Namangan viloyati hokimligi

Бош прокурорнинг биринчи ўринбосари Б.Валиев раҳбарлигидаги ишчи гуруҳ томонидан Президентнинг 03.01.2025 йилдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори ижроси Наманган вилоятида ўрганилмоқда.

Жумладан, ишчи гуруҳ томонидан Поп туманидаги “Сохибкор” МФЙ еттилиги фаолияти танқидий муҳокама қилиниб, еттилик аъзоларига ўз соҳалари бўйича маҳаллаларда ушбу Қарор ижроси юзасидан амалга оширилаётган ишлар ҳаққонийлигини ўрганиш ва кунлик назоратни қатъий таъминлаб бориш юзасидан топшириқлар берилди.

Таъкидлаш жоизки, мазкур қарор ижроси доирасида бугунги кунда вилоят бўйича 2 298 та видеокузатув камералари, кўп қаватли уйларнинг эшикларига 499 та замонавий домофон комплекслари ўрнатилган.

Шунингдек, Миллий гвардия қўриқлаш хизмати томонидан 2 811 та кўп қаватли ва якка тартибдаги хонадонлар, 365 та савдо ва маиший хизмат кўрсатиш объектлари техник қўриқловга олинган, 183 та кўп қаватли уйларнинг кириш йўлаклари олдига ташвиш тугмалари ўрнатилиши таъминланган.

Поп туманида мазкур Қарор ижроси юзасидан прокуратура, ички ишлар, миллий гвардия, маҳалла, нуроний, хотин-қизлар, бандлик, ёшлар ва бошқа мутасадди идоралар масъулларининг ҳисоботлари эшитилиб, қарорда белгиланган ҳуқуқбузарликлар профилактикаси, жиноятчиликни олдини олишга қаратилган вазифалар яна бир бор таъкидланиб, фаолиятни янада жадаллаштириш бўйича топшириқлар берилди ва ижроси назоратга олинди. 

Бу борадаги тадбирлар давом эттирилмоқда.

Наманган вилояти прокуратураси.

#Эътибор

🔹“Рамазон – саховат, бирдамлик ва бағрикенглик ойи”

Рамазон ойи муносабати билан Наманган шаҳридаги "Роял" тантаналар мажмуасида ифторлик дастурхони ташкил қилинди.

Муҳтарам Президентимизнинг "Муборак Рамазон ойини муносиб тарзда ўтказиш тўғрисида"ги қарорига биноан бу йилги қутлуғ ой "Рамазон - саховат, бирдамлик ва бағрикенглик ойи" шиори остида ўтказилмоқда.

Наманган вилояти ҳокими ўринбосари Жамшед Хотамов, вилоят бош имом-хатиби Мусохон домла Аббосиддинов, Ижтимоий ҳимоя миллий агентлиги вилоят бошқармаси ҳамда Вақф ҳайрия жамоаси бошчилигида Наманган шаҳар, Янги Наманган ва Давлатабод туманиларида истиқомат қилувчи ногирон, боқувчисини йўқотган, кам таъминланган, ижтимоий ҳимояга муҳтож кишилар ва бошқа конфессия вакилларига ифторлик дастурхони ташкил қилинди.

Дуога қўл очган фуқароларимиз юртга тинчлик-омонлик сўрадилар, бундай ҳур, эмин-эркин замоннинг қадрига етиш, шукрона келтириш лозимлигини таъкидладилар.

Ўзбекистон мусулмонлари идораси Наманган вилояти вакиллиги Матбуот хизмати.

#ОБ_ҲАВО

"Ўзгидромет" Наманган вилояти бўйлаб 4 март куни кузатиладиган об-ҳаво маълумотини эълон қилди.

УНГА КЎРА:
Ҳаво бироз булутли бўлади, ёғингарчилик кутилмайди. Айрим жойларга туман тушиши мумкин. Йўлларда баъзи жойларда яхмалак кузатилади. Шамол шарқдан 5-10 м/с тезликда эсади. Ҳарорат кечаси 2-7° совуқ, кундузи 2-7° илиқ бўлади.

ТОҒЛИ ҲУДУДЛАРИ
Ҳаво бироз булутли бўлади, кечаси баъзи жойларда қор ёғади, кундузи ёғингарчилик кутилмайди. Айрим жойларга туман тушиши мумкин. Йўлларда яхмалак кузатилади. Ғарбий шамол йўналишини ўзгартириб, шарқдан 7-12 м/с тезликда эсади. Ҳарорат кечаси 8-13° совуқ, кундузи 2-7° совуқ бўлади.

Sayt | Telegram | Instagram | Facebook |Twitter | YouTube

#ҚУТЛОВ

Мукофотлар муборак!

Ўзбекистон Республикаси Президентининг «Зулфия номидаги Давлат мукофоти билан тақдирлаш тўғрисида»ги Қарорига кўра, бир гуруҳ истеъдодли қизлар тақдирланди.

Улар орасида Наманган вилоятининг 2 нафар вакиласи ҳам бор.

Хусусан:

Олимжонова Ақидахон Анваржон қизи - Наманган ихтисослаштирилган санъат мактабининг 11-синф ўқувчиси;

Тўйчиева Дилафруз Нуъмонжон қизи - Қўқон давлат педагогика институтининг ўзбек тили ва адабиёти факультети 3-босқич талабаси.

Тақдирланганларни юксак мукофот билан чин дилдан қутлаймиз!

📌Мурожаат ва натижа.

🚛 Наманган Рақобат бошқармаси томонидан Поп туман, Эскитўда МФЙда яшовчи фуқаро Ф.Мнинг қўмитанинг ишонч телефони орқали йўллаган мурожаати ўрганилди. Фуқаро мурожаатида АТБ “Халқбанк” Поп филиали томонидан пластик картасидан кредит учун кафил бўлгансиз деб 2.562.000 сўм маблағ ечиб олинганлигидан, аммо кредит олмаганлигини ва ҳеч кимга кафил бўлмаганлигини билдириб норози бўлиб, маблағни қайтарилишида амалий ёрдам сўраган.

🤔 Ҳудудий бошқарма мутахассислари томонидан мурожаатни ўрганиш жараёнида АТБ “Халқбанк” Поп филиали ходимлари билан суҳбатлашиб Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги Қонун моддалари талаблари юзасидан тегишли тушунчалар берилди.

✔️ Натижада АТБ “Халқбанк” Поп филиали томонидан фуқаронинг картасида кредит учун ечиб олинган асоссиз 2.562.000 сўм маблағ қайтарилишига ва истеъмолчининг ҳуқуқлари тикланишига эришилди.

Каналга уланиш 👉 https://t.me/NamRaqobat

Наманганда заргарлик йўналишида хорижий компания иш бошлайди

Муҳтарам Президентимиз ўтган йили 25-26 март кунлари  Наманган вилоятига ташрифида Янги Наманган туманидаги “Гавҳар груп” заргарлик корхонаси фаолияти билан танишган, вилоятда соҳани ривожлантириш борасида кўрсатмалар берган эдилар.

Орадан ўтган бир йил давомида Наманганда соҳада катта ўзгаришлар юз берди. Хусусан, Туркия тажрибаси асосида Наманганда олтинни қайта ишлаш ва сотиш бўйича йирик марказни ишга тушириш чоралари кўрилмоқда.

Туркиянинг “LUCCA GOLD FACTORY” компанияси олтинни қайта ишлаш бўйича дунёда ўзига хос нуфуз ва тажрибага эга. Компания директори YALÇIN AKIN бошчилигидаги делегация вилоятимизга келди.

Меҳмонларни Наманган вилояти ҳокими Шавкатжон Абдураззоқов қабул қилди.

Ўзаро мулоқотда Наманганда хорижий компания иштирокида тилла маҳсулотлари ишлаб чиқаришни йўлга қўйиш масалалари муҳокама қилинди.

Самимий ўтган суҳбатда Наманганда заргарлик маҳсулотларини ишлаб чиқариш ва экспорт ҳажмини ошириш учун жуда катта салоҳият борлиги таъкидланди.

Янги ташкил этилаётган “NAMANGAN GOLD FACTORY” корхонаси учун 5 млн. АҚШ доллари миқдорида хориж инвестицияси киритилиши режалаштирилган.

Айни вақтда меҳмонлар вилоят марказидан хорижий корхона учун маъқул жойлар билан танишмоқда.

Наманган вилояти ҳокимлиги Ахборот хизмати.

Sayt | Telegram | Instagram | Facebook |Twitter | YouTube