MANNA

Ибодат нима? У қандай таъсир қилади?

Ибодат — бу Раббий худди самодаги Сахий бобо, ёки Қорбобою биз Унга тузиб берадиган хоҳиш-истаклар рўйхати эмас. Сиз Раббийнинг борлигини ўз ҳаётингизда сезишингизни, Ундан паноҳ топа олишингизни билишингизни ибодат амалга оширади. Ибодатнинг маъноси Раббийнинг борлигини излашда, ўз навбатида, бизга ҳар қандай машаққатларни енгишда куч ато қила оладиган Раббий қудратини эркин ҳис қилишдадир.

Муқаддас Китобда шундай дейилган: «…ер юзида сизлар нимаики боғласангизлар, осмонда ҳам боғланган бўлади. Ер юзида нимаики ечсангизлар, осмонда ҳам ечилган бўлади» (Матто. 18:18). Раббий бизга ерда қудрат беради, биз бу қудратни қабул қилганимизда, У бизга Ўз кучини ҳам беради. Бу куч бизники эмас, балки Раббийники бўлгани учун, биз бу куч солинадиган идиш бўламиз. Ибодат қилаётганимизда, бизнинг ибодатимиз, нима ҳақда ибодат қилаётган бўлсак, ўша нарсагаХудонинг кучи етиб бора оладиган йўлларни очиб беради. Биз эса ўз ожизлигимизни тан олганимизда, шу куч бизда фаолият кўрсатишига имкон берамиз. Ибодат ёрдамида биз: «Мен Сенга ва Сенинг кучингга муҳтожман, Раббим. Сенсиз мен ожиз-нотавонман», дея ўзимизни Раббийга итоат эттирамиз. Биз ибодат қилмасак, худди бизнинг ҳеч қандай муаммомиз йўқ, дегандай бўламиз.

Исо номи билан ибодат — Раббий қудрати хазинасини очадиган кучли калитдир. «Сизларга ростини айтайин: агар Менинг номимдан Отадан нима сўрасангизлар, Ўзи сизларга беради» (Юҳ. 16:23). Исо номи билан ибодат бизга душманимиз устидан ғолибликни ато қилади, Раббий Каломи ваъда берган аҳдларга бўлган ишончимиз ҳақида гувоҳлик беради. Раббий бизнинг фикрларимиз ва бизнинг муҳтожликларимиз ҳақида билади, аммо У бизнинг ибодатларимизга жавоб беради. Чунки доимо ва ҳамма нарсада танлаш ҳуқуқини, Исо номи билан Унга ишонч ва бўйсуниш имкониятини беради.

Ибодат фақат бизгагина эмас, балки ким учун ибодат қилаётган бўлсак, ўшаларга ҳам ўз таъсирини ўтказади. Фарзандларимиз учун ибодат қилар эканмиз, биз Раббийдан, фарзандларимизнинг ҳаётига кир, уларнинг ҳаёти бир қисми бўл, уларнинг фойдасига ҳаракат қил, деб сўраймиз. Аммо бу ибодатнинг жавоби ўша заҳотиёқ келади, дегани эмас. Баъзида бир неча кун, ҳафта, ой, ҳаттоки йиллар давомида кутишга тўғри келади. Аммо бизнинг ибодатларимиз ҳеч қачон фойдасиз бўлмайди. Агар биз ибодат қилсак, албатта нимадир, биз буни кўрамизми ёки йўқми, бундан қатъий назар, ўзгаради. Муқаддас Китобда шундай дейилган: «…Солиҳ одамнинг зўр бериб қилган илтижоси кучли таъсирга эгадир» (Иак. 5:16). Буларнинг бари бизнинг ҳаётимизда ва болаларимиз ҳаётида рўй бериши керак, фақат Худонинг иродаси билан, Унинг қудрати туфайли бўлиб ўтади. Ибодат қилсак, биз Раббийга ва Унинг қудратига эшик очамиз, Уни, ҳаётимизга кир, деб таклиф қиламиз.

Телеграм || Инстаграм || TikTok

Навруз

Ассалому алайкум азиз радио тингловчилар. Дастурга хуш келибсиз. Азизлар, бугун қандай кун экани ёдингиздами? Албатта, бугун ҳалқимизнинг энг севимли ва энг гўзал байрамларидан бири Наврўз кунидир. Наврўз – жуда кўҳна замонлардан буён яшаб келаётган анъанадир. У 2500 йиллик тарихга эга. Ҳозирга келиб Наврўзни - баҳор, деҳқончилик байрами сифатида кенг нишонлаймиз. Халқимизнинг байрамона ясаниб, сайлга чиқишлари, хилма-хил таомлар тайёрлаши, қўшиқлар айтиши, турли хил ўйин-кулгилар ва беллашувлар, мусобақалар ўтказиши Наврўз байрамининг удумларидан ҳисобланади. Буюк бобокалонимиз Алишер Навоий ўз ғазалларидан бирида “Ҳар тунинг қадр ўлубон, ҳар кунинг ўлсин наврўз!” деб ёзганлар.

Беруний бобомиз эса бундан минг йил аввал яратган “Ҳиндистон” номли асарида “ҳар бир халқнинг удум ва анъаналари ўша халқнинг юз йиллар давомида шаклланган турмуш тарзининг ифодаси” эканлигини таъкидлаб ўтган. Бироқ байрам шунчаки, ўйин-кулгу, хурсандчилик эмас, аксинча, у халқнинг тарихи, маданияти ва маънавияти билан чамбарчас боғлиқ бўлган жиддий ижтимоий ҳодисадир. Биз учун ва бошқа Шарқ халқлари учун Наврўз худди шундай байрам. У биз учун кеча ва кундузнинг тенглашуви, ернинг экин экишга тайёр бўлиши, дов-дарахтларнинг гуллаши, хуллас, янги кун, янги фаслнинг бошланиши. Қадимги Шарқ афсоналаридан бирида айтилишича, қадимги Эрон шоҳларидан бўлмиш Жамшид шу куни подшо бўлиб тахтга ўтирган экан. У ўзига шоҳона тахт ясаттириб, ҳар хил қимматбаҳо тошлар қадалган, турли дур-жавоҳирлар билан безатилган тожини бошига кийиб, тонг маҳалда тахтга ўтирган. Шу пайт қуёш чиқиб, заррин нурлари Жамшиднинг тахтини ёритган. Бутун теварак-атроф нурафшон бўлиб кетган.

Буни кўрган халқ ажабланиб, бу кунни Наврўз, яъни янги кун деб атаган экан. Бу албатта афсона. Наврўз ҳақидаги барча афсоналарда яхшилик ёмонлик устидан ғалаба қозонади. У халқимизнинг азалий удуми, тириклик ва ёруғлик айёми сифатида ардоқланиб келади. Ҳозир Ўзбекистон ҳудудида яшаётган барча халқлар ҳам бу кунни янги йилнинг бошланиши деб қувонч билан кутиб оладилар. Бир неча кун илгари тайёргарлик ишлари бошланади. Буғдой ундиришга қўйилади ва унинг майсасидан сумалак тайёрланади. Кўкат чучвара, ялпиз сомса каби таомлар пиширилади, отчопар, кўпкари, кураш сингари халқ ўйинлари, сайиллар ўтказилади, баҳор ҳақида қўшиқлар куйланади. Наврўзнинг биринчи куни қишлоқ жойларида болалар тўп-тўп бўлиб хонадонлар эшиги олдида Наврўзга бағишланган қўшиқ айтишади. Хонадон эгаси уларни совға-салом ва егуликлар билан сийлайди.

Болалар егуликларнинг бир қисмини қишлоқдаги бева-бечораларга улашишади. Бу удум ҳозир Самарқанд, Жиззах ва Навоий вилоятларининг айрим қишлоқларида сақланиб қолган. Наврўз янги йил байрамигина бўлиб қолмай, меҳнат байрами ҳам ҳисобланади. Мамлакатимизда 21чи март дам олиш куни деб эълон қилинган. Барчамизга Наврўз байрами муборак бўлсин. Азизлар, бордию бизлар билан боғланиш истагида бўлсангиз dilkash@najot.com электрон манзилига ҳабар йўлланг ёки www.najot.com сайтининг керакли бўлимига ташриф буюриб ҳабар қолдиринг. Ундан ташқари, сайтнинг онлайн кутубхонасида кўпгина қизиқарли ва фойдали хикоялар тўплами сизнинг хизматингизда. Хайир, омон бўлинг.

📲 Android
📲 IPhone

Telegram | Najot | Radio