўзидаёқ самимий равишда ва виждонан “ҳа” деб жавоб бера олсангиз, биз Сиздан: “Нажотга эгамисиз?” деб сураймиз. Ягона оқилона жавоб мана бундай: “Албатта, мен нажотга эгаман. Алдашга қодир бўлмаган Худо, агар мен Унинг Ўғлига ишонсам менга нажот беришини ваъда қилган. Мен Нажоткорни қабул қилдим ва шу сабабли нажотга эгаман”. Худонинг Каломи шундай дейди: “Шу сабабдан ҳам бу азобларни тортяпман.

Лекин мен бундан ор қилмайман, чунки Кимга эътиқод қилганимни биламан ва аминманки, Унинг менга топширган омонатини маҳшар кунига қадар Ўзи сақлашга қодир”. Худо ёнига гуноҳкор сифатида келиб, Ундан Раббимиз Исо Масиҳ ҳақи кечирим сўраган бирон киши ҳали рад жавобини олмаган. Юҳанно 6:37. Муаммо, одамлар Муқаддас Китобдан кўра ўз ҳиссиётларига кўпроқ суянишларидадур. Муқаддас Китоб, Масиҳга ишонганларнинг ҳаммаси нажотга эга, дейди. Бироқ инсон бундай дейди: “Мен нажотга эга эканлигимни ҳис қилмаяпман.

Агар мен чиндан нажотга эга бўлсам шубҳаланиб, қўрқиб, васвасага тушиб, ҳаяжонланиб азоб тормас эдим. Бу шубҳасиз. Кеча мен ўзимни нажотга эга бўлгандай ҳис қилаётган эдим, бугун эса ундай эмас.” Одамлар Муқаддас Китобдаги сўзларнинг ҳаққонийлигидан шубҳаланадилар ва ўз ҳиссиётларига ишонадилар. Азиз радио тингловчи, сизга шуни тилаган бўлардик хеч қачон нажотга эга эканлигингизга шубха қилманг. Хайр саломат бўлинглар.

📲 Android
📲 IPhone

Telegram | Najot | Radio

Худонинг сўзи сизга нима деяпти?

Ассалому алайкум қадрдон биродалар. Худонинг Каломини ўрганиш осон эмаслигини бир неча сухбатларимиз давомидан билиб олгандирсиз. Худо Каломини ўрганиш қийин бўлса хам бунга астойдил киришсангиз, уни қандай ўқишни ва ўрганишни билиб оласиз. Биз аввал хам айтганимиздек Худонинг Каломи бир неча жанрга бўлинади. Дидактик, хикоя, шеърий, маталлар ва башорат жанрлари. Дидактик жанр бу хақиқатни баён этувчи жанр. Хикоя жанри эса тарихий воқеаларни, бирор кишининг биографиясини ва турли замонларда бўлаётган хикояларни ўз ичига олади. Шеърий жанрдан эса Худони севган одамнинг жуда қийин шароитда ўзини қандай сезганлигини билиб олиш мумкин. Бу жанрда авторнинг хатто тасаввур қилиб бўлмас шароитларда хам Худога умид боғлаганини ва Худонинг тинчлигини, айтиб бўлмас чуқур шодликка эга бўлганини кўрасиз. Авторнинг хаётини ўзингизники билан таққослаш имконига эга бўласиз.

Бу таққослаш ва ўрганганларингиз сизга далда беради. Шундай холатда Худога бўлган умидингиз кўпаяди. Маталлар жанри эса бизга дунёнинг қанақа эканлиги хақида тушунча олишимизга хамда доноликни ўрганишимизга ёрдам беради. Башорат жанри орқали Худо улуғворлигининг бир шуъласини кўриш, унинг ғазаби хақида билиш, дунёнинг қандай тугаши – хукмнинг келиши хақида билиб оламиз. Бу жанрни ўқигач дунёвий эхтиросларга энди бошқача нуқтаи-назар билан қарашни ўрганамиз. Тасвирланган нарсалардан ўзимиз учун огохлантиришлар оламиз. Худонинг Сўзи сизга нима деяётганини билгач, ўзингиздан сўранг: «Шу пайтгача мен бу хақиқатга зид яшаганманми?” “Бу хақиқатга асосланган холда мен энди қандай яшашим керак?” “Буни ёзишдан муаллифнинг асосий мақсади нима эди?” “Нима учун бу воқеа ёки таълимот хақида шунча кўп ёзилган?”. Хар бир гапни синчиклаб текширинг. Улар хақида фикр юритинг ва ибодат қилинг. Тўла китобга нисбатан ва шу гап жойлашган парчага нисбатан бу гаплар қандай ўрин тутиши хақида ўйланг.

Парчанинг асосий мавзусини аниқлаб дафтарингизга ёзиб олинг. Такроран таъкидланган гапларга қараб парчадаги асосий мавзуни аниқланг. Дафтарингизга ёзиб олинг. Китобнинг асосий мавзуси нима эканлиги хақида хулосангизни қайтадан кўриб чиқинг. Парчанинг асосий темаси хақида қайтадан хулоса чиқаринг. Шундай сўнг китобда такрор-такрор таъкидланган нарсаларга асосланиб китобнинг асосий мавзуси хақида қайтадан хулоса чиқаринг. Чиқарадиган хулосангизда текстда бор мухим сўзларни иложи борича кўпроқ ишлатинг. Шу билан бирга гапларингиз қисқа, лўнда чиқсин. Бошида китоб хақида чиқарган хулосангиз тўғри эканми? Солиштириб кўринг. Баъзан тўғри талқин қилиш принципларини қўллаганда хам тушуниш қийин бўлган парчаларни учратамиз. Бизларнинг мухим таълимотларимиз эса Муқаддас Ёзувларнинг тушунарли ва такрорланган сабоқларига асосланган бўлиши керак. Тушунарсиз ёки тушуниш мураккаб бўлган оятлар орқали ўзингизча янги таълимот яратманг. Муқаддас китобдаги бирорта оят бошқа бирорта оятга зид келмайди. Тушуниш мураккаб бўлган оятларни тушунишга осон оятлар ёрдами билан талқин қилиш керак.

Ўрганаётган китоб ёки боб ёки парчанинг контекстига зид келадиган талқин яратманг. Чиқарган хулосаларингиз айни китоб муаллифининг бошқа китобларига мувофиқ ёки мувофиқ эмаслигини текширинг. Чиқарган хулосаларингиз Муқаддас Китобнинг бошқа хақиқатларига зид келмаётганига ишонч хосил қилинг. Ўрганганларингизни хаётингизга қўлланг. Қўллашдан олдин ўзингизга қуйидаги саволларни Беринг. Бу ерда берилган маъно менинг хаётимга қандай тааллуқли? Хаётимда нималарни ўзгартиришим керак? Китобдаги хақиқатни билганингиздан кейин, ўз хаётингизда нималар қилишингиз кераклиги хақида ибодат қилинг. Сиз ўзингизга: “Бу парчадаги қайси хақиқатларга ишонишим, қабул қилишим ва хаётимда бўйсунишим керак?”, деган саволни беринг. Энг асосийси Каломни ўрганаётганингизда Худонинг хузурида бўлинг. Юрагингиз Муқаддас Рухга очиқ бўлсин. Шундагина Худованд сизга айтмоқчи бўлган гапларни эшита оласиз.

📲 Android
📲 IPhone

Telegram | Najot | Radio

Ваъда

Ассалому алайкум азиз радио тингловчи биродарлар. Сиз азизлар билан яна “Дилкаш” радиоси. Азиз биродарлар, эшиттиришларимиз сизларга манзур бўлаётганидан жуда хурсандмиз. Марҳамат тингланг, навбатдаги эшиттиришимиз эфирда. Кўпинча одамлар бир-бирларига кўплаб ваъдалар беришади. Масалан, кўплаб сиёсатчилар ажойиб ҳаёт тарзини ваъда қилишади-да, бажара олмайдилар. Бундай ваъдаларга кўникиб қолган инсонлар эса сиёсатчиларга бўлган ишончларини аллақачон йўқотиб бўлишган десак бўлади. Лекин оддий инсонлар ҳам баъзида ўз ваъдаларини устидан чиқа олмайдилар.

Улар ўз ваъдаларини бажаришга ҳаракат қилишлари мумкин, лекин ҳаётда шундай нарсалар ҳам бўлиб туради-ки, уларнинг ваъдалари амалга ошиши учун халақит қилиши мумкин. Хуллас, нима бўлганида ҳам ваъда бажарилмаса, ваъдалигича қолиб кетаверади. Агар Муқаддас каломни ўқиб кўрадиган бўлсак, у жойда ҳам Худованднинг жуда кўплаб ваъдаларини учратишимиз мумкин. Масалан, Худованднинг энг муҳим ваъдаларидан бири, бу “агар чин юракдан барча гуноҳларимиз учун тавба қилсак, У гуноҳларимизни кечиришини” айтади. 1 Юҳанно китобининг 1боби 9 оятидан айнан шу ҳақида бир ажойиб оят ёзилган. Келинг азиз радио тингловчи мухлислар, ушбу оятни биргаликда ўқиб кўрамиз.

“Агар гуноҳларимизни эътироф этсак, Худо гуноҳларимиздан ўтади ва бизни ҳар турли ноҳақликдан фориғ қилади. Чунки У Ўз сўзида содиқ ва адолатлидир”. Худованд Исо Масиҳнинг нажоткор эканлигига ишонганларнинг барчасини қутқаришга ваъда берган. Масалан, Римликларга мактубининг 10 боби 13 оятида шундай ёзилади: “Чунки Раббимиз исмини чақирадиган ҳар бир киши нажот топур”. Бу Худованднинг инсонлар учун берган ваъдаси. Дарҳақиқат, Раббимиз Исо Масиҳга ишонган ҳар бир инсон нажотга эга бўлади. Улар эндиликда Худованд билан янги инсон сифатида ўз ҳаёт варақларини янги саҳифаларини бошлайдилар. Азиз радио тингловчи, инсонлар билан Худованднинг ваъдаси ўртасидаги фарқни қанчалик фарқи борлигини билган бўлсангиз керак.

Худованд Раббимиз Исо Масиҳни яна ер юзига иккинчи бор юбориб нажотга эга бўлганларни Ўзининг жаннатига олиб бориш ҳақида ҳам ваъда берган. Шу жаннатга кириш учун ҳар бир инсон Унга лойиқ бўлиши керак. Азизлар, Муқаддас каломни ўқиганимизда Худованднинг ваъдалари амалга ошаётганини кўрамиз. Агар шу ваъдалардан ҳатто биргинаси ҳам амалга ошмай қолганида, бошқаларига ҳам ишонмаса бўларди. Лекин Худованд шу пайтгача барча ваъдаларини амалга оширган. Бундан кейин ҳам шундай бўлиши керак. Худованднинг ваъдалари амалга ошиши учун ҳеч нарса унга тўсқинлик қила олмайди. Азиз биродарлар, Худованднинг ваъдаси инсонларнинг таъбига кўра амалга ошмайди.

У Ўз ваъдасини хоҳлаганича амалга оширади. Шунинг билан азиз биродарлар, ваъда ҳақидаги эшиттиришимиз ўз ниҳоясига етди. Сиз азизларга ўзимизнинг электрон почтамиз манзилини айтиб ўтсам: dilkash@najot.com азизлар, яна радиомиз тўлқинлари орқали учрашишга ваъда берамиз. Ўйлаймизки, ушбу ваъдамиз амалга ошиши учун Худованд бизни қўллаб-қувватлайди.

📲 Android
📲 IPhone

Telegram | Najot | Radio